أزمة ديكة في الخرطوم
4 مشترك
صفحة 1 من اصل 1
أزمة ديكة في الخرطوم
من طرف خدورة أم بشق 23rd مايو 2010, 07:56
منقول ود عبدالماجد
اكرم الهادي سليم ما بشكي من (الحصوة) بس.
} بشكي برضو من (الركب) ...والضهر والنظر...ونجيلة استاد الهلال.
} كلو من (سادومبا).
} ويا سادومبا هولب لب.
} وحقيقة كدا ...اكرم الهادي سليم ما براه.
} سادومبا طبق ليك النظرية في (الحضري).
} الحضري في الاسماعيلي قعد (يزحف).
} لكن (نجيلة) الاسماعلية طاعمة..ما زي نجيلة استاد الهلال...كلها (ضريسة).
} يعني بعد شهر لو سمعتوا انو (الحضري) عندو (حصوة)...ما تستغربو.
} عادي يا ابو الشباب.
} اصلو (الحصوة) دي أي حارس يواجه (سادومبا) بشكي منها.
} ويا سادومبا هولب لب.
} كلمانكم ..الف مرة.
} قلنا ليكم ..(النجيلة) ضارة بالصحة.
} ما صدقتوني.
} قلنا ليكم ..قولوا لي حراسكم ديل ...(التراب) بجيب ليكم (الحصوة)...ما تلعبوا فيه.
} لكن ما بتسمعوا الكلام.
} برضو ما اقتنعتوا.
} اها استحملوا.
} راجيكم جنس (وجع ضهر).
} وجنس حصوة.
} انا خايف من (الحصوة) علي بلة جابر.
} بلة جابر ذاتو بقي يزحف.
} عاد يا ناس المريخ ...راجيكم زحف تقيل.
} زحف مبالغة فيه.
} انتظروا بس يوم 10 يونيو.
} نص تشكيلتكم دي بتشكي من (الحصوة).
} كاربوني ذاتو ...عندو اعراض (حصوة).
} ويا سادومبا هولب لب.
} مرة مشيت السوق.
} قمت بدري.
} بدري كم يعني؟.
} بدري وخلاص.
} قلت النشوف البلد دي حاصل فيها شنو؟.
} لقيت ليك السوق دا منقلب انقلاب.
} اربعة يخشوا ..واربعة يطلعوا.
} وكل اربعة يدخلوا ...يشتري ليهم (ديك) ويطلعوا.
} ما خلوا ليهم (ديك) في السوق.
} يا ربي الحاصل شنو؟.
} انفلونزا الطيور رجعت تاني.
} مشيت سوق تاني.
} قلت يمكن افهم حاجة.
} ما فهمت أي حاجة.
} برضو اربعة يدخلوا ...واربعة يطلعوا.
} واي اربعة يطلعوا بشيلوا ليهم (ديك)...ويتخارجوا.
} يا ربي الحاصل شنو؟.
} مشيت سوق تالت ....لقيت ليك السوق فيه ازمة تقيلة.
} ازمة (ديوك) مرة واحدة كدا.
} انتوا الحاصل شنو؟.
} قلت احسن امشي المطار...اصلو وقت تظهر حاجة في البلد دي ...بتظهر في (المطار).
} في المطار لقيت ليك (الخواجات) ديل اربعات ...اربعات...تقول بيلعبوا وستي.
} انتوا الحكاية شنو؟.
} أي خواجة يجي البلد دي ..بجي شايل ليه (ديك).
} شرط يعني.
} ضروري للدرجة دي.
} مشيت لي خواجة ..قلت ليه انت الحاصل شنو؟...مالكم بتجيبوا ليكم (ديوك).
} الخواجة ما فهمت منو أي حاجة.
} لكن طلع ليه (دولارات)...وقال لي : عملة سأبة ...نحن بنهب (الديك) كتير.
} شغلت ليه اغنية زيدان ابراهيم (في الليلة ديك).
