عليكم*الله ياناس المنتدى مالكم

بدون مقدمات اقول ازيكم*ماعارف ابدى من وين ولكن**منتدى ابوجبيهة اوالواحة الخضراء 0(الماعون الكبير)لكل الوان الطيف من اهل بلادى الطيبين*مالو بقى كدة(سكركو ده مامثل سكر حاج كوكو)بكل صراحة وانا متابع بدقة والله كل يوم اكتر من ساعتين لاحظت فى حاجة مايهةاو حاجة ماتمام مالكم 0(ياجماعة)اعمدة غائبة (ناس فيصل* النقر *حسن خليل*سيف الدولة*----وناس غيب وتعال اشرف وطيش د/الجنيد----وناس جوه متحمسين بدون مقدمات كبو الزوغة 0(ماجد-----)يعنى المدوميين د/احسان* غريق *الفاتح*حيدر*)بالله مالكم ياعالم (اختلاف الراى لايفسد للود قضية) والله منتدانا ده* حر (ماحق زول *كلنا شركاء ولا اجراءمامعقول كل واحد زعل من واحد او اختلف معاه فى الراى يقوم يدخل ليه(كركور)ويعمل اضان (الحامل طرشه)ياخوان المنتدى ده لقيناه بالساهل كدة يا عالم بصراحة كدة من خلاله ماعملنا-حاجة- للام الحنون (الحباك) عشان لكل واحد يعمل----(نعمل حاجة وبعدين كل ---يطلع جبله(اللهم هل ------اللهم----)السلام

"لكل الوان الطيف من اهل بلادى الطيبين*مالو بقى كدة(سكركو ده مامثل سكر حاج كوكو"
"بالله مالكم ياعالم (اختلاف الراى لايفسد للود قضية)"
والله ربنا يهدينا ويهديهم
ومشكووور ابوحسن

والله زي ما قلت سكركو مامثل سكر حاج كوكو وبالمناسبة هذه الجملة أول من تفوه بها في أبوجبيهة هو ميرغني محمد أحمد بخيت وكان يجلس مع كمبال الطيب ناصر في دكان عمنا الطيب ناصر الذي اشتهر يومها ببيع الجبنة والطحنية وكانوا وكنا جميعاً يجمعناوقتها منزل خلتنا الحاجة مريم العقيدة المرأة الشهمة الكريمة ذات الصوت الخفيض الذي بالكاد تسمعه أذنك وبيتها مفتوح لكل أصدقاء كمبال من خورطقت وأصدقاء حامد الطيب من النهود بجانب فضل الحاج والحاج الجعلي وخليفة مصطفى ومحمد رابح وعبدالباسط محجوب وماهد محمد جبرالدار وشقيقة الطيب القوز ومحمد عبدالرحيم راضي والمرحوم فيصل عدلان ومحمد تنير وإبراهيم أحمد ودالجزار حيث تعلمنا الويست على يدي كمبال الطيب وحيث أكلنا سمن وعسل أبو نوارة وشرموط الغزال والزراف .. ألا رحمها الله وطيب ثراها فكل عريس من أبناء أبوجبيهة وضعت الحاجة مريم العقيدة الجرتق على يديه..نرجع لقصتنا ميرغني جالس مع كمبال في الدكان الملاصق لدكان المرحوم أبوعلي حالياً فدخل عليهم عربي وكان السكر في الدكاكين غالباً مايكون في طشاطة فسف العربي سفة من السكر فسأله ميرغني :عايز سكر ولا شنو فرد على ميرغني أيوه أنا عايز سكر إلا سكركو مامثل سكر حاج كوكو فقال ميرغني للعربي ليه هو حاج كوكو دا ببيعوا ليكم موية ليمون.. فسارت مثلاً إلا سكركو مامثل سكر حاج كوكو.
يا ناس الزعل أرفعوه بالكتابة كان عندك غبينة فششها في الكتابة بذوق وبدون جرح للآخرين. الاختلاف ملح الحروف ولكن في حدود احترامنا لبعض كبيرنا يرحم صغيرنا وصغيرنا يحترم كبيرنا ألا يكفينا أننا من كل مدن الجبال نتفرد بأن لنا منتدى نفتخر به إذا افتخر مفتخر؟؟

