عاااجل - قرعة الكونفدرالية ودوري الأبطال

أجريت قبل قليل :
اوقعت القرعة مازيمبي الكنغولي حامل اللقب بجانب كل من الترجي التونسي ووفاق سطيف الجزائري وديناموز هراري الزيمبابوي في المجموعة الاولي .

وضمت المجموعة الثانية فريق الاهلي المصري بجانب كل من الاسماعيلي المصري وشبيبة القبائل الجزائري وهارتلاند النيجيري .

وفي كاس الكونفدرالية اوقعت القرعة :
الاتحاد الليبي ضد اول اغسطس الانجولي

الهلال السوداني ضد كابس يونايتد الزيمبابوي(18يوليو -المياراة الاولى بملعب الهلال)

المريخ السوداني ضد آس فان النيجيري(17 يوليو - المباراة الاولى بملعب المريخ)

بيتر اتلتيكو الانجولي ضد الصفاقسي التونسي

زاناكو الزامبي ضد أنيمبا النيجيري

جوبورون البتسواني ضد حرس الحدود المصري

سوبر سبورت الجنوب افريقي ضد الفتح الرباطي

دجوليبا المالي ضد شباب بلوزداد الجزائري

(تقام مباراة الذهاب على ارض الفرق التي هبطت من دوري الابطال )

كفايه.
من طرف فيصل خليل حتيلة اليوم في 11:26 am


علينا الآن ان نستلف من منير كفايه لمقاطعة رؤسا اندية القمة السودانيه

و كل الصحف الرياضية التى تتاجر على حساب سمعة الرياضة فى السودان

حتى تبور هذه البضاعة الكاسده و الفاسده.

يا حامد حسن لو سمحت تلفونك و لو لم تسمح يا اعضاء المنتدى تلفون حامد على

هذا البوست الله يخليكم.

تحياتى

فيصل تحياتي ومرحباً بعودتك..أنزلت الموضوع اعلاه كخبر ..؟؟؟

لا أظن بأن هناك أحد يستطيع مقاطعة الرياضة في بلده؟؟؟ ..بإمكناننا مقاطعة الصحف الرياضية والتي هي أس البلاء وأساند ذلك بشدة .. ولكن لا أحد بل جميعنا لا يستطيع مقاطعة ناديه ؟؟؟ ..مع اقرب مباراة ستعود خفقات القلوب وننسى ؟؟؟ كيف لا اعلم ؟؟ هل يتكرم احد بالإجابة؟؟

السلام جاكم يا جماعة ويا فيصل اخوي حمدا لله علي السلامة
والعود احمد
وشكلك زعلاااااااااااااااااااااااان من الجماعة ما تمرض نفسك ساي اخوي

مونج طول بالك الرياضه بتتصلح لكن الله يصلح لينا ناس شداد المكنكشين فيها ديل

الصوره يا ول نويه مش حلوه ومنظر اكرم مش بحنن لك كل الود يا غالى

سنظل نحفظ لك الوفاء ايها النجم النجم

**اخوى غريق **صحى البلد الما*فيها تمساح بقدل فيها ---

ده سيدا 0000البرنس وبس

1- مات إيداهور
2- كليتشي مصاب بقطع في الرباط الصليبي
3- هيثم طمبل مصاب بقطع في الرباط الصليبي
4- أكرم أصيب بكسر
5- الحارس حافظ مصاب بكسر في الفك والأنف
6- عبدالحميد السعودي مصاب
7- النفطي مصاب
8- أحد المدافعين مصاب
هل سأل أهل الصفوة لماذا كل هذه المصائب المتتالية؟؟؟؟
لماذا يا محمد نوية ويا عوض السيد

9- كاسروكا
10- راجي عبد العاطي
11- مصعب (في الركبة وإنشاء الله تكون خفيفة لانو الود دا لعاب ويمكن ان يقدم الكثير للمنتخب)وظلمه المدرب ظلماً كبيراً عندما وضعه رأس حربة في لقاء الترجي ولم يقدم شيئاً وخرج مصاباً ،وهو أفضل لاعب طرف شمال من وجهة نظري في السودان حالياً.