} المطار كلو قعد يرقص.
} زول قاعد مافي.
} يا جماعة الحاصل شنو؟.
} ما تفهمونا حاجة.
} الديوك دي.... في شنو؟.
} يا ربي يكون (الترجي) ح يصل البلد تاني ...ونحن ما عارفين.
} مشيت الحلة.
} اصلها وقت تقفل معاي ..بمشي (الحلة).
} مشيت ليك الحلة ...لقيت ليك النسوان ديل ينزلن ويطلعن ...اربعة ...اربعة.
} والشفع في الحلة ...يسكوا في (الديكة).
} الحلة كلها بتسك ليها في (ديك).
} ما خلوا ليهم (قفص).
} اجر يا ولد ..ناس عمك عيسي عندهم (ديك) جيبوا منهم.
} الولد يمشي يجيب (الديك).
} وعربات الصوالين ...تجي وترجع.
} شيء دفارات ..وشيء بكاسي وشيء لواري.
} تشحن في الديوك...وترجع.
} يا جماعة الحاصل شنو؟.
} والبلاغات في المحاكم دورت.
} نحن عندنا (ديك) مفقود.
} ناس السرة ...الديك حقهم ...ليه اسبوع مفقود.
} والعرائض شغالة.
} والمرافعات مسخنة.
} واربعة ينزلوا ...واربعة يطلعوا.
} وكل اربعة بكونوا شايلين ليهم (ديك).
} يا جماعة الحاصل شنو؟.
} فهمونا حاجة.
} سعر الديك بقي 100 دولار.
} ليه ديك هو وإلا حصان؟.
} انا قلت احتمال ...الناس ديل يكون عندهم فهم.
} احتمال عندهم رأي.
} احسن اشتري لي (ديك) ...الظروف ما معروفة.
} اشتريت لي (ديك) وجبتوا البيت.
} الحلة دي كلها اتكسرت في بيتنا.
} قالوا التسجيلات قربت ...وسعر الديوك ارتفعت.
} بقيت كلو مساء ...يجيني وفد من احد الاندية.
} في شنو؟.
} ما في حاجة ...بس عاوزين نفاوضك في (الديك).
} يا جماعة ديك شنو العاملين ليه توم وشمار.
} الديك حقنا بقي مشهور.
} شيء اذاعة ..وشيء فضائيات.
} وانا ما فاهم أي حاجة.
} طبعا انا زول صعب.
} قلت لازم افهم الحاصل.
} لازم اعرف السر شنو؟.
} مشيت لقيت لي زول (خبير).
} خبير في أي حاجة.
} خبير في الارصاد الجوي وخبير في الكيمياء..وخبير في الفيزياء.
} خبير في أي حاجة.
} اغنية (الحقيبة) ذاتها (خبير) فيها.
} قلت ليكم خبير في أي حاجة ما صدقتوني.
} قلت للخبير ...انت الحاصل شنو؟...اي زول نازل شايل ليه (ديك).
} الخبير قال لي : انت قاعد وين؟.
} قلت ليه : في شنو يا خبير؟.
} الخبير قال لي : انت ما عارف : المريخ عندو كورة مع الهلال يوم 10 يونيو.
} قلت ليه عارف.
} قال لي : طيب مستغرب مالك؟.
} الجماعة ديل خايفين ...ما خلوا ليهم (ديك) في البلد.
} طيب يا خبير ...(الديكة) اللقطوها دي كلها ح ياكلوها (نية).
} والله دي مشكلة.
} الديوك ...ما بتحلكم.
} تاكلوها نية ...تاكلوها ساي ...ما بخصنا.
} بلوا رأسكم ساكت.
} انتوا ما شفتوا قون فييرا.
} قون زي (الموناليزا).
} البلد كلها تتحدث عنو.
} والعجب لو شفتوا (سادومبا).
} سادومبا هوْلب لب.
