مبروك ود العمده....

بالفال والعديل والزين ...تسير الحباك اليوم ...ابن العمده يوسف قادم ...الاخ الفاتح ...الي دارفور ...الي نيالا البحير...
بيت مال وعيال

الف مبرو ك وبس.......لأن الفاتح يوسف قادم ليس هو الشخص الذى يهنأ عبر سطور المنتديات....هذا الرجل يستحق الاتصال لأنو زول فيه نخوه وشهامه.....أفرحنى جدا هذا الخبر بالرغم من اننى لم استطع فك شفرة الشخص الذى انزله.........على العموم يا صاحب الاسم المشفر أرجو تبليغ تحياتى وتبريكاتى للاخ العريس الفاتح يوسف قادم وحتما سيسمع صوتى مباركا له.
التهانى والتبريكات موصوله لابن عمته ول نويه وابن عمه محمد عبد الله قادم

الاخ عوض السيدإبراهيم....احب ان اعرفك بنفسى انا عبدالعظيم منصور عبدالعظيم حتيله

التهاني للاخ العريس الفاتح قادم ولكل آل قادم وللاخوة ممثلي الاسرة بالمنتدي

مرحب بيك أخى العزيز عبد العظيم.....طيب ما كان تجينا بدون بدون بريات مالك داير تذكرنا الخريف وبريات الخريف.
عبد العظيم ما شاء الله العيال كبرت اتذكرك جيدا واتذكر طفولتك وانت تأتى مع ابوك الى السوق ...ربنا يحفظك وتحياتى للاخوه صلاح ومصطفى

مبروك الفاتح وبيت مال وعيال والتهاني لاسرة العمدة قادم واخص ول نويه مبروك ويارب نفرح بيك قريب

شكراً حيدر وانشاء الله ربنا يحضرنا ليكم ؛ ونعملها ليكم بالتراث الاصيل لا فيها عربية ولا قنبلة زي ماقال لينا عثمان قادم

الف مبروك لاخونا الفاتح وان شاء الله بالرفاء والبنين وربنا يبارك له والتهاني لكل الاسرة الكريمة . بس العرس في نبالا دي ذكرتني طرفة انا طبعا متزوج من نيالا وكنا ماشين العرس واللوري مليان ناس يعني سيرة من ابوجبيهة الي نيالا وحينما وصلنا العباسية تقلي وكنا واقفين في السوق تصادف مرور احد اعمامنا من الحوازمة وراى الوالد الياس محمد بشير في العربية فقال ليه اخوي الياس وين ماشين فرد عليه ماشين نيالا عشان نعرس لي ولدك الفاتح فرد عليه عمنا وهو يشير الى بنت ماره بقرب العربية والول ده ما تعبكو هدول العوين العوين كما بختروا ليهن ولازلت اذكر هذا الموقف

اخي الفاتح لك مني التحية والمحبة وسائلين منكم والله ضحكتني بالعوين كمان بختروا ليهم؟ يعني كل المعاني الجميلة للحب ذهبت هباء منثورا مع عمنا الحازمي
ولكن بيني وبينك سيرة لنيالا بعيدة بس الحب لا يعرف الحدود والجغرافيا وكلها اقسام واقدار.

شكرا لك اخي العزيز حيدر وشكرا على سؤالك وجد مشتاقين كتير طبعا اهلك العرب ما بعرفوا المجاملات وكلامهم بره و ناس عمليين جدا مع خالص الود

مبروك أخى الفاتح أن شاءالله بيت مال وعيال والتهنئة موصله لكل ال قادم وربنا يجعل ايامكم كلها أفراح وصلنتا دعوة من أستاذ عثمان قادم لتناول الغداء بمناسبة زواج أبنته ربنا يتم على خير

مبروك ال قادم لكن يا اخوه العرب بتقول ما تتزوج المرأه ام كراعا طويله؟؟؟هو الزواج البعيد بالجد متعب وزيى ما قال حيدر الحب ما بعرف الحدود 00مبروك لهم

الف ...الف ...مبروك اخي الفاتح ...ومبروك ال العمده قادم ...وعقبال البقية ...ول نوية ...اخوك كان زينوا بل راسك...عقبالك ...