عدناااااااا

تحياتي قدر اشواقي
لكم اعز واطيب وانبل وارق تحايا.....
ظروف حرمتني من داري وبيتي واهلي في هذا المنتدى مده شهرين قضيتها في الحباك اتجول صباحآ في شوارعها ومسآ اتسكع بين ازقه جناينها وافرع سمارها والذي لازال طعمه بين اسناني وفي ايام العطل اذهب لابحث عن خيراتها في(مريفعين)
حقيقه كانت فتره جميله ودعوه خاصه للمغتربين ان لايفوتو فرصه الخريف...
وكنت اعرف اخبار المنتدى عبر اخي محمد كمبال
والان عدنا واتمنى ان اجدكم اكثر تماسك ووحده...



اخيرآ
اللهم اغفر لفقدانا جميعآ واجعل مسواهم الجنه مع الصديقين و الشهداء

ودمتم

عودا احمد يا بدر الدين الف مرحب يلا امتعنا بمداخلاتك الجميله افتقدناها زمن وبنسأل من سوق فرنسا رجع من مريفعين ام ما ذال هناك

حبابك عشرة (والله الواحد حاسدك عديل كدة)والحمدلله على السلامة

الف حمدالله على السلامه باشمهندس بدرالدين نورت المنتدى من جديد لك التحيه.

هلا يالباشمهندس بدر الدين وهلا بريحة دعاش الخريف الذى أحسب أنه ما زال عالقا ببدنك.
وحاتك خريف السنه حالفين تدقنا فيه مطره بين السوق والبيت بس ربك يهّون ويرفع القدم لكن عاقدين النيّه فى شهر يوليو باذن الله

كلنا نازلين الاجازة ما براكم يا عوض السيد ومعزومين مطيعينه ومفروكة ملوخية وسلطة تبش بالشطة الخضراء
مراحب بدرالدين اخوي العود احمد

شكرآ علي المرور الجميل يااحباب...
وسنظل نرتقب الوداد ويظل شوقنا في ازدياد ونقول للدنيا اشهدي سنذكركم رغم البعاد
‏‎
نحن وانتم والخريف وسلطه ومطيعينه ومفروكه د.احسان في الحباك قريبآ....
والشي الغريب سوق فرنسا ياغريق بدا ينتقل الى سوق شندي فوق واما مريفعين فحدث ولاحرج
جلسنا مع الجهات المسؤله وكان تبريرها اقبح من الذنب(بترى انو الشيشه لهت الناس من افتعال المشاكل تخيلو شكل المأسي وتبرير الجهه المسؤله ربنا يكون في عونك ياحباك



اخيرآ احمد الله اني من ابناء الحباك

حمدالله علي السلامة أخي وصديقي
بدرالدين كيف أخبارك والاهل كلهم
أنشاءالله بخير تحياتي للجميع وتحية خاصة
للللللللجنرال سامبويا .

شكرآ ياحبيبنا محمد
على المرور ...
سامبويا عرسو بعد اسبوعين ٢٨/٥
‏‎ ‎لكن باقي تفاصيلو الا تسأل محمد كمبال

نترقب العزومه:بس ربنا يكفينا شر العوارض البتطفش الاجازات.

عوداً حميد اً اخي بدرالدين ...
افتقدناك ...كثيراً ...منور ...