} بتعرفوا هولب لب.
} انتوا ما سمعتوا قصيدة محمد طه القدال (حليوة).
وقبّال حول
تغيّم غيمة قبليّة
ترش الدّارة والحدب الصعيد الحلة..
يا رحمة نداوة الصفقة..
في النسمة الصعيدية
ويا جهرة نهار الليلة ..
لّما الليلة بدرية
رحيح جنياتنا
في الحدب الصعيد الحلة
يا قمحاتنا ...هولب لب
ويا اللوز الفتق في الوادي ..هولب لب
ويا سمحاتنا ..هولب لب
ويا البحر الطمح مدّادي..هولب لب
ويا حجواتنا يا صلاوتنا..هولب لب
} ونحن نستأذن القدال ونقول:
يا باصاتنا هولب لب
ويا جدعاتنا هولب لب
ويا اهدافنا هولب لب
ويا هوباتنا هولب لب
ويا بصماتنا هولب لب
ويا سادومبا هولب لب
} (هولب لب نداء في لعبة يلعبها الاطفال).
} عشان ما تلبخطوها لينا مع الناس البياكلوا (الجداد) ني.
} اسألوا اكرم الهادي سليم ..قولوا ليه ..سادومبا ما عمل ليه هولب لب ...وقت سجل في شباك المريخ ثلاثية.
} اكرم خلوه.
} أسألوا الحضري.
} ويا ..ويا...
} ويا سادومبا هولب لب.
} من الليلة سادومبا اسمو...سادومبا هولب لب.
} لتأكيد هذه التسمية انتظروا يوم 10 يونيو.
} ويا ..
} يا شنو؟.
} يا سادومبا هولب لب.
} ملحوظة: الديوك ما بتمرقكم.
هوامش
} مباراة الهلال والنيل اليوم ...نريدها عرضا خاصا.
} ويا هيثم ...اكد لينا المقولة.
} يا سادومبا هولب لب.
} فييرا شغال الايامات دي بنظرية ( يا جميل يا راقي احساسك).
} اهدافو زي صبحية العيد.
} المريخ كالعادة ...قدم له الحكم مساعدته (المخجلة).
} ضربة جزاء في كل مباراة.
} وكمان حالة طرد.
} الحكم ما بقصر معاكم.
} الحكم ما فاضل ليه إلا يعمل ليكم (طابق ثالث).
} حكم ما فاضل ليه إلا يلبس فانلة صفراء.
} نحن حكامكم ديل لو لقيناهم بنجيب كأس العالم.
} معقولة أي مباراة بي ضربة جزاء.
} وكل مباراة المريخ يلعبها بي (كابتن) جديد.
} فريق وإلا كشافة.
} انت يا العجب الناس ديل ما مقتنعين بيك وإلا شنو؟.
} نظام بسحبوا منو الكابتنية بطريقة ظريفة.
} من غير ما يشعر.
} والعجب مسكين ...يشيل ويجيب في الاقوان.
} حالتها دي بدون اشارة الكابتنية.
} الفاتح النقر ليه حق يهاجم الحكم.
} الحكم شغال مع المريخ احسن من (النفطي).
} وارغو ضربة الجزاء بضيعها.
} روي قلوك جاب ليه قون.
} هسع الهدف دا بحسبوه لي منو؟.
} مرتب وارغو مفروض تعطوه الحكم.
} عنكبة رقص الدفاع كلو بي (حكمو).
} خبر عاجل : صدارة الممتاز مفروض تعطوها لي (لجنة سيحة).
اكرم الهادي سليم ما بشكي من (الحصوة) بس.
} بشكي برضو من (الركب) ...والضهر والنظر...ونجيلة استاد الهلال.
} كلو من (سادومبا).
} ويا سادومبا هولب لب.
} وحقيقة كدا ...اكرم الهادي سليم ما براه.
} سادومبا طبق ليك النظرية في (الحضري).
