لحقناكم ...بس ما بالتونسية

فازالاسماعيلي المصري على الهلال السوداني بهدف دون مقابل أحرزه اللاعب محمد حمص في نهاية الشوط الاول . وسيلتقى الفريقان مرة اخرى بعد اسبوعين بالاسماعيلية ....

صحيفة قوون

مرة ليك ومرة عليك
وأنشاءالله في المرة الجاية
يكسبو ويحققو أنتصار كبير
بيهو يسعد كل السودان .

نعم لقّن الاسماعيلي الهلال درساً لن ينساه بعد ان دفنه في مقبرته وبين جماهيره التي حضرت للمقبرة مبكراً لتشييع ابناء شمال الوادي ؛ حيث حشد الهلال كل الون الطيف ؛حيث بدأت المباراة منذ العصربحفلة احياها فرفوروكان يصدح في الاستاد كانه يحتفل بالفوزويرفر بشعار الهلال وهدير جماهيري لم يسبق له مثيل ؛لكن الدراويش كانهم يقولون لهم صبراً جميلاً 0
وبالعودة لمسرح اللقاء (المقبرة) بدأت المباراة كالعادة حماسية من الهلال بالهجوم المكثف بمساعدة هدير جماهيره الغفيرة من الجنسين 0نساء ورجال) وبمرور الدقائق دخل لاعبي الاسماعيلي في المباراة وبداء التوهان للاعبي الهلال بمحاولات فاشلة من (المحلي ) كاريكا وبداء الاسماعيلي يستقل اخطاء دفاع الهلال الساذجة توهان في الخطوط وافتقاد للكرة بطريقة غريبة لو استغل لاعبي الاسماعيلي هذه الاخطاء كانت كفيلة بتشجيل اربعة او خمسة اهداف ؛ لكن رفقاء حمص القاهر اتحفظو في مناطقهم الخلفية وتأكدو ان النصر قادم قادم ؛الا ان جات دقيقة الحسم حيث اخطاء الدفاع الهلالي كعادته وطلع (الراكوبة) بطريقة اغرب للخيال حتي ارتكب خطا فادح مع مهاجم الاسماعيل واحتسب له الحكم ضربة حرة وتصدي لها احد لاعبي الاسماعيلي وارتدت من القائم وقابلها حمص بكل سهولة دون رقيب اودعها في الشباك الخالية معلنا هدف التقدم للضيوف ؛ وفي الشوط الثاني بدا الهلال بمحاولات عقيمة وكاد الاسماعيلي يلحق بالهلال هزيمة كارثية تفوق كارثة مازمبي لكن الحظ وقف سداص منيعا لهم ؛ وبهذه النتيجة قد يكون الهلال خارج دور المجموعات لانه في لقاء الاياب في الاسماعيلية يستحيل عليه بهذا الاداء تسجيل هدف حتي لو بالتسلل

ول نويه كلامك حار وبيوجع جوه القلب ولكن هذه هي الحقيقة والتي يجب ان نتقبلها
لم يلعب الهلال وكان تائها وكان شبيها بالهلال الذي لعب امام هلال كادقلي ماالسبب؟ لا ادري
لا اطراف لا وسط دفاع مهزوز مهاجم واحد يقاتل في كل الجبهات تمريرات خاطئة من هيثم اهدار لاكثر من خمسة ضربات ثابتة علي راس الثمانية عشر كلها كانت مخالفات مع عمر بخيت كلها اهدرها هيثم ومازال يصر علي الاهدار
حقيقة لعب عمر بخيت بمسؤلية وسادومبا والمعز لعب مباراة كبيرة مع انو تسبب في الضربة الثابتة التي جاء منها هدف المباراة الوحيد لست متفائلا بمباراة الاسماعيلي
قدرنا حب سيد البلد وهو يمر باسوأ حالاته

ول نويه لك التحية والله زي ماقلت كتلونا بالغبينة جاتني رسالة من احد الاصدقاء انقله ليك زي ماجات شوف الحسرة قال: والله قدرنا نحب البلد دي وهي تضن علينا بلحظة فرح واحده حقيقة اعتصر قلبي الما وانا اقرأ هذه الرسالة وماالذي يفرح ياصديقي؟ كان الله في عون هذه الامة الصابرة.

سلام يا احباب
أولا المريخ ما ركب التونسيه حتى الآن وممكن جدا ما يركبها..لكن بنو زرقان تأكد ركوبهم التونسيه وعلى الكونفدراليه عديل...فيها الصفافقى والاهلى المصرى واحتمال مازمبى.يعنى برضو الهلال تعبان.
حيدر ياخوى لينا سنتين شايفين عندك 14 لاعب بس ..ديل ما بجيبو ليك نصر:أها اسع لو عمر بخيت وعلاء يوسف ومساوى حرقوا..بتدخل منو محلهم(ما تقول لى صدام الورانى والقدامى)براك شايف امس عدم البدايل عمل فيك شنو..معقوله يا كامبوس التاج ومنير واحمد الفاضل قصاد حمص واحمد سمير فرج والحضرى...يا اخى جهزو ليكم 21 لاعب زى كاربونى كدا عشان ما تتحيروا....ول نوي الناس ديل ما (يحننوك)تقوم ترفع منهم الجاز...لسانهم طويل ما تشوف المسكنه دى....كمل ....كمل ياول نويه

حبيبى يا سيد البلد.
سؤال لو سمحتو:-----------------
ما هو الاسم البديل لمقبرة الأبطال؟

غايتو إنتو كان لكم السيق في ذلك مافي شك ...أربعه من الصفاقسي في الرد كاسل وثلاثية من زيسكو الزامبي ...وثلاثية من سيد البلد ...وشامي لي ريحة ثلاثية أخرى قادمة من الترجي ... لذا سمو إستادكم الأول وبعدين نتشاور في المقبرة وأنا أقترح تسموه "الرد خاسر" ؟؟؟

انتوا غايتوا فصاحتكم دي الكاتلاكم
التقول غلبتوا الترجي
نحن قبل كدة عملناها في نساروة
وانتوا ارجوا الراجيكم
لناعودة ان شاء الله ::

انتوا مغلوبين 3
ونحن مغلوبين واحد
أها اب سنينه يضحك علي اب سنينتين ولا شنو؟

قال اب سنينة قال: انتو عارفيين الهدف في ارض الخصم = هدفين؛ ويعدين انحنا مقلووبين خارج ارضنا ترة يعني في امل نعوض خسارتنا في ارضنا

محمد اخوي ما تزعل ساي الكورة مدورة ومجنونه!!