الاستاذه / ايمــان ابراهيم عوض السيد..

عزيزي الفاتح ...لك التحية ...ومبروك للاخت عفاف ...رغم انها جات متأخره ...بيت مال وعيال ...وعقبال كل العزابة ...

الحمدلله الذي بنعمته تتم الصالحات وسالت دمعه رغم الفرح الذي شمل خلاياي كلها مجتمعه ومرد الحزن تخيلت لو اننا لسه في المحلج لكان هنالك عدد كبير من "الايمانات" موجود وغايتو الله يجازي الكان السبب ما عافين ليه.
عفاف يا اختي ربنا يهنيك ويوفقك في حياتك ومشاويري معاك ما زالت في الذاكرة واقواها حضورا ذاك الذي كان لمنزل عم عبدالرحمن احمد جابر لاداء واجب العزاء في فقيد الشباب/ موسي له الرحمه واحسبه شهيد
وخالتي "تونه" ام العروس مبروووووك وربنا يفرحك بالباقيات ما زال في عمق الذاكرة حاضرا ((لمن ترفعوا طبق الكسرة والحلة بي فوق "الصريف" وتجوا بالباب لمان يكون معانا ضيوف !!))
عم محمد ابو العروس مبروووك وابشر لك الجنة!
الاخوات ربيعة وامونه والاخوة منير نزار محي الدين تهانينا ونشد علي الايدي رغم البعد فرحانين بفرحتكم.
غلبني يا الفاتح اخوي
مع السلامة

صبحك الله بالخير والسرور الفاتح أخوى.....
كل المنى أن تهنأ الاخت عفاف فى حياتها الجديده وعقبال الباقين.
أشكرك على تنويرى بعافية أختى ايمان ابراهيم عوض السيد.....هى طبعا خريجة شريعه وقانون من جامعة ام درمان الاسلاميه ولكنها فضّلت اها تعمل مدرسه.