ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كفاهم من التضليل يا أرباب الهنا

4 مشترك

اذهب الى الأسفل

كفاهم من التضليل يا أرباب الهنا Empty كفاهم من التضليل يا أرباب الهنا

مُساهمة من طرف عوض السيد ابراهيم 9th فبراير 2010, 10:35

كتب كمال بابكر الهدي: قالوا رجعنا يوسف محمد.. قلنا خير وبركة الود ما فيه كلام رغم أننا بنسأل هو مشى ليه عشان يجي ثاني!

· ما كملت الفرحة سمعنا باصابة يوسف ثم الحديث المتكرر عن عدم قانونية تسجيله.


· في نفس الأثناء تناقلت الأنباء أن الوجع أمولادي أفشل ظهير أيسر في تاريخ الهلال حضر إلى بلدنا لكي يتسلم مستحقاته التي توهمنا أنه تسلمها من يوم ما طار غير مأسوف عليه.


· انتظر الوجع أمولادي يومين ، ثلاثة إلى أن عاد مسئولي اتحاد الكرة بعد انتهاء العرس الأفريقي وقلنا ما مشكلة بشيل قروشو ويعود إلى حيث أتى.


· لكن كانت المفاجأة المزعجة.. فقد أعاد رئيس الهلال الظهير الفاشل إلى الكشف وطبعاً السبب واضح ومفهوم.. فما دام موضوع يوسف ما نجح وما في قروش لتسوية مستحقات أمولادي فالأفضل أن نعيده ونكسب زمن وليس مهماً مستواه كلاعب كرة وما إن كان سيفيد الفريق أم سيضره.


· المهم بس الهلالاب الفرحانين بي الأرباب ديل يقنعوهم بأي شكل بأن هناك بديل لصفقة يوسف التي لم يحالفها التوفيق بسبب المماطلة وعدم وضوح الرؤية ودي طبعاً ما جديدة في أنديتنا.


· مزمل حرد وقال هو ما فاهم حاجة وطلب من أي زول فاهم يفهمه.. يعني كيف مجدي يقول تسجيل يوسف محمد صاح وما فيه مشاكل.. يقوم أمولادي يجي عشان يشيل قروشو فيصر الأرباب على اعادته للكشف، فتتم الموافقة على ذلك خلال ساعات.. مزمل يا جماعة ليه حق يحرد دي حاجة غريبة وعجيبة فعلاً.. دي دايرة ليها فهامة عديل عشان تفهمنا نحن زاتو إنه رئيسنا ده بفكر كيف.


· لكن كمان يا مزمل ده ياهو نفس الاتحاد بتاع بصمة علاء الدين يوسف .. يعني ليس في الأمر جديد.


· بعدين ياخي الوجع أمولادي أعير لستة أشهر والأرباب الذكي! ما رتب الاعارة ساكت لكنه كان عارف انه حا يجي يوم يحتاج فيه لخدمات أمولادي وخدمات لاعب الكرة في زمن الأرباب ليس بالضرورة أن تكون داخل المستطيل الأخضر.


· بعدين يا مزمل لما يرجع واحد زي أمولادي حقو تفرح بدل ما تزعل وخلي لينا الزعل نحن لأنه البمرضنا أكيد بيسعدك.


· وبرضو يجو بعض الهلالاب الممغوصين من مزمل يقولوا ليك خلو الأرباب في حاله وشوفوا مزمل العاوز يدمر الهلال ده!


· قلنا مراراً أن الهلال لا يدمره مزمل أو أي صحافي من المعسكر الآخر، بل يدمره أهله عندما يغلبون مصلحة فرد على مصلحة ناديهم.


· ولو حرسنا نادينا كويس من خلال العمل المدروس والمخطط وتخلينا عن العشوائية والتخبط لن يجد مزمل أو غيره أي فرصة للنيل من الهلال.


· لكن ما دمنا نوفر المياه العكرة بغزارة فمن حق مزمل أن يوظف ذلك لمصلحة النادي الذي يناصره ما دام اعلامنا الرياضي قد ارتضى لنفسه الانقسام بين ناديين لا ثالث لهما.


· صونوا حقوق ناديكم وبلاش ضحك على العقول.


· أها مع صباح أول يوم على اعادة أمولادي للكشف سن البعض أقلامهم وقالوا أن الأرباب لعبها بذكاء عندما أعاد أمولادي لكشف الهلال! بي زي الكلام ده مش بوفر لمزمل أرضية خصبة ولا عندكم رأي ثاني؟


· ما عارف الذكاء ده عند كتاب صلاح إدريس شكلو كيف ومفروض يؤدي لي شنو!


