المارد الأحمر وضربة البدايه

*ليلة رائعة شهدها استاد المريخ يوم الثلاثاء الماضي عندما استقبل قائد المسيرة الفريق البشير حيث كان الحضور كبيرا ودائما هي جماهير المريخ كعادتها وفية وقدمت درسا وردا قويا علي اتهامات اوكامبو الباطلة واكدت علي تلاحم الرئيس مع الرياضيين ووقوفهم معه بكل قوة .
*الوالي كان اكثر الناس سعادة بتلك الحشود الهادرة وقد بدأ علي محياه الرضاء والشكر للصفوة .
* الرئيس البشير بالرغم من هلاليته الا انه اشاد بالمريخ وابدي انبهاره وسعادته بالقلعة الحمراء بل انه تنبأ للمريخ بالمستقبل المشرق وبين فخره بما حققه المريخ والوالي من بنيات تحتية راسخة الجذور .
* انهي مريخ السعد معسكره الناجح بكينيا ادى خلاله الفريق ثلاث تجارب قوية امام فرق المقدمة بكينيا وقد فاز المريخ فيها وبعدد كبير من الاهداف .
* حقق المريخ من خلال معسكر كسراني فوائد كبيرة منها عودة الروح لجسد الفريق وتالق لكل نجومه منهم الدرة النيجيري وارغو والذي قدم نفسه بصورة ممتازة ويعتبر من اكبر المستفيدين من المعسكر وقدم مردودا طيبا اشاد به كل الحضور .
* كذلك واصل النجم التونسي النفطي تالقه وتسجيله للاهداف وبرع في صناعة اللعب واكد انه مكسب كبير للفريق .
* وايضا قدم العجب مستوي ممتاز اكد به عودته لمستواه المعهود ومن الجدد تالق ظاهر للود الحريف حمد الشجرة الذي اشاد به مدربه كاربوني ووصفه بلاعب الارتكاز العصري وكذلك الحال لطارق مختار والنجم القادم بقوة نجم الدين والذي اشركه المدرب في اكثر من خانة وكلفه بمهام مختلفه وحقق فيها نجاحا لافتا .
* حرص المدرب كاربوني علي الاستفادة القصوي من المعسكر وعمل علي معالجة مشكلة الدفاع والتي عاني منها المريخ كثيرا في الموسم السابق ونجح في ذلك كما انه اهتم بالهجوم وجعل منه قوة ضاربة بتالق وارغو وكلتشي وايداهور بجانب السعودي بالاضافة الي وجود صانع العاب ماهر وهو النفطي ومعه قيثارة الكرة السودانية فيصل العجب .
* ونعتقد ان مجلس المريخ قد وفق في معسكر كسراني الذي تتوفر فيه الاقامة الممتازة و الملاعب الجيدة وقد سهل انضباط لاعبي المريخ خلال المعسكر في ان يجد الجهاز الفني متسعا كبيرا من الوقت مكنه من تنفيذ برنامجه الاعدادي بصورة اكثر من رائعة .
* يدشن زعيم البلد ومريخ السعد مشواره في البطولة الكبري بلقاء فريق سان جورج الاثيوبي وهو فريق خطير يمتلك لاعبين مميزين ومدرب قدير هو الصربي ميشو الذي يعرف الكرة السودانية من خلال تدريبه الطويل في القارة الافريقية لذا وجب الحذر الشديد من اللاعبين وتقدير المسئولية وبذل الجهد والعرق وعدم الاستهانة بسان جورج الذي استعد جيدا للمريخ وهو يمتلك امكانيات مادية كبيرة وله جمهور عريض ونتمني للمارد الاحمر مواصلة الانتصارات وتطبيق ثقافة الفوز خارج الارض باذن الله .
* اذا صحت الانباء التي تواترت عن استقالة مجدي سمكرة وهجرته للعمل في دولة قطر يكون هذا اجمل خبر للرياضة السودانيه قبل بداية الموسم الجديد وصدقت هتافات الجماهير في استاد المريخ امام الفريق البشير وهي تهتف ( ما دايرين شمس الدين ) .