الرهيف الفضل*االفاتح اخوى*بت المحلج*شكرا يديكم العافية(اليوم يدينا الفى مرادنا)

،،الاختلاف ملح الحروف ولكن في حدود احترامنا لبعض كبيرنا يرحم صغيرنا وصغيرنا يحترم كبيرنا ألا يكفينا أننا من كل مدن الجبال نتفرد بأن لنا منتدى نفتخر به،،

لك تحياتي أبوحسن على البوست الملئ بالحميمية والروعة، ولن أزيد على الكلمات أعلاه والتي زيّل بها الخال فضل رده ومزيداً من التواصل والإلفة بين الجميع...
إنشاء الله هلال الملايين يفعلها اليوم ،هذه المباراة نحتاج فيها لعامل الحظ أكثر. لان الأداء في لقاء الذهاب لا يبشر.

ابوحسن لك مني التحية والمحبة يارجل يا رقيق وحقيقة كلامك بيبكي عديل وياريت يجد اذانا صاغية
منتدي عدد المشتركين فيه اكثر من ثلاثمائة ماشاء الله وعيني باردة ولكن المتفاعلين لا يتجاوز العشرة
لا نلوم احد ونعرف جيدا ظروف الناس ونقدرها ولكن يستطيع الانسان ان يخطف دقائق بسيطة ويتواصل مع الناس
اتمني كل التقدم والازدهار لهذا الممتدي

شكرا للجميع على هذه الروح وزى ما قال حيدر نقدر ظروف الناس لكن انا بتساءل بدورى وين ماجد عبد القفار رسلوا لى تلفونو فى الخاص ارجوكم

عزيزى الاشرف واخوى الحيدر واستاذى غريق (ماتستغربواوالله درسنا انا واخوى الكاشف* ماجد*)درسنا رياضيات)شكرا على المرور(وان كانوا اكبر حرامية)جوال ماجد يا قدح 00971509230565(الله يديكم العافية

أهلاً ومرحباً بعودتك القوية المميزة يا أبو حسن و إطلاق هذه الصرخة التي نتمنى أن يصل صداها للجميع ..
المهم خليك قريب و الكاتبو ليك الله بتلقاهو ..فلك التحية والاحترام ... مع سلامي لأخوك الكاشف قول ليهو متين العودة ??
تحياتي للجميع

شكرا يا ابو حسن يا تلميذى النجيب(عوض السيد ما تفتكر قاشر براك بحكايت تلميذى دى)هاتفت ماجد توه وهو كويس وبسلم عليكم من دون فرز وله عوده قويه للمنتدى وانه مشقول حبه

الحبيب اخونا المحجوب اخبارك والله رجعتنا للزمن الجميل 0كانت لنا ايام الله يديك العافية مشكور على المرور (استاذى العزيز يديك العافية ولنا عودة

العزيز حامد ابوحسن.....مرحبا بعودتك بين أهلك واخوانك....ما فى شك كلنا سعداء بحضورك بس نتمنى دوام المشاركه.
بالنسبه لماجد انا كنت بتكلم معه أمس الساعه 11م هو بخير بس مشغول شويه وانا بالفعل سألتو قلت ليهو يا اخوى لو حردان كلمنا عدييييييل فأكد لى انه فقط مشغول.
غريق اخوى الحمدلله انك درّست زماااااااااان وهربت يا اخوى دى شغله مجنونه لكن الله غالب

والله الله يطمنكم طمنتونا علي اخونا ماجد والله ليه وحشه واكيد الرياضي استوحشه اكتر
تحياتي له

