شكسبيلى مره تكسب ومره تجليى

كان فنان من ابناء الهوسا يغنى بالربابه000؟؟؟؟؟؟كده احكو لينا عنو

غريق والله انت بقيت غريق ابوماضى زى جاويش ابو ماضى.
يله يا فلس همتك

غريق (ياغريق) لك التحية وانت تجوب بنا في زكريات الحباك الجميلة ...
تكسبيلي مره تكسب ومره تجلي ..علي ماازكر ان لم تخني الزاكره(حلوه الزاكره دي)..هي لعبة كانت تلعب في الاعياد دائما ...عباره عن مجموعة حلقات تشتريها من صاحب اللعبة ...وبكون عنده تربيزه فيها مجموعة من الاشياء حلويات ...ادوات مدرسية...لعب اطفال ...وانت تقوم برمي الحلقة من مسافة محدده في واحده من هذه الاشياء ...اذا دخلت الحلقة في اي حاجة فهي لك ...
ولا شنو ياماجد....

هو ياعوض هوساوي عندو ربابة بوترين وكان بغني في الحفلات وهو من ابناء العباسية تقلي علي مااظن جاء من الدمازين واستقر به المقام فيها,ومن وقت لاخر بجي ايوجبيهة واسمه سكسي بلي,ومن اغنياته(سكسي بلي بلي بلي انا ود ايكي ابوسياسة مرة نكسب ومرة نجلي)[b]

يا غريق هل انا غلطان عندما قلت(همتك يا فلس).
فلس دا انا عارفو ليك زول بتاع محن و(اريرييييييييف)

شكرا غريق ...عوض السيد ...الفاتح ...فلس ...
دا زمن نحن ماحضرناه...بس افتونا في اللعبة حقت تكسبيلي ...(شكلنا مسطحين وخاشين غلط)

ياسلام ياغريق ذكرتنا بابور جاز العسكري ياحليل ايام زمان..لكم التحية

بجد يا عوض سيد فلس ما خيب ظنك وطلع بتاع حفلات بالكرب ونحن ما عارفين. كورس كمان ويا فلس الود دا صغير ما تكبرو ساكت ما حضر ليكم زمن تربيزة ملاهى النادى الاهلى اقصد طبعا اخى زهير وصحيح شكسبيلى من العباسية

يااخوان العباسي قديم من زمن العربات ام برم برم والبيمسي والفارقو والكومر وماسي ابوقرن والراديو فليبس ابوطارة والساعة جوفيال ورومر وحلاوة دربس واشراقة

التحيه لكم ايها الاحباب لهذا التجلى وشكرا يافلس يا مبدع

فلس فعلا يا تيجانى ما خيّب ظنى لأنى عارفوا ليك بتاع محن لكن حكاية الكورس والشياله دى اول مره أسمع بيها.

كدى يا فلس أدينا حاجه عن ابراهيم سونيا

والله خطير يا فلس..... كان يضع قسضير السجاير على أسنان المشط ثم ينفخ عليه محدثا اصوات موسيقيه رهيبه.
......................................... عشت يا ابو بت الجزيره

يا عوض السيد ويافلس تعرفوا حيى تلأبيب

والله يا غريق انا لى 13 سنه حايم بره البلد...... واخر عهدى بالحباك ما كان فيها تل أبيب.
فلس معليش عليك الله ما تزعل دى اخر مره أحكى لينا عن تل أبيب وخلى رام الله المحتله

انت عارف يا عوض السيد تل ابيب دى وين 00شفت الدبيبه الغرب المستشفى غرب البطحه وقبل دبيبت جمعه كان فى حله جوه الجنائن فيها هوسا وبرقو هى دى تل ابيب

والله يا غريق دى معلومه جديده لولا المنتدى لما عرفناها ولا خطرت على بالنا.
بس ما يكون فى جدار فاصل ولا مستوطنات

ابن عمتى زهير اعمامك الفوق ديل ناس عوض السيد ومحمد سعيد وغريق كمبال ما قصرو بس داير اضيف حاجه انو النغمه بكاملها سكسى بلى مره تكسب ومره تجلى اصبحت مثل الكائن الحى تعيش بين الناس وكلامك صح يازهير استخدموها ناس الالعاب خصوصا الحلقه والكشكوش عشان يجذبو بيها الجمهور وكانت الالعاب بعد النادى الاهلى تقام فى طاحونه التعاون حيث الطوطحانيه ولمه الناس .. وفى الوقت دا كان سكسى بلى قد رحل من ابوجبيهه وظلت عبارته حيه تتناقلها الاجيال دون الاشاره الى صاحبها وجزا الله الاخوان الفوق خير حيث بعثو الشخصيه الى الحياه مره اخرى

شفت كيف فلس ملم باحوال الحباك

والله تب مانا خايفين معانا معلم على قول محمد موسى

يديكم الصحة والعافية غريق عوض السيد,شكرا كتير

تعرفوا الكدوضوايه يا جماعه

بنعرف الكضوضوايه وام عيريعيرى..........شنو ليك يا غريق

رهيب يا ابو ابراهيم 000الكدوضوايه شجره كانت فى قيفة البطحه بالقرب من الدباغه وبشارع السنداله بتاعت عمك باسو والكضوضوايه هى كانت اشهر شجره فى البطحه والشباب بيطلعوا فى قمتها وبحركات بهلوانيه يسقطوا فى الماء وهذا حصريا على جيل السبعينات ومن اشهر رواض الكدوضوايه كان نجيب عبد الرحيم مش كده يا ابو علياء

الكضوضوايا ياغريق كانت في المدرسة الجنوبية شمال مكاتب المعلمين علي بعد5امتار,وياعوض السيد ام عيرعيري اتشلخي واتملخي لكم التحية

يا فلس الكضوضوايه الاشهر هى بتاعت البطحه وكانت مشهوره كده اسأل ابوكويع اوفضل او ابوعلياء

بذكرة بلحيل ياغريق كضوضواية البطحة اخوك قديم لك التحية

انت يا فلس اشتغلت جنزرجى قبل كدا............
لو ما عارف جنزرجى يعنى شنو أسأل غريق.....لكن أشك انك ما عارف المعنى

ول نويه والله كلماتك ديل فلس أبوماضى زاتو ما يعرفهم خلينى أنا.
أفيدونا أفادكم الله

اليك الكلمه جنابو منقه