شينه منك يا هيثم

هيثم مصطفى.... عجوز الهلال.... ابن ال35 ربيعا.... سبب غضبا عارما لأنصار الهلال الذين أتو من مختلف امارات دولة الأمارات الأسبوع الماضى وتجمهرو فى استاد ابوظبى لاستقبال بعثة فقيد البلد القادمه من الخرطوم للمشاركه فى الدوره التى ينظمها نادى بنياس فى غضون الأيام القليله القادمه.... فكان الافتراء واللا مبرر الذى صاحبه احباط لحد الكراهيه عندما تفاجأ الجميع بالكابتن الدلوع(المنتهى فنيا) البرنس كما يحلو لانصار فقيد البلد... تفاجأ به الجميع وهو يرفض بوكيه من الورود قدمه له رئيس رابطة مشجعى الهلال بدولة الامارات فى حين ان زملاءه استلموها بكل أدب واحترام مما أثار غضب وحفيظة كل الجماهير التى كانت مرابطه للاستقبال لدرجة ان أحدهم قال له ما هكذا يرد الجميل يا كابتن.
....... ياخى دى (ميسّى) ما بعملها.
بعدين يا ول نويه ومنير لو اعتبرنا ان الرياضه سلوك وتربيه... دا بيعنى ان هذا الرجل يفتقر لكل هذه المعانى وزول ما عندو منطق بس.
انت انتهيت وسجلت وفاتك الفنيه سريريا لحين الاعلان عنها قريبا المساخه والعباطه ليك شنو.
مسكين جمهور فقيد البلد الملحناتى يوهمو والبرنس يفترى عليه.
تعالو شوفونا وشوفو أولادنا أدب واحترام وكوره وقروووووش كمان.
هيبه يا النجمه
هيبه يا والينا
هيبه يا العجب فى تعاملك معانا
الله يدينا الفى مرادنا

الموضوع فيه إنّ ....

انها الحقيقه المؤسفه التى أغضبت الجمع يا ابو الزهور

طبعا ماعارف العجوز داير يدي نفسو اهمية بالله وينو الزول البدي نفسو اهمية لا كورة لا اخلاق لا قيم -ذيدان الاسطورة لم يفعل هذه الافعال التي ليس لها علاقة بكرة القدم
سبحان الله وبنشوف لسع يا عوض السيد

طبعا هذه ليست المره الأولى يفعلها هذا المفترى الذى يفتقر لأبسط فنون اللباقه والكياسه..... قبل كده الهلال مشى قطر ومواعيد الطياره خلاص داخل المطار وحضرتو الوحيد ما موجود والناس يفتشو عليهو لغاية ما لقاهو واحد من الاداريين وقال له بمزاح (أخرت الطيّاره يا كابتن) بالله قام هاج ليك هيجه غريبه جدا جايبين صورتو فى الجريده وهو هايج ويتلفظ(ياخى ما تمشو كان دايرين تمشو).
ومره فى تمرين المنتخب فى استاد الخرطوم زارهم اثناء التمرين وفد من اتحاد الكوره وجابو هدايا للاعبين هو الوحيد الفض يشيل الهديه وقال ليهم انتو عملتو لينا شنو عشان تجيبو لينا هدايا.
هذا هو المريض العجوز هيثم مصطفى

كابتن كابو

اخوي عوض السيد صبحك الله بالخير وشنو فاتح نيرانك من الصباح
اولا هيثم كابتن الهلال والمنتخب ويظهر انو ما استطاع الوهاج اخذ الكابتنية من البرنس وتحويلها الي العجب مع احترامنا للعجب فهو لاعب كبير وموهوب ولكن ضعيف الشخصيةوالتي اقر بها عدد كبير من المريخاب ومنهم الصحفي المعروف عبدالرازق عبد المجيد فاصبحوا لا يرتاحوا للبرنس
البرنس رجل مهذب ولا عب موهوب ومؤدب جدا وقبل ايام تصدي لاحد الصحفيين الهلالاب والذي دأب للاساءة للوالي من دون اي مبرر واعتذر للوالي بذمتك يا عوض السيد رجل بهذه الاخلاق يمكن ان يتصرف كده
اما ماحدث بالامارات ياعزيزي كل الحصل الرجل متضايق واقر ان هناك مشاكل في الهلال كثيرة كل الحصل انو الرجل رفض التصوير مع الجمهور ولكن بطريقة مهذبة جدا ومحترمة هذا ماجاء في صدي الملاعب
وشوفوا غيره يا وهاجاب

