رحبوا معي ... بصديقي ورفيق دربي ...أبوشنب

عيسي ... مرحب بيك ...والف ..الف مرحب بإنضمامك لأسرة المنتدي ..أيها الإنسان الطيب الهادئ الصبور ...فأحبتي أخي وصديقي عيسي ...زميلي ودفعتي بمدرسة هيبان المتوسطة ...وقد قضينا أياماً حلوة ...جميلة ..رائعة ... ممتعة .... طيلة زمالتنا لم نسمع إلا الكلام الطيب ...ولم نجد إلا المعاملة الحسنة الراقية ... ولم نجد غير الضحكة الحلوة الصافية ...ولم نجد غير النخوة في وقت الشدة ... عيسي إنسان طيب صبور ودود لأبعد الحدود ...ويكفيه فخراً أن إبتسامته الوديعة وفي أحلك الظروف لا تفارقه ... فصدقوني حينما وجدته فرحت من كل قلبي ..فمرحباً بك أخي عيسي ابو شنب ...صديقي ورفيق عمري ودربي ...ولك محبتي ...

اهلاً حباب صحبك وقديما قالوا اخو عمك عمك)
الدار داره والمنتدي منتداه الف الف مرحب

مرحب ابوشنب

مرحب ...ومليار مرحب...ابوشنب ...انت عزيزاً...وصديق ...عم عزيز...وغالي ...جداً..عمنا ,,,واخونا ...وصديقنا ...شاويش...
مرحبتين الدار دارك...

أشكر الدكتورة العزيزة:Nashi وأخي الغالي غريق ...وإبني الحبيب ول نوية ...والغالي إبن الغالي : زهير ...وكل أسرة المنتدي الأحباء دون فرز... على الترحيب ...بزميلي وصديقي : عبسي أبوشنب ...وربنا لا جاب يوم شكركم أيها الأشاوس ... محبتي

مرحبتين حباب عيسى .... حبابك عشرة آلاف....

مرحب حباب عيسى.........البيت بيتك.
أها منتظرينك.........
كدى يا جماعه عرّفونا بعيسى ......يعنى بالدارجى كدا قرّبوا لينا المعنى....أو أدخلو عيسى فى جمله مفيده

صديقي عيسي ...كان متزوج بإحدي بنات العم ...محمد المدني ...( المعلمة ) ....وهو من قبيلة أولاد حميد ... وسكن أبوجبيهة ...والآن إستقر بالخرطوم لظروف إرتباطه بعمله ..وعندو أخوه إسمو ابو شنب ..موجود بأبي جبيهة لعهد قريب ولا أدري الآن أين هو!!!.. لطول غيابي عن الحباك ...خلاص ...ولا أوديك أبونوارة ..وأولاد حميد .... محبتي ..

أنوه بالتعديل تزوج من العم الغالي محمد المدني ..وبحكم الجيره كتبت العم محمد هجانه ...ومعليش خطا مطبعي !!!؟؟؟

كدا مظبوط يبقى هو أخ عزيزنا (ابوشنيب).........صح يا زهير ولا انا غلطان

مرحب بالاخ عيسي ادم هنوة لي قدام البيت بيتك

مرحبا بي اخونا ابو شنب ويا عزيزي عوض السيد المرة دي عرفت الراجل تب من غير ما تتلع اوت .اخي شاويش يدبك العافية و الصحة انت قاموس في معرفة الاهل والاحباب ودة دليل على حبك لي البلد و ناس البلد انا فخورة بيكم.

شكرا أختى سهاد...........بس قولى لى وديتى ماجد وين.....يعنى تجى انتى وتطفشى لينا ماجد.....كدا نحن بنزعل

على المداخلات الرائعة ... وأنا واثق وأعرف تماماً أن وراي رجاااال وحرررريم ... تسلموا أيها وأيتها الأشاوس ...ويا سهاد كبرتي لي راسي شديد ...شكراً اختي وأنا لست بقدر هذا الثناء.... والتحية لأخي ماجد وبثناءه العاطر على جدتي فضيلة الجاك ...القابلة ...شكراًماجد ... ومحبتي بدون فرز لكل أسرة المنتدي ...وصدقوني مهما يكن نحن أسرة واحدة ..ولازالت وما فتأت خارطة ابوجبيهة القديمة في وجداننا ولم يمحها التاريخ مادام نحن على قيد الحياة ...محبتي

لام اخس عوض السيد : ما تزعل يا سيدي ماجد جاي وجايب معاهو الخير انا منسحبة لكن ما طوالي راجعةتاني........انا شكلي طفشت ماجد و حطفشك انت كمان ......{جدادت البيت طردت جدادت الخلاء} ...تحياتي لناس بيتك

عيسى اخو ابو شنيب....يا حبابو ومرحبابو....والشنب اتصغر للتمليح..... (ابشنيب) متواجد بكثرة بالحباك...ياسلام يا ود الشاويش دايما تنقب عن النيفيس الغالى....مودتى

سهاد يا اخيتى لا أنا لا انتى ولا حبيبنا ماجد ما نطفش......رايك شنو ننتظر كمان يومين لوما ظهر ليك على امشى ليهو فى ابوظبى.....طبعا الود بقى دبلوماسى شى مشغوليه وشى انتخابات.....أصلا نحن دايرين لينا فرصه نمشى نخطب واحده من بنياتو لواحد من الوليدات.....طبعا دا لو ما افترى علينا.
توصل تحياتك لأهل بيتى ومشكووووووووووره يا سهاد

اخي عوض السيد .حباب بالعريس واديناهو تب من غير كلام و الشيلة علي .وحاقول لي ماجد ما تظهر عشان تشرفهو وتقولوقولة خير.

أبشرى يا بت ابوى ما قصّرتى تب.........نحن موافقين الا جد الوليدات أبو ابوهم كان وديتو لندن تكونو ما قصرتو تب انتى و(بعلك).....دى (شحده) عديييييييييييل.

حباب بجد العريس وا اهل العريس لو ما شالهم الدار يشيلهم الراس

اشكرك اختى سهاد وتحياتى لكى ولزوجك