دردشة انتخابات

بدا العد التنازلي لاجراء الانتخابات ببلدنا السودان وهناك برامج توعوية في اجهزة الاعلام الرسمية اذاعة وتلفزيون وصحف وما شاكل ذلك بالامس علي قناة السودان عرضوا مادة اعلامية عن تصويت المعاقين او اصحاب الاحتياجات الخاصة وحقيقة كانت معبرة جدا ودي حاجه جميلة وكويسة وتدل علي حرص لجنة الانتخابات علي حمل كل السودانيين للمشاركة والادلاء باصواتهم ولكن يظل هناك سؤال مهم وجزء عريض من السودانيين لم يجدوا له اجابة
نعم وشكرا يا لجنة الانتخابات علي حرصكم علي مشاركة كل الناس الاصحاء وذوي الاحتياجات الخاصة او المعاقين ولكن الصوت امانة ويجب ان يوضع في المكان الصحيح وللرجل الصحيح ونحن نري ونشوف صباح مساء عدد من الاحزاب والسياسين المعاقين سياسيا يطلبون من الاصحاء والمعاقين ان يمنحوهم اصواتهم وهم يوعدون المساكين والغبش الاماني منهم من قال انو سوف يحول السودان الي جنة ومنهم من وعد بمجانية التعليم والعلاج والانفتاح شرقا وغربا ومنهم من وعد بصداقة ابدية مع الامريكان ووو
السؤال مازال قائما وقاعدا متي وعد سياسي سوداني ناخبيه فاوفي؟
هذه يا اخوان دردرشة او هضربة انتخابات والعذر والسماح لمن هبشو راس السوط وما تسمعوا كلام المهضرب ده.

أخوى حيدر انا اليوم ماشى فى السوق وطبعا السوق بقى لوحت إعلانات 0صور المرشحين حاجه جميله وملونه وصور مع روساء احزابهم وأخرى مصحوبه بالسيره الزاتيه وعووووووووك وابواب الدكاكين مليانه صور 000استوقفتنى صورة مرشح لحزب الامه القياده الجماعيه(مبارك الفاضل اعنى)وهو مرشح فى الدائره 3 ابوجبيهه مجلس وطنى والمرشح إسمه محمد احمداى احمد محمد لم اعرف الاسم من قبل ولم ارى صاحب الصوره من قبل 00سألة الجماعه فى المسطبه مافى واحد عرفو 00سألة مرغنى قال لى ده مرشح مستورد؟؟؟؟؟

حيدر سلامات
المكفوفين طبعاً مسموح ليهم بدخول نقاط الاقتراع بمرافقة شخص مبصر عشان يصوت ليه في الرمز البقول عليه فقالو في كفيف دخل مركز التصويت وبمرافقة زول سليم وشال بطاقة الاقتراع ومشى خلف الستارة وبداء يتحسس ورقة الاقتراع وسأل الزول السليم قال ليه الشجره وين الزول مسك اصبع الكفيف ووضعه في رمز الشجره قام الكفيف غطى بي ايدو مكان رمز الشجرة على ورقة الاقتراع قال ليه يلا بعده صحح في اي رمز
(ضهربة شديدة)
ربنا يمتعكم بابصاركم

والكفيف الانقاذ مالو معاها؟

تحياتي حيدر...
هضربه في محلها ...بداء العد التنازلي للانتخابات والوعود...نتمني من المرشحين للمجالس التشريعيه والقومية الاعتراف ...من غير كذب بأن مهمتهم في المجالس تشريع وسن القوانين ...عليهم ان يخففوا بقدر المستطاع عن المواطن من الضرائب الباهظه ...والجبايات ...الغير قانونيه...وتاني خم مافي ...
الصور عجيبه ...واللافتات حلوه ...الله ادي ناس المطابع ...ورموز خطيره ...وتالف كتير...والله يستر من التزوير...