العزيز حيدر.... أولا أشكرك على الرد والتعقيب.
ما حدث من ولدكم بصراحه كان غير مقبول وعدم قبوله لأنه أصبح سلوكا متكررا ملازما له.
العجب لا يمكن على الاطلاق مقارنته بهيثم والدليل المباراة الشهيره بين المريخ والهلال التى أساء فيها كابتنكم المغرور على كابتننا المؤدب فيصل العجب والتى تابعها المخرج بالصوره لدرجه أن الناس استنبطو عبارات النبذ والسب البذيئ الذى انهال به هيثم على العجب حيث أن العجب ولما يتمتع به من أدب جم لم يعيره أدنى اهتمام..... أين طيب السلوك يا برنس الفقيد وانت القائد الملهم.
الود دا صعب يا حيدر يا اخوى

اخوي عوض السيد انا عارف نفسي مابقدر ليك والمنير وول نويه وبتقولوا كلام بيوجع جوه القلب وتري الفضل موجود
لكن قلت ان العجب موهبة واخلاقوا عالية جدا بس ضعيف الشخصية شفتك زوغته
اما ان تحكم علي لاعب من موقف او موقفين فده حرام ياعوض السيد هناك ضغوط في المباريات وانت عارف
كمان لم تعلق علي موقف البرنس من الوالي يعني شايفك بتنقي الحاجات
وجدري الابيض قاعد راجيكم

هذا كذب وافتراء ياعوض السيد أولا رئيس رابطة مشجعي الهلال بالإمارات هو أستاذي بكلية التربية الدكتور عثمان أحمد العوض دكتور فيزياء ونى هذا الكلام نفياً قاطعاً أما قولك أنه عجوز آمل أن تتكلم عن جدنا العجب وعن الحرامية بتاعين الصفوة

ارادوها دامية فوجدوها
البفتش بين الحجار بيلقي الدبيب والنار
تسلم استاذ الفضل وان عدتم عدنا والرهيفه اتنقد

يا هلا بالرمح الملتهب غالينا الأزرقانى أستاذنا الفضل.
أولا هذا الكلام نشر فى صحيفتى المشاهير + كفر ووتر وذكر أن رئيس الجاليه الاستاذ عثمان الذى ذكرته عبر عن استياءه وبالغ حزنه عن سلوك هذا الولد المدلل.
أما الملك العجب العاجبنا وعاجبكم كان سميناهو عجوز عندنا ليهو البديل.
والساده الحراميه مالناش بيهم دعوه ولدنا فتح بلاغ اشانة سمعه ونحن منتظرين معاهو.
حيدر أخوى والله فات علىّ أعلّق على اللفته الما هينه بخصوص هجوم ولدكم على الصحفى الهلالى الذى أساء لولدنا الوالى وما فى كلام الرجال لا يخشون فى الحق..... لكن ولدكم الافتراء كاتلو

نعم العجب جد ولكنه مازال يقدم الكثير لناديه ولم يخذل جماهيره ولم يفتري عليهم -بالله وينو الزول البفتري علي الناس قال برنس قال سبحان الله طبعا الضحك كاتلني في هذه الكلمة !!!!!!
ان الاموال التي ظهر بها الارباب هي ليست كما يقال من اموال بن محفوظ فالامر فيه رائحة الصابون والاموال المصورة بعد الغسيل

كان ترضو كان تابو هو كابتن السودان,الماعاجبو يشرب من البحر,والعجب لحق امات طه شغال باالجلكوز

بس انت خليك مع الارشيف يا ابن عمى لأننا حنخليك تستعملو كتير.
هيييييييييييبه يا والينا يا ولدنا.
هيييييييييييبه يا نجمتنا.
هيييييييييييبه يا نحن زاتنا.
الموسم الجاى حقنا جوه وبره لأننا جهزنا ليهو بحقنا.
والله يدينا الفى مرادنا

اديكم الفي مرادكم قال
علي الطلاف الاكان تحلموا بيه حلم

ياعوض أخوى الكلام يقروش اتمنوا زى ما عاوزين بس الكلام بعدين....

يا مريخاب أرجوا الراجيكم ...العجب منتهى الصلاحية فى الميدان ..والنفطى طلع واحد دلقان على قول مزمز... أما وارغو أسكت بس...

