شكلة ستات الشاى

دايرة تضربينى عين؟؟ .. يا أم وشّاً شين ؟؟ ..يا قدُر نفرين .. يا البتفطرى شحدة,, و بتتعشّى بالدين ؟؟!!! ... يضُربك الضريب شقّاق العناقريب ...!!
ما تقيفى فى الزلط و تتكلمى غلط..
.. نحن نححححححححححححححمد الله الغدا ضأن.. و التحلية برتكان...
...العشا حمام و التحلية شمّام .....و مليانيييييييييييين يا إنتى ...
....لا كوع يقد الوسادة لا ساق يضبح الجدادة ...نحن تربية بيت و فرش موكيت.... تربية عِز ورضاعه بِز...أحححححمدو , مبسووووطة و شلاليفى ممطوطة !!!

....هيييييههههيييييييييى....

.... حليلكم إنتو يا ناس الإشلا ق يا الما سمعتو بى السيريلاك ....
... سُكنة قطاطي ومستوي واطي... شِراكم قطّاعي وركوبكم النقل الجماعي...
...بششششششتنة و الناس متمحنة ..قهر و فراق أهل..... نببببببببرة و نستبرة و ما نسكن جبرة..يا الديّامة يا حطب القيامة.. يا ناس أمبدة , البِفطُر فيكم ما بتغدّى .. يا البتستحمّوا بى موية العِدّة !!!... عشوائى جدّة ولا فِلل أمبدّة ...!!..دا مستوي داير دَوا !!
يخخخخخسسسسسسى و مرض نفسى ...

.هيييييييييييييييييييييييى ...

لا كرعيننا رقاق و لا مولودين فى زقاق ..
أولاد عوااااااااايل و عندنا فايل ....
ربّونا فى الإمتداد و حبينا فى البلاط.... ولدونا فى الدايات و قرينا فى الراهبات....
.نححححححححححححمدو..... نحن نشتّت و خلق الله تلقّط ..
البنريدو بنولع ليو اللمبة.. و الما بنريدو بنحرش ليو الكلبة !!
ساكنين الخرطوم , محل الرئيس بنوم , والطيارة بتقوم , والجكس بِحوم .... أولادنا لابسين الجِنز وحالقين مارِنز..اولاد راستا ..وعشانا باسطة..وشٌغلنا واسطة .. ما بنتردّى , ونلبس الشدّة ... لا بنركب الركشات , ولا بندخل غُرف الشَات.. بنعرف الذوق ,ومستوانا فوق .... بناكل المنقة و ما بنعرف الزنقة .. بنعرف الجكس , وما بنركب التكس..اسكيلنا عالي ,ومهرنا غالي..
و مناسبين ناس أمدرمان , العصيرهم رٌمّان , و شارعهم شيكان , و محطّتهم شقلبان !!
.. و مصاحبين ناس بحرى البيخلطوا فى الكوبرى ..كوبرى شمبات المكسّر بالجمبات ,بى تحت موية و بى فوق عربات !!!.. عصيرهم أناناس و ما بيضايقوا الناس!!
حكوووومة و الناس مظلووومة ... !!
.. عشا ن كدا أعملى لاين و أقيفى بهايند.... و أفهميها... أعملى شخيط و اقيفى بعيد ..
سجم و كمان عدم فهم؟؟ يا بجم يا ولادة الندم ؟!!..

...هييييييييييييييييى و تااانى هييييييييييييى و تانى و تانى هيييييييييييييييييى....

ما تكُبّى الريحة و تعملى تفتيحة , و تخلينا نقيف ليك فى طرف المعلقة و نورّيك الصعلقة .. هييييييى إتلمّى يا البتقعى و ما بتسمّى ..يا جرجير يا وسخ الزير ... بالنهار تسبّحى , وبالليل تضبّحى ..
كان جبل طلعناو و كان عسل لحسناو ..

.هووووووووووووى.... تنبزينى أنا يا كرور يا وسخ الخور !!... يا اللُقمة الفِى الزور !!
يا شوكة الحوت اللا بتتبلع لا بتفوت لا بتخلّى الزول يموت !!.. يا تربيزة الجزارة يا اللامّة الوسخ و الزفارة !! .. والله دى ق ص ّة و دايرة حصّة !!

