طريق ابوجبيهة

اخواني افيدوني هل طريق ابوجبيهة العباسية امروابة انتهى العمل فيه سمعت كلام قالوا الطريق على وشك الانتهاء اتمنى ما تكون تخريمة شاي
بسال من الاستاذ والفنان بشير محمد ثاني اتمنى ان يكون بخير

الاخ محمد النو شكرا لك وانت تهتم بشأن البلد
الطريق لم ينتهي العل فيه يعد لكن جاري العمل فيه بصورة جميلة جدا
الحقيقة تقال ان المقرح لم يعد عقبة بعد فكل
شكرا حبيبنا

اخى طارق مشكور على المعلومة بس عليك الله فصل جارى العمل هذه ما كفاية لان العمل جارى منذ 12 سنة ونيف المهم الإزيرق سوه ولا لسع وكم كيلو إتسفلتت

يا الحبيب التجاني ما قلنا نطمن الناس شوية انت ما سمعت بطرح القلوب بالني
الحكومة قالت دايرة تجيب ليكم مطار عديل بدل الظلط يعني كان داير تجي الخرطوم تاني مافي ام جليلي وبدل ما تقابل ود ام سيالة في ام روابة حتقابلك مضيفة انيقة وتسألك احتياجاتك شنو؟
وتاني يا اخوي الجيلي نحن ناس عندنا بهائم بقر وضان وحمير خايفين عليها
اها كان الظلط ده تم ناس ام جليلي والتاتشرات ديل ما بخسروا وانت بتدور لاهلك الخسارة ما اظن

لقد وقفت عند كلمة الإزيرق ...وضحكت ..شكراً يا اخي العزيز التجاني الطيب الزين ... ووينك ياراجل ... ( يعني اشتكيك لأختك ؟؟؟) أرجوك اظهر ..طارق دايماً كلامك بطعم السكر ...وتسلم... وشكراً أخي محمد النو .. على موضوع الساعة ...وبالجد سؤالك جيد جداً ...ولك التحية .... محبتي ..

طيب يا اخي العزيز طارق كمبال كان سولينا مطار وخلو الطريق كان عندك ليك كراتين منقة الطيرة تقدر تشيلهن

الحبيب محمد النو بعد ما يجي المطار ويتم سفر الناس بالطيارة وتتحطم بينا في الاجواء بعد كم طيارة كدة نجيب قطارات للمنقة
قطر السبت يوم دور شال المنقة والجرح الفوق قلينا اتعور

والله تفرحونا بالونسة الفيها هموم الحباك اعمامكم بسمعوا فيكم ..وفرحانيين بيكم..بس الدنيا ..ام طرق العراض فرقتنا ..جغرافيا بس روحيا نأتلق..ربنا يخليكم..طارق ول كمبال ومحمد ودالنو والتجانى الطيب والشايب حبيبنا ابو عفان..لكم مودتى

اخونا عثمان ليك كل تحية حلم الجعان عيش نحلم بطريق نحلم بصحة وتعليم نحلم بامن نحلم نجتمع في مناسبة افراح نحلم بكل شي جميل

طارق اخوي ..الواحد يحلم ويتمد علي قدر لحافه ...خلي يتموا الطريق ...وبعدين المطار..خلونا نشبع في السياحي المكنكش ...بعدين نركب الطياره...ومعها الكفن ...
(ولوا اتكلمت في الحبش بكلم )
ودمت ...

شكرا حبيبنا عثمان
يا زهير يا شقي انا بتين ذكرت الحبش
شوف مشكلة ابو جبيهة العالقة

يا ود النو الطريق مقسم لقطاعين الاول 50 كيلو من امروابه إتجاه العباسيه ودا ماسكاه شركه سودانيه تسمى سودانبايل ونفذة حتى الان ظلط 21 كيلو وباقى الطريق 191كيلو ماسكنو الصينيين وهم بدأؤ المراحل الاولى وجادين وعقدهم 36شهر اما اخونا ثانى ترك الحباك واستقر فى العاصمه 00حسب علمى

اخوتى الكرام جمعياً سلام الله عليكم اولاً وثانياً مشكورين كتير على سؤالكم عن الحباك وطريق الحباك والحمدلله الطريق ماشى بصورة أكثر من ممتازة زى ماقال أخى غريق الطريق مقسم الى ثلاثة قطاعات بدلاً من قطاعين القطاع الأول أمروابة العباسية 50كلم الأن الأنجاز حتى 10/3/2010م 27,5كلم ودا حسب إفادة الأستشارى قبل قليل طبعا انا بحكم المنصب بأخذ تقرير موقف يومى عن سير المشروعات الجاري انفاذها فى الولاية أما القطاع الثانى العباسية أبوجبيهة الشركة الصنية استلمت الموقع بدأت فى ترحيل الأيات الأن جارى العمل على تنظيف المسار وجر طريق لحركة مرور العربات يعني سيرفس روت زى مابقولواأما القطاع الثالث أبوجبيهة كالوقى تالودى المفاوضات جارية لتحويل إعتماد طريق كادقلى كاودا لهذا القطاع لانو الطريق المعنى بدأ العمل فية من اعتمادات الولاية التنموية يعنى إذا وافق المانحين على مقترح الولاية سوف يبدأ العمل فى القطاع الثالث أن شاءالله فى خلال شهرين بأذن الله تعالى بس قولوا يارب ...!