} الحضري في الاسماعيلي قعد (يزحف).
} لكن (نجيلة) الاسماعلية طاعمة..ما زي نجيلة استاد الهلال...كلها (ضريسة).
} يعني بعد شهر لو سمعتوا انو (الحضري) عندو (حصوة)...ما تستغربو.
} عادي يا ابو الشباب.
} اصلو (الحصوة) دي أي حارس يواجه (سادومبا) بشكي منها.
} ويا سادومبا هولب لب.
} كلمانكم ..الف مرة.
} قلنا ليكم ..(النجيلة) ضارة بالصحة.
} ما صدقتوني.
} قلنا ليكم ..قولوا لي حراسكم ديل ...(التراب) بجيب ليكم (الحصوة)...ما تلعبوا فيه.
} لكن ما بتسمعوا الكلام.
} برضو ما اقتنعتوا.
} اها استحملوا.
} راجيكم جنس (وجع ضهر).
} وجنس حصوة.
} انا خايف من (الحصوة) علي بلة جابر.
} بلة جابر ذاتو بقي يزحف.
} عاد يا ناس المريخ ...راجيكم زحف تقيل.
} زحف مبالغة فيه.
} انتظروا بس يوم 10 يونيو.
} نص تشكيلتكم دي بتشكي من (الحصوة).
} كاربوني ذاتو ...عندو اعراض (حصوة).
} ويا سادومبا هولب لب.
} مرة مشيت السوق.
} قمت بدري.
} بدري كم يعني؟.
} بدري وخلاص.
} قلت النشوف البلد دي حاصل فيها شنو؟.
} لقيت ليك السوق دا منقلب انقلاب.
} اربعة يخشوا ..واربعة يطلعوا.
} وكل اربعة يدخلوا ...يشتري ليهم (ديك) ويطلعوا.
} ما خلوا ليهم (ديك) في السوق.
} يا ربي الحاصل شنو؟.
} انفلونزا الطيور رجعت تاني.
} مشيت سوق تاني.
} قلت يمكن افهم حاجة.
} ما فهمت أي حاجة.
} برضو اربعة يدخلوا ...واربعة يطلعوا.
} واي اربعة يطلعوا بشيلوا ليهم (ديك)...ويتخارجوا.
} يا ربي الحاصل شنو؟.
} مشيت سوق تالت ....لقيت ليك السوق فيه ازمة تقيلة.
} ازمة (ديوك) مرة واحدة كدا.
} انتوا الحاصل شنو؟.
} قلت احسن امشي المطار...اصلو وقت تظهر حاجة في البلد دي ...بتظهر في (المطار).
} في المطار لقيت ليك (الخواجات) ديل اربعات ...اربعات...تقول بيلعبوا وستي.
} انتوا الحكاية شنو؟.
} أي خواجة يجي البلد دي ..بجي شايل ليه (ديك).
} شرط يعني.
} ضروري للدرجة دي.
} مشيت لي خواجة ..قلت ليه انت الحاصل شنو؟...مالكم بتجيبوا ليكم (ديوك).
} الخواجة ما فهمت منو أي حاجة.
} لكن طلع ليه (دولارات)...وقال لي : عملة سأبة ...نحن بنهب (الديك) كتير.
} شغلت ليه اغنية زيدان ابراهيم (في الليلة ديك).
} المطار كلو قعد يرقص.
} زول قاعد مافي.
} يا جماعة الحاصل شنو؟.
} ما تفهمونا حاجة.
} الديوك دي.... في شنو؟.
} يا ربي يكون (الترجي) ح يصل البلد تاني ...ونحن ما عارفين.
} مشيت الحلة.
} اصلها وقت تقفل معاي ..بمشي (الحلة).
} مشيت ليك الحلة ...لقيت ليك النسوان ديل ينزلن ويطلعن ...اربعة ...اربعة.
