الوصيف والضرب النضيف

بكرى عبد الجليل يتلاعب بالود بتاع البرازيل.
قالها كامبوس فى صحيفة كفر ووتر الالكترونيه- عدد الخميس 25/3/2010 (أخشى أن تنعكس الخلافات الاداريه على فريق كرة القدم).
قلناها قبل كامبوس من واقع قراءتنا للتخبط الادارى وعنجهية(الحاكو حاكو) واللامبالاة التى ظل سعادة الملحناتى صلاح (بن محفوظ) يدير بها دفة النادى الفقيد المكلومون أهله.
هلال الجبال قهر بل سحق فقيد البلاد ووصيف الزعيم بثنائيه لم تكن مستغربه على الاطلاق لأى متابع لواقع الهليّل من الناحيتين الفنيه والاداريه.
فقيد البلد الذى لم يجدد فرقته المتهالكه بسبب الفقر الذى ضرب بجذوره على صرح المقبره كيف له أن يجارى شبابا أصحاب دماء حاره.
قرأنا واقع الهليّل الذى بقناعة أهله المدسوسه لم يصل الى ما وصل اليه العام الماضى الا بالعطايا الرخيصه و(الدفر) وما زالت قراءتنا كتابا مكشوفا لهذا الفريق الذى أنسب ما يوصف به الان هو أنه دارا للعجزه.
عاد فقيد البلد المكلومون أهله الى مكانه الطبيعى حيث لا يمكن أن يرقى لغير الوصافه.
هلال كادوقلى ابن عاق ضرب الهليّل الكبير بلا هواده.
...... الله أدانا الفى مرادنا......
.....هيبنا يا أولادنا.......
*صداره بفارق الأهداف ومباراة مؤجله مع العطبراوى
......وراى يا جدع........
الملحناتى سقّط حجركم ولسه يا ما حتشوفو

مستر / فا
مالك فاير زي ده
اول حاجة نحنا اولاد اليوم وكان رجعت لي ورا ودي عادتكم الوهاج احسن منكم و قدامكم .... وورينا كشف الحساب
اللعيبة فاقدين التركيز اقصد فاقدين القروش شغالين ليكم بي ابو ميه بس
جنس فلس يا مستر F

معقوله يا ابو السيد الفرح دا كلو عشان صداره فى بدايه الدوره الاولى انتو اصلو ما بتتعظو ما بتستفيدو من الماضى كلو كلو ... اقراء التاريخ الهلال عانى من مشاكل اكبر من هذه وخرج منها اقوى وسبحان الله الهلال الضعيف هذا تصنيفه عربيا وافريقيا ومحليا افضل من الهلال (ب) عشان كدا اهلنا فى (ب) كل همهم اضعاف سيد البلد ولكن هيهات ...

التاريخ رفض ان يشهد لغير الزعيم يا حبيبى يا ماجد يا حريف وانت أدرى بذلك ...أرجع للوراء وشوف الكاسات العبرت المطارات بس ما تحسب لى السوق الشعبى بتاع بنياس

المحموله جوا ..... ياراجل اصحا وفيق .......

ياماجد التاريخ ...غيروا ولا شنو...
المحموله جوا دي بتتنسي ...؟

صحيهو يا زهير ماجد دا شكلو حساباتو كتيره الليله.........
ماجد الجاك شنو انت زميلى وانا بعرفك كنت اكتر زول بتحفظ التاريخ ولا عشان تاريخ الرياضه ما كان مقرر

عشان هى لاتسوى شيئا فى تاريخ كره القدم ولامعنى لها باستثناء المرحوم كاس الكؤوس ايام بندل يونايتد المرحوم ايضا ... وعشان اصبحت اسطوانه مشروخه اكل الدهر منها وشرب وماعادت تجدى بل ماعادت تستر الخجل بعدما اصبحتم بفضل الهلال تمثلون فى دورى ابطال افريقيا وتحتلون مؤخرته بجداره ... سلم لى على المحموله جوا ..

ياراجل ...ياراجل ...
دا سجل ناصع في تاريخ الكورة السودانية ...يحسب من الانجازات العظيمة...