اعتقد عمر البشير ما حيكون انبهر لانه عارف القروش جايا من وين,ثانيا هو المريخ كان جسد بلاروح,وتالق وارغو دا وارد لانه معروف للجميع تالقه في المباريات الودية,لكن وقت الحك الصحيح بقعد ببرتع وهاك ياجري بالكورة,ونتائج مبارياتكم الودية مع الكينية وين الاندية الكينية من منافسات الاندية الافريقية يعني من قولت تيت برة,وافتكر مجدي شمس الدين في الوقت الراهن افضل من يشغل منصب السكرتير في الاتحاد العام,ومافي شك انو مدرب سان جورج الصربي مدرب كبير لكن وين الكرة الاثيوبية من التنافس الافريقي , امشو وتعلوا نحن في الانتظار,تسلم

والله يا فلس يا اخوى نحن فى انتظاركم بالأكتر لأن حسابنا معاكم لازم يتم جرده هذه السنه وبالكيمان الما خمج.
نحن بنتكلم وعيونّا مليانه(تف) لأننا والله بعد الوصلنا ليهو دا ما خايفين من حاجه (تب).
سان جورج باذن الله أمره محسوم لأننا نحن ملوك ثقافة الانتصار خارج الأرض وانتم تعلمون ذلك جيدا يا(فقيداب).
مجدى شمس الدين لازم تمدحوهو لأنو(السمكرى) بتاعكم.
وارغو قادم لا محال.... لأنه اتفقت عليه كل افريقيا(فماذا يعنى الفقيد ومكلوميه).
قيثارة الكره السودانيه(الملك العجب) فى قمة الجاهزيه وحالف براس أبوهو ما يشيل تارو الا فى المقبره.
.... هيبه وجبره .....
.... القياده انبهرت بالجديه ....
.... الله يدينا الفى مرادنا .......

يعني باختصار شديد ان المريخ كان ميت وبعت ونحن لا نؤمن بالبعاعيت
والرئيس تنبأ بمستقبل المريخ شوف الكلام ده
كل رؤساء العالم بيتنبؤا بستكون دولهم دول نووية وتخصيب يورانيم وغزو الفضاء لكن رئيس المريخ بتنبأ بمستقبل وارقو السكران
ياناس ماتخجلوا شوية
والجديد شنو نحن كلنا ما ضد اوكامبو يعني الوالي براه الشجب ادعاءات اوكلمبو؟

القصه يا ابن عمى لا فى اوكامبو لا فى المريسه الشربها ولدنا(وارغو ).
كل القصه لو عارف أنا الزول الصحى أقنعت (الريّس).


امنت ولا أزيدك من الشعر بيت.

أدى جرعه خفيفه يا ول نويه
عشان ما (يتلحس)

بالله شوف الراجل ده
هو اصلو مقتنع من يومو الاول
نقول للخ ahm2233 اسأل الماسورة وارغو من المشك ده شنو؟
ولا اخير يشأل زول تاني؟ وكبير
هيهيهيههي قال الفي مرادنا قال

سلامات ولد ابوي-بالله ياعوض السيد دوّر الناس دييل لسع شوف بالله ولد ابوي ده بهدلتو كيف بجري جاي وجاي هيهيهيهييهيهيه الله يخت محنك ياوارغو كان تجهجه الجماعة زي دا ووارغو دا شفتو السنة برقص ليكم الراكوبة بتاعكم دا (البجي بجي وموتي) قال معز قال مخيّر الله خليك كدة يا ابوالسيد انا خايف وارغو يرقص الراكوبة بتاعهم ده رقصة جديدة

هوي يا وليد ابا
انت بتقول في شنو؟
نحن دايرين الراجل يعمل لينا صفقة بتاعت فريزينات شنو ببورح هنى وهني
خليه يحضر كاس العالم في جوهانس بيرج وانا بحب مانديلا
هيهيهي
هسع في زول بيجيني طاير

انت ماشفتة بت لندن كليبا الجديدشنو؟

على الاخوة ول نوية و عوضالسيد توخى الحزر فى كل ما تكتبون عن سيدالبلد.

اليومين دى انا ما فاضى ليكم لكن سوف افرق نفسى بعد ان تنتهى المهمة الكبرى

و ستنالون حظكم من النيران الصديقة.

محبتى

نحنا جاهزين لاي هجوم محتمل من المحليين وربنا يعينك
التحية والتقدير

سلامات للجميع-
ومشتاقين ياود قادم قال مارد قال بالله وينو المارد وانتو ياتو يوم جهذتو لينا سبحان الله انتو كدة امرقو من اديس دي بعداك تعالو اتكلمو ولا اقول ليك حاجة نودي ليكم بت لندن تشجعكم
ياخي ما نزلت لي شجن
التحية والتقدير

التحيه للحبيب فيصل خليل وهو ينعم علينا بهذه الغشوه بعد طول غياب.
نرحب بك وبنيرانك الصديقه ومنتظرنك.
ابن عمى عليك الله يوم الاتنين الصباح بارك لينا

يا ابن عمي انا راجي يوم الاتنين لكين ما تقولوا شماتة
خايفكم تقولوا لينا نلعب ليكم الشوت التاني

نحيا ونشوف يا عسل