دوبيت الخدار كلتومة

الهلة شهير رمضان وجب على صيامة دى الخدار كلتومة الشاتلنه الحكومة الريدة في القليب مرسومة.. هبان هويه الليل تومتي التومة لابسة السوار قدالة بالحجلين امضيا بدخل الزول هوي الليل بينة وبين هدومة.
مشيت التومة خوجة نيكولا كلمة التومة موزونة تمات سنون التومة حبوب مفهومة السلم على التومة كان مات ماسفان على يومة
ابشر كلام حلو خلاص

يا سلام على الكلام الجميل ... في الزمن الجميل ... ومرحب بيك أخي محمد النو ...ومرحب بكلتومة والخدار الشاتلنه الحكومة ...ومرحب بالخواجه نيكولا ... ومرحب بالتومة ... بالله شوف الطيبة والعفوية والحب الطاهر ... ومدينة ابوجبيهة مرتبطه بجذور هذه التراثيات ... والأصالة ... ونسأل الله أن لا نفقد مثل هذه السماحة والريده ..والحب العفيف الطاهر ...تسلم تسلم أخي محمد النو ... محبتي ..

التحية للتومة
كلام جميل يا ود النو وقريب جدا جنجردق معاك اليومين ديل حلقي بوجعني مع السياسية ام دق
لكين ابشر بالخير

اخوي السياسة دي صعبة لكن ربنا يوفقكم نحن اصبنا بعلة مستديمة فيها ربنا يستر عليكم

شكرا للاخ شاويش والله تعليقك جميل وربنا يوفقك في دعم المنتدى بوجودك .

يا ود النو يا مرهف السياسة ياخي سوت لينا وجع على مستوى الراس
والناس دلاك كسروا لينا في كدوسنا قشة

سوي كدوس مضد القش خايف يكسروا الكدوس

لك الود والتقدير اخوي ود النو علي هذه الروعة ؛بس ياحبذا لو فيها هدايين وكدا اخوك ُمحب جداً للهدايين
دمت

التراثيات ترجعنا الى ايام جميلة وكلمات صادقة ..
ساروا خلونى اخوانى يا المعاى
((اخوى فضل السيد ماتقول انى مارود زول سلب عقلى ساكن جبيل الدود))
شكرا لك ول نوية ان حركت الاشجان ..واضح اخوى فضل السيد القائل اصيب بالملاريا وسارت الظعينة وتركوه مع اخوه فضل السيد والمحبوبة سارت مع الركب الميمون جبيل الدود..وذكر المحبوبة ليس هذيان حمى ولكن من سلب العقل سكن جبيل الدود

شكرا لك ول نوية ..والشكرا موصولا للابن محمد ود النو صاحب البوست ..ان حركتم تلك التراثيات

يا ود النو يا مبدع دا الكلام الدايرنو ظااااااتو يا ولدنا بالله كتر لينا منو يا رقيّق
ونخلي الباب مفتووووح لزوم التوثيق وكدا

(فارقوني مع أم الزمام وناس ام سبيبة ساروا القيزان)
(النّاس الجّافوني ساروا خلّوني )
وأكبد هناك الكثير والمثير ونحنا في الانتظار

تحيّاتي

amin manga شكرا للمداخلة الحلوة التراتيات ترجعنا ونتذكر الايام الجميلة اغاني القيدومة واغاني الكرم والفروسيةواصحاب المواقف المشهودة
طبعا البكاء بختلف من بكاء رومانسي المدينة والبادية في المدين يميل للرقة والكلام المعسول اما في البادية يظهر شخصية المحبوب وقوتة ومواقفه المشرفة بالاضافة الى المظهر

يا ام قرنا مبوح اناببكي بنوح بشيل الدار بروح الناس روحوا من ديارهم بدون الحب

هالله الله على الكلام المعسول ده
والله يااستاذ شوية مرقتنا من نضمى الوحدة الاسمو السياسة ومشيت بينا بعيد خليتنا نشم ريحة تراب الكور وطرق المنقة وجبنة حبوبتى عجوز
وعشان كده انا بقولك اليل تعال احمد تعال اليلة حبوبتك جات دخلتك مدارس وعلومك خوجات بفكر نجيض راجع لى حسابى واكشف الغلطات قال ليو ابى الحساب 50 قرش هيع ولدى النجيض تور الحمل والشيل كان عرك للقلامه يمين مايروح بالميل.

شكرا العم المحترم عثمان موسى ادم احتمال لم نلتقي في السودان واتمنى ان تنطيني فكرة شوية عنك
لك كل الاحترام
كما احيى اخواني محمد ول نوية و فيصل ول عبدالله وامين ول منقة للمشاركة الجميلة وتزينهم للبوست واهتمامهم الكبير بالتراث ربنا يحفظكم.

لك الشكر ابننا محمد ود النو..هكذا اغلب اعمامك نقول لهم ود النو..اظن عثمان النو عمك..وعمنا الناظر قادم جدك..انا دفعة موسى الصادق من ملم الكور قيل ضابط الان ..
ولكن ارجع لضيف الاسبوع واديها طلة تلقى عمك فى حائط مبكى الذكريات الحباك يكفكف بقايا ادمع فى ارض يباب((الغربة)) ..هنا القوم بعضهم قلوبهم كالحجارة..ومن الحجار مايتفجر منه الماء..((اقتباس))

ود النو يا روعه يا بتاع التوثيق والله حقو نوديك أسماء فى حياتنا.
عمك عثمان هو ابن عمنا موسى ادم الذى كان يعمل ممرضا بمستشفى ابوجبيهه..... يعنى عثمان دا يا ود النو كان من اولاد الحله البيضه كما كانت تسمى فى ذلك الزمان.
لا اعتقد انك تعرف اخوانو لانهم كلهم درسو فى الشماليه وانت كنت فى الجنوبيه.

شكرا لك يا معزتى ابن عمى عوض السيد على هذه الإضاءة ولك الود ياريحانة المنتدى

شكرا ايها الحبيب ول نوية اعرف والدك تماما ولكن الدنيا ام طرك العراض فرقتنا