أضحك مع ادريس بشرى

واحد مسطول قال لي صحبه صدق انا مرات اشرب لي خمسه كاسات ما اسكر ومرات ثمانيه وبرضو ما اسكر ومرات جركانه وبرضو ما اسكر والغريبه مرات اشرب لي نص كاس واسكر , قام صاحبه قاليه انت عارف السكر دا توفيق من رب العالمين..
***

***
مسطول احوص دايرين يشنقوهو سألوه: امنيتك شنو؟
قال: اشوف نفر واحد بس
***
مسطول لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو،
قاليهم: انتو دايرين تدو هو فاتحه ولامصاريف
***
**لا
زول مسطول قالوا ليهو: البنقو يؤدي إلى الموت البطئ
قال: أنا زاتي ما مستعجل!
***
***
مسطول سألوه عن الفرق بين الشهد والشهيد؟
قال: الإتنين بيتلحْسـو!
***
***
مسطول تجاوز الاشاره الحمراء بتاعة المرور و بعد ثواني اتذكر
انو غلطان فقام داس على الفرمله في الطريق العام و رجع للخلف لغاية
محل الاشاره علشان يتحرك مع الاشاره الخضراء
***
***
واحد مسطول سألوه عن الفرق بين الركشة والكارو قال في الكارو الحماره بره
***
مسطول مرتو قالت ليهو ياخي قول لي كلمة تحسسني بالدفء والحنان .. قال ليها: بطانية ***

مسطول سأل الدكتور قال ليهو فهمني كيف تحللوا البول وتحرموا الخمرة؟ ***
مسطول عينوه مدير دار الايتام اول يوم طلب اجتماع مجلس اباء
***
مسطول وقع في حفرة، حاول يطلع ثلاث مرات، قال دي آخر مرة اذا ما طلعت بمشي ***
في مسابقة أسرع رسم، واحد مسطول رسم نقطة، سألوه ده شنو قال: فيل جاي من بعيد ***
مسطول نايم في الحوش امو بتصحي فوقو قوم الشمس جات
قاليها قوليها خشي واقفلي الباب ***
سواق أمجاد راكب جنبو واحد سمــين لدرجة انو ما قادر يسوق، في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء ***
***
مسطول سأل صاحبو قال ليهو: الشيء البقول ناووو وبطير ده شنو؟
قال: كديسة وشايتنها شلوت ***
مساطيل قالوا دايرين يعملوا مظاهرة ضد امريكا
لبسوا واحد صورة بوش وحرقوا***
***
مسطول سأل التاني: الطحنية دي بصنعوها من شنو؟ قال ليهو: من النشاره ***
مسطول عمل عملية تجميل جاء داخل لاهلو بعد العملية قال ليهم على القسم ما عرفتكم ***
مسطول في المدرسة سمع الاستاذ بقول المثابرة تولّد النجاح
قال لى زميلوا: مــــــــتين هي المثابرة بقت دايه؟***
مسطول مشي للدكتور بشتكي من ضرسو، الدكتور قاليهو: احشي ليك؟
قاليهو لا .. لا .. اديني في صحن!
• مسطول بيشرب الدواء قبل مواعيدو سالوه ليه قال ليهم: عشان افاجئ الجراثيم!
• مسطول نام متأخر لقي الحلم بادي!
• مسطول ابوه مات جا واحد سالو: الحاصل شنو؟ المسطول رد: والله الوالد شوية كدة متوفي!
• مسطول لقى كنز... وقال: الحمد لله. بس باقي الخريطة !

• رباطابي اتصل بسودانير عشان يحجز فساله الموظف ذهاب واياب ؟

‎قال ليهو لا خروج المهزوم!

• جعلى عمل عملية جراحية .. نجحت قام عملها مرة تانية!

• واحد بسال مسطول قال ليه: عليك الله ياخي بتعرف حدائق 6 ابريل وين؟ المسطول قال: حدائق 6 ابريييل !! حدائق 6 ابريييل ما قالو ليك سنة كم؟

• مسطول اتصل بوكالة سفر سأل السكرتيرة: لوسمحتى الرحلة بين السودان ويوغندا بتاخد كم ساعة؟ قالت ليهو: لحظة بس... قاليها: طيب شكرا!

• مسطول صدم عمود كهربا قال: الله يلعن ناس المويه ديل ما لقو يختو برج موبتل إلا هنا؟!