هييييييييييييييييييى

أخير ليييييك فتحى عينك قدر الريال و خلّى أضانك قدر العقال ...
ما تخلينى أدق الصفايح و أطلع الفضايح... و أقيف ليك فى الحوش و أنفُض الكَلُوش !!!
... يا مرة يا مجنونة يا شبه حجر الطاحونة !!...يا ليمونة و عاملة فرعونة !!!

... هيييييهييييييييييييييييييييييي ....
غادى غادى الجزام بعادى ...يا القاعدة برّة للأذى و المضرّة ..
.. يا الككوية يا أم جضوماً موية.. .يا السوقِك بايِر ودمِّك فايِر..
...الشمس ضربتِك و الرجال أبتِك !!!!!
القطر فاتِك و الزمن شاتِك.....
يا الفى الحفلة ما عبّروك...... ناس الفيديو فطّوك و ناس العَشا نطّوك....
الزمن خَرَتِك... و الضِحِك شَرَطِك.....
يا الوزّعتى صورتك و ما فكّيتى بورتك !!..
قطرِك صفّر وسوّاقُو طفّر...

هييييييييييييى.....

خِفّة و شعر تِفّة ... مرجخيص و النبق الرخيييص ,, جابوهو بالجمعة وباعوهو بالخميس..
براااانا بنعرف مستوانا ...
برستييييج يا ناس أر ي ييج .... و إستااايل يا ناس واااائل ...
ما ناس الدمار و رفع الأريال فوق بيت الإيجار ...
ناس الشمار و البوبار ..
ناس الشوبار و عدم الدبار...
د يل خسارة الداية و تعب السماية .......
بطااااااااطس و مستوى غااااااطس ....

هيييييييييييييييييييييى
....بَنَضورة و كشفنا دورها....
قرفة و عدم عرفة... بستلّة و حايمة فى الحِلّة...
كركدى و ما عرفنا ليه ... بامبَى و أبى ينجض لَى ...

نحن الغدا ريجييم و التحلية إيسكريييم.....
متعلّمييين.. من ما قمنا بين الكراريييس ... الفطور فى لندن و العشا فى باريس ..
سمعتنا و مصاريف جامعتنا .. حبّونا وفى الحدائق ما شرّونا ...!!
.. لابسين الموضات و راكبين العربات , مقاعدنا سوستة وسواقنا اوسطى !!
البيابانا بنوصّف ليهو غلط.. و البريدنا بنقطّعو الزلط.........
قناااابل فى محطّة البلابل..
هييييييييييييييييى...

جقر جقر يا كمونية البقر!!!! .. يا القليدة , شرّابة المديدة !!! إنشالله تدخل عليك بالساحق و الماحق و البلا المتلاحق ,, بركة الجمعة الجامعة و الكلمة السامعة !!بركة سيد البريّة و تيران بدريّة !!... قولى آآآمين .. إنشالله تاكلى الضب السمين , بالكسرة و العجين !!
عشان تعرفى شُغل الدفِس البلا نَفِس.. ..
يا الراخية أضانك و ما ناقشة حنانك ,إنتى يا الطيرة المبارية السيرة ..!!!
نفسياات و عدم إمكانياات...شِدّة و بَدَل عِدّة.....
والله دى قصّة و آخرها لسّة ..!!

هييييييييييييييييييييييييى يا ...

عاملة راسك زى المكوة .. و جضمك زى كيس الدكوة....الشعر مضفّر و الوش محفّر ... حسّة دا وش وللا طش ؟؟؟
يا المقطّعة هدومك و مادّة قدّومك ...حسّة دا قدّوم لكّوم وللا كد دوم ؟؟!!
يا التِبِش البِقى يمِش !!صارّة وشّك و مادّة كرشِك !!! يا شارع الزلط المركب غلط !!
دى شلاليف وللا مجارى خريف ؟؟!! .. ديل ***** وللا عيونى كعبات ؟؟!!
هو العسل إلاّ ينقّط والقرد إلاّ ينطّط..؟؟
يخخخخخخخخخخسى و مرض نفسى ..!!!

