فى كمونيه وكوارع أكتر من كدا يا كودى

أولا نبارك لحبايبنا الذين فى طريقهم للتخميس التأهل الى دور ال16 بجانب الكبار ولكن!!!!!!!!!!!!!!!!!!!!

*القلبو ما وقف منو فى الشوط الأول.
*اداء هزيل وممخجل فى شوط المباراة الأول ومعظم فترات الشوط الثانى وهذه حقيقه لا ينكرها الا الذين يستكينون لعاطفة الانتماء.
*سادومبا أثبت انو أفشل مهاجم اذ اتضح أنه لا يجيد خلق مساحات لنفسه مما يجعله دائما يأتى خلف اخر مدافع..... وللمعلوميه هذا ليس رأىّ بل رأى الكابتن الرشيد المهديه.
*الرشيد المهديه وجمال الثعلب لم يسرهم الحال رغم هلاليتهم لأنهم موضوعيين.
*مستوى فريق افريكا سبورت أكتر فتاتا من مستوى الهليّل.
*تفرحون بانتصارات تخلو من الأداء كما كنتم فى البطوله السابقه وتنبأنا لكم بقبركم فى مقبرتكم ونصحناكم بعدم الافراط فى الفرح والاهازيج لأنكم أشلاء وحفرتكم كانت محفوره ونحن شايفنها بعيونّا الى أن جاء يوم السقوط المفضح المذل فى عقر الدار ووسط الموهومين والمكلومين..... وها نحن بل ها انا أتنبأ بفضيحتكم المجلجله التى هى لا محال اتيه لأن مستوى فقيدكم لا يرقى لمقارعة الكبار.
*أربعه أهداف بلا اداء مقنع مع فريق زى كمونية احمد كودى كفيله بالسقوط امام الدراويش.
*سلم لى على الكمونيه والكوارع يا كمونيه

العزيز أبوإبراهيم....نعم أدائنا لم يكن جيداً في الشوط الأول وكلنا لم يسرنا الحال .. ولكن حققنا المطلوب في الشوط الأول وحافظنا على تقدمنا وفي الشوط الثاني كنا في الموعد تماماً ....سادومبا لعب دوراً كبيراً في مباراة الأمس بالرغم من أنه لعب وحيداً في المقدمة وصنع الهدف الثالث بلعبة ذكيييييييية خالص في إستلام الكرة وهو محاصر بمدافعين وتخلص منهم بلعبة لا يفعلها إلا مهاجم كبير وخلق لنفسه مساحة جعلته يهيئ الكرة لأمبيلي في وضع مريح ليأتي الهدف الثالث البلياردو الرائع والذي كان بمثابة رصاصة الرحمة للفيل الإيفواري وأظنك لم تشاهد الهدف الثالث من التاني شكلك قفلت التلفزيون بس إنشاء الله عملت بوصية أخونا الأزرق أحمد كودي وإستمتعت ؟؟؟... شفتو صيد الفيلة كيف؟؟؟؟ مش غزالة بتصيد نفسها وتسجل في مرماها؟؟؟ سادومبااااااااااااااااااااااااا بتذكرو كويس أنا عارفو فاقع مراررتكم ..وبعدين إنتو بس أقعدوا إتنبأوا كدة وكل مرة بنخذل تنبؤكم ؟؟راهنتم من قبل على أفريكا سبورت وكاااااااانت رباعية حاااااااااارقة!!!!!!!!يالإسماعيلي أرجى الراجيييييييييييك!!!ويالترجي ......دي كملها براك أنا ما حأقووووول حاااااجة؟؟ وختاماً دوما هلالنا عالي في العلالي ..موووووووووووج أزرق هدر تاريخ ندر أسمه الهلااااااااااااااااااااااال؟؟ هاك سادوووووووووومبا دا؟؟أعملو حسابكم الترجي شكله كده حا يديها ليكم رايح جاي كما فعل الصفاقصي؟؟؟؟؟؟؟؟؟؟ ...

شايف ابوابراهيم وول نويه موضوع الكمونيه والكوارع رفع ضغطهم شويه يااخوان هو في احلي من الكمونيه والكوارع؟
ول كودي ده والله خطير
يديكم العافيه

الحكايه شنو ياعوض السيد انت كنت بتتفرج فى كوره تانيه غير حقت الهلال ياخى سادومبا دا كان الحسنه الوحيده فى الهلال الشوط الاول هو الذى غطا الخلل الذى كان واضح فى تكتيك البرازيلى واعتماده على الارسال الطويل ... سا سا سا سدومبا

