قالوا بربطونا بشبكة الكهرباء القوميه

اتفاقية قرض بمبلغ 270 مليون دولار لربط مدن جنوب كردفان بالشبكة القومية للكهرباء
2010-03-20 02:39:17
أعلن مولانا أحمد محمد هارون والي جنوب كردفان ان الاسبوع القادم سيشهد توقيع إتفاقية قرض بمبلغ 270 مليون دولار لتشييد الخط الدائري لأبراج الضغط العالي للكهرباء والذي يربط كل مدن الولاية بالشبكة القومية
وأبان أن وزارة المالية وافقت على القرض والذي سيتم التوقيع عليه بمدينة الفولة ، موضحا أن أن فترة تنفيذ المشروع 36 شهرا وأكد الوالي خلال زيارته لمدينة المجلد والتي تفقد خلالها عددا من المنشآت و المرافق أن حكومته تعمل الآن من أجل وضع حلول جذرية لمشكلات المياه بمدن الولاية الست الرئيسية بالاستعانة ببيت خبرة متخصص الذي بدأ في دراسة التصميمات الهندسية التي تستوعب معها التوسع المتوقع خلال أربعين سنة قادمة
إلى جانب خطة طموحة لتوفير مياه الريف للإنسان و الحيوان و أكد مولانا أحمد هارون أنه وجه بالبدء فورا في إتخاذ التدابير اللازمة لتأهيل محطة كهرباء المجلد ورفع طاقتها الانتاجية وتوسيع الشبكة
وفي مدينة بابنوسة تعهد مولانا مولانا أحمد هارون بإنفاذ مشروعات التنمية والخدمات بالمدينة خاصة في مجالات الطرق والكهرباء
وقال لدى مخاطبته المواطنين في لقاء جماهيري انه يجري الآن تنفيذ طرق داخلية بطول أربعة كيلومترات ،معلنا تبنيه لطرق إضافية لتغطية كل ارجاء المدينة و وجه سيادته برفع ساعات التوليد الكهربائي بالمدينة من 4 ساعات إلى 12 ساعة في اليوم كمرحلة أولى إلى جانب تأهيل شبكة كهرباء المدينة
وأعلن هارون التزامه بتوفير اطباء اختصاصيين في مجالات النساء والتوليد ، الباطنية و الأطفال والعمل على معالجة التباينات في توزيع الكوادر الصحية بالمستشفى ومن جانبه استعرض معتمد محلية بابنوسة مشكلات المحلية في المجالات المختلفة و الجهود المبذولة لمعالجتها مناشدا حكومة الولاية لمواصلة دعمها للبرامج التنموية بالمحلية
ومن ناحية أخرى التقى الوالي بشباب بابنوسة و الذين قاموا بتسليمه مذكرة تحوي تظلمات مواطني المنطقة و مطالباتهم و مقترحاتهم لتنميتها ، حيث أكد الوالي ان كل ما جاء في المذكرة سيجد طريقه للتنفيذ

يا احبابنا والله فيما يخص الطريق الدائري دا موضوع مفرق منه وانا متابع الموقف من المينا يعنى سمع وشوف واليوم باذن الله سيتم سحب القلابات والتناكر وفي طريقا مباشرة للموقع والشاهد علي ذلك تيم من السواقين وصل يوم الخميس للاستلام بس يا ولدنا اسامة نوّرنا عن موضوع الكهرباء دا الله ينوّر عليك

هوي ياول نوية دهب مرفعين ده الناس شافوا وحاجة حقيقية لكن الكهربة كلام ساكت ونحن ماشفنا مابنصدق اي كلام جرايد
مشكورا خونا منقا للتاكيد وربنا يوفق.
طيب اسو لينا الطريق وبعدين الكهربا
به كلام انتخابات ساي

مشكورين نتمنى ان ننعم بهذه الخدمات 00الحكام جادين وزى ما بقولو مولانا كراعو لينه علينا00وبعدين يا ود النو انا امبارح جاى من الحباك وفى المقرح لقيت عربات الصينين وقمت وقفت معاهم وسألتهم من الكهرباء الماشه شرق الولايه واشارو لى لواحد صغيرون قالو لى ده الجاى يعمل المعاينه وهو جاى من الفوله لكى يطمئن على المسار لكن الظاهر عليه نصيبه وانت عارف يا ود النو الكلام بتاع الكهربه ده نجيض زى الرقيف

والله يامنقة ويامحمد وإحسان والأخوة كل المواضيع ماشه مئه مئه وتوقيع الكهرباء حيكون فى الفوله يوم الاربعاء الموافق 24/3/2010م بحضور السيد رئيس الجمهورية وزير المالية وزير الطاقة والسفير الصينى وكوكبه من نجوم قيادات جنوب كردفان وربنا يستر ويكف العين ياجماعه ودعواتكم

اخي محمد الامين لك التحية والود والله يبشرك ووالديك بالجنة وانت رجل دائما تاتينا بالبشارات
كذلك الاخ اسامة ربنا يبشرك ووالديك بالجنة وحقيقة تكون قفزة نوعية لمدينة ابوجبيهه الطريق والكهرباء القومية

تسلم يا ود الخالة لكن بيني وبينك :-

غيابك طال كفاية تعال شغلت البال بالف سؤال ......

تحيّاتي و أشواقي

اخوي محمد الامين موية زمزم ما وصلتك؟
ياخي انا موجود وكتير متل الهم انت نظارتك مقاس كم؟

معليش يا ود الخالة انا المحتاج لنظارة انشاء الله في شهر يوليو نشرف

من خشمك لله ياجنابو دايرين دائما نشوف البلد في العلالي كهرباء قومية وطريق زلط وبصات سياحية وكدا...امين

اللهم افتح علينا فتحا مبينا
وعم الخير والسلام على كل ربوعنا

الله يبشرك بالخير ابو السيد
وربنا يوفق القائمين على هذاالامر
ونشهد اكتمال الطريق والكهرباء التى هى اساس التنميه
ويكف العين
آآآآآآآآآميييييييييييييييييييين

بشارتك حلووه ياجنابوا ...بس تابع لينا حاجات الكهرباء ...الشارع بقي نجيض ...
اخي محمد سعيد السياحي دا كان جاء تاني مافي شيل فحم لي ناس الخرطوم الراي شنو ...

الحمدلله الذى انعم علينا..وربنا يثبت مولانا احمد هارون ومآزره عبدالعزيز فى تناغم يحسد عليه..اخوتى من كثرة الوعود وخيبات الامل المخيمة فى جوانا ما قادرين نصدق..ولكن نقول شكرا اخونا ياسر ..المنتدى اضحى مؤسسة توثق الخبر اليقين ..الله يحفظكم ويطول العمر ونرى الناس نشوى بالخدمات