} والشفع في الحلة ...يسكوا في (الديكة).
} الحلة كلها بتسك ليها في (ديك).
} ما خلوا ليهم (قفص).
} اجر يا ولد ..ناس عمك عيسي عندهم (ديك) جيبوا منهم.
} الولد يمشي يجيب (الديك).
} وعربات الصوالين ...تجي وترجع.
} شيء دفارات ..وشيء بكاسي وشيء لواري.
} تشحن في الديوك...وترجع.
} يا جماعة الحاصل شنو؟.
} والبلاغات في المحاكم دورت.
} نحن عندنا (ديك) مفقود.
} ناس السرة ...الديك حقهم ...ليه اسبوع مفقود.
} والعرائض شغالة.
} والمرافعات مسخنة.
} واربعة ينزلوا ...واربعة يطلعوا.
} وكل اربعة بكونوا شايلين ليهم (ديك).
} يا جماعة الحاصل شنو؟.
} فهمونا حاجة.
} سعر الديك بقي 100 دولار.
} ليه ديك هو وإلا حصان؟.
} انا قلت احتمال ...الناس ديل يكون عندهم فهم.
} احتمال عندهم رأي.
} احسن اشتري لي (ديك) ...الظروف ما معروفة.
} اشتريت لي (ديك) وجبتوا البيت.
} الحلة دي كلها اتكسرت في بيتنا.
} قالوا التسجيلات قربت ...وسعر الديوك ارتفعت.
} بقيت كلو مساء ...يجيني وفد من احد الاندية.
} في شنو؟.
} ما في حاجة ...بس عاوزين نفاوضك في (الديك).
} يا جماعة ديك شنو العاملين ليه توم وشمار.
} الديك حقنا بقي مشهور.
} شيء اذاعة ..وشيء فضائيات.
} وانا ما فاهم أي حاجة.
} طبعا انا زول صعب.
} قلت لازم افهم الحاصل.
} لازم اعرف السر شنو؟.
} مشيت لقيت لي زول (خبير).
} خبير في أي حاجة.
} خبير في الارصاد الجوي وخبير في الكيمياء..وخبير في الفيزياء.
} خبير في أي حاجة.
} اغنية (الحقيبة) ذاتها (خبير) فيها.
} قلت ليكم خبير في أي حاجة ما صدقتوني.
} قلت للخبير ...انت الحاصل شنو؟...اي زول نازل شايل ليه (ديك).
} الخبير قال لي : انت قاعد وين؟.
} قلت ليه : في شنو يا خبير؟.
} الخبير قال لي : انت ما عارف : المريخ عندو كورة مع الهلال يوم 10 يونيو.
} قلت ليه عارف.
} قال لي : طيب مستغرب مالك؟.
} الجماعة ديل خايفين ...ما خلوا ليهم (ديك) في البلد.
} طيب يا خبير ...(الديكة) اللقطوها دي كلها ح ياكلوها (نية).
} والله دي مشكلة.
} الديوك ...ما بتحلكم.
} تاكلوها نية ...تاكلوها ساي ...ما بخصنا.
} بلوا رأسكم ساكت.
} انتوا ما شفتوا قون فييرا.
} قون زي (الموناليزا).
} البلد كلها تتحدث عنو.
} والعجب لو شفتوا (سادومبا).
} سادومبا هوْلب لب.
} بتعرفوا هولب لب.
} انتوا ما سمعتوا قصيدة محمد طه القدال (حليوة).
وقبّال حول
تغيّم غيمة قبليّة
ترش الدّارة والحدب الصعيد الحلة..
يا رحمة نداوة الصفقة..
في النسمة الصعيدية
ويا جهرة نهار الليلة ..
