الطيب صالح يحب السودان

الطيب صالح رفض الحصول على الجنسية المصرية والبريطانية
قال الكاتب الكبير محمود سالم، إن الروائى السودانى الراحل الطيب صالح، رفض الحصول على الجنسية المصرية، بعد أن قام سالم بمخاطبة رئاسة الجمهورية من أجل تسهيل دخول صالح إلى مصر، وذلك فى أعقاب تعنت بعض موظفى السفارة فى منحه تأشيرة دخول إلى مصر. وقال سالم إن الطيب رفض الحصول على جنسيات أخرى منها الجنسية البريطانية رغم اقترانه بزوجته الإنجليزية جوليا صالح، مشيرا إلى اعتزازه بجنسيته السودانية.

جاء ذلك خلال المائدة المستديرة التى ختمت أعمال ندوة الطيب صالح بالمجلس الأعلى للثقافة والتى ضمت الكتاب بهاء طاهر، يوسف القعيد، فؤاد قنديل، محمود سالم، وشقيق الطيب محمود عثمان صالح، وزوجته جوليا صالح، وأدارها الروائى الكبير خيرى شلبى مقرر لجنة القصة بالمجلس الأعلى للثقافة.

وتناول محمود سالم فى حديثه عن الطيب ذكرياته معه، مشيرا إلى أنه أشترك مع الطيب فى أشياء كثيرة منها الولادة بنفس العام 1929، وكان يتمنى أن يرثيه الطيب صالح، وكان لقاؤه الأول به فى لندن من 42 عاما، ودعاه يومها للعشاء فى منزله وأكد سالم أنه أول من ساعد الطيب صالح فى نشر أعماله فى مجلة الإذاعة والتلفزيون عام 1968.

وقال سالم: الطيب صالح ويوسف إدريس كانا متحابين، وخاطب إدريس الطيب ذات مرة فى موضوع جائزة نوبل، وسأله أمامى: أنا جالى مندوب من نوبل وسألنى عنك، فقلت له: خذ الطيب صالح، فأجابه الطيب صالح ضاحكا: لا خذها أنت الأول يا إدريس وبعد كدا أبقى أخذها أنا، وعلق سالم على هذه القصة قائلا: وكنت أعلم أن هذه القصة "هجص" ولم يأت أى مندوب من جائزة نوبل ليوسف إدريس.

وهنا قاطعا يوسف القعيد وبهاء طاهر محمود سالم بالقول: لا هذه القصة ليست "هجص" ونحن نعرف من كان مندوب نوبل فى مصر فى هذه الأثناء، حيث عقب الروائى بهاء طاهر مؤكدا على أن القاص الكبير يوسف إدريس ظل على القائمة القصيرة لجائزة نوبل لمدة تزيد عن عشر سنوات، وأحد الصحفيين الأمريكيين كتب يهاجم اللجنة وينتقدها لوضعه على القائمة القصيرة، وقال طاهر إنه لا يعلم حقيقة ما دار بين إدريس والطيب صالح، لكن من المؤكد أن لجنة نوبل لا تصرح بترشيحاتها، وظلت علاقة الحب دائمة بين الطيب ويوسف إدريس، وكان يصف إدريس بالبوهيمى العظيم، وعلق محمود عثمان صالح على حديث ترشيح إدريس لنوبل، مؤكدا على غضب "إدريس" الشديد عند حصول نجيب محفوظ على جائزة نوبل، وهو ما جعل الطيب يرد عليه قائلا: "أنت عاوز تتنطط وتنبسط وتأخذ نوبل، محفوظ يستحقها؛ لأنه أكثر منك انشغالا بالكتابة".

وتناول بهاء طاهر فى كلمته علاقته بالطيب صالح، التى بدأت فى لندن، بعد أن غادر مصر مجبرا على ترك عمله بالإذاعة، ودعاه الطيب صالح إلى العشاء فى أفخم مطعم فى لندن، فى الوقت الذى كان طاهر يمر بضائقة مالية ولم يستقر على عمل هناك، وختم طاهر حديثه بالإشارة إلى أن إذاعة الـB B C حاورته، وأغلب الظن أن ذلك الطيب رشحه لهم.