• مسطول ينقنق: السخانه، السخانه، والله دا كلو من ناس الكوره ديل شابكننا سودانا فوق سودانا فوق لمن تكلوا بينا جنب الشمس!

•
• مسطول مشى مع طفلو لي الدكتور فقال ليه: ياخينا ولدك دا (بسنن) .المسطول: صدق؟ كنت متوقع حاجة زى دي!

• واحد مسطول عندو سبعة ولاد سمى نفسو سفن أب!

• مسطول تناول نصف حبة أسبرين. سألوه: ليه؟ قال: عندي صداع نصفي!

• مسطول سال صحبو: جرحتى دى كبيرة ولا صغيرة؟ صحبو رد: منااااااااااااااااااسبة!

• !

• مسطول قرأ كتاب فلسفه، مشى لى صحبو قال ليه: قل لى من صديقك اقول لك من انت. سألو صحبو: من صديقك ؟ رد المسطول: من انت؟

• مسطول سالوه: ما اصغر شئ في الدينا؟ قال ليهم: شامة في ضهر نملة!

• واحد سأل مسطول: شنو عكس تلميذات؟ رد المسطول: don’t tell me that

• إبليس لقوه فى مطار الخرطوم مسافر سالوه: مالك؟ قال: (ناسكم) ديل كرهونا الواحد نبدأ معاه فقران ونوسوس ليهو: إستهبل غش اسرق انهب. ولمن خلاص يغنى يجيب لوحة يكتب فيها (هذا من فضل ربى)!

• شايفك قدامي وما قادر أوصلك. وكل ما أحاول أقرب منك أخاف تصدمني. ومرات كتيرة أفكر فيك بلقاك إنت جاري وكل ما أسعى أفهمك ألقاك بتلف وتدور/ مسطول بتكلم مع لستك عربية

شكرا ادريس بشرى وعبرك نشكر خالك عزيز القوم الأرباب ابو الزهور

شكرا أيها الحبيب .. على قول الجماعة عترت ليّ على كمبيوتر به لوحة مفاتيح عربية فوددنا التواصل

من طرف **ابوحسن** 16th مايو 2010, 09:01

عزيزى ادريس يديك العافية //والله ضحكتنا فى السخانة دى (بس ماحقت **سودانا فوق(واتذكرت النكتة المرسلة عبر الجوال فى بيت منير )تحياتى ليك عبر نفاج الخال)تحياتى

من طرف **Suhad Abduelgfaar** 16th مايو 2010, 10:50

اخي اشكرك الشكر اجزلة ...واللة محتاجين لي الضحكة التي تخرج من غير عناء ...يديك العافية ..

شكراعم ازهري سياحة جميلة في عالم الفكاهة
مسطول سألوه عن الفرق بين الشهد والشهيد؟
قال: الإتنين بيتلحْسـو!

شكرا يا رائع يا ابو الزهور وعبرك نشكر اخونا الرائع بشرى إدريس

ابو الزهور بحثنا عنك فى ردهات المنتدى برندة برندة..الحمدالله وعبر ضحكات ..يملأ الله مساحاتك فرحا..ومشكور اخى اشرف بشرى افتقدناك ..قبل قليل علقنا فى ((بوست ))لابو حسن وبسأل عن الاحباب وقلت واقول:
(كلما اجد فرصة اخوتى لتوثيق الود نشرنا الود فى مساحة تسامحكم إن أصاب ودا فرحنا ..وإن أحترق شممنا عطرا زكيا)))

والله فكاهه إستمتعنا بها كثيراً ,,,,, الله يبارك في أيامك
واحد أحول ( احوص ) سألوه ماهي أمنيتك بالحياة , قال: أشوف واحد ماشي لوحده
-----------
بخيل واقف فى البلكونة… ابنو جاى من بعيد يقول له بابا بابا بابا … قاله:يا ابن الكلب بابه واحده كفاية

-----
سألوا واحد جاي من المانيا ايه اللي لفت نظرك هناك , قال لهم كلها أجانب

أضحك مع ادريس بشرى

أضحك مع ادريس بشرى

رد: أضحك مع ادريس بشرى

رد: أضحك مع ادريس بشرى

رد: أضحك مع ادريس بشرى

رد: أضحك مع ادريس بشرى

رد: أضحك مع ادريس بشرى

رد: أضحك مع ادريس بشرى

رد: أضحك مع ادريس بشرى

رد: أضحك مع ادريس بشرى