لكم التحية و الحب.

لم اقل مقاطعة الرياضة يا اخوه بل من هم على امرها و الاعلام الرياضى.

ارجو الرجوع الى المداخلة( خرجت من سوء ظنى الى ظن جارى ) كما قال عاطف.

و هذا الظن ربما فتح على ابواب جهنم.

تحياتى

المريخ بكامل نجومه احياء و اموات لا يستطيع ان يهزم الهلال.

و ببساطة السبب واح و واضح وهو الدافع و التخصص.

لك التحيه يا ولد ابوى.

اخوك القرمان

** اقول انا** بدون لف او دوران دى قروش الشعب الغلبان المسكين( يعنى من بنى على باطل فهو باطل**يعنى قروش حرام**يعنى المريخ مابشم العافية

فيصل تحياتي وسلامي ... عندما أنزلت انا خبر القرعة ،انزلته كخبر عااجل لاني كنت فرغت للتو من سماعها وأنزلته كخبر وربما يكون منتدانا له السبق في ذلك ، ومن ثم وجدت مداخلتك بعنوان: أرجو ان تنضم إلى هذه المقاطعة النبيلة، ففهمت منها أنك تريد حتى مقاطعة اخبار الرياضة التي تخص أنديتنا..
بخصوص مقاطعة الذين يتولون أمر الرياضة لا ادري كيف؟؟ ولكن أظن أن السبيل الوحيد لمقاطتعتهم هو مقاطعةالصحف الرياضية التي تأتي بأخبارهم و تسبح ليل نهار بحمدهم وهما وجهان لعملة واحدة وأغلب هذه الصحف هم من يملكونها وتتاجر بإنفعالات وإثارة البسطاء من مشجعي الكرة في بلادنا من خلال الاخبار الكاذبة والمفبركة حيث نجد ان العبارة الوحيدة الصادقة في هذه الصحف هي البسملة وماعداها تلفبق في تلفيق وعلى حسب مصطلحهم "شتل" من اجل رفع المبيعات ... ولذلك إذا قاطعناها نكون قد ضربنا عصفورين بحجر واحد. ولك خالص تحياتي وسلامي.

*ود نويه لك الود كله(ياخى انتوا ليكم شهر بتبكوا الفريق** ناقص** فلان مات وعلان مصاب( كرعين ومصاب عين) يا عم اركزوا الغريق قدام وانتو محظوظين افريقينا مابتلاقونا قريب دا(وكمان شايف جابت ليها حجار )ودنيا كان عاكساك تحلم تدوسى هلال

ابو حسن يا مفتى الديار......عليك الله هو فى حرام اكتر من البيعمل فيهو الملحناتى بتاعكم دا.
ياخى اللاعبين ديل بيعولو أسر بقروش الكوره دى فى داعى ياكل حقهم.
لما نقول انكم عاطفيين ومنجرفين وراء الانتماء الضيّق نحن ما غلطانين.
بعدين الاصابات دى ما عيب وانت كنت لاعب كوره فى يوم من الايام وما فى شك فى لاعبين غيابهم مؤثر.
يا جماعه استهدوا بالله وخليكم منطقيين......يعنى ما ممكن تثقلوا على المريخ بما ليس فيه وتنسوا أن أبطال الفضائح التى لا يمكن ان ينساها التاريخ
انت لاعب كوره وقناعتى انك تفهم فى الكوره مل لا يفهمه غيرك ....هل كان ذلك الذى لعب لعب ضد الاسماعيلى ذهابا وايابا هل هو فريق كرة قدم أم فرّاجه أتو ليمتعونا بأهداف الاسماعيلى فى شباكهم.
التفتوا لنفسكم ودعونا وحالنا فأنتم لستم الذين تستطيعون الحديث عنّا.