معقوله بس يا ماجد تنكر التاريخ..... معقول بس تبخس حق الصفوه...... معقوله بس تنسى الحشود التى أتت الى مطار الخرطوم لاستقبال الأبطال فى 1989 الذين أتوا بالمحمول جوا ولم يأتوا متعادلين سلبيا مع أفيال الكوتوديفوار..... انتو لأنكم رايح ليكم استقبال..... ناسكم جو من لوممبشى يجرجرون اذيال الفضيحه والاقصاء جريتو استقبلتوهم وهسه جو بتعادل سلبى بعد لطف الله عليكم برضو جريتو استقبلتوهم..... والله الشافتو عينى امبارح مع الخرطوم ما بيسر بال.
انتظرونا نحن بنشرفكم ويا ريت وقتها تتوشحوا بثوب الوطن وليس بالأزرق البالى المتوهن.
حبى واحترامى لك يا عزيز.
ان عدتم عدنا.
الله يدينا الفى مرادنا

سجل ناصع ... سيكافا سجل ناصع دبى سجل ناصع جوبا سجل ناصع .. لا يابن عمتى هذا ليس تاريخا يستحق الافتخار به ... صدفه عمرها اكثر من عشرين عام ولم تتكرر ولا اعتقد انها ستتكرر ...

عزيزى عوض السيد انا كنت من الحشود التى استقبلت المريخ وكنت احلم ساعتها بنهضه كرويه تعم ارجاء البلد التى تستحق بهلالها ومريخها وموردتها ولو كنت اعلم انها سقف طموحاتكم لما فرحت لها ... كل الانديه التى قابلها المريخ فى ذاك العام لم نسمع لها خبرا باستثناء الاهلى الليبى الذى انسحب من ملاقاه المريخ فى دور الاثنين والثلاثين ...

ماذا تقول يا ابوعويض عن الشافتو عيونا مع السوكرتا ...

صدفه عمرها اكثر من عشرين عام ولم تتكرر ولا اعتقد انها ستتكرر ...

أوّل مره نعرف أن الكئوس تأتى بالصدفه..... حلوه الصدفه الكانت معانا من التمهيدى لغاية النهائى.
......هيبه وجبره......
.... الوصيف والملحناتى العريف.....
..... الله يدينا الفى مرادنا......

اولا انت مابديت من التمهيدى بديت من الاتنين وتلاتين امام الاهلى الليبى وانسحب خشيت الستاشر لاقيت البنزرت التونسى واحد صفر فى تونس اتنين صفر فى الخرطوم خشيت التمانيه لاقيت باترونق الكنقولى فيكم واحد سمع بالاسم دا ... خشيت دور الاربعه لاقيت قورماهيا خشيت الفاينال لاقيت بندل يونايتد فى صدفه احلى من كدا ...

كل هذه الانديه التى ذكرتها كان لها وزنها فى ذلك الوقت وبالمقابل كان المريخ فى مجده
أظنك تقصد نجوم الزعيم فى ذلك الزمان لم يتكرروا وليس الصدفه هى التى لم تتكرر.
ماجد اخوى خلينا أولاد اليوم لأن نحن أولى منكم بالتحدث عنه.
حبى واحترامى لك يا عزيز

فلنكن اولاد اليوم عزيزى عوض السيد وفكونا من حكايه المحموله جوا هذه ودعوكم من الهلال وركزو على ناديكم قفص الحمام الميت منذ امد بعيد ... فنحن لا ناكل الجيفه ... عظيم حبى وتقديرى لك

اخى منيرتوم لك التحيه والاحترام بينى بينك الاقاشى خطييييييير مرررره ... بخصوص الانجازات الكره السودانيه ليس لديها اى انجازات تفتخر بها لا على مستوى الانديه ولا على مستوى المنتخب نحن اضحوكه وحمام ميت بالنسبه للعالم الخارجى ... يفرحون جدا عندما يجدو انفسهم امام انديتنا فالمرور مضمون وان لم يكن فالخروج بشرف يكفيهم ...انا لم اتعمد الحديث عن المريخ ولا احب ذلك فلى عشق ابدى هو الهلال اتحدث عنه ولكنى رديت على بوست يتحدث عن الهلال ...حب كبير لك مقرون باشواق لا حدود لها ...

عزيزى منير انا ايضا سرنى التواجد معكم ... شوفكم دا بتشوفوه براكم

ماجد اخوي لك التحية والمحبة وجماعتك ديل بهلوسوا بالهلال في المنام والصحيان

صدقت يا حيدر يا اخوى الناس دى ماعندها شغله غير الهلال ... هلوسه فاتت الحد ... مشتاقين والله