مجادعات..سودانية

مجادعة بين الشعراء جبر الدار محمد نور الهدى و محمود محمد شريف وحمزه الرفيع.
قال جبر الدار:
مفرود السراب اللتب بعد ما شت..
الفرع الني سقايتو وباعدولو الخته..
نيل وزاد خدار يادوب شراهو انحته..
خلى الروح متل ضهر البقت منبته..!
وقال محمود محمد شريف:
بعد ما قاوى تب كياتو لي نجطته..
شال فرعو السمار من النسيم بتحتا..
إن فاحت نسايمو وليها إتكرفتا..
النفس الشالا عقبان تاني ما بتختا..!
وقال حمزة الرفيع:
هادي رزين أديب ما سمعو يوما نت..
نسلو حرارة لى أماتو تحسب ستة..
مخروت عودو عرفو أراك مشيهو متته..
يخلي الروح تتطش تقلع لباس الجتة..!