غزال الحي

غزال الحي

*أصاب المريخ الغزال في إنجمينا، وسيشويه بعون الله في أم در!

* المريخ جاب الغزالة حية يا معاوية دفع الله.

* برغم الأحزان، وتوقف التدريبات، والكتاحة، وإرهاق السفر، أجاد وتقدم ثم عانده الحظ فتعادل.

* في عز الكتاحة، القلوب مرتاحة!

* سجل الأباتشي هدفاً وألغاه الحكم، فسجل هدف خجل الحكم!

* برغم صعوبة ظروف الصياد، إلا أنه لم يسمح للطريدة بالإفلات!

* الدنيا قبايل انتخابات!

* في دائرة أم در: المريخ (مرشح) للفوز لا محالة، والرمز الغزالة!

* في إنجمينا رمي المريخ ظبياً شك بالسهم فؤاده!

* وضرب الأمل الموزمبيقي بالأربعة فصاده!

* هنيئاً لهما، كل امرئ يأكل زاده!

آخر الحقائق

* بأمر الكليتشي، الزعيم بلحم الغزال متعشي!

* آخر عوارض المريخ: هدف قلق العكسي!

* ذكر الزميل الرشيد بدوي أن الهدف العكسي سجله طارق مختار، والصحيح أنه أتى بقدم قلق.

* هز لاعبو المريخ الشباك مرتين وخرجوا متعادلين.

* برضو قدر أخف من قدر.

* هدف المريخ في إنجمينا مسجّل عند الكاف باسم كليتشي!

* وعند الصفوة مسجّل باسم إيداهور.

* الأباتشي مطالب بتسجيل هدفين في الخرطوم.

* منع الحكم الكنغولي القاتل البارد من تسجيل الهدف الثاني.

* بالشبال.. الكليتشي ضرب الغزال!

* مرة أخرى تألق نفطنيو وانتزع آهات المحبين.

* النفطي يا معلم، يا موسيقار.

* ومرة أخرى سجل المريخ هدف التقدم خارج القواعد.

* ما من شباك يمكن أن تسلم من هجوم المريخ القوي.

* شارك وارغو مهاجماً في منتصف الحصة الثانية فزعزع الدفاع التشادي ومنعه سوء الحظ من التسجيل.

* عودة ستيفن للعب في خط المقدمة ستعيد اكتشاف اللؤلؤة السوداء.

* والإصرار على إشراكه في خط الوسط يعني اغتيال موهبته الكبيرة.

* واصل محمد كمال التألق وحرس العرين الأحمر بثبات.

* برافو ود كمال، ننتظر منك مزيداً من التألق في مقبل المباريات.

* الصفوة مطالبة بمساندته معنوياً ليواصل مشوار التميز.

* سجل لاعبو المريخ هدفاً ثم رفعوا لافتة حملت عبارة (لن ننساك يا إيداهور)!

* (هيجتني الذكرى)!

* هذا هو الحزن الإيجابي الذي كتبنا عنه كثيراً.

* بعد رحيل الضباح لن تخرج الصفوة إلى الشوارع فرحاً إلا إذا فاز فريقها كأس دوري الأبطال.

* أجبرت الظروف المريخ على البقاء في نيالا لمدة يومين، فنال منها زاداً معنوياً أعانه على التفوق.

* رب صدفةٍ خير من ألف ميعاد.

* شكراً نيالا الجميلة، شكراً تقابة القرآن.

* من عجبٍ: الفريق العربي الوحيد الذي خسر في ذهاب الدور الأول للأبطال هو الأهلي القاهري!

* لو استغل عنكبة الفرصة التي لاحت له مبكراً لتغيرت النتيجة.

* احتل الطاهر حماد صدارة هدافي الكونفدرالية بكل اقتدار.

* ود حماد خطير، ويعرف من أين تؤتى كتف الشباك.

* يوم أمس الأول أخطرني الأخ جمال الوالي أنه رأى في المنام أن المباراة ستنتهي بالتعادل 1/1!

* في إنجمينا عاد المريخ بنقطة وعافية، وحافظ على سجله خالياً من الهزائم.

* في أبيدجان ظفر الهلال بالتعادل وخنق خصمه بأقل مجهود.

* وفي السويس أجاد الخرطوم وخذلته الخبرة.

* وفي عطبرة انطلقت زغاريد الحرائر فرحاً بفوز الفهود.

* وفي أم درمان: الزلزال في انتظار الغزال!

* بإذن الله: يوم السبت 3 أبريل (عشانا شيّة)!

الغزال الفوق في السلم .......... ؟

والمحبة تزيد الالم

يا اخوي ود النو البارح ده شنو السويتو فينا ده خليت ابن عمي رقد قفى
والله اكان المريخ البارح قلبوه اليوم الاكان ماتجي

المريخ والهلال ضامنين عشاهم فى ام درمان لكن نتيجة الامل مخيفه أما الخرطوم منطقيا فقد الأمل

لكن يا ابن عمي انت المباراة فاتتك فلازم تحاكم الراجل ونحن دعوتنا مرفوعة ومطالبين بتعويض

الزول ما قاعد قريب منى تانى كان لفح لينا خبير ما مؤكد بعد داك يتحاسب طوالى.
تحياتى لك ولود النو

شيخ الوالي يلحقنا ويفزعنا زي ما بقولوا الحبوبات شافها في النوم تعادل

يااهلنا ماتكترو العوي ساااااااااي نحنا الغزالة ضامننها ومن هسي فكرنا في شيتها كيف !!! الكلام في التانيين جاييهم فيل يسوو معاه كيف لو ما حفرو خنادق واستعملو الساتر بدفنهم تاني زي دفنتم الزمان ديك

ياشباب الخب كان اكيد من شبكة المريخ لكن تم التغير
ياجماعة الماجرب اقاشي الغزال احسن يحجز اقاشي او شية لحم الغزال
اخير من شية الفيل الافواري