فيما أشار الروائى خيرى شلبى إلى أن صبرى حافظ كان مندوب جائزة نوبل فى مصر، وقال فى كلمته إن صدور رواية "موسم الهجرة إلى الشمال" كنست فى طريقها العديد من الروايات الجيدة، وقال شلبى: تزامن صدور رواية "موسم الهجرة" مع رواية عبد الحكيم قاسم المتميزة "أيام الإنسان السبعة" فدفنتها سنوات طويلة، وغيبت فى مجدها الذى تحقق فجأة أعمال روائية كثيرة كانت جيدة، وختم شلبى كلمته عن الطيب صالح قائلا: أول مرة أشوف كاتب يتولد كبير.

فيما أكد يوسف القعيد، أن الطيب صالح كان يحفظ كل أبيات المتنبى ولم يكن مغرما بقصائده التى كتبها فى الحروب وما شابه، وإنما اهتم بحفظ قصائد الحب والغزل، وقال القعيد إن الطيب أرتبط بالسودان إرتباطا شديدا بالسودان رغم مصادرة الرواية هناك، وصرح ذات مرة قائلا: السودان أكبر ممن يحكمونه، وأشار القعيد إلى أنه كان بطئ الكلام، ويتذوقه قبل أن ينطقه، ودعا القعيد فى نهاية كلمته إلى توثيق أعماله القصصية وإعادة طبعها وحفظها من أعمال التغييرات الكثيرة التى جرت فيها، مؤكدا على أن بعض عناوين قصصه ورواياته قد تم تغييرها، وهو ما قد يعرضها للضياع.

إنه ياأبو الزهور واحد من إهرامات هذا البلد أعطى السودان كل شيى ولم يأخذ00رخمه الله واحسن إليه

للاسف الطيب صالح رغم عشقه للوطن وملهم كتاباته..لم يوفيه الوطن حقه ..اخوتى السودانى كإنسان كنز :ــ
تأطره البساطة والتواضع..والزهد حتى من المناصب ..والبعد عن الاضواء ولا يطلبها إلحافا وكراهية التسويق للذات..هذا ماينطبق على الطيب صالح ..وهو من الاقلام التى كتبت بعمق ادبى فنى جديد ادهش العالم فى رائعته موسم الهجرة الى الشمال.. حتى صوته الدافئ عند السرد..مثله مثل صلاح محمدابراهيم وعلى المك ..للديث اهلة الاستاذ فضل حاج البشير..لك ودى الاخ غريق وشكرا على الإختيار

