لماذا نحن هنا

يجب ان نعيد شريط الغربه والخسائر التي لحقت بنا اجتماعيان وصحيا ناهيك عن الخسائر المادية الكبيرة التي لحقت بنا
اخوتي لو كنا في ابوجبيهة ونعمل بنفس الطاقة هل سيتبدل حالنا ونكون افضل من ما نحن علية الان ام سوف تسوء حالتنا ونصبح عالة على اهلنا ويفقد الكثير الدعم الممكن ان يقدم للاسرة في الصحة والتعليم والمعيشة ام سوف ينصلح الحال بالزراعة وتجارة الفواكهة.
لماذا لم نستفيد نحن ابنا ابوجبيهة من الامانيات الاقتصادية الكبيرة وموردنا المحلية من اجل بناء اقتصاد اسري قوي يدعم يساهم في تماسك الاسرة والسيطرة عليها من الانحرافات المتفشية في العهد الجديد الذي اراد للاسرة ان تتفكك وتتشرد وقلب عاليها سافلها اقتصاديا كيف نصنع هل سوف نظل مشردين في ديار الغربة والشتات وماهي الحصيلة انه امر صعب والله امران احلاهما مرو العودة للوطن نجرجر ازيال الخيبة والفلس ونضيف احباط اخر للاسرة المعتمدة اصلا على ابنها المقترب من اجل توفير لقمة عيش وتخفيف الم المرض والجوع وصرخات المعدة الخاوية من كل شي اما نواصل التضحية من اجل اهلنا واسرنا لكن الى متى تسعفنا قوتنا وظروفنا الصحية حتى نعجز من النهوض الى العمل عندها نعود الى البلد الحبيبة تحمل في الذاكرة ايام خوالي والشباب عندما كنت قويا قادرا على البذل والعطاء وتتحسر على ضياع الزمن والامر من ذلك عندما كنت في الغربة ضحيت من اجل اهلك ولم تفكر في مستقبلك ولم تقم ببنا منزل بسيط
اخوتي كل هذا من اجل الاسرة والسوداني الاصيل لايهمة المستقبل عندما يعرف انه يقدم خدمة انسانية جليلة اذا لم يضحي فرد من الاسرة سوف تعاني الاسرة باكملها. وشكرا

عين الحقيقة اخي محمد ..
الحباك غنية بالموارد...بل السودان ...ولكن كيف نسخر طاقتنا لاعمار الارض ...عندنا من الخيرات مايكفي كل العالم من ارض شاسعة ..وثروة حيوانية...وغابات..وسهول ووديان ...ناهيك عن الحاجات التانيه...
صدقت حين قلت بأن الاسر والاهل عينهم علي المغترب ..وماعارفين الحاصل بيه شنو....
ياريت الناس تعود وتؤدي نفس الدور والعمل ...
مودتي ....

لك التحية اخي زهير حسن السيد والله الواحد سعيد جا بمشاركتك الكبيرة والتعليق على الموضوع

لك التحيه اخى محمد الحباك بخير والوضع الإقتصادى للأسر فيها متطور والحاله مستوره والحمدلله00على الاقل الحباك بها أكثر من 100 ركشه ومثلها من الأتوس تعمل تكاسى فى ابوجبيهه اعنى الواحد لو جاء من السفر وعاوز يمشى القلعه اوجبرونا اوام كداده الأن تركب تكس بدل الكارو زمان وهذه ظاهره حسنه ومظهر من مظاهر التطور الأقتصادى أليس كذلك!!!!مره كنت جالس فى البيت وجاءت مجموعه من بنات الريف عندنا ودار بينهم الحوار الأتى (واحده قالت لصاحبتها 00إخيتى ما بعتى ليكى موبايل 00قالت التانيه0أخوانى كن شافو عندى بكسروه0قالت الأخرى00هوى اوريكى منما تبيعى من الراجل قولى ليه خته ليى فى محل السكات(أعنى الصامت)ومحل الملولقه(أعنى هزاز) واربطى معى شفكى ويلا منما يضربو ليكى تحسى بالملولقه وتمرقى ليقادى وتلكلمى مع زولكى بيراحتكى 00قالت الاخرى كن كى نبيعه توه)ديل بنات الريف يتحدثن عن الموبايل وكيفية التعامل معه 00الوضع متحسن كتتتتتتتتتتتتتتتتتير ياجماعه

اخوي غريق والله ضحكتني بكلام اهلك الجميل بس نصيحتي ليهم يبعدوا عن الموبايل لانو حيكمل قريشاتم
يديك العافية

شكرا حيدر طبعا انت عارف الموبايل بقى عندنا بلوى 00قرب المسافات ولغى الاعزار وطبعا ياحيدر أخوى الواحد يمسكل ليك من جديد او ابونواره كن رديت بلاوى وكمارديت انت مفترى وبس وتسمع النبز وكيف ماترد على مسكولى وهو المسكول ذاتو وراه بلاوى طبعا يقول ليك الوليه عيانه وبعد مايسألك من اخبار وليداتك بقول ليك حول لى رصيد لزوم علاج الوليه ويا ويلك لو العلاج محتاج لسفر 00وطبعا عند الشباب لزوم الكشخه والمواتر فى الريف بقن زى العجلات زمان 000إلا اباتشى ساى وبعد ده يقولوا الوضع الاقتصادى سيى00مودتى

اشكرك اخي غريق كمبال والله دي بشارة سمحه خلاص عن الوضع وسهولة المواصلات واحوال الناس المادية بس كيف الملاريا في الخريف هل المستشفى يخدم خدمات جيدة ولة الحال في حاله

شكرا اخى محمد الاوضاع الحمد لله كويسه وابوجبيهه فيها اكثر من عشره صيدليات والدواء متوفر ورخيص والتأمين عندو تقطيه كبيره هنا00بالمناسبه عندى طفل إصيب بإلتهاب اول امس وارسلت لجلب دواء من الصيدليه وانا لا اتمتع بتامين ولا اولادى جاؤنى بالجرعه الكامله للإلتهاب بمبلغ6جنيهات اى 2ونصف دولارتقريبا والدواء هو 6جرعه بنسلين مائى وطعانات وفراشه 00حقيقه إنى دهشت لهذه القيمه الزهيده ونفس هذه الجرعه تعطى فى المستشفى مجانا وبالتامين بربع ثمنها 00الدنيا بخير عندنافى الحباك 000تحياتى