مريفعين او مريفئيب

انا ذهبت بي جهاز فشر لكن عدت بخفي حنين

طارق حمد الله على السلامة .... ووالله وحشتنا كثير وأتحداك في الشوق....
تخريمة
" أن تأتي صفر اليدين خير من ألا تأتي"
"يا اخوي طارق جهازك ده لو ختيتو في بترينة عمنا خنجر ما بصــفّر "
مع خالص الود لشخصك العزيز.

هههههههههههههههههههههههه
الحبيب الفاتخ والله جهازي المشيت بيه اكبر ماسورة والله بيصفر في علب السجاير الفارقة وفي اي شي الا الدهب ما صفر لي فية

تاني اغير اتجاهو يا الفاتح عشان يصفر لي في عقرب تسقط حجري
انت قنعت مني ولا شنو؟

جدا والله ساتصل على زهير وابرمج معاهم انشاء الله

الاخ العزيز طارق .... بلامس قالو الشغل فى مريفعئن رجع تانلى ..... بس إنتى زى ماقلتى جهازك ماسور تعال حصيل فالو ظهر محل جديد
محوريك ليهو إلاتدفع حاجة

الاخ العزيز طارق .... بلامس قالو الشغل فى مريفعئن رجع تانلى ..... بس إنتى زى ماقلتى جهازك ماسور تعال حصيل فالو ظهر محل جديد
محوريك ليهو إلاتدفع حاجة

شيء كان يدعو للريبة في نفسي ؟ من أين عرف ناس قووقل أيرث أن العين في مريفعين هي العين الألفية كما نطق بها بعض أهل العراق وحتى لو افترضنا جدلاً أن سوداني أخبرهم بذلك فذاك شيء صعب جداً فما يعرف معظم أهل السودان مريفعين وحتى لو عرفوها سوف لا ينطقونها مريفئيب ..كان ذلك حيرة لي منذ أكثر من خمس سنين حتى أخلى الأمريكان سبيل النسخة من قوقل التي بهاالإرسال الحي وهو الآن متوفر ولكن باشتراك مالي حيث يمكنك أن ترى وتسمع ما يدور في منزلكم بأبي جبيهة أو السوق أو دكان أحمد إمام وقدامه أم جليلي وماذا يقول ركابها فعرفت أن الجماعة كتبوا مريفئيب سماعاً مباشراً من أهلها عبر قوقل لايف (GOOGLE LIFE). وصدقوني هذا يعني أن مريفئيب بها الكثير وإلا ما عرفها أهل قوقل أيرث.

هنالك الكثير الذى لا نعلمه عن مريفعئيب وغيرها والله يا اخوى فضل بلدنا دى فيها حاجات كتيره عارفنها الخواجات عنها 000ذهبت الى مريفعين اكثر من مره وفى إحدى زياراتى نادانى واحد من أولاد بلوله وجد فى بئر حفرها للبحث عن الذهب وجد مادة الزئبق على عمق اربعه امتار فى هذه الارض الصخريه 0كمية الزئبق حوالى كيلو فقط هذا موشر واضح بان فى هذه المنطقه تم تنقيب عن الذهب فى الماضى البعيد عشان كده يا فضل الخواجات عارفين الكثير عن مريفئيب

انا شخصيا مشيت بجهازى والحمد لله......الذهب موجود....للتأكيد

ياحسن سيقا لقيت كم من الدهب بعدين يا حسن ليك سنه مسجل فى المنتدى وقاعد تزوق زوقات كبيره ياراجل انحنا محتاجين للاخبار عشان كده كتروا الطله وبالمناسبه الدقيق مالو بقى غالى كده

الاخ الفاضل غريق كمبال..لك الود والتقدير...صدقني عدم التواصل خارج ارداتنا وودناان نطل علي المنتدي كل يوم حتى يكون متصلا ولكن نعانى من مشكلة كبيرة فى الشبكة وقد لفته نظر الاخوان...فى زين بذلك وعلمت ان هنالك برج
لم يكتمل بعدواظنه عن قريب سيدخل فى خدمة الشبكة ونحن فى الانتظار....انتم لكم دور اخي امليين ان تلقى جهودكم النجاح...بالنسبة لسيقا..والدقيق ربما تكون مواكبا للاحداث..حيت ان سيقا.قدمت لابوجبيهةولاول مره الدعم المادى والاكاديمى والفني للخيازين وادخلت نظام العجانات الكهربائية والتى لاشك انهاساهمت فى تغيير وتجويد الخبز كما انهانقلت الخبرة والحداثة في مجال المعجانات والفطائر والخبائز. يانواعها المختلفة للاخوات بالمدينة... كما انها فى الاسبوع الماضي تم تدشيين لمنتج جديد(تانا)
9..اورنج)وهما نوهان من الدقيق العالى الجودة وبسعر رخيص..للغاية وتم توزيعة لولايات كردفان..واولهما الجبال الشرقية....وهناك الجديد القادم باذن الله....وبالنسبة للذهب لى عوده وموثق بالصور والقيديو...ولك الشكر والتقدير اخى