ابن عمى عوض يديك العافية 0وكلنا فى (الكونف-----)سوى

ابوحسن قلت لي كلنا في الهوي سوا والله مانمت من القهر مع اني كنت عارف وكتبت انو هذا الفريق لن يحقق اي انتصارولكن الله غالب

أحبائى وأصدقائى الأعزاء حامدونا وحيدروالله ما عارفين نزعل ولا نتحسر بس زى ما قال حيدر الله غالب.
بس يا حامد يا اخوى انت زول لاعب كوره وانا من الشاهدين على عصرك وبالرغم من انى ما هلالابى لكن صدقنى الهلال بأى حال من الأحوال مفروض يعبر الاسماعيلى امس لولا الاداره السيئه لكامبوس فى الشوط الثانى(رأيك شنو؟)

ابوابراهيم مع احترامي لتحليلك وفعلا كامبوس اجري تغيرات مافي ليها اي داعي واخرج احمد عادل وكان مزعج لكن والله ياجماعة كامبوس عمل اي شئ في هؤلاء اللاعبين وحاول يصنع من الفسيخ شربات ولكن كو زي ما قالو اهلنا البقارة

ابن عمى يديك /والله كلامك صاح ماعندنا مدربين لا الهلال ولاالمريخ يعنى بالبلدى كدة الاسماعيلى غلبنا فى الشوط الاول 1/صفر وفى الشوط التانى رجع مدافع ب8 لاعبين يعنى عارفين عاوزين شنو من المباراة خارج ارضهم0 الهلال طلع بنفس النتيجة وفى نفس الشوط لكن عقلية مدرب وفهم لاعبيبن عجيب* فتحوا اللعب **ومالقينا الا الصداع والواحد مااتعشى زى الناس والله كفايةةةةةةةةةةةة*

الخال خدورة اسمح لي ان اقول ليك يا خال علي حسب انك دفعة الخال كمبال...مع عدم العلم بالشخصية الحقيقية...اشكرك مرتين المرة الاولى لانك ابكيتني وانا من امس عندي بكية تاعباني شديد الحمدالله ارتحتة منها...والمرة التانية الكلام الجميل علي الوالدة العقيدة رحمة اللة عليها التي ورثتنا الجود والكرم وقوة الشخصية والحكمة ...والرحمة الي الوالد الطيب ناصر..والي كل اموات المسلمين...والدعاء الي الخال الوالد الحنون حامد الطيب بدوام الصحة والعافية ...والدعاء لك يا خال ولي اخي ابوحسن...وبقول لي الاخوان المفقودين اظهرو ...ومني ليكم التحايا.

*اختى سهاد /يديك العافية/ربنا يرحم الجميع ويجيب لينا الغائبين /واهدى ليك اغنية عيون فى الغربة بكاية(يابت مالك علينا فى الصباح ده)تحياتى

الأخت سهاد لك سلامي وتحياتي على مشاركاتك التي بعثت روحاً جديدة في المنتدى ، خدورة أم بشق هو الخال فضل الحاج البشير وهوخالك ولم تذهبي بعيداً..

جميعكم فى القلب تسكنون ... غيبتنى عنكم ظروف قاهره يعلم بعضها عزيزى عوض السيد الذى لم ينقطع التواصل بيننا طيله تلك الفتره والاخوين حامدونا وغريق ... ورغم ان ظروفى مازالت قائمه الا ان شوقى اليكم حكم واجبرنى على الجلوس امام الكمبيوتر و التواصل معكم ... اعتزر من كل قلبى عن هذا الانقطاع الذى علمنى ان الابتعاد عنكم مستحيل ... لكم مودتى جميعا

الأخ الحبيب ماجد.....نسأل الله لك التوفيق وزوال الأسباب.
المنتدى يحتاجك وينتظر جهودك.
تعال أخوى منتظرنك