قصيدة سلام الهلال السوداني

سلام الهلال السوداني
محمد الحسن سالم حميد

الليلة دا يوم السودان

البلد الليلة هلالابى

النيل الأزرق نشوان

والأبيض أبيض ياأحبابى

يامشرّف كل الأتيام

فى يوم السعد الافريقى

يا مفرّح كبد الأيتام

باللعب البعد الموسيقى

يا هلال فى جبيرة سودانك

فى جبين الشعب الحبّوب

أبشر لاباشر وأقوانك

ياعريس السمر المحبوب

تعجبنى الرمية الزنجية

لى رأس الحربة النوبية

بى خفة لمسة بجاوية

تتسامى الهامة العربية

وتتناول نسمة صعيديّة

تسكن بى كلّ أريحيّة

ما بين الخصل البنيّة

وزغريدة تبق سودانية

لى أروع دخلة على النية

لى أروع دخلة هلالية

البحر الليلة هلالابى
المطر..

الحجر..

الترّابى

الشدر الشايل متكابى

الساقى عروقو الحطّابى

الشوقو عنقريب هبّابى

الشاقّى مروقوهلالابى

الوسّار ذوقوهلالابى

القمر البيتو قصاد بابى

حبيتو لانو هلالابى


وين تمشى الراضى على المابى

بالشمش الفوقوهلالابى


يا ليم يا الكورة وكت تبقى

أخلاق موروثة مع الخلقة

الغالب حاضنو المغلوب بمودة

وحنية ورقة

وجمهور بيشجع مصحوب

بالنغم الطيب والصفقة

الله ياشعب ياحبوب

ما أحلى الدخلة على المرقة

يا فريق بيطلع كم فرقة

يامارق بينا من الزنقة

وحدنا شبعنا من الفرقة

جددنا عشان نبقى وتبقى

ياريت الطالقة المنطلقة

وعلى بعض طلقة

ياريت يا أبونا يا ابو الحرقة

لو تقرا بياضك والزرقة

_________________

نعتب على الارشيف الذى يراعى المكان دون الزمان.
يازول ما تستهدى بالله.

ونعم بالله

مرحب بالغالي الابن أسامة إضافة حقيقية للهلالاب والجماعة ديلك نقول ليهم جاكم السم القدر غداكم تحياتي لجميع أفراد الأسرة الأخت عائشة وشمس وعوض الكريم وخليل محمد علي وأولاده

بسلمو خدورة ويبلغ انشاء الله بس شنو البلد هلالاب مختفين كده

هلالاب البلد زادو
والمسألة دي ستقودلمزيد من الزرق وكان عندنا رأي في النسبة
1000:1