الصحافة الايفوارية تهاجم مدرب افريكا سبورت وتتحدث عن ألمع نجوم الهلال

الصحافة الايفوارية تهاجم مدرب افريكا سبورت وتتحدث عن ألمع نجوم الهلال
وجهت الصحف العاجية الصادرة امس انتقادات حادة لفريقها والمدرب الايطالي جياني بورتليتو بعد فشل الفريق في الفوز علي الهلال فى ذهاب الدور الاول لبطولة دورى ابطال افريقيا
وكان الخط الرئيسي لصحيفة افينون ( ماذا حدث لافريكا سبورت و صعوبة كبيرة واجهته امام الهلال)

واعتبرت افينون ان التعادل لن يخدم فريقها خاصة ووان الهلال معروف عنه عدم الخسارة بملعبه لانه يتسلح بالارض والجمهور

من جهتها قالت صحيفة لو سبورت المتخصصة بان افريكا سقط فى فخ الهلال لان عدم الفوز علي ملعبك يعني الفشل في تحقيقه خارجها

وابدت الصحيفة دهشتها من العقم الهجومي ثم عدم تهديد مرمي الهلال السوداني رغم ان الاخير لعب مباراة مفتوحة عبر مشاركة 3 مهاجمين و3 لاعبي وسط لان الافريق الايفواري لو كان يملك هجوميا نموذجيا لشحن شباك ضيفه بالاهداف

وابدت الصحيفة تخوفها من مباراة الاياب خاصة وان سجل الهلال علي ملعبه مخيف


اما صحيفة سوبر سبورت جاء خطها الرئيسي خيبة امل

وقالت ان ممثلها خيب امال عشاقه وظهر خائفا امام خصمه

واضافت هل يعقل يا جيان (مدرب الفريق) ان تلعب بخمسة مدافعين وتتمرس امام مرماك وفي ملعبك

وابدت الصحيفة تشاؤمها من مباراة الخرطوم

واشادت الصحيفة بحارس الهلال المعز محجوب وراعي الدفاع ووصفته بالخط الصلد كما امتدحت اداء القائد هيثم مصطفي بعد نزوله

اشادت الصحيفة بطاقم التحيكم السنغالى بقيادة الحكم السنغالى مالانغ

بلغ دخل اللقاء اقل من 5 الف دولار واندهشت الصحف من ضعف الاقبال الجماهيرى

شهدت مباراة امس حضورا اداريا رفيعا من قبل الاندية الاخرى لمؤازرةافريكا ولكن افريكا خيب الامال

صحيفة لو سبورت اشادت بلاعب الهلال عمر بخيت وقالت ان فريق افريكا سبيوجه صعوبات فى السودن بسبب الجمهور

قالت الصحيفة ان افريكا سيواجه صعوبات كبيرة بسبب جمهور الهلال الغفير

صحيفة قوون

تاريخ النشر الثلاثاء 23/03/2010 م - الموافق 8-4

واعتبرت افينون ان التعادل لن يخدم فريقها خاصة ووان الهلال معروف عنه عدم الخسارة بملعبه لانه يتسلح بالارض والجمهور.

ياربى ناس ساحل العاج ديل ما عندهم خبر بالخماسيه المازيمبيه ولا شنو

عندهم خبر بالسبعة حقت الاردن بس

د.احسان لك التحية شايف اخونا عوض السيد بلف يمين وشمال شوف الهلال عندو دفاع قوي جدا وبراك شفته ناس سامي وديمبا تكس يرجع تضرب فيهو وترجع ديل صخرات دفاعية شوف ليكم غزال اكلوه اما نحن بناطح ليكم الافيال
وسلمي لي علي قزاله شادي ده

أحيكم يا عيال زرقان على هذه النيران الحيه.......

الغزاله دى تاريها قويه كده

انتو غزالة شاد دي موري ولاام دقدق(غزال البر ياراحل حرام من بعدك.......)

ياخي دي غزالة مضمونة في كفة اليد لو بي شرك بتاع عصب ساي كدة بنصيدا ؛الكلام في الفيلة دييل بسوهن كيف دا بجر بخرطومو بس من بعيد (يب) كدة بدفن في المقبرة ربنا يكضب الشينة

فال الله ولا فالك محمد وا ابّ نوية

العباسي لك التحية والمحبة اخوي غزالتم دي ما ام دقدق دي زي تيس الغزال اللقيناه في الفو في ديار اولاحميد تتذكر وكتل بيك ملف قرب يقلب السيارة وكتها كنت انت السائق
جماعتك ديل يستهونوا لمن تيس الغزال يكتل بيهم ملف ويخلي خشمهم ملح ملح

والله ياحيدر كان بقي زي تيس الغزال الليقناه في الفو دا بوديهم التوج(تذكر محمد يانتين الكاواي قال من الله خلقهم عربية كتلة بيهم ملف زي دا ماشافوها)الله يستر

العباسي امس سعد العمدة جابوه في قناة السودان لابس ليهو عمة مشغولة بالاحمر زولك ده مريخابي ولشنو والله كرهتوا كره
ده رجل ماعارف جابوه كيف لمجلس ادارة الهلال
بالله في زول عاقل يعمل كده؟

ول نويه القروش عندكم لكن الله غالب
محبتي

طبعا سعد العمدة دا الارباب شافو عندو قروش قال احسن نجيبو مجلس ادارة الهلال عسي ولعلي نستفيد منو لكن طلع كنجوز كمان الايام دي عمل ليه قرينات قل ليهو امشي شوف حصينك وين مابتقدر علي الارباب