مظهرك -- هندامك وعلاقته بشخصيتك؟!

الامر معروف للكثير منكم ولكني آثرت الكتابة عنه رغم علمي بان الاغلبية من رواد المنتدي "ناس شيك" وماشاء الله مهتمين جدا جدا بهندامهم وانيقين وكذلك بناتنا واخواتنا انيقات --
الحكاية وما فيها قرأت ان للامر علاقة بالشخصية!مدي قوة الشخصية وتاثير الشخص في الآخرين وقبول الآخر لهذا الشخص في التعاطي معه احيانا مرهون بالمظهر!!
واظنكم عارفين قصة "كُل يا كمي قبل فمي"!!!
أها وكمان ما يفوتكم الوظيفة مرات تطير بسبب المظهر والعناية به!!
ولا اظن الناس قاصدين بحسن المظهر غالي الثياب والاحذية!!ولا رايكم شنو؟
عايزة اعرف بتتفقوا معاي في اهمية الموضوع؟ ولا شنو؟؟؟
منتظراكم

اصبتى عينة الحقيقة يادكتورة والله المظهر العام مهم وربنا خلقنا فى صورة والنظافة من الايمان وقصة الشيخ فرح ودتكتوك معرفة للجميع جعلنا الله من الذين احسن الله صورهم

قصدت عين الحقيقة ماعينة الحقيقة والفرق شاسع بين الاثين ولاشنو يادكتورة

انا اتفق معك المظهر به يعامل الناس وليس شرط ان تكون ثايك غالية السعر بل تكون نظيفة ومهذبة وكذلك جزمتك وعطرك وتسريخ شعرك كل هذه الاشياء تعطيك قيمتك عند الاخرين
هذا رأي الشخصي فحسب

اعلانات شركات القطاع الخاص للحصول على موظفات فى معظم دول الخليج كالاتى:---------
تعلن شركة....... عن رغبتها فى الوظائف الاليه:------
1- منسقة مكتب (1)
2- موظفة تسويق (2)
3- موظفة علاقات عامه (1)
* على المتقدمه ان تكون (حسنة المظهر).... يعنى بالواضح كدا لو ما (سمحه) ما تقدم ولا تضيّع زمنها

بارك الله فيكم
شرفتوا البوست بالمرور

موضوع مهم جدا جدا واختيار موفق

ربنا قال ( وخقلنا الانسان فى احسن تقويم ) المطلوب مننا ان نظهر فى صوره جميله رائعه


ان الله جميل يحب الجمال ( وقالوا العلقه بتزيد الخلقه) بالواضح كده الثياب الجميله تخلى الزول شكلوا جميل ومقبول

وجمال الثوب ليس فى ثمنه . كم من ثوب باهز الثمن وهو اكثر من عادى

الاناقه والشياكه مطلوبه وان الله جميل يحب الجمال

واهم شىء نلبس ما يناسبنا من حيث الشكل واللون ونختار الوقت نفسه والمناسبه والجو له اثر كبير .

طبعا يا دكتوره الناظر الان لنا فى السودان هنالك تغير كثير حصل وهى ظاهره صحيه فى شكل لبسنا واهتمامنا بالمظهر ( يعنى بقينا مواكبين شويه وعلى الموضه) ماتفهمونى غلط

شكرا على الموضوع المهم