إضحك مع المساطيل والماداير يضحك مايدخل

هي لحظة لنتناسى فيها همومنا ونعيش لحظة من الضحك

ناس عندهم عرس وما عندهم دلوكة قالوا لي جارهم المسطول ادينا جركانة نجيب بيها العروس .. قال ليهم جركانة مافي لكن اديكم شوال تجيبوها فيهو؟؟


مسطول كل يوم بالليل يولع سجارته في البيت ،والمرة مستغربة الراجل دا سيجارتو مالها غريبة كدة ,يوم الراجل ولع السيجارة كده الباب دق مشى يفتح الباب ... المرة شفطت ليك السيجارة كلها ومشت عشان ترضع الشافع قامت مسكتوا بالقلبة المسطول رجع يا ولية السيجارة الكانت هنا وينا ؟ انت ياراجل خليك من السيجارة ... كدي تعال شوف الولد دا شلاليفو بقو كبار كيف

مساطيل طلعو من البيت لقاهم العسكرى قال ليهم ليه كلكم عيونكم حمرا قالو ليهو بنبقا لبعض

مسطول قالو ليهو الليلة عيد الحب
قال ليهم
ودا فيهو كااام ركعة

واحدمسطول معزوم فى مناسبة .. مشى إتغدى و قبل ما يغسل يدينه فكر يتخارج و يزوغ من الكشف .. و فعلآ مرق بالراحة بالباب الصغير الخلفى .. لى حظه السيئ أول ما طلع لقى طربيزة الكشف قدامه .. صاحبنا قعد يمسح فى يدينه ( و قال لى للرباطابي الماسك الدفتر: ( محل الغسيل بى وين؟ الرباطابي قال ليه :محل الغسيل بى هناك .. لكن هنا دة محل المكواة


مسطول كل ما يلمس مكان فى جسمه يوجعه... مشى المستشفى لقو أصبعو مكسور

مسطول مشى هو وأمه وابوه عشان يخطبوا بت مرطبة شديد وبعدين أصحابو منتظرين الشمار
لمن جاه الجماعة قالوا ليه ورينا الحصل شنو اوعى يكون حرجوك وأدوك شاكوش بس ؟؟؟؟
قال ليهم والله فيفتي فيفتي ...
قالوا كيف يعني؟؟ قال ليهم أنا وأبوي وأمي موافقين
وهي وأمها وأبوها ما موافقين..

واحد مسطول جداً في المستشفى طالع الدور الثاني يعمل أشعة،
دخل المصعد شاف المرايات والأنوار افتكرو دا محل الأشعة!!
المهم طلع ملابسه كلها ووقف .. فجأة الباب فتح ودخلت الممرضة شافته انفكو قامت تصرخ صاحبنا المسطول قاليها اوعي تقولي سرطان

مسطول طلق مرتو ... قامت لمت هدومها...قال ليها : شنو زعلتي ولا شنو؟؟

مسطول قاعد في القيفة لافي سجارتو , الطارة كبست ....... خته السجارة و تلب في البحر

واحد مسطول عطس قام صحبه قحة قال ليه..... ليه تغير الموضوع

وعشان ماتموتو من الضحك كفاكم كدة والمرة الجاية نخش في عالم الرباطاب

شكرا محمد هاشم على هذه الاستراحه الجميله