يا ول نوية أذكر شيئاً بالتفصيل والوضوح أما إلقاء القول على عواهنه مابحلكم نائب ريسكم هرب من البلد وحلوة إشانة سمعة أمال سمعة نايب ريسكم ماهماكم خلاص نكرتو يا ناس الصفوة يا أصيلين .. الشينة منكورة والأرباب قادل في الخرطوم أما الهربوا بقروش الغلابة سيطرشوها دم قاني

تحية وشوق للجميع ---------
وياود قادم بتتكلم عن الحرامية منو الحرامية وانت عارف الحرامية بتاعنكم كويس قال حرامية قال بالله اخجل لكلمتك دي؛
ياخي مشتاق ليك كتير وماقاعد اصادفك بكرة انشاء الله من الصباح تلقاني راجيييييييك ياود يا جميل بكرة بطلع ليك واليك اكبر ياهو
التحية لكم

تسلم ياحبيب والله انا كلي شوق ليك ؛غداًبمشيئة الله لنا لقاء
التحية لك

يا ابن عمى أحلامنا هذه السنه كلها حتكون حقيقه باذن الله وما فى شئ ناقصنا الحمدلله لأننا أعدينا العده بامكانياتنا المهوله الحارقاكم جووووووووووووه فى قلوبكم.
الفاضل ياود أبوى عبد الرازق يا وجيه اللاعبين الذكرتهم ديل كلهم صاحين وكان على قولك ما صاحين عندنا البديل الجبناهو بحقنا الكتير وما شويه ...كعب انتو الناسكم ماشين دار العجزه ولهسه حق خفير النادى الملحناتى بتاعكم ما قادر يدفعو.
فلس الحبيب الكلام ما بقروش نعم وكان يا ريت يكون بقروش عشان بنى زرقان يقعدو بصمة خشمهم.
المعلم أبو مصطفى... حبى لك ولقلمك الملتهب .... لكن صدقنى القريشات المضروبه حتى لو صاح القضيه حتروح شمار فى مرقه.... وكان جمال الولى داخل فى الموضوع فعلا ما بتجيهو الحبه لأنكم بعضمة لسانكم قلتو القروش البيصوت فيها دى ما حقتو حقت الحكومه......... طيب الحكومه ما تدفع للبنوك دى وبلاش فضايح..... ولا ما ياهو.
حبى لكم حتى (تحمر) وجوهكم

عمنا وأخونا الكبير الفضل يعلم علم اليقين أنه اذا سمح لنفسه الابتعاد من هذه الداره قاصدا أو مهزوما اننا وعلى الفور سننسحب بداعى انسحاب المعلم هذا ان لم نطالب مطالبه رسميه باغلاق الرياضى نهائيا.
عمك يا بارتيز بغيب ولما يجى بجينا بنيرانو..... لكن شايف ناس ابن عمى وفلس وحيدر وبنى زرقان الجديد(الفاضل) شغالين لينا بالارشيف.
تعرف نيران عمك دى ما بيطفوها بمويه زيها وزى اى نار دى نار عايزه شغل بتاع معلمين.
هسه نحن شغالين معاهو بخطة 3/5/2 يعنى امتلاك كامل لمنطقة المناوره (انت ما شايفو بغيب ويجى يبدأ الهجوم من جديد)طبعا دا لأن تصدينا لكل هجماتو لقى فيهو تقفيل لكل المنافذ.

..... نحن كدا هم كيف .....
نحن فوق عزنا اعلامكم ما بهزنا
.... هيييييييبه وجبره......
...... الله يدينا الفى مرادنا......

استاذى عوض السيد....شايفكم شغالين تلاتات ساى ..بس المشكلة بعدين التلاتات دى بتقلب عليكم زى السنة الفاتت..نحنا اعلامنا ماسالب على قول واليكم..

الفاضل وود النوبه التحيه لكم.
نحن السنه دى لحمنا مر وما بتّاكل..... انتو الا تحجزو لعواجيزكم فى دار العجزه

صباح الخير للجميع
ود النوبة يا مرهف مشتاقين كالعادة بتجي دقيقة وبتغيب شهر كنت بتمني القاك عشان نمرق ليك فضائح ملحنكم دا ؛لكنك جبتها كبيرة ضرب لي ياعوض السيد وانا في الطريق قال لي تيشكم مع الصباح ومسافر بورتسودان شغل شغلك المابنتهي دا - الله يجيبك ياود النوبة وشفة لو جبة ليك ابراهيم ود عوض السيد عمره 7 سنوات قدر هشام ود مهند اخوك بقنع الف( محلي ) ونحنا راجنك بفارق الصبر
التحية لكم

ابراهيم عوض السيد ابراهيم عوض السيد (ابنى) جونا ناس أصحابنا زياره واحد سألو قال ليهو يا ابراهومه انت مريخابى ولا هلالابى..... فال ليهو انا هيبه وجبره يا عمو..... طبعا كيّفنى ليك كيف شديد.




