الحرامية في السودان

الحرامية دخلهم ثابت وحالتهم تحنن في السودان

--------------------------------------------------------------------------------
المساعد الشخصي الرقميمشاهدة النسخة كاملة : الحرامية دخلهم ثابت وحالتهم تحنن في السودان


--------------------------------------------------------------------------------


عندنا في السودان وغالبا في اي منطقة بكون في واحد معروف بانو حرامي او محتال او الناس بتعمل حسابها منو...(الحرامي المقصود هنا اليدو خفيفة اما الحرامية التانين ديك مش موضوعنا) ... لاتكاد بقعة من بقاع السودان تخلو من واحد حرامي اوكذاب او محتال او مشهور في الحلة بانه(يتلب) في البيوت ...ولكن الملاحظ ان الحرامية ديل ظروفهم زي الزفت يعني صراحة في حلتنامثلا مافي حرامي يوم جددعفش بيته او غير السقف من زنك لسطوح وهذا حال معظم الحرامية في السودان ما بتقدمو ا يعني الواحد فيهم من بيت صغير ما بعمل عمارة ولا حرامي صاحب دكان بيقلب لشركة رغم انهم ..ميزانية مفتوحة يعني الواحد ممكن يسرق دهب يسرق خزنة يسرق بنك ..وفي منهم البقضي عمره كله حرامي حتي انه يصيررمزا معروفا لدي رجال الشرطة صغيرهم وكبيرهم حتي ان منهم من يكون (مافي غيرو)يعني لو في مواطن جا قسم شرطة قال محفظتي....قبل ما يكمل كلامه تلقي العسكري جري خنق صاحبنا داك طلع المحفظة حقت فلان.(لكل منطقة مشبوه )..عموما اللصوص حالتهم تحنن والناس بقت حريصة خالص علي املاكه وما اظن الدولة حتعمل نقابة لصوص . تري ما السبب الذي جعل حراميتنا ظروفهم صعبة وحالتهم تحنن هل حالهم من (حال البلد ام ان القرش الحرام ما بيودي لقدام ) ...عموما حفظنا الله واياكم من شر النفوس الضعيفة