الله يجيبك لينا يا ابو مصطفى
الناس اخواني اشرف و حيد وامجد اكل الكمونية رفع ليهم القاوت بتاعم عشان كا ابن عمي قعد بشوف طشاش طشاش
وانت يا اخوي ول نوية مالك انا قايلك دخلت الغابة من العصر
تقول نحن يا دوب تنفشنا الما بتلحقو جدعو

انا الكمونيه والكوارع ما بتأثر فينى لأنى كنت باكل حلتها مع اصحابى بتاعين ال..............
لكن والله وبالله العظيم تلاته يومها انا أولع نار فى المنتدى دا وأى جزّار أقعّدو فى تربيزتو

اخوي طارق والله طقع صاح ياخي ديمبا ومنير امبدة ديل جابوهم من وين الواحد كراعو مقاس 50 قولته بق حيروا ليك الافيال
ابوابراهيم انت بس صفي النية وانشاء الله مباراتنا القادمة حتكون دراويش لاقو مداح يعني حيطلعوا منها الدراويش مجانين مع ناس سادومبا وامبيلي

يا ابو عمي صفي النية زي ما قال اخي حيدر اها الجزار قاعد في تربيزتو بيفصل ليكم في الكوارع ساااااي
حيدر والله مقاس خمسين دا في العالم كلو مافي الاكان يلعبو حفيانين
والدراويش اكيد حنرقصم مع المدام
لكم الشكر ايها الاحبة

الجميل ول بشرى ةالله شبعنا البلد كلها كبدة فيل صافية واهديناهم ضمنة عاج ما بلاستيك
لكن براحة لاخوانا بتاعين الغزال الرشيق
والغريق قدام وربك يدينا الفي مرادنا

طارق اخوي والله كامبوس ده التقول ترباية اهلنا الرزيقات وعلموه فن اصطياد الافيال
طبعا فرسان الرزيقات لديهم طريقة وفن في قتل الفيل وهو مطاردة الفيل ليلة كاملة وهم راكبين الحصين حتي ارهاقه وعندما يصبح الصباح يكون الفيل قد انهك من كثرة المطاردة ثم ينقضوا عليه بحرابهم فيقتلونه هذا بالضبط مافعله كامبوس ارهقهم في الشوط الاول ثم انقض عليهم في الشوط الثاني بثلاثة اهداف
ما قلت ليك كامبوس ترباية رزيقات

قالو كبده الفيل بس بتساوى مراح بتاع غزال

ماجد شايف الجماعة مامتفاعلين مع فرحة اسياد البلد وعاوزين ينوموا الشغلانة ولكن هيهات سنظل نفرح ونفرح ووراكم وراكم
ابوابراهيم مالو الليلة معنوياتو ونفسياتو مش ولابد شايفوا زي عندو طمام كده الله يديهوا الفي مرادو بس بعيدا عن الهلال

اخي حيدر الرزيقات جابو الفيل حي
على قول اخواننا الدبابين جيبو حي
وبراحة على اصحاب الغزال الوديع وبن حيش
وصحيح يا ماجد كبتة الفيل بتساوي الف غزال
اخواني ديل انا خايف ليهم من الغابة

يا ناس الكشة هوي انا جيت وترو لغادي . هدوا اللعب بشيش بشيش يا تاكل عيش ،والمعنى الهلال غلب باربعة اهداف تتين بالراس وتتين بالقدم الغريب شنو يا عيال امي؟وكان نقتكو في اكل الكمونية ده الوليد امبيلي وراكو حاجة كيف تؤكل الكمونية؟ والكوراع دي مستوانا عالي فوكا شديد بتن سالكو عنا بزعلنا حار .وناس الضلافين باينين من جضيماتن انتو عاد بتسالونا عن الكوارع ليه ما شايفين ول الزومة اب كدارةً مخرومة اللغبش جراب الدقيق... ويا ولضم عوض السيد الفيك مكفيك مشجع فريق المراحيك الكمونية مفيدة ومغذية ومخفضة لضغط الدم ما ضغط الهلال اللقلوبنا شال وفنجط .انصحك يا عوض بتناول الكمونية البتخلي العجوز صبية وما تنسى عجبكو اديهو معاك بسيط علشان الله ما يجازيك. ولو الكمونية انتهت في جزارتكو ارسل لي رسالة على بريدي الالكتروني {وهو444امبيلي@ مساوي.com }بسرعة يا ابو عويض عشان الكمونية ما تخلص0

المحيرنى من ضربة هلال كادوقلى الناس ديل ما سمعنا ليهم صوت الا الليله
أفرحوا وامرحوا لكن أوصيكم بعدم الافراط لأننا قارين الوضع ونظرنا تب ما بتقع واطه.......... بذكركم والله يدينا الفى مرادنا.
قال طارق:-------------- بنرقّص الدراويش مع المدام(بذكرك الرقيص يوم الصبحيه)

ويا ولضم عوض السيد الفيك مكفيك مشجع فريق المراحيك الكمونية مفيدة ومغذية ومخفضة لضغط الدم ما ضغط الهلال اللقلوبنا شال وفنجط .