أسمع يا نويه



جضّم ود أبوى عبد الرازق دا

شايفو رافع قريناتو.

أنا كان فضيت ليهو برجعو ليك الحتانه


..... هيبه وجبره ......

قلت لي الجماعة جاهم واحد محلي -شايفو بس مديهو حق الضيفة بس بنزل ليك معاهو تقيل -بالله ابراهيم قول ليهو عمو بسلم عليك وقال بجي بديك هدية

قلت لي ياعوض السيد عمنا قال تماسيح بالله منم التماسيح هو لو في قنانون بحاكم كان حاكم النهبو اموال الغلابة العملو بيها شركات برة السودان ومستشفيات وبقو محلنين وفنانين من القندلة

لا يا ول نويه ما تغلط قروش الأرباب دى ما تمسحه دى من بن محفوظ والباقى استثمار فى التلحين.
توصل تحياتك للحبيب (ابراهومه) الصفوه

الباقي هرب بيه نائب رئيسكم طبخها مع رئيس النادي وفز وهو الآن مع شقيقه في اسبانيا وشرف القاهرة أمس وعملتوا سلات بالطوة للرئيس حتى يغطوا الفضيحة الب جلاجل ودخلت عالم قووقل دوت كم .. وسوف تنشر مع أرقام قينيس ... تسرقوا قروش الغلابة وتتبجحوا بأنه عندكم فلوس وكل سعر المريخاب مليار جنيه بالقديم.
الاختشوا ماتوا

التحية للاخوين عوض السيد وود أبوى العمده ول نوية....قالو كاربونى ساق الاولاد الصغار معاهو اثيوبيا ورجع الجماعة العواجيز للعرضه بغرض الاستجمام فى حوض السباحه..عجب ياعجب..طمبج ياطمبج

يا الفاضل خليهم يجدعوا ساي ابن عمي عوض السيد بقول هيثم عجوز بالله شوف الراجل ده هو ابني عمي ده ما بيشوف ولاشنو؟ واليهم كان شغال تباخ للارباب

ول نوية سلامات والله انا جاهز للصراع بس كلم استاذ عوض السيد يجهز السبارى للصراع

يالفاضل
ابن عمي ماعندو سبارة سباريهم واحد وخمش القروش وكتل ملف
وواليهم بتاع الفريزين دا كان متفق مع جنى الدقير اعطاه مفاتيح المخازن وبعد داك الشربك في التاجر المسكين دا
الله يخت محنو

نحن جاهزين يا حبايب كوره وصراع..... والله السنه دى جنس رصع.... رو.... بو..... كو(عشان تأمنو).
قلت لى يا ابن عمى ولدنا كان شغال طباخ مع الأرباب ok ما مشكله بس(الحوار فات شيخو).
يعنى بعد القروش (الهبطرش) دى ما ممكن تقارن ليك ملحناتى بواحد شاطر سوق.
الفاضل يا ود أبوى انت زول راسى ورايق مالك ومال المحن والمقابر ام خمسات..... تعال عندنا لأنك بتشبه الصفوه.
المعلم الملتهب ابو مصطفى سنهدى لك السيمفونيه التى ستعزف غدا فى اثيوبيا والتى سيكون بطل مسرحها النجم العائد بقوه وارغو(بس عليك الله أقبلها مننا).
يا الفاضل يا بنى زرقان الرجعوهم السودان ما عجايز كما زعمت ديل ناس مصابين وفيهم ناس تأخرو على المعسكر ولأن ولدنا كاربونى ما بيعتمد على الاسماء الرنّانه كما يفعل (كامبوسكم) فكاهم عكس الهواء.... وعلى فكره كلهم أصغر من عجوزكم هيثم مصطفى وهم(قلق-- لاسانا-- اكرم---وتلاته من السنّيه.
... هيبه وجبره ...
..... نحن كدا انتو كيف ......
.... جايينكم-- انتظرونا .....
.... مش حتقدر تغمض عينيك .....
.... الله يدينا الفى مرادنا .....

قال المريخ رجعت ليه روحو قال
هي كانت وين ؟ ايوااااات كانت مع وارغو لمن سكر وجلدوه لمن قال ماداير معاكم
اما الحوار الفات شيخو (بتين يا علي تكبر عشان تشيل حملي) قام على شالوا هو زاتو
لكين طباخكم ماذال بصلح للارباب الحلة