أخي غريق : أبو الزهور , أخي عثمان ... الطيب صالح كان فعلاً يحب السودان ومن لا يعرف ذلك فإنه لا يعرف الطيب صالح....ولولا ذاك لما رثاه و بكاه الشاعر ابراهيم الكرسنى (قريب مصطفى الكرسني " زميلنا في سيتي بانك") وكتب في يوم الخميس 19/2/2009 ومصطفى الكرسني أرسل لي بالبريد القصيدة.....
الطيب صالح
ولدا فالح
من يوم ما تبا
وليدا صالح
...
زولا مفضال ... مستور الحال
ما بيعرف يقول ده محال
مهما اتغرب و مهما جال
تلقى قليبو مع التربال
...
ترابلة بلدو ...
تحت الدومة اتلمو وقعدو
فيهن يونس ود الريس
وداك مريود الديمه مقيس
و داكا الزين زول الله مهيص
...
بت مجدوب ديك حالا براها
مو فهمانى الخبر الجاها
قالو الطيب ... نان مو طيب
قامت وقعدت ... قامت وقعدت
سرخت نان بالصوت العالى
مالو آناس الراجل الطيب ؟!
....
شان ود صالح قلبو حنين
متحمل آلام الساقى بقالو سنين
شان هى نشافا
نشف قلبو و زادو أنين
....
يسأل نفسو ... وين الترباله ؟!
وين يا رب ... وين الرجاله؟!
وين يارب ... وين الصالحين؟!
وين الفقرا ... و ناس الدين ؟!
...
جاهو الرد من بت مجدوب
شوف آ الطيب ... ناسك ديل
ماهن عايشين !!
و الزين داك القلبو حنين
جايى يكورك
ديل عايشين ... زى الميتين !!
...
فيهن ناسا مرضانين
وفيهن ناسا تجار دين
و فيهن ناس كيفن زاهدين
و فيهن ناسا مو قايلين
يجيهن يوم زى يوم الدين
يوما ينشف فيهو الطين !!
...
و حوضنا الكان دايما رويان
ناشف تب
لا فى مطيره
و لا باجور
حتى النيل
الديمه دميرى
يوم الليلى صبح عطشان !!
...
و الزين داك زى الضهبان
يحفر و ينقح فى الحيضان
مو قايل
ود حمد صالح بقالو سنين
فى حوش العمدة هناك مرضان !!
...
وناس الحلى اتلمو صباح
بى فقراهن و الصلاح
سمو اسم الله وندهو رسولو
يغتى الطيب من كل شر
لامن صادى يجيهن راجع
عاد يوم داك يوم الأفراح
...
و كل الحلى بتسأل ... و تسأل
كيفن عاد ود حمد صالح
ياكلو الحوت فى بحرا مالح ؟؟!!
و ناس الزين ...
و ناس مريود ...
ود الريس ...
و بت مجدوب...
متلمين فى ضل الدومه
راجين جية الولد الفالح !!
...
الكل قام واقف لاحيلو
سمو اسم الله و ندهو رسولو
قالو هناك لازم نمشيلو
ولدا مو "مقطوع الطارى"
كل خلق الله أهلن هيلو
...
ود الريس قايد القايدى
و داك مريود جاهن من غادى
و داكا الزين ... جارى يخب
تلب فوق حيشان العمده
أول مره يجيهن صادى
...
و بت مجدوب متبلمى تب
عيونا بكن ...
دموعا جرن ...
على كليمى طلعت خافتى
قالت ديل ياهن اولادى
...
بت مجدوب سرخت فى اللمه
ندهت الله يكشف الغمه
يجيب الطيب ليهن راجع
يتحكر فى قلب الأمه
...
بت مجدوب قالت حرم
عليها نزر لابد من دم
يجيب الطيب من وين ... وين
فشان وسط اهلو يجر النم
فشان قرقير ود حمد صالح
يفرج الكربه يشيل الهم
...
و بدل الطيب جاهن صايح
يبكى يصيح فى زولا رايح
يبكى يكورك بى طول حسو
يا ناس هوى ...
ناس كرمكول ..
ناس الدبه ...
ناس مروى ...
ناس كريمى ...
يا ناس هوى ...
يا ناس من جم ...
أبكو معاى ود حمد صالح
قالو غرق فى بلدا باردى
بلدا فوق ... فوق بحر المالح
...
مات فى بلدا كيفن باردى
و طيرا عجم ...
بلدا ما فيها خلوق تتلم
لا فيها دليب لا فيها نحاس
ما فيها العرضه و ناس حرم
لا فيها بطان يسيل لو الدم !!
...
بت مجدوب يوم نطقت قالت
عاد الطيب ما بتعوض
كلاما كتر ...
و حديسا كتر ...
و ناس الحلى دموعن سالت
...
يوم شافو الجنازى هناك
بت مجدوب دموعا جرن
و كل زول فى بكانو حرن
كل زول لى صويحبو قلد
و قال ... الليلى اتبشتن
...
قامو الفقرا قالو آ ... خوانا
داك قدرا من ربنا جانا
أسألو الله خالق الكون
و الصلاح يقيفو معانا
و روحو الطاهرى يوم الحق
فى الفردوس تعيش فى جنانا
-------------------------- رحمه الله و أسكنه جناته .....مع كل الود

شكراً أخي غريق ...

قامو الفقرا قالو آ ... خوانا
داك قدرا من ربنا جانا
أسألو الله خالق الكون
و الصلاح يقيفو معانا
و روحو الطاهرى يوم الحق
فى الفردوس تعيش فى جنانا

ابدع ابراهيم الكرسنى..بالفعل شخوص رويات الطيب صالح..تحس بهم حايميين بين الناس..شكرا اخوى الفاتح

الطيب صالح...الصالح الطيب..قامة من فارهات السودان هوت فى زمان نضب فيه الابداع وكما قال درويش (على ما اعتقد):ان ننقص..يزد اعداؤنا. ونحن نقصنا رقما كبيرا لو لم يكتب الا (موسم الهجرة الى الشمال) لكفاه..شكرا غريق على الانتباهة الرائعة وشكرا اخى الفاتح ود التوم على رائعة الكرسنى وهذه دعوة تحفيزية لمعاودة قرائة رواية موسم الهجرة الى الشمال بمنظور اعمق.