رد: ثنــاء وتهنئة .. للأخت ربيعة محمد التوم

من طرف **moneertom** 28th مارس 2010, 21:52

طارق كمبال كتب:السيد منير اخبارك يا حبيب
جنابو امين شايفو جاب منشار ولم في الشجر هبت انشالله ما غشى شجرتك انت واخونا غريق

رد: ثنــاء وتهنئة .. للأخت ربيعة محمد التوم
من طرف moneertom أمس في 10:05 am

طارق كمبال كتب:
المنشار ده اخونا منير ما شافو
اخي طارق
كيفك مشتاقيييييييييين والله
المنشار يادوب شفتو
ده المنشار الفرطق شجرتكم انتو في كادوقلي
اما شجرتنا وارفه فاقع لونها, جامعه تسر الناظرييييين
( الا من ابي )

السيد المستنير والله شجرتكم عامرة لكنها اخرجت ابوانا من الجنه
المنشار هبشنا هناك في كادقلي لكن بنوزن المعادلة
دمت يا حبيبنا منير

من طرف **moneertom** 28th مارس 2010, 22:03

صاحي يامان
الشجر ده ما بقلل الهوا بالطريقه دي بتبقي كتاحه....

بشوف في الوزين بتعاكم ده الله مرقكم بكرامة البليله
الجماعه لسه لاعبين بابوميه

يا سيدي نحن نطالب بزيادة مناشير وفؤس سنينة من يال جوامع عشان اي شجرة مسوسة نزيلها ونخلي الشجر اليانع
شايف اخوي غريق الكلام ده ما عاجبو

من طرف **moneertom** 28th مارس 2010, 22:21

طارق كمبال كتب:يا سيدي نحن نطالب بزيادة مناشير وفؤس سنينة من يال جوامع عشان اي شجرة مسوسة نزيلها ونخلي الشجر اليانع
شايف اخوي غريق الكلام ده ما عاجبو

الفاضل قال لي يال جوامع فؤسم سنينه شديد
بس غشوه من نافع يال جوامع بتوالو علي طول والشجر المسوس بخضر
اعمل حسابك الكبير كان دخل بخلي العجاج يلوي

لك التحيه والاجلال ابني وليس اخي فمحمد التوم دوواد شقيقى واخي في الله .ولك العتبي حتي ترضي ان جاءت تهنئتي لابنتنا ربيعه متاخره ونقول في لهاولكم الف الف مبروك وانشاء الله بيت مال وعيال وربنا يسبغ عليهم نعمة الصحه والعافيه في كنف التقي والنقي محمد التوم داوود.
عمك حسن الحاج البشير

د. حسن أنت اخ وعم عزيز وغالي جداً علينا جداً.يكفي أننا في حالة إتصال دائم قبل وبعد المنتدى وآخر مكالمة معك قبل سفرك لأبوظبي بخصوص " الجامعة العربية المفتوحة " و أبشرك ولا أقولها مجاملة , استفدت من إرشاداتك .... لك التحية (سنتواصل)...

سلامات اخي الفاتح كيف اخبارك واخبار ناس البيت امل ان تكونو في اتم الصحة والعافية ؛؛؛؛؛؛؛؛؛
تقبل تحيات الاخوة: عبد الرحيم الشيخ ومحمد النويري بالامس كنت مع عبد الرحيم في البيت جاء من السودان الجمعة قبل المضت وكل الاهل قال بخير
تحياتي

أخي الغالي محمد نوية ... لك التحية والتجلة و التقدير على سؤالك عني وعن الاسرة , نحن بخير وفي أتم الصحة, مني ومنهم تقبل الشكر والسلام الكثير , وحمد الله على سلامة أخي عبدالرحيم " نورتنا " نور الله أيامك مع أحر التحايا والسلام الكثير لأخي محمد النويري , ومبروك للفاتح وعقبالك يا محمد....

بينما نحن في مدينة المصطفى صلى الله عليه وسلم ....... مبتهجين وسعداء بالعشره الأواخر في جو عائلي بهيج مع خالتي العزيزه الأستاذه / منيرة وابنها , أخي المهندس محمد أحمد يوسف الذي أتانا من ماليزيا حيث أكمل دراستة واستلم البكالوريوس وسجل للماجستير ..... تحفنا عناية الله سبحانه وتعالى ,,,, وتحرسنا عيون المدينة " طيبة الطيبة" ..... "نسأل الله القبول "...
أتاني هاتفاً يبشرني بقدوم الخليفة الثاني محمد التوم " طبعا الخليفة الأول هو ابني محمد التوم " ,, بحمد الله وعونه فقد رزق ( عبدالرحمن وربيعة ) ولداً أطلقا عليه اسم الجد محمد التــوم .... جعله الله باراً بهما ..... ومن أبناء الوطن الأوفياء....
في المدينة النبوية كانت الأفراح تترى ,, عظمة الإحساس بالمكان و الزمان , سماع الأخبار السارة ,,,,رسائل عزيزه على قلوبنا , مهاتفات لحبايبنا و أهلنا ,,, وتكتمل الصورة بلقــاء نفر كريم نحبهم ونودهم في الله من الداخل والخارج....... إنها لوحة ارتسمت بمخيلتي الآن فقط وتنزلت كلماً بهـــــذا البوست........
مبروك أبو النسب عبدالرحمن والتهنئه موصولة لأهلنا في طوطاح وفكارين وأم روابه ......
مبروك عزيزتي الغالية ربيعة محمد التوم ....
تخريمة ...
"طبعا عندما كنت أهاتفها أيام دراستهاالجامعية لأسلم عليها وأقوم بواجبي تجاهها كانت تقول لي بكل حنيـــة وود وحب " أبوي " .... بل تمدها مــــدا..
وعندما هاتفتها بالأمس القريب مهنئاً ,,,,لم تتغير افتتاحية التحية عندها وهي أم ...."
أدام الله التواصل والتعاضد والموده بينكم ياأعضاء المنتدى وكل من يعز عليـــكم ....

اخي الفاتح واختي ربيعة وزوجها العزيز ...مبروك قدوم الخليفة وولي العهد الثاني ...وهو الخليفة الاول في حسابات الاخت ربيعة فتوح ولا شنو ....
ربنا اجعله باراً بوالديه واحفظة يارب العالمين