صفوة و غنيانين و تغيانين

احنا اليومين دي ما بنشوف زول و عيونا ما بتنزل لي تحت
عندنا الدريم تيم نسخة 2010 ما شاء الله عليهم شباب موهبة و مهارة و قوة.
في كل خانة تلقا كم لاعب متنافس
أفضل مهاجم عندنا مات و لسع برعب الخصوم
لعبنا ب 9 لاعبين غلبنا هلال كادقلي الدوخ الجماعة و عمل حاجات ماجميلة معاهم
ولسع قروشنا كتيرة و منتظرين شهر 6 نجيب مرابط و غيرو
ولو لعبنا بنلعب كورة حلوة و ملعوبة مش بنعك و نعجن

تمام يا دكتور قلت الصاح؛؛؛؛؛؛؛؛؛؛؛؛؛
نحنا المريخ تاريخ تليد وماضي عريق مين غيرنا جاب كاس محمول جواً ؛مين غيرنا شرف السودان في المحافل القارية ؛مين غيرنا دون اسمه في التاريخ مع الابطال
وقروشنا كتيرة واستاداتنا خطيرة ؛ ولا ادينا من زول ولا دخلونا السجن ولا هربنا من بيتنا
وداير اقول ليك حاجة نحنا بنلعب كورة جميلة مازي الجماعة البجيبو امبتارة دييلك

هو دريم تيم بحق يا دكتور لكن الناس لما تفقد المنطق وتصل حد الحقد يطلعونا باقى (سلخانه).
......سائل الله يدينا الفى مرادنا.........
وبعد داك لكل حدث حديث

فى نوع من الطرح أقل ما يوصف انو هرجله بلغة أكلونى البراقيس.
عشان كدا لازم أى واحد يتعامل بنفس أسلوبو والحشاش يملأ شبكتو.
نحن ناس صفوه والكمونيه فى الضحيه ما بناكلها لكن الما بتلحقو جدّعو.