نعم عوض السيد الإصابة ما عيب إذا كانت في لاعب ..إثنين .. ثلاثة ما مشكلة؟؟؟ ولكن 11 لاعب في ظرف شهر ؟؟؟ هذا يعني أن هناك عيب وعيب كبير جداً؟؟؟ أحسن تفتشوهو و تشوفوه وين ؟؟؟ وخلوا الفليق بالحجار وأكل الجداد الني ؟؟؟
أداء الهلال أمام الإسماعيلي في المباراة الثانية حتي لحظة هدف التعادل للإسماعيلي بعد التبديل الكارثي الذي اجراه كامبوس بعد مرور 60دقيقة على التشكيلة التي كانت متفوفقة على الإسماعيلي لعباً ونتيجة ، كان أداءه افضل بمليون مرة من أدائكم أمام الترجي في المبارتين ؟؟؟؟ بل كانت أفضل 60 دقيقة اشاهدها للهلال في التاريخ القريب؟؟؟

ياعوض السيد لم تجاوبني عن السؤال لماذا 9 من لعيبة المريخ مصابون ولكن الهروب إلى الأمام هو مخرجكم ياصفوة وتكلمت عن حقوق 30 لاعب مساكين في الهلال ماصرفوا مرتباتهم ولكنك لم تتكلم عن حقوق 40 مليون غلبان سوداني سرق صفوة اللصوص 50 مليون دولار من حقوقهم يكتلوا القتيل ويمشوا في جنازته ولكن حينما اخترت طريقاً لم أختاره أنا ولكن سوف أجاوبك على السؤال لماذا تهاوى لعيبة المريخ التسعة بالإصابات لأن المريخ سجل هؤلاء التسعة بأموال الغلابة التي سرقها لصوص الصفوة ومن قبل أرسل الله لفرعون تسع آيات فما آمن ولاصدق ولا ارعوى فأغرقه الله هو وملأه وتحت ملأه خطان وخسف بأحد صفوته وبداره الأرض لأنه لم يتعظ بآيات الله التسع والآن ظهرت لبطانة وصفوة اللصوص ولا يبدو في الأفق أن المريخاب لم يستوعبوا درس فرعون فأخشى أن يخسف بالردكاسل رمز زينة الصفوة وقارونهم الهارب من السودان..لسه ماشفتوا حاجة.

خلوا الفليق بالحجار وأكل الجداد الني ؟؟؟

ووووووووووب علي خالص بل سجمي جداً
-------------------------------------------------------------------------------------------------------------------------------
اللعب علي الورق جميعنا نجيده كل السودانييين تقريباً أملنا في اللعب بالاقدام علي الارض اعطوا البنات فرصة لتمثيل السودان واتفرجوا!

عزيزى عوض صباح الخير**اولا اقول ربنا يدينا الفى --- واولاد الحديد والنار يعملوها- اليوم((ياعم انا قلت* ليك الفلس ماعيب ونحن مفلسين لكن اى لاعب عندو باقى قروش عاجلا ام اجلا بتدفع له *الاصابات صاح مكتوبة وهى جزء من المنظومة(الرياضية) لكن لمن تكون ظاهرة(دى المشكلة) زى ماقال اشرف احسن تشوفوا العيب دا من وين( هل هو /الاعداد/اللياقة/التغذية/السهر/واحتمال-مصدر القروش كمان يااخوى//وياحبيب الفضائح انتو اسيادها-ماتنسى سبعة( الهارت)وتونس لسع مانشفت-والحال من بعضه// نخليك كيف ياعوض فى حالك وانت بتلعب باسم السودان (وتلعب بيه)وبعدين خايفين العدوة تصيبنا**واشرف قال جزئية مهمة (مسالة الديك والحجارة دى شنو اخر عمركم بقيتوا بتاعين دجل وشعوذة(الله يصلح حالكم)وووب حلوة يادكتورة وكان حال الهلال والمريخ دا كده يااختى* احسن يفجو ليكم//تحياتى//