لّما الليلة بدرية
رحيح جنياتنا
في الحدب الصعيد الحلة
يا قمحاتنا ...هولب لب
ويا اللوز الفتق في الوادي ..هولب لب
ويا سمحاتنا ..هولب لب
ويا البحر الطمح مدّادي..هولب لب
ويا حجواتنا يا صلاوتنا..هولب لب
} ونحن نستأذن القدال ونقول:
يا باصاتنا هولب لب
ويا جدعاتنا هولب لب
ويا اهدافنا هولب لب
ويا هوباتنا هولب لب
ويا بصماتنا هولب لب
ويا سادومبا هولب لب
} (هولب لب نداء في لعبة يلعبها الاطفال).
} عشان ما تلبخطوها لينا مع الناس البياكلوا (الجداد) ني.
} اسألوا اكرم الهادي سليم ..قولوا ليه ..سادومبا ما عمل ليه هولب لب ...وقت سجل في شباك المريخ ثلاثية.
} اكرم خلوه.
} أسألوا الحضري.
} ويا ..ويا...
} ويا سادومبا هولب لب.
} من الليلة سادومبا اسمو...سادومبا هولب لب.
} لتأكيد هذه التسمية انتظروا يوم 10 يونيو.
} ويا ..
} يا شنو؟.
} يا سادومبا هولب لب.
} ملحوظة: الديوك ما بتمرقكم.
هوامش
} مباراة الهلال والنيل اليوم ...نريدها عرضا خاصا.
} ويا هيثم ...اكد لينا المقولة.
} يا سادومبا هولب لب.
} فييرا شغال الايامات دي بنظرية ( يا جميل يا راقي احساسك).
} اهدافو زي صبحية العيد.
} المريخ كالعادة ...قدم له الحكم مساعدته (المخجلة).
} ضربة جزاء في كل مباراة.
} وكمان حالة طرد.
} الحكم ما بقصر معاكم.
} الحكم ما فاضل ليه إلا يعمل ليكم (طابق ثالث).
} حكم ما فاضل ليه إلا يلبس فانلة صفراء.
} نحن حكامكم ديل لو لقيناهم بنجيب كأس العالم.
} معقولة أي مباراة بي ضربة جزاء.
} وكل مباراة المريخ يلعبها بي (كابتن) جديد.
} فريق وإلا كشافة.
} انت يا العجب الناس ديل ما مقتنعين بيك وإلا شنو؟.
} نظام بسحبوا منو الكابتنية بطريقة ظريفة.
} من غير ما يشعر.
} والعجب مسكين ...يشيل ويجيب في الاقوان.
} حالتها دي بدون اشارة الكابتنية.
} الفاتح النقر ليه حق يهاجم الحكم.
} الحكم شغال مع المريخ احسن من (النفطي).
} وارغو ضربة الجزاء بضيعها.
} روي قلوك جاب ليه قون.
} هسع الهدف دا بحسبوه لي منو؟.
} مرتب وارغو مفروض تعطوه الحكم.
} عنكبة رقص الدفاع كلو بي (حكمو).
} خبر عاجل : صدارة الممتاز مفروض تعطوها لي (لجنة سيحة).
خدورة أم بشق- مشرف منتدى الشعر
رد: أزمة ديكة في الخرطوم
من طرف عوض السيد ابراهيم 23rd مايو 2010, 08:43
انتوا ما شفتوا قون فييرا.
} قون زي (الموناليزا).
والله بصراحه شفنا قون ((((( حمص ))))) رايح جاى....وعجبنا وسر بالنا.....
} قون زي (الموناليزا).
والله بصراحه شفنا قون ((((( حمص ))))) رايح جاى....وعجبنا وسر بالنا.....
