حلاوة الريد فى الإخلاص

حلاوة الريده في الإخلاص **

--------------------------------------------------------------------------------

نوى الرحيل الى الى ارض الغربه شانه شان الكثير من ابناء قريته ليحسن حالته المعيشيه ومن ثم يعود ليتزوج ويرتبط بمعشوقته التى لا يرى الاها بين بنات حيه.
تردد كثيرا قبل السفر لعله يعود ويجدها فى معية رجل اخر برضاها او بغيره طالما ان الابوات فى بلدته دائما يقولون (ماعندنا بتاً يشاوروها) قرر ان يخطبها قبل ان يسافر عله بتلك الخطبه يضمن الزواج منها وتكون ايضا الخطبه والارتباط دافع للاجتهاد فى الغربه ليعود بعد عام واحد فقط ليتزوج ايفاءا لوعد قطعه مع والدها الذي اشترط ذلك...
حمل صاحبنا حقيبته وغادر وسط دموع الاهل وحزن المحبوبه تعتصره الام الفراق والعيون تفيض دمعا سخينا سافر وهو يمنى نفسه بعودا احمدا يوفى فيه بعهده ويلتئم جرحه بلقاء المعشوقه...
وصل الى بلاد الغربه وكله امل فى ان يتحصل على عمل ليحقق من خلاله مبتغاه
لـــــــكـــــن ..
هاهو يكمل شهره العاشر ولم يتحصل على عمل وبدأ يخاف على فقدان حبيبته الغاليه ولم يستطع ايضا الاعتذار من والد الحبيبه فساء حاله واوقف الاتصال بها خوفا من ان يفاجأ بما لايحب و.. واخذ العوازل والحساد يناوشونها بالكلام والاسئله اين خطيبك اين وعده لماذا لاتتركيه وانتى بهذا الجمال والف من يتمناك اختارى من وجهاء الحله وستجديه بين يديك ووووووو
بعد جهد وعناء كتب لها ...

أرجينى فى الميعاد وادى الصبر مده
وفراقنا مهما طال نتلاقى لابدً
عارفانى مابنساك لو طالت المده
وتشرق شمس لقياك مهما الدجى امتده
زمناً ظلمنا وجار راجنو يتعده
وباب الاسى المفتوح لابد ينسده
طيفك معايا دوام من فكرى ماعدا
وبلقاكى فى الاحلام لو مره جات غمده
كلما بنينا امال فى الغربه تتهده
دا الاغتراب ممحوق لاجاب ولا وده
صاح للظروف احكام يوم لين ويوم حده
ومهما ظروفى قست ثابت على المبدا
مو عنى يوم سألوك ليه طوَل المده
ليشن نساكى وفات ليه ليكى مارده
قوليلم الاشواق بيناتنا ممتده
ويكفينى انى براى قى قلبو فد واحده
..
ثم انتظر
وانتظر
وانتظر

فاذا برد الرساله يصل من المحبوبه مباشرة :

راجـاك لاتقلق لو غبت تسعة سـنة
ويوم بالسلامة تعود تلقاني ياني انا

* * *
لا غيرتني ظروف لا ريدي صابو عنا
لا قلبي شالو سواك لا عنك استغنى
تلقاني منتظراك فوق نار ومستنه
والله غير لقياك ما عندي تاني منـى

* * *
كـل مـا يجيني الليـل انا ببكـي وإتالم
تلقاني سـارحه معـاك وبي لقـاك بحـلم
مالك قليبي هواك وجاري مجرى الـدم
فيك التروح الروح وأنا عندي زيك كـم

* * *
طال الزمن بالحيل وانا قاعده مستناك
وبرجاك ومابندم وانا عمري كـلو فـداك
بس يوم تعود ارجوك لاتسيبني تاني وراك
يا أقعد إنت معاى يا إمـا سـوقني معـاك

* * *
سألوني عنك يوم وعن غيبتك العزال
قالوا لي فتَ خلاص غبت وبعادك طال
زول من رحـل خلاك لا جيه لا مرسال
وكتين نساكي وفات خاتاهو ليه في البال ؟

* * *
قالوا لي انسى خلاص زي ما هو برضو نساك
صهين يكون مشغول بي واحـدة تانيه سواك
إبتسمي للأيـام تلقى الزمـن ضحـاك
خُطّابك انتي صفـوف آلاف بتتمناك

* * *
رديت حياتي بقت مقـرونه بـي إنسـان
رابطنا فد شريان ساقينا ريد وحنـان
بيهو بنعيش أحباب في روقة وإطمئنان
ويصبح مصيرنا المـوت يوم ينزف الشـريان

* * *
خليني في جواك لا يبقي بينا عزول
نوم مُطمئن وارتاح واسمع خلاصة القول
لا مال بغيّرني لا إغراء بينا يحـول
لا بيملا عيني سواك لا تاني بعشق زول

* * *
همّش كلام الناس زي ماجَ خلي يفـوت
واسمع حديثي عديل لا يجيبوا ليك هلفـوت
ماناسيه عهدي معاك جوه الفـؤاد منحوت
ويوم ارتبط بسواك انشاء الله قبـلو أمـوت ..

في حب يا خوانا أكتر من كده ؟؟؟؟؟؟؟

كـل مـا يجيني الليـل انا ببكـي وإتالم
تلقاني سـارحه معـاك وبي لقـاك بحـلم
مالك قليبي هواك وجاري مجرى الـدم
فيك التروح الروح وأنا عندي زيك كـم

* * *
طال الزمن بالحيل وانا قاعده مستناك
وبرجاك ومابندم وانا عمري كـلو فـداك
بس يوم تعود ارجوك لاتسيبني تاني وراك
يا أقعد إنت معاى يا إمـا سـوقني معـاك

* * *
سألوني عنك يوم وعن غيبتك العزال
قالوا لي فتَ خلاص غبت وبعادك طال
زول من رحـل خلاك لا جيه لا مرسال
وكتين نساكي وفات خاتاهو ليه في البال ؟

* * *
قالوا لي انسى خلاص زي ما هو برضو نساك
صهين يكون مشغول بي واحـدة تانيه سواك
إبتسمي للأيـام تلقى الزمـن ضحـاك
خُطّابك انتي صفـوف آلاف بتتمناك

* * *
رديت حياتي بقت مقـرونه بـي إنسـان
رابطنا فد شريان ساقينا ريد وحنـان
بيهو بنعيش أحباب في روقة وإطمئنان
ويصبح مصيرنا المـوت يوم ينزف الشـريان

* * *
خليني في جواك لا يبقي بينا عزول
نوم مُطمئن وارتاح واسمع خلاصة القول
لا مال بغيّرني لا إغراء بينا يحـول
لا بيملا عيني سواك لا تاني بعشق زول

* * *
همّش كلام الناس زي ماجَ خلي يفـوت
واسمع حديثي عديل لا يجيبوا ليك هلفـوت
ماناسيه عهدي معاك جوه الفـؤاد منحوت
ويوم ارتبط بسواك انشاء الله قبـلو أمـوت
نص قمة الروعة والجمال ؛فهذا يدل علي الحس الشعري المرهف
لك التحية يا زعيم ونامل في المذيد

اشكرك للرسالة الواضحة ,,,, نتمنى من كل مغترب سافر بعيداً عن الأوطان وترك وراءة هذا القلب الكبير ... أن يعيد النظر في المعادلة............... التحية لبنات حواء في بلادي " كم هن صابرات على ظلم الرجال "

من طرف سيد حامد 31st مارس 2010, 10:05

و الله يا غريق اتيت بكلام ما هين من وين اتيت بهذا الحديث الدر الذى يبرز القيم السودانية الاصيلة و الوفاء والاخلاص والتى اوشكت ان تندثر. انا سعيد جدا بهذا الحديث. احمد الله بان اخوى ابوضفل ياتوة بى(( لفلقة )) لك شكرى سيد حامد

الاستاز النبيل ابو السيد 00نحاول نتزكر الماضى ونعيد الاشجان القديمه ليام ابوضقل لك التحيه يا ابو السيد يا مرهف

من طرف سيد حامد 31st مارس 2010, 14:09

اخى العزيز غريق لك اجمل التحايا و اطيبها .عادة لا اتمكن من الاطلاع على مايكتب مرتين فى اليوم و لكن كنت متوقع انك سترد و الحمد لله لم تخيب ظنى. لك الشكر على تشجيعك لى للكتابة. واعتذر عن الخطا المطبعى فى كلمة لقلق و التى ظهرت( ف) مما غير المعنى. معزرة لهذا الخطأ. لك التحية. سيد حامد

ابو السيد القل حامى إلامافى لقلق شقلنا حمو قل ساى00لك مودتى

حلاوة الريد فى الإخلاص

حلاوة الريد فى الإخلاص

رد: حلاوة الريد فى الإخلاص

رد: حلاوة الريد فى الإخلاص

رد: حلاوة الريد فى الإخلاص

رد: حلاوة الريد فى الإخلاص

رد: حلاوة الريد فى الإخلاص

رد: حلاوة الريد فى الإخلاص