في فرق زي فرق السما والارض البسرق وبيقوم صوف ويعرد بليل أضلم وبين المديون وبعدين الجرية شينة والشينة منكورة أما عن دين 30 لاعب مازي سرقة لصوص الكفوة لأربعين مليون سوداني ومسك الدرب ود الما مننا

ما في زول فيكم دخل السجن كلامكو صاح؟؟ إلا زولكو عرّد ؟؟؟ ولدي سؤال؟؟ أين نائب رئيس نادي المرييييييييييخ؟؟؟ عايز إجابة منكم يا صفوة؟؟؟ وفرق بين دخول السجن في ديون نحن نقر بها والهروب واظن في فرق بين هارب مطلوب للعدالة والمديون(والعجز عن سداد الدين ليس سرقة)؟؟ ولا ككيف يا ول نوية ؟؟
إصابات لاعبيكم دي أظنكم أكلتوهم من الديوك النية البتكوضمو فيها في المطار قدام الضيوف؟؟ فضحتونا وشرطتوا عينا قدام التوانسة والأجانب الزائرين للبلد ؟؟ هسي يقولو علينا شنو؟؟ ناس تمشي المطار وتقطع رقبة الديك وياكلو فيهو ني ويفرفر ؟؟ والله حالتكم صعبة الوصلتكم للدرجة دي؟؟؟ قال صفوة قال؟؟

قلت لى التعرد الواحد داك يا اشرف!

طبعا عرد تعنى ( فتح او شتت بالرندوق ) و فى رواية أخرى خندق او مخندق.

بالعربية الفصحى هرب من العدالة ولكن أخى اشرف الم يكن السيد عادل

ابوجريشه بالسجن قبل حين من الدهر فى 179 و هو قانون الشيكات المرتدة.

و قبله مساعد المدرب أبراهيم حسين ( أبراهومه ) فى عدة مناسبات.

نرجع لأصل الموضوع و هو مسالة الاصابات حيث تطرق الاخوة للمسألة من باب

المناصحة و ذلك عندما قررنا نحن فى رابطة كفاية ان التدريب بأندية القمة

فى حالة يرسى لها.

تحياتى

يديك العافيه ابن خالتى الاشرف (ود نويه انا قولى مع الاشرف رايك شنو)

ياعم خدورة العرّد منو ؟ غايتو الشئ العارفنو انو الملحناتي لمن كترت عليهو الهموم عرّد دارفور كمان قال ماشي بدعم الوالي قال ؛ وتعرف الزول لمن عرد جماعتو كلهم قلبهم كان في يدهم (بقولو هسي بالله الزول دا مالقي ليهو بكان الا دارفور دي هو ماشاف الفيها دا ول اشنو؟) اها لمن مالقي طريقة جا والجماعة طوالي دخلوهو في السجن ومازالت القضية قايمة
وانت ياصحبي يابتاع الردنوق نحنا نستعمل معاكم اي لغة (رندوق/ بتاعت جوبا و000000 ؛وكلام الشيكات الطايرة دا حقو تخليهو طرف لاني لو فتحنا بابو بنمرق حاجات كتيرة وبنوريكم الملحناتي طلع كم شيك مرتد وحاجات كتيرة كدة0000 اسكت خليها ساي
وياول بشري وابو حسن نحنا كنا في مباراة اكون اولا اكون واستعملنا هذه الاساليب كحرب نفسية ؛ومالنا قال بناكل الجداد ني ماقروشنا كتيرة واستاداتنا خطيرة ؛الناس البياكلو الجداد الني قاعديين دييل البخشوهم السجن وبياكلو قروش اللعيبة
ولكم حبي

حرب نفسية بي "جداد" في الألفية التالتة؟؟؟ يا عالم؟؟ دي فضيحة!!!،حسب رواية الشهود أن لاعبي الترجي كانوا بيضحكوا وطلعوا موبايلاتهم وقعدوا يصوروا ويسخروا من الجماعة البياكلوا في الجداد الني !!!!! ولا تستبعد أن تجدها بعد كم يوم نازلة في الـ Youtube .