ليس لدىّ تعليق على هذه الكمونيه

الله يجازي محنكم
شهيتوني الكمونية والكوارع مع اني ما باكلن اها شوفوا ليكو بي هول

لا يا كودى بالغت عديل كلامك زى السكر ... بس براحه على ول ابراهيم مرارتو بتنفقع والغزاله ماتت نلقى ليه مراره وين ... حيدر قول ليهم مش حتقدرو تغمضو عينيكم والله يدينا الفى مرادنا ...

لم أرد على الكمونيه الا احتراما لصديقى الوفى الجزّار كمال خليل البدرى بالرغم من ضحالة الأسلوب

الحق يا ود كودى صاحبك فقد المنطق

لا اعتقد ان هناك اخلال بالذوق العام ولم الحظ كلمه خارجه عن المألوف ولا اعتقد ان الكمونيه والكوارع مقذذه الى هذه الدرجه رغم انها ليست من اطايب اللحم ... اعتزر نيابه عن ود كودى اذا كان صدركم قد ضاق بمداعبته والتى اعتبرها لطيفه جدا ومرحه وخلقت جوا من المرح ... ومع ذلك نحن معكم فى اى لغه تختارون ... وسلم لى على الغزاله التى يصنع من ارجلها حساء لذيذا ورائعا ويصنع من معدتها باستثناء الاثنى عشر ايدام لا اطعم ولا الذ منه ... مع فائق شكرى وتقديرى

بضاعتكم ردت اليكم لطالما كتبتم وسخرتم من فلس وفقر الهلال وحتي كلمة شحاذين كانت حاضرة ولم تتركوا شارده ولا وراده الا ذكرتموها
اشربوا من نفس الكاس والتسوي بايدك يغلب اجاويدك
ماليكم الا الصبر

أخى ماجد يبدو انك انت الذى فقدت المنطق بتعاطفك مع هذه اللغه السوقيه.
أخى حيدر بضاعتنا سنقبلها اذا كانت مواصفاتها دون الذوق العام.
اتحدى كل من يقول اننى خطّيت كلمه فى حق الهلال دون الذوق العام.
كم من لغه ناريه فى هذا المنتدى قبلناها وجاريناها ولكن ليس فى غير المألوف.
أنا شخصيا لا أقبل هذا الأسلوب السوقى وللعلم اننى أملك منه مايكفى وما يؤذى وان اضطريت سوف لن أتوانى فى القذف به وكان جاطت خليها تجوط

اخي ابوابراهيم مره اخري لك الحب الود
ياخي اين اللغة السوقيه؟لماذا كل هذا الانفعال؟ الي اين تريد ان تسوق هذا النقاش؟
لن ننساق وراء غضبك فانت اخ وعزيز وصديق وبس انت روق المنقه شويه و كتر من الاستغفار وانشاء الله لم ولن تجوط

هدو اللعب يا جماعه انحنا قاعدين نستمتع بكلامكم ده غاية المتعه لا تحرمونا

يبدو ان الاخ عوض قد خط نهايه هذا الحديث الذى كنت اعتبره شيقا وممتعا وجاذبا ويكسر رتابه المألوف وبلهجه حلوه ومحببه للنفس افتقدناها كثيرا لهجه اهلنا اولاد حميد ..لم تكن لغتنا سوقيه ولن تكون نختار اولا لكل حرف موضعه ... قاماتكم العاليه اخى عوض السيد تمنعنا من ان نكتب حرفا واحدا سوقيا و فى حضرتكم يجب ان نكون مؤدبين ....

الكلام جميل عن الكمونية و الكوارع.
يا عوض السيد اعصابك.
انا شايف مافيها غضاضة و دا الشي الوحيد الضحكني في المنتدى.
الأخ كودي لاعليك وواصل الكلام الجميل
الكمونية دي فريق محترم و تأهل علي حساب فريق نيجيري محترم و لاقى فريق ند هزمه و تأهل علي حسابه و نحن ان تكلمنا عن الكمونية علي كيفنا ناكل علي كيفنا و نكلم علي كيفنا مش غالبين و بي حقنا؟
الحمد لله الفتح علي الجماعة بعد نكسة كادقلي الظهرت فيها الكوارع الحقيقية.
الكوارع دي كان اولى ياكلا منير عشان ناس كادقلي كملو ليهو زيت ركبو و يودوهو يشحمو ليهو ركبو من جديد