لاعب جماهيرى كبير فى أحد أندية القمه مهدد بالشطب

علمت (كفر و وتر) من مصادر خاصة ان احد كبار القادة المتنفذين في احد اندية القمة وافق على اقتراح تقدم به مسئولين اخرين بشطب لاعب جماهيري كبير في شهر يونيو المقبل بناء على التوصية التي رفعت له (هاتفياً)حول التدخلات المريبة التي ظل يقوم بها اللاعب خلال الفترة الماضية والتي شعبت من الخلاف الموجود بين عدد من اعضاء مجلس الادارة .
الايام القادمة ستكشف مزيد من التفاصيل حول هذا الامر ، وربما كان الامر عبارة رسالة للاعب بان يبعد نفسه عن التدخل في الخلافات الادارية الدائرة في النادي هذه الايام .

[خالد بخيت موسى] [ 23/03/2010 الساعة 1:01 مساءً]
علاءالدين يوسف!
[خالد بخيت موسى] [ 23/03/2010 الساعة 1:02 مساءً]
علاء الدين يوسف!
[عبدالعظيم الماحي] [ 23/03/2010 الساعة 1:09 مساءً]
ما تقولوا هيثم مصطفى عديييييييييل كده بتخافو ... هو في غيرو بيتدخل في الكبيرة الصغيره ... اقول ليكم عينو مدرب وأشطبو كامبوس مادام عمل فيها أبو العريف
[بدرالدين زرقه] [ 23/03/2010 الساعة 1:09 مساءً]
ما تريحونا يا ناس كفر و وتر وتقولو لينا ده منو من لاعبي الهلال
[نورا] [ 23/03/2010 الساعة 1:10 مساءً]
هيثم ابعد نفسك من الصراعات انت محافظ طول عمرك ما تنهار في النهايات ..
ناس العمده ما يغشوك بقروش المؤتمر الوطني وتصدق
[الجنزوري] [ 23/03/2010 الساعة 1:24 مساءً]
سيدا ركب مكنه جديده .
[عبد الله احمد] [ 23/03/2010 الساعة 1:24 مساءً]
غايتو المريخ لاتوجد فيها خلافات ادارية ...
قولوها واضحة انه هيثم مصطفى
[نبيل ] [ 23/03/2010 الساعة 1:38 مساءً]
هيثم مصطفى بل راااااااااااااااااااااااااااسك
[خالد بخيت موسى] [ 23/03/2010 الساعة 1:41 مساءً]
علاء الدين يوسف!!
[هلالابي] [ 23/03/2010 الساعة 2:36 مساءً]
هيثم مصطفى ما بتشطب ولا حتى من باب التهديد
ده أكيد علاء الدين يوسف
[هاشم] [ 23/03/2010 الساعة 3:12 مساءً]
الكلام ليك يا ود مصطفى
[النور والنار] [ 23/03/2010 الساعة 3:29 مساءً]
لا داعي للزج بعلم المريخ هنا فالمشاكل الإدارية والمالية والنفسية وغيره معروف مكانها في ياتو نادي ..
ثانيا: اللاعب الذي يفتعل المشاكل ويتدخل فيها هيثم مصطفي ولكن لاصلاح ادريس ولا مجلس الهلال مجتمع يستطيع ان يوقف هيثم مباراة واحدة ناهيك ان يتجرا ويشطبه من كشوفات الفريق هذا ضرب من الخيال ..
الخبر هو مجرد تهديد غير مباشر لهيثم مصطفي لا اكثر .
[ابوالمجد] [ 23/03/2010 الساعة 5:06 مساءً]
ياحليل زمن الادارات تشطب اللاعبين والله اداراتنا الحالية لا تتجرا على زعل اي لاعب ناهيك عن شطبه ولو عمل اكبر الكبائر----- اللاعب المقصود هو الدخيل علاء الدين يوسف--- لكن هل سيشطب-- قطعا لا والف لا--- ربنا يرحم ابو العائلة والطيب عبدالله--- ويمد في عمرك ياعصام الحاج---- كله مجرد ااجتهادات كفر ووتر
[واحد من الناس] [ 23/03/2010 الساعة 5:11 مساءً]

ده بقى زي منشار الخشب طالع ماكل نازل ماكل .

ما بيمشي ...

هم يادوب يكشفو امره شغال سمسره في التسجيلات ومافي لاعب جدد للنادي الا بياخد عموله فيهو .


[بلبل] [ 23/03/2010 الساعة 5:17 مساءً]
معقولة يا ناس كفر انتو ما ذى القاعدين تقولوا حاجة عندها 4ارجل بتقول باع بيضبحوها فى العيد ما تقولوا علاء الدين يوسف بالواضح كدة فى داعى لللف والدوران والغمز واللمز
[sadomba123] [ 23/03/2010 الساعة 5:17 مساءً]
هيثم سيدا هاري الفشافيش
المحروقين كلهم ركزو عليه
وعلا بصمة الدخلها في بتوع التمهيدي ى والغزالة حاوزت
ليه ما يكون جدو العحب احتحاحا علي تحزينه في الكنبة
او طمبل تمامة العدد
[عمده] [ 23/03/2010 الساعة 5:19 مساءً]
المقصود هو هيثم مصطفى..وبيني وبينكم هيثم كترها شديييييييييييييد ..عشان كدا مفروض مجلسنا يتخذ قرار حاسم جدا اذا كان هو المقصود فعلا .
[عمر ودشندي] [ 23/03/2010 الساعة 5:52 مساءً]
الله يستر اذا ضيع الارباب هيثم مصطفي او علاءالدين يوسف سوف نخلي ليهو الهلال وبعدين انتو تعالو لمصلحة من نشرتو هذا الخبر كلكم شتالين وفتالين لا هيثم ولا علاء ممكن يتركو الهلال للارباب ولا لسي امين بتاعكم كرهوتنا الكوره زاتو عالم كرور عاوزين تدمرو معنويات احسن اتنين في الهلال عشان يخلو ليكم الجو يا دلاقين يا عفن وتستفردو لكن ربنا سبحانه وتعالي في وقعتكم القرعه مع الترجي وانشاء الله تطلعو قبل يونيو يا رب
[يس] [ 23/03/2010 الساعة 7:22 مساءً]
عملتوها واضحة يا ناس كفر ووتر
معقولة ؟
هيثم يعني الهلال من ايام الطيب عبداللة

[يس] [ 23/03/2010 الساعة 7:32 مساءً]
من صادر خاصة!!!!!!!!!!!!!!!!!!!!!!!!!!!!!!!!!!!!!

وتوصية رفعت بالتلفون!!!!!!!!!!!!!!!!!!!!!!!!!!!!!!

اخخخخخخخخخخخخخخخخخ
[ابورذاذ] [ 23/03/2010 الساعة 7:51 مساءً]
يا ربي يكون منو ده بصمه ولا سيدا ؟
[سالم سلامه] [ 23/03/2010 الساعة 7:54 مساءً]
هههههههه ههههه ضحتونا يا ناس كفر ووتر متنفذين ايه هو في متنفذين في الهلال
اذا كنتم تقصدون فييرا او البرنس فيومها سيكون راس الامين عبدالوهاب او الارباب هو مطلب جماهير الهلال
قولوا كده للنقل الخبر ده

اكيد ده حيتحذف
[محمد البرنس] [ 23/03/2010 الساعة 8:50 مساءً]
حسب مصادرنا والمعلوات العندنا تقدر نقول اللاعب المقصود هو هيثم مصطفي بكل صراحه