سواة الصفوة بي ساق الجداد الني ..
ومن الجرسة ديك يالصفوة ولع فيني جمر الني..

**العزيز اشرف (انا اهدى ليك )اغنية فى الليلة ديككككككككككككك) بالله ممكن تهديهاللجماعة

شكراً أبوحسن على الهدية وإنشاء الله في أقرب زيارة إلى الرياض عازمك على مشروب "ديوك"
Duke

دا الترجي لمن شفتوا حسيت الدنيا دارت بي
خلوني أفلع يمين وشمال في الماشي والجاي
بقيت جرسة أطقع وآكل في الجداد الني

أهديتمونا باغات من الأغانى المدبلجه فتقبلناها ونحن سنهديكم عيوبكم وفضائحكم أرجو أن تتقبلوها.
.........خمّسوك وشوّهو سمعتك.........
.....غلبونى الأفارقه وأدونى خمسه*** من ببد المذله العشتها خمسه خمسه.
ياخى جداد نى ولا ديوك حيّه دى أساليب لا يمكن ولا يجوز ان تنسب لعامة أنصار المريخ لأن أى مجتمع فيه الصالح وفيه الطالح ....ولكن قناعتى أنكم ليس لديكم ما تقولونه علينا خاصة بعد فضيحة الأسماعيلى(رايح جاى).....يا ناس ما تختشو وتخلو الكبار مع الكبار.
أنا مستغرب جدا فى أنكم بتتكلمو عن عيوب انتو غرقانين فيها يا سكان (مقبرة الأ.......أقصد المكلومين).
بعدين يا فيصل ابراهوما حتى لو دخل السجن هو معروف زول بتاع تأشيرات ومطارات يعنى شيكاتو ما ليها علاقه ببيت حى البسته ولو ما عندك فكره ما عندى مانع أشرح ليك لأننا اتفقنا على عدم الجراحات الشخصيه علنا.
ابو الشوش وابو مصطفى اصراركم على ربط ما قام الدقير بالمريخ كمؤسسه بصراحه هذا منطق لا يشبهكم.
ابن عمى حامدونا كما هديت.....أرجو الاطلاع على صدر المساهمه.
الله يدينا الفى مرادنا

تحياتي عوض السيد ...هذا الامر كان مخططاً ومرتب له من اللجنة التي كانت تجتمع ليل نهار لمدة 15 يوم وهي التي تم تكوينها وتشكيلها خصيصاً عقب الهزيمة في تونس للتجهيز والتعبئة لمباراة الرد وهذه اللجنة ضمت في عضويتها شخصيات مريخية إدارية وإعلامية مرموقة وكان مزمل ابوالقاسم وابوجريشة وابراهومة من ضمن اعضائها والعديد من الشخصيات المريخية المرموقة ذات النفوذ ووضعوا ذلك كما ذكر ول نوية من ضمن ترتيبات الحرب النفسية على لاعبي الترجي ولا أظن أن سلطات وأمن المطار كان سيسمح لاشخاص يحملون ديوكاً ويقفون امام صالة الوصول دون مسائلتهم ما لم تأتتيهم توجيهات بالسماح لهم من جهات مريخية ذات نفوذ ؟؟

ابو الشوش وابو مصطفى اصراركم على ربط ما قام الدقير بالمريخ كمؤسسه بصراحه هذا منطق لا يشبهكم

وهل المنطق ما ذكرته انت في مداخلتك السابقة عندما ذكرت الآتي:
......عليك الله هو فى حرام اكتر من البيعمل فيهو الملحناتى بتاعكم دا
ياخى اللاعبين ديل بيعولو أسر بقروش الكوره دى فى داعى ياكل حقهم.

هل هؤلاء اللاعبين تعاقدو مع صلاح إدريس بصفة شخصية أم مع نادي الهلال أين المنطق هنا عزيزي عوض ؟؟؟