· لاعب فاشل كرهنا في الكورة زاتها ما صدقنا الهلال اتخارج منه يجيبوه راجع سد حيرة يجوا يكلمونا عن ذكاء الأرباب والواضح أنهم يقصدون غباءكم يا متابعين!


· لكننا لسنا أغبياء كما يفترضون وبنعرف أن البعض يكتب لارضاء الإداريين وتزيين أخطائهم لأن لكل شئ ثمنه.


· هناك أيضاً من يحدثنا عن لقاءات المكاشفة ويشيل ويشكر في لقاء رئيس الهلال بجماهير الفريق بالمنطقة الشرقية بالسعودية .. وما عارفين اللقاءات دي فائدتها شنو ولا المكاشفة دي وين ما دمنا بنسمع الليلة أن يوسف عاد لناديه السابق وفي صباح اليوم الثاني بنلقى أمولادي متحكر في مكان يوسف في الكشف! وين المكاشفة ووين الصراحة ووين الشفافية البتتكلموا عنها دي!


· المكاشفة والمصارحة في فهم هؤلاء لا تعني أكثر من جلسات وزيارات ولمات خاصة تجمع رئيس النادي بشلته والمطبلاتية وحارقي بخور وفي النهاية تنتهي القصة بي كتابة عمود لجر جماهير النادي للوجهة التي يريدها الكاتب.


· الصراحة والمكاشفة والوضوح والتعامل الشفيف مع الإعلام ليس مجرد شعارات يرفعها الأرباب ويجند لها شلته من المطبلين المنتفعين من ثروة الرجل لكي يقولوا للأهلة تعالوا شوفوا رئيس ناديكم المختلف عن الآخرين بكلمكم عن كل صغيرة في شئون النادي.


· فالصراحة والوضوح والتعامل الشفيف تتطلب أن يتوافق ما يسمعه هذا الجمهور خلال تلك اللقاءات مع ما سيتم صبيحة الغد القريب وليس المستقبل القريب.


· فهل حدث أن تطابق ما يسمعه الأهلة خلال هذه اللقاءات مع أي خطوة اتخذها مجلس الهلال بعد ذلك؟ وكيف تكون المكاشفة والوضوح مع جماهير بالملايين ونحن نتأكد كل يوم من أن أعضاء مجلس الهلال القليلون ما جايبين خبر لما يجري في ناديهم! سؤال نوجهه للمضللين والمنافقين الذين لا هم لهم سوى ارضاء الرئيس لكي يضمنوا تدفق المال لجيوبهم ولو على حساب مصلحة النادي وجماهيره المغلوب على أمرها.


· والمصيبة كما قلت سابقاً أن الأرباب بتخبطه يحرج كل من يحاول أن يزين له الأخطاء، لأنو هو نفسه ما بكون عارف خطوة بكرة الصباح شنو! فمن غير المعقول أن تسن قلمك لكي تكتب لرجل هو زاتو شغل برزق اليوم! دي مفروض تحرج أي كاتب وتكشفه أمام القراء وترمي به في أقرب سلة مهملات سريعاً لكن ذلك لا يحدث في سودان العز، لأسباب يُسأل عنه القراء وليس الكتاب.


· الكاتب يستطيع أن يتلون كل يوم مثل الحرباء تماماً ويمكنه أن يقول تسجيل يوسف هو ضربة المعلم وبعد يومين لو فشلت الصفقة لأي سبب يجي يقول لا أمولادي أحسن من يوسف وبرضو الناس تتلقف الأخبار وتفرح بيها وبكرة لو أمولادي غير رأيه وقال قروشي بس.. قروشي وما داير ألعب معاكم برضو بقولوا ليكم الأرباب الذكي تخلص من أمولادي وجاب ليكم علان، وعلان ممكن بعد أربع وعشرين ساعة يتغير لي فلان وبرضو ذكاء الرئيس لا يخونه.. طبعاً الأمر لا علاقة له بالذكاء لكنه عرف كيف يحيط نفسه بثلة من أصحاب الأقلام الرخيصة المستعدة لعمل أي شئ في سبيل المال ولا حول ولا قوة إلا بالله.
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

