قصة عيشه

أول حاجة انا مااسمي عيشة.. اسمي الاساسي الاساسي رغيفة مرات بدلعوني بقولوا لي خبز.. اسم عيشة جيتلقيتو لمن اشتراني الراجل الفقران دا. اول ما جا دخل لبيتو عيالو الكتار جو هجمواعلي وأي واحد كان ينادي: اديني عيشة.. اديني عيشة.. وهاك يا قروض.. ومن ديكوعيييك.. اسم عيشة لصق فيني.. ومليشات الراجل ما اقول ليك كان عشرة ولا عشرين نزلوافيني قرض.. قرض شديد لمن كملت من دقيق الدنيا.. أنا هسي بعاني معاناة شديدةوعايشة مأساة حقيقية (لأنو اول مرة في حياتي اتعرض للقريض.. أنا اصلو مسقط رأسيفي المخابز التركية وكدا.. ويصنعوني من الدقيق الابياآآآآآض الناعم حتى عجني يتمبالآلات الكهربائية الحديثة.. بعدين لما انجض بشيلوني اولاد الراحات.. الناسالرايقين المنعمين.. بياكلوني باللحوم البيضاء والحمراء والسلطات الما خمج والاجبانالبقاطعوها مرة وبياكلوها مرة ديك.. يعني انا طوالي في حالة الق والناس مشتهني ولمنخلاص اكبر وعمري الافتراضي يقرب ينتهي بنشفوني.. في الضل ما في الشمس وفي حتة نضيفةلا غبار ولا ضبان عشان يجو يعيدوا استعمالي تاني.. في الكفتة او السلطة البيضا.. اويلخبتوني مع الكبكبي ويسوني طعمية.. المهم في النهاية مصيري ما بطال ونهايتيسعيدة.. رغيفة.. بت رغيفة.. أباً عن جد، ما حصل في حياة اسرتنا العريقة حصل لرغيفةواحدة الحاصل لي دا اصلو قالوا حبوبتي رغيفة الكبيرة وهي ست الخير النحن فيهو دااترتبت في بيت من بيوت الانجليز اصلو ما كان برتضى انو يصنعونا من دقيق غير الدقيقالابيض وأهم حاجة انو يعملوا مننا اشكال كثيرة مدور ومفلفل وممشط ويزينونا بالسمسموالكمون الاسود البشوفنا جوا الكيس طوالي بيعرف اننا رغيفات لونا بياض على دهبيوريحتنا حلوة.. اما حبوبتي قالوا عندها مثل كانت بتقولوا بتقول: قرقوش في بيت العزولا قروض في بيوت الفقراء.. يا دابي استوعبت المثل لأنو حياة الفقراء دي بالنسبةلينا اسطورة اصل ما قايلة انو في ناس في الاساس فقراء يمكن زمن حبوبتي لكن هسي (impossible). أها نرجع للراجل والمليشا بتاعتوا بعد ان ,وقعت في ايديهم اسيرة مسكونيالشفع قرضك... قرضك.. بعد داك امهم جابت على ما اظن موية فول حسب الوصف البعرفواللون والقوام وشالت بواقيني المقطوع نص والمقروم من هنا ومن هنا وقطعتني حته حته.. بيدين خشنات بالله التقول شغالة طلبة وكبتني في صحن اعوذ بالله قديم ومصدي ومكسر منهنا وهنا وحياة المخبز التركي لو ختوني فيهو وقدموني لي (لولو) كلب ناس (رزة) كانما بتاكلني ولو شنو وشنو داك؟.. وكان طوالي دخلت اصبعها في حلقها وعوووووعومرقت كلالشربتو كلوا بعد داك كبت فيني مويه الفول عجنتني.. اتخيلواعجنتني كدا بيدها طبج طبج.. وطمبجتني بموية الفول ولخبتتنا زيين حتى اصبحنا روحواحدة في جسدين.. بعد داك ختتني لاولادها الجعانين وداك يا لهط.. الهطك.. الهطك.. في كسر من الثانية قضو علي.. اها الباقي حقي داك قالت يشربوا بي الشاي شالتني جدعتني فيجردل كدا اظنها وارثاهو من حبوبة حبوبتها.. الغطاية شكل، الجردل شكل اتخيلوا لقيتمنو جوا الجردل!؟ العيش البلدي بسمع بيها سمعان.. ما حصل طول حياتي الخبزية لاقيتلي عيش بلدي بالجد.. ياها العيشة ست الاسم.. هسي انا عيشة ودي.. دي عيشة اول حاجة.. قالت مدورة.. قال غايتو شكل دائري لكن جعانة مطفوقة من هنا ومحرقة من هناك ووشهامليان حبوب وجسمها مقشر وما فيها لب وريحتا.. عفن خبز.. عفن خبز.. اناوالله قايلاها نشفت وشبعت نشاف لكن فجأة قالت بلغة الافران البلدية ديك: (وين يافردة.. بيضة وملظلطة كدا جابوك من وين؟ اكيد كنت عايشة بره في الافران التركية؟واللماك فينا شنو ياختي؟ انقطع نصين انت يمين بالله يا رخصتي يا مسروقة! اتفصلي يا اختيارقدي الحته هنا امان.. غايتو بالليل بيجي فار بكركب لكن ما بقدر يخش؟ اترعبت وصرخت: فار!!؟ وبديت ارجف قامت العيشة الناشفة ضحكت وقالت: حيلك حيلك مالك يا ختي رجفتي ذيالكستر.. مالك ما شفتي فار قبل كدا.. الفيران ديل بيقرضونا عادي مع الجماعة.. لكنما تخافي لو دخل انا بقيف في وشو وبفديك وبنقرض بدلك.. طبعا انا اتكيفت منهاوشكرتها قامت قالت: افو.. افو انا عيشة بتك يا قرشوش!! الليلة الفار دا كان دايرالامساك المزمن الليجي داخل.. اخدي راحتك مدي كرعيك وارتاحي من الوقوف، أتكي.. ارتحت من كلامها وشفتنتا طمنتني.. كنت قايلاها من العيشات الفقريات البحقدواعلينا ونفسهم ننسخط ونبقى زيهم بلديين يعني، لكن طلعت طيبة ولبتها بيضة ذي لبتيسبحان الله، من طيبتها قمت اتشجعت سألتها: ومالك براك هنا وين اخواتك؟ والله دي قصةطويلة احكيها ليك: كنت انا واخواتي معلقين في الكيس البره داك شايفاهو... لكنالجماعة نزلوا فينا كجمي من الصباح شي قريض وشي بالسكر وشي بالمويه والملح والزيتوشي بالعرديب اتخيلي مدى الحموضة والمرارة العايشين فيها طوالي جاتني ليك صحوةنووية كدا قمت اتمردت ودخلت الجردل وقبال ما تجي بشويه كنت مقررة الليلة انتحر اكلابالفار حتى الرمق الاخير لكن انت جيتي واتكتبت لي ساعات زيادة.. والله اول ماجيتيقلت ديل شنو المتمردين البيوض الجو انضموا ديل؟ انتو يا هنايه صحي ليه ما تمردوا؟يعني خلاص اموركم مظبطة؟ انسى.. المشكلة انا ما قايله انو ست البيت عملت مخبئي داماعون عيش.. ايه الكربه الانا فيها دي؟ دا مصيري عشان بحلم بس اكون حلم جعان واحداقوم اقع لي في زريبة جعانين يبهدلوني وملطشوني معليش نكدت عليك لكن الرحمة جايهكلها ساعات ونموت قروض.. وقلت ليها معليش لكن عندي تاني سؤال لو سمحتي بس محرجشويه.. قالت: اسألي لا احراج في القمح.. قلت: معليش يعني ما تفهميني غلط.. لكن صحيحبتسفي.. قالوا مرة لقو جواك سفه.. دي حقيقة ولا اشاعة؟.. قالت: اشاعة طبعاً فاكنهاعشان انتو طوالي تكونوا راقين ونحن منحطين.. (اجي.. يالسفة في العيش والله دي خرمةدي).. هسي نحنا ما عارفين انو سماحتكم دي ماساي بتستعملوا برميد البوتاسيوموبتبلعوا حبوب الخميرة.. مرضتو الناس بس خليها مستورة.. ما في داعي ندقالصفايح ونطلع الفضايح في النهاية كلنا بنات فرن.