اكل التميس بدل الرغيف

عشنا وشفنا واكلنا كمان التميس هو عبار ة عن خبز افغاني حجم القرص اكبر من رغيفنا وكذلك قطر الدائرة اكبر ويعمل في افران بلدية وحقيقة هو لذيذ جدا وخاصة عندما يكون سخن من نارو وخاصة بشاي اللبن طبعا ماعاوز استخدم كلمة حليب حتي ماتضحكوا علينا وتقولوا الراجل خلاص عامل فيها خليجي انا عارف الحركات دي كويس دي تلقوها عند الغافل
اهم حاجة انو هذا التميس قطعة واحدة منه تفطر خمسة اشخاص وحقيقة هذا الامر هو المحيرني والله يااخوان كل يوم الصباح وانا في طريقي الي المكتب اشتري تميسة واحدة بريال وعلبة عدس بريال وعند وصولي الي المكتب ياتي اربعة زملاء لي ونفطر بهذه التميسة حتي الشبع هناك سر في هذا الامر هل هي بركة التميس ام نوع العجنة ؟

يا حيدر يا خوى دى تميسة ولا طشت..قايتو ما بحكم على غايب لكن اجزم ليك (ادريس قدرك) براه يدس تميستين تصبيره...بعدين ياخوى اربعتك اليومى بياكلو فى تميستك ديل صواريخ ساى ولا بى عدلهم...لازم يدفعوا اصلو نحن دايرنك تحوش سريع عشان ترجع لينا..كان باريت لى اربعة x تميسة دى يا هك الحتلت هناك وتكون فعلا من اسرة (حتيلة)...

اخوي الجنيد والله ضحكتني هي فعلا قريبة من حجم الطشت بس المعاي مازي ادريس قدرك ده طاحونه وربنا يحفظو وماشاء الله وسلم عليهو كتير
واطمئن الجماعة ما فوانيس بس دمهم تقيل

ول نوية لك التحية والود والحب وانا سعيد جدا برجعتكم انت واخوي عوض السيد بعد تلاتة او اربعة ايام من الحزن علي رحيل ايداهور
ووالله بالامس كنت بتكلم مع فيصل وقلت ليهو ول تويه وعوض السيد مزاجم ماتمام وبالتالي تركوا غيمة من الحزن علي المنتدي وفيصل قال لي اتصل عليهم وواسيهم في ايداهور
الحمدلله خرجتم من هذه الحالة النفسية وكذلك نحن وكل المنتدي
دمت

شكرا يا حيدر على كلامك الجميل.
والله يجعل ليك البركه فى تميسايتك البتاكلها كل يوم دى

ماعاوز استخدم كلمة حليب حتي ماتضحكوا علينا وتقولوا الراجل خلاص عامل فيها خليجي انا عارف الحركات دي كويس دي تلقوها عند الغافل

يا حيدر الحرامي في راسو ريشة
ربنا يبارك ليكم انت وول نوية في تيمسياتكم دي

بس ما قادرين نتخيلها اكان جبتو لينا منها بنجربها بالأقاشي
دمتم