كفاهم من التضليل يا أرباب الهنا Empty رد: كفاهم من التضليل يا أرباب الهنا

مُساهمة من طرف محمد قادم نوية 9th فبراير 2010, 12:06

هو انت قال ليك يا عوض السيد الملحناتي السنة دي بقدر بسجل لاعب من قبل كم شهر بنسمع بي قنابلو وينو قنابلو الا كن دي قنبلة بتاعت طه سليمان وطبعا دييييييييييل شتلو بلحن ليهم وبقعد معاهم في القعدات؛ طبعا يوسف محمد بقي كذبة 2010 هو انت قايلو بخاطر بنفسو لمن يجي للمحليين المديونيين ؛ والجمعاة الخطأ ماخلاهم قامو مشو الامارات قال دعوة قال مشو طبعا يلملمو ليهم قريشات شن القريشات انت قايلها وبكرة الضحك بشرطنا فيهم كلامك كي بلقو البرجعم للمحل الدفنهم فيهو مازمبي الله يستر المحليين السنة دي حوبعدا اهلنا ببرو ليك بقولو ليك كلامك دا ماصاح ؛كدة انشوف كلامهم دا
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

كفاهم من التضليل يا أرباب الهنا Empty رد: كفاهم من التضليل يا أرباب الهنا

مُساهمة من طرف حيدر خليل 9th فبراير 2010, 12:35

اخوي محمد ماتفرح كتير بالقروش فهي بتروح وبتجي ويوم ليك ويوم عليك وزي ماقال ابو الزهور الميدان ياحميدان
اما يوسف محمد لم تكن كذبة وقد تم الاتفاق مع النادي واوراقه جات السودان وانت عارف ولكن كثر اللغط في الموضوع وتحول للجنة فنية والكلام ده قالوا شداد في برنامج عالم الرياضة يوم الجمعة والاعب حصلت ليه اصابة ما معروف مدي خطورتها وحتي لا يفقد الهلال هذه الخانة اعاد تسجيل املادو مع اني ضد تسجيله ولكن هذه الملابسات والظروف وتحدث عنها د شداد بالتفصيل وتسجيل املادو صحيح مائة المائة شايف مزملكم بهدرب ساكت
الهلال ليست لديه امكانيات مادية مثلكم صاح ولكن مش لدرجة انو ماقادر يمشي امورو
والله يخارجكم من سان جورج وبعدها لكل حادث حديث

حيدر خليل
نشط مميز
نشط مميز


الرجوع الى أعلى الصفحة اذهب الى الأسفل

كفاهم من التضليل يا أرباب الهنا Empty رد: كفاهم من التضليل يا أرباب الهنا

مُساهمة من طرف محمد قادم نوية 9th فبراير 2010, 13:54

هو انتو لاقنو امولادو الله يكضب الشينة ساي كان لقيتو مشاطيب كادوقلي كويس
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

كفاهم من التضليل يا أرباب الهنا Empty الرد عملي

مُساهمة من طرف طارق كمبال 9th فبراير 2010, 15:46

طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

كفاهم من التضليل يا أرباب الهنا Empty رد: كفاهم من التضليل يا أرباب الهنا

مُساهمة من طرف عوض السيد ابراهيم 9th فبراير 2010, 15:48

يا حيدر يا اخوى امولادى طردتو قال ليكم ادونى حقى قلتو ليهو بنرسلو ليك أمشى أهلك لمن ما رسلتو ليهو حقو كتر تلفوناتو ولمن اشتغلتو بيهو ركب جاء ولمن بقى ما عندكم حاجه تدوها ليهو كان أقصر الطرق هو اعادة تسجيلو.
يا ربى بتهللو ليهو بعد ما طلعتو ماسوره.
أما تسجيل يوسف محمد دى فضيحه الملحناتى يغطيها كيف ما عارف.
نحن عندنا قروش بالهبل كل زول أخد حقو على داير المليم وزياده.
والله يدينا الفى مرادنا
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

كفاهم من التضليل يا أرباب الهنا Empty رد: كفاهم من التضليل يا أرباب الهنا

مُساهمة من طرف عوض السيد ابراهيم 9th فبراير 2010, 15:51

النغمه لحنها الملحناتى بتاعكم يا ابن عمى ةلا شنو
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

كفاهم من التضليل يا أرباب الهنا Empty رد: كفاهم من التضليل يا أرباب الهنا

مُساهمة من طرف طارق كمبال 9th فبراير 2010, 16:05

التلحين اخير من الرقيص يا ابني عمي
كرومي ملمحتشم
طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

كفاهم من التضليل يا أرباب الهنا Empty رد: كفاهم من التضليل يا أرباب الهنا

مُساهمة من طرف عوض السيد ابراهيم 9th فبراير 2010, 16:15

خلى يلحن لينا ونحن نرقص
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى