ام دفانة والضريب وامحليبين

وجبات خاصة ب الرعاه لها

والله اخوك مزرور زرة اوستن في المقرح

أكتبوا لينا بالعربى المعلوم يا شباب

(ام دفانة) دى من اسمها معناتها بدفنوها فى محل..يا ول نوية عجنتك دى بعد تتم (بدردموها) ثم (يفلطحوها) زى الرغيفة وبعدين بشوفو محل نار كانت موقدة بختوها فيه وبدفنوها بالرماد الحار...لامن يبرد فيها بتطلع حاج عجيبة..اهلنا سموها امدفانة..امحليبين دى متروكة لود النو..
لكم الحب (مدفون) فى قصعة (حليب)

سلامات ود ود النو وخلي ام دفانة دي واتصل علي جنابو امين وهو في انتظارك حاول خش عليه
لك تحيلتي

شكرا ولد النو علي الحاجات العجيبه دي ...طبعا ناس الاستاذ عوض ديل مابعرفوا الشغلات ديل ...
مااحلي ام دفانة وانت تدرس القران في المسيد...وينادي الشيخ عليك بتقديم النار وتقوم بدفن العجينة التي في يدك...وماأحلاها بعد ان تستوي وانت تأكل وهي دافية (اي دافية زي الدافي ولدنا)
تحياتي...

ام دفانة شرحها الدكتور الجنيد وزاد كمان لكن ام حلي بين
تصنع كالاتي يوضع اللبن في النار حتي يغلي
يضاف اليه دقيق وهوفي النار حتي يصبح بقوام العصيدة تم يؤكل باللبن
يعني عصيدة من اللبن تملح باللبن
اما ام دفانا يازهير دافية لكنها مازي البردان بتاعكم دا
دمتم احبتي