كوااارع و حايمة فى الشاارع....
مكرووونا و ما عرفنا لونا....

هووووووووووى يا أخوها الجابك شنو ؟؟؟؟!!
لسّة ما خلّيت الشلاقة , والمتاوقة بالطاقة .. ؟؟!!
عارفنّك شليق , و بتشرب بالإبريق ..
يا زول الصَقَت جا ..خلَّى عندك ذووق..
الباب مقفول يللا نط بى فووق...!!
أخير ليك تلاوِز و ما تجى تحاجِز !!!
و أحسن ليك تتدسّة و ما تخرب الرصّة ... كان قُلتا أخ , الليلة بتِتلَخ !!
يا النسيت ناسك و فقدتَ إحساسك ...
شِن جدَّ فى المخدّة ؟؟... التنجيد ولّلا الكيس الجديد ؟؟؟
يا راجل يا كشَا مشَا.. يا العزموك فطور جيت عشَا....
يا الدقّيت بابنا و أكلتَ كبابنا ..تشرب شايينا و تكسّر كبابينا !!
يا ناصل و ما عارف الحاصل ..!!
هووووووى يا أب رِدا ... وشّك كِدا ؟ وللا خَرَبو الشِتا ؟؟ ... أجيب ليك عيشة تقرّضا ؟ وللا مخدّة تنجّدا ؟
يا طويل يا سلك الغسيل .. يا شمّاسى يا ظهر الكراسى...
هبّهاااااان ووسخ بيان...
بتدّى ولا بتعضّى ؟؟... يا كِجِنكِى , يا مسمار الزِنكى ..
عامل لَى فيها تفتيييحة و شايل مفاتيييحها...؟؟
كان إنت واقع من السما ,نحن اللزّيناك ... و كان مزروع فى الأرض , نحن الغزّيناك !!

هيييييهييييييييييييي يا ..
ما تقعد تنقنِق و عُضامك تطقطِق ...
إنت واقع من لورى شطّة ؟ وللا فاتتك المحطّة ؟؟!! ..
ما تعمل لَى فيها خطيييير و بتستحمّى بى موية الزيييير ... يللا كِش عشان نقدر نمِش ..
ما تقعد تعاين و تطفّش الزباين ... و أوع تِنفَرّا و تمرُقنا بى برّة .. ولّلا تتمطّى و تكشّح فينا الشطّة ..
يا الكاتلاك السخانة , و ما شُفت الحضانة ..عيشتك كلّها فوضى , و ما دخّلوك الروضة !!
يخخخخخخسى و مرض نفسى

والله ياعوض السيد نتجيب جنس حاجات ...وبرضوا بتدخلوا فيها لندن .داير ترجع عمنا شاويش مربع واحد ..وانا جاهز...وستات الشاي ديل شغالات وين في قاردن ستي ولاشنو....

زهير اخوى الناس كلها اتأثرت بالمعلوماتيه والشتايم المنطقيه.
أوعك تقع ليك فى ست شاى

حلوة يا ابو السيد شكلة بي مزااااااااااج ؛؛؛؛؛؛؛؛؛؛؛؛
لكن لو سمحت لي احب اوجه رسالة قصيرة للمسئولين بالنسبة لستات الشاي:
ست الشاى بالتاكيد طلعتها ظروف قاهرة جداً من بيتها للشارع العام وانا بحييها وهى تكابد عناء الاجر اليومى البتلقاه ورغم عن كدا تطاردها سلطات المحلية .
يجب علي السلطات ان تضع معالجات عبر اكشاك خاصة بكل ست شاى وتتعامل ذيها وذى اى صاحب متجر افضل من كل مرة مشتتين ليها عدتا وتستبدلم بعدة اساسا غير صحية . علبة لبن تسخن فيها مع كترة السخين بتتحلل المادة اليفها دى وتبقا مشكلة .
هى امراة قبل كل شيئ لديها اطفال فى مراحل التعليم المختلفة .مطلقة . ارملة .كلها ظروف قاهرة .اتمنى ان تراعى ظروفها وتلتفت اليها الجهات المسؤولة .
دمت

عوض السيد رهيب ...... بهدلة بالكوم و كلمات في غاية الطرطشة ..