يارب يا ابو احمد يارائع

نسال الله موافقة المانحين وان يتم طريق العباسية ابوجبيهة

العمدة ابو علياء لك التحية اخى وبلاش تشتكينى لاختى لانى ساقوم احرض وما ح يمددوا ليك الغياب لاكثر من 6 شهور اخوى طارق كما قال الاخوة نحن فى عرض 192 كيلو سفلتة فقط من زمن نحن اطفال ما سووها لينا مطار دى كتيرة وما كتيرة علينا بس الواقع بيقول الكلام سهل والتنفيذ دهور العزيز اسامة بجد اخبارك سمحة وبتفرح وصراحة قبلها فرحتونا بماء الحباك ومشتشفى لقاوة خليتونا نفكر ونقول ناصية فى لقاوةولا عمارة فى الخرطوم بس يا اخوى اسامة لو تزكر مولد الكهرباء الذى يعمل الان نزلوه فى المجلس ونحن فى الابتدائى ( الشمالية ) ومادور الى بعد سنين وطبعا قبل ما نحصل عليه كان هنالك جهاد عليه كبير وفلوس جما دفعت فى ارانيك 15 (دعم الماء والكهرباء) وياريت يكون الزمن تغير وحقيقة تغير الزمن واتكل الامر الى اهله كونك الان فى موقع المسئولية والكثير من اخوتك هم فى ذات الموقع معك ببقى العشم كبير فى ان نشرب الماء العزب الزلالا من عند الحنفية ونفتك من ماء الابار الارتوازية تلك التى فى امر اختلاطها( بالسايفونات نظر )وان يرى ظلام الحباك نور المولدات يزاحمه الى طلوع الشمس ويسافر الراكب منا على متن الراحة وسرعة الوصول تلك امانينا اخى طارق وماابسطها واعدلها ولو زادوا عليها التعليم والصحة يكونوا قد انصفونا واعطونا الحقوق الاساسية لكم محبتى اخوتى

العزيز اتجاني
انت وين يا اخوي طولت مننا
نتمنى ان يحقق الله المراد وبلدنا اصبحت تمتلك اغلى ثروة في العالم (الذهب ) العيل نحن بنبكي على الموية النظيفة وناس بشيلوا الفاتحة بي كبري ام العكد الطيور
انشالة الميزان يظبط والبصات السياحية تقيف قدام مكتب عمك امام

اولاً احمد الله نو سمعت صوتك ياخى التجانى وينك من زمان طبعاً انا كتب ليك تحية فى بريدك الخاص من مدة منذ ولوجى هذا المنتدى الثر لم در على والله اخى كل ماذكره صحيح مائه المائه بس شوية اجراءات وكلوا حيكون تمام اليوم تحرك تيم المويه وفى حاجه رابعه اتعمل اليوم فى التاسعة ص فى المالية بحضور الوالى وزير المالى عوض الجاز ومجموعة كبيرة من المسئولين والشركة الصنية بخصوص حاجه جديده لنج هى الكهرباء الدائرية تبدا من ام روابة حول الطريق الدائرى الى محطة الفوله التحويلية يعنى 2013م ان شاءالله مويه ونور وزلط ياعم تجانى وقل يارب

لك التحية اخى طارق وبشارة سمحة دهب عديل خلاص ما عليك بجيب ليك جهازgbx4500بس بشرط تعمل لى كفالة على شخصك وتحياتى اخى الغالى اسامة وربنا ما جاب يوم شكرك وبجد كونك فى موقع المسئولية هذه براها كفاية حقا راح يكون كل ما زكرته واقعا وهذا ظن الجميع بك وثقتهم فيك وانت اهل لذلك اعانكم الله على انتزاع حقنا وبارك الله فى جهدكم ووفقكم وتحياتى الى جميع افراد الاسرة والمولود مبروك تانى وبريدك ما وصلنى ومشكور الحبيب

بسم الله الرحمن الرحيم
المحترم / محمد النو
--------
لك التحيةوالاحترام والشكر علي اِثارة هذ الموضوع الهام شارع ابو جبيهة وبعد كل هذه الرُدود علي أمل ان تطمئن بان الطريق ان شاءالله وسوف يتموسنًردد نُرددجميعا قول الشاعر كان حُلما فاصبح حقيقة لا خيالا وفي القريب العاجل بأذن الله سنصل العباسيةورشاد وابوجبيهة بالباص السياحي المُكيف
ويالشكر تدوم النِعم / تحياتي
================