عارفني منك

من طرف **nashi** 18th فبراير 2010, 11:05

عارفني منك

كلمات: صلاح حاج سعيد

عارفني منك
لا الزمن يقدر يحول قلبي عنك
لا المسافة ولا الخيال يشغلني منك
عارفني منك
تحرمني منك
والمواعيد لا بتجيب منك تودي
لا الشجن قادر يشيلني عليك أعدي
لا التحايا و لا المشاعر الحية في جوة الحنايا
لا رسالة تجيني منك
لا خبر طمني عنك
وإنت سايق فيني ظنك
رغم إنك
إنت عارف إنو منك
لا الزمن يقدر يحول قلبي عنك
لا المسافة و لا الخيال يشغلني منك
عارفني منك
ببقى بعدك في الأسى
وتبقى إنت الظالم القاسي النسى
وغصب عني أزيح ظنوني
وأقول عليك إنت المسامح
فوق شجوني
أعيش زمان بالفرقة جارح
فوق شجوني
في إحتمالي و بالي إنك
وإنت سايق فيني ظنك
رغم إنك
إنت عارف إنو منك
لا الزمن يقدر يحول قلبي عنك
لا المسافة و لا الخيال يشغلني منك
عارفني منك
يا هوى الألم النعيم
خليك على الوعد القديم
و خليني في الشجن الأليم
وأبقى في كل المداين
سكتي وسفري الجحيم
تبقى إيه الدنيا من بعدك تكون؟
و أبقى إيه بعدك اكون؟
تبقى إيه الدنيا من بعدك تكون؟

دكتورة : رد الله غربة دكتــور /علاء الدين ( من النرويج ), وأبلغيه سلام صديقي الأستاذ : أبوعبيدة طه سيدأحمد...

ياسلام علي الذوق لقد كان انتقائك اكتر من رائع يااخت؟
مصطفي فنان يغني من القلب إلي القلب، ومن الروح إلي الروح، صوته مشبع بأحاسيس المعاني التي يتغني بها له الرحمة والمغفرة0
منو البفتح صباح البوح
ويلملم صوتك المجروح
على شرفة قماري تنوح
ويغني عديله للجايات؟
أسف لو دون مداك شايف
شظف عيشك ولا تخمة رحيل زايف
وقار صمت الكلام المر.. ولا وعد الغنا الهايف
ردمت الهوة بيناتنا وفي بدء الكلام يادوب
أنا العريت.. قواميس الكلام غنيت
لا قبلك ولا بعدك عشق يمخر عباب الهم
ويجاوبك بالقصيد النم
أسائلك كيف ووين نتلم؟
الى ما يلفظك حلمك
يقبل فيك شقاك وينجم
عشم فيك
من عشم فيّ
يمازجنا التقاء الدم
ويادوب الطشاش حلمك
ندهني طشاش
اداريك من سموم تلفح
أتاريك.. غيمه جات ترمح
الى ما تنزحي وأنزح
نقوم من ضو يفج المشهد الزاهي
سكون الكون يطل باهي
يلاقي الشارع الفارع
ناسو الفي الحياه تصارع
تزيد الهوه بيناتنا
ولا عاد الرصيف ضاراي
ولا شقشق صباح مرساك
تحياتي

عارفني منك

عارفني منك

رد: عارفني منك

رد: عارفني منك