المحيرنى عوض السيد جاب الشتم ده من وين 00نحولك لى طارق

ابن عمي يا استاذ غريق اليوم مزاجو رايق اخد اجازتو من يوم الخميس والجمعة والسبت عندهم مولد وامس المريخ غالب الاحابيش والوهم ديل خلاص بقى فايق فيقة بس يفكر وينسج في البهدلة
الله يخت محنك يا ابو ابراهيم
والله الما بعرفك بيقول قاعد تمشي جامايكا

محمد نوية : ايها الحساس , معليش نحن ربما مشينا ورا الموضوع ظاهرياً ,,, اكثر من مضمونه ,,, حقيقة معظم ستات الشاي ما أخرجهن إلا الذي أخرج رسول الله صلى الله عليه وسلم وأصحابه حيث خرج يوماً في نحر الظهيرة فوجد أبا بكر و عمر فقالا له : ما الذي أخرجك يا رسول الله ؟! قال : وأنتما ما الذي أخرجكما ؟ قالا : ما أخرجنا إلا الجوع ، فقال النبي صلى الله عليه وسلم : والذي نفسي بيده ما أخرجني إلا الذي أخرجكما)) ....لابد من

وقفة!!!!ً

المسكينة خرجت من أجل أبناءها ,ومعظمهن إمتنعن عن الكسب بصور أخرى , لأننا نعلم بأن الحرة تجوع ولا تأكل بثدييها..... وعجبي أن بعض المؤسسات تفرض عليهن ضريبة وهي تربي في أيتام .... وتسترزق من وراءهن ,,خوفي أن أولئـــك يدخلون في باب ممن يأكلون أموال اليتامى ظلماً .......شكراً عزيزي محمد نوية ,,, جعلتني أخاف أن أدخل ممن يسخرون من الناس فعسى ان تكون ست الشــاي هذه أفضل عندالله مني ,,,"أستغفرالله واتوب إليه" ودعتــــك الله يارهيف .

من طرف **amin_manga** 28th فبراير 2010, 15:54

يا عوض السيد قبيل لامن فلتت مننا كلمة صغيرة وخانا التعبير وقلنا كباية كباية قمت زعلت

يا جنابو انت ما تتكلم هسع في محل صورتك البكب دا شنو؟ كان موية كان انتهت ولا غرقت المكان
ما لك ما قطرتها كباية كباية

أشكركم ايها الاحباب على مداخلاتكم اللطيفه.
والله يا جماعه لقيت الموضوع قريتو وضحكت قلت اضحكم...
ول نويه انت انسان اصيل وياريت الاخذ بيد هذه الشريحه من قبل المسئولين.
ناس جمايكا ديل اولاد جيرانّا يا ابن عمى.
جنابو صحى المويه البتقطّر فى محل صورتك دى شغاله بكهربه ولا طاقه شمسيه(مش من حقى أزعل لو ما عرفت الحقيقه

من طرف **amin_manga** 2nd مارس 2010, 00:00

يا ول كمبال لولا الشلالات دي كان زماااان شدرتك دي يبست كررررررررررررر وشاهيكو دا الا تشربوهو في الجو
قال شاي قال!!!!!!؟
نحنا كان ما متنا شقينا المقابر يا ود عمي ابراهيم انا فاكر صلعتك دي في الكيمياء تقوم تطلع لي شاي ساااااكت !؟
(بالله شاهيكم دا أخضر ولا أحمر ؟)

شكلة ستات الشاى

شكلة ستات الشاى

رد: شكلة ستات الشاى

رد: شكلة ستات الشاى

رد: شكلة ستات الشاى

رد: شكلة ستات الشاى

رد: شكلة ستات الشاى

رد: شكلة ستات الشاى

رد: شكلة ستات الشاى

رد: شكلة ستات الشاى

رد: شكلة ستات الشاى

رد: شكلة ستات الشاى

رد: شكلة ستات الشاى