عوض السيد ابراهيم- مشرف المنتدى العام
رد: أزمة ديكة في الخرطوم
من طرف اشرف بشرى إدريس 23rd مايو 2010, 08:56
الخال العزيز فضل .. يوم 10 يونيو إلا يجيبو ليهم ديك حبشي ...بعدين الجماعة ديل بقت عندهم ضربة جزاء ثايتة في كل مباراة لزوم إعادة التوازن حتى الآن قرابة الـ 7 ضربات جزاء من 11 مباراة .. أضف إلى ذلك حالات طرد متكررة للخصم في مبارياتهم..عشان كدة لما يلعبوا خارجياً بساعدوها بأكل الديوك النية وبعدين إنت عارف الجماعة ديل أكل الجداد الني بان ليهم في قون الترجي بتاع التعادل ما شفت الراجل مسح ليك نجم الدين وداهو السلك وختاها لي ـ محمد كمال بالبيضة ..دا كلو من اكل الجداد ؟؟؟ و يوم 10 لا بينفع ديك ولا سحلية ؟؟؟ ..
اشرف بشرى إدريس- مبدع مميز
رد: أزمة ديكة في الخرطوم
من طرف محمد قادم نوية 23rd مايو 2010, 09:18
سلامات عم خدورة 000000000000000000000
ونحنا كلامنا بنخليهو ليوم عشرة شهر ستة وبعداك بنشوف كلام المعلقات دي
ونحنا كلامنا بنخليهو ليوم عشرة شهر ستة وبعداك بنشوف كلام المعلقات دي
محمد قادم نوية- مشرف منتدى الصوتيات
رد: أزمة ديكة في الخرطوم
من طرف عوض السيد ابراهيم 23rd مايو 2010, 11:09
أهنئكم على ترك الملايين المزعومه والالتفات للديوك الروميه.
والله فعلا هلالاب يا ابو الشوش يااخوى.
فعلا هلالاب لأن الهلالابى ما عندو غير حنكو وكان قلت ليهو سوّيت شنو للتاريخ يقعد ينظر ليك ((((( والله محن )))))
والله فعلا هلالاب يا ابو الشوش يااخوى.
فعلا هلالاب لأن الهلالابى ما عندو غير حنكو وكان قلت ليهو سوّيت شنو للتاريخ يقعد ينظر ليك ((((( والله محن )))))
عوض السيد ابراهيم- مشرف المنتدى العام
رد: أزمة ديكة في الخرطوم
من طرف خدورة أم بشق 23rd مايو 2010, 19:15
لم تجيبوا على السؤال
لماذا لم يتبرأ المريخ وإدارته من نائب الرئيس ويفصل ببيان يوضح أن المريخ ورئيسه ليست لهم أي صلة بالتصرف الشخصي الذي تصرفه نائب الرئيس لو تفضلت جاوب على هذا السؤال وليس الهروب إلى الأمام ولكن يمكن لي أن أتحمل عنك رد السؤال وهو المريخ وإدارته مابيقدروا بل أجبن من أن يفصلوه من الإدارة والمثل المعروف إذا اختلف اللصان ظهر المسروق ولكن إذا اتفق اللصان .. ضاع السودان .. بغلابته ومساكينه
لماذا لم يتبرأ المريخ وإدارته من نائب الرئيس ويفصل ببيان يوضح أن المريخ ورئيسه ليست لهم أي صلة بالتصرف الشخصي الذي تصرفه نائب الرئيس لو تفضلت جاوب على هذا السؤال وليس الهروب إلى الأمام ولكن يمكن لي أن أتحمل عنك رد السؤال وهو المريخ وإدارته مابيقدروا بل أجبن من أن يفصلوه من الإدارة والمثل المعروف إذا اختلف اللصان ظهر المسروق ولكن إذا اتفق اللصان .. ضاع السودان .. بغلابته ومساكينه
خدورة أم بشق- مشرف منتدى الشعر
رد: أزمة ديكة في الخرطوم
من طرف محمد قادم نوية 25th مايو 2010, 15:15
الليلة وينك ياعم خدورة ؟ وكان للرد دا ردينا عليك وخلي اي واحد (ياهووكبير) يجي يورينا من اين له هذه الاملاك00000000000
محمد قادم نوية- مشرف منتدى الصوتيات
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى