فيلم سوداني خالص بطولة ديمبا وميساوي

مبروك الهلال مبروك المريخ مبروك الامل مبروك السودان
يوم من ايام السودان الخالدة فرح فيه الشعب من حلفا الي نمولي ونسوا فيه مشاكسات السياسة والسياسين
استطاع فريق الهلال مرة اخري يثبت جدارته في هذه البطولة ودحر افيال ساحل العاج برباعية ولا في الاحلام
بالامس كنت خائف علي الهلال ان تؤثر عليه مشاكله الاداريه في اداء الفريق ولكن مرة اخري اثبت هيثم مصطفي ورفاقه انهم قدر المسؤلية
بدأ الهلال المباراة بحذر شديد تعامل كامبوس مع المباراة بكل موضوعية ومسؤلية وهو يعرف جيدا الفارق البدني والجسماني للاعبين افريكا اسبورت وسرعة لعبهم لذلك لم يجاريهم
خطوط الهلال كانت متماسكة خاصة خط الدفاع والذي ابدع فيه ديمبا ومنير امبدة وهو لاعب كبير
اما عمر بخيت وعلاء الدين يوسف وميساوي فقد ادو مباراة كبيرة وخاصة ميساوي الذي احرز هدفين وصنع الهدف الرابع الذي احرزه امبيلي
تحركات هيثم مصطفي وتمريراته السحرية كانت حاضرة ولا الوم سادومبا فقد كان وحيدا وسط اربعة مدافعين واستطاع ان يوقف اربعة لاعبين من التقدم والهدف الثالث الذي احرزه امبيلي كان من قدم سادومبا وهولاعب خطير والخصم يحسب له الف حساب
اذن تعامل الهلال مع هذه المباراة بطريقة جيدة جدا والنتيجة كانت الاربعة اهداف الرائعة
الان امام الهلال والمريخ والامل مباريات في غاية الاهمية اتمني ان نتخلص هذه المرة من عقدة اندية شمال افريقيا ومصر وبعدها لكل حادث حديث

مبروك لكل عشاق الهلال الفوز المستحق و عقبال التأهل للمجموعات للهلال و المريخ و الأمل

ول نويه لك مني التحية والمحبة وشكرا يارائع وحقيقة الكرة السودانية في تقدم ويارب نتجاوز المرحلة المقبلة

حيدر خليل نسيت الولد التاج ياخ الولد دا كيفنى جدا اداء رجولى وذكاء خارق والله بالجد مكسب كبير بعد دا يوسف هوت الا كان ندى للهلال (ب)

اخوي ماجد صدقت التاج كان بطل وادي مباراة كبيرة حقيقة الفرحة انستني مبروك عارفك قلبك حار

المنير المنير لك التحية والمحبة والله يااخوي الهلال امس كشر عن انيابه وخاصة في الشوط التاني كان سعران وكجم شديد
الله يخارجنا واياكم من اندية شمال افريقيا وصدقني لو الهلال والمريخ لعبوا بنفس الطريقة حيتاهلوا لدوري الثمانية بس انتو صفو النية

عيدوا طريقة المرحوم الطيب عبدالله والعبوا معاهم الساعة واحدة ضهر في شمس الخرطوم العجيبة عشان يعرفوا الله حق

شكرا حيدر على هذا البهاء
اخوي ول نوية الملحناتي رجل له ظروفة لا نختزل الهلال في شخص ليس الا ترس في مكنة كبيرة ظروف هذا الرجل لا ولم تؤثر في اداء مؤسسة نحجم الازرق
مبروك للكرة السودانية هذا الانجاز والاعجاز

90 دقيقه÷ 2= 45 دقيقه
غير كافيه لزفة عريس

طارق كمبال كتب:شكرا حيدر على هذا البهاء
اخوي ول نوية الملحناتي رجل له ظروفة لا نختزل الهلال في شخص ليس الا ترس في مكنة كبيرة

دي قويه يا مستر ( ط )
عموما الف مبروووك

العافية درجات يا أبو إبراهيم ،في ظل المشاكل الإدارية التي يمر بها النادي والفريق ينتصر بالأربعة دي ما بيعملها إلا فريق كبير أوي وهو سيد البلد.. لو تذكر كانت بدايتنا الموسم الماضى بنفس الطريقة ومن ثم إنطلقنا في المجموعات وكانت الثلاثيات الأفريقية العجيبة ، وبعدين حقوا نشجعكم لما تلعبوا مع الترجي لانو أفضل تصعدوا إنتو ولا نلاقي الترجي في المجموعات لأننا خابرنكم كويس وعارفين دواكم وخبرتكم المتواضعة في دوري الأبطال حينما تقارعون كبار القارة مش غزال تشادي وبن حبشي ...متذكرين الثلاثية الأفريقية ولا نسيتوها ..عشان كدة من الليلة نحن معاكم ضد الترجي ؟؟؟؟ ،

لو تذكر كانت بدايتنا الموسم الماضى بنفس الطريقة ومن ثم إنطلقنا في المجموعات وكانت الثلاثيات الأفريقية العجيبة (ثم الخماسيه المازيمبيه المذله فى عقر الدار)

الحلق دا انا شفتو زيو فى عمارة الدهب فرع العرضه شمال.
لمن تجى تتزوج يا ول نويه لازم تشترى زيو لأنو طالع موضه رغم انو عيار 2009

لقد تم النسيان تماما يا ود نويه