أشياء تدعو للحيرة ؟؟؟ هل مرت بكم إحداها ؟؟؟ ... منقووووول
+5
الفاتح محمد التوم
د.الجنيد احمد سليمان
فيصل خليل حتيلة
moneertom
اشرف بشرى إدريس
9 مشترك
صفحة 1 من اصل 1
أشياء تدعو للحيرة ؟؟؟ هل مرت بكم إحداها ؟؟؟ ... منقووووول
قانون الصفوف : لو واقف في طابور بطيء وقمت غيرته، طابورك اللي غيرته فجأة يمشي أسرع من اللي انت فيه قانون التلفون : عمرك ما تتصل على رقم غلط ويطلع مشغول قانون التصليح : بعد ما إيدك تتزيت وتتوسخ من الشحم وتزييت الماكينة ، نخرتك تحكك قانون المعدات : إذا وقعت حاجه من إيدك اتأكد انو حتدحرج لحدي ما تصل مكان ما تعرف تطلعها قانون الشغل : لو اتأخرت من الشغل وقلت للمدير أنو لستك العربيه طرشق . تاني يوم بطرشق جد جد قانون الحمام : اول مما تخت الصابون في وشك الدش يقطع والموبايل يضرب قانون الالكترونيات : لو شلت موبايلك او كمبيوترك وديتو لي للإصلاح اول مما توريهم المشكله تلقاهو اشتغل بي مزاج قانون المواصلات اللي حاجزين كراسي في النص لازم يجو آخر ناس ويدوسوا على رجلك قانون القهوة : أول ماتجيب ليك قهوة ساخنه، يجي مديرك يقدك بي شغله ما تنتهي الا لما القهوه تبرد قانون المصادفات : لو واقف مع زول وما عاوز زول يشوفك ...الناس دي تطلع ليك من كل فج عميق قانون الأقساط : لو اشتريت عربيه بالاقساط اصلو ما تخرب . واول ما تخلص الاقساط تخرب ليك !!! قانون الزواج : بعد اسبوع يقولو ليك ما بقيتو تلاته قانون الطقس : لازم نهايه الاسبوع وانت مخمس وتكون متحمس انك تطلع ...يجيك غبار من مافي.. هههه و أخيرا قانون التفتيش : لو عاوز حاجه معينه اصلو ما تلقاها في وقتها... مع انو كل يوم بتشوفها في وشك |
اشرف بشرى إدريس- مبدع مميز
رد: أشياء تدعو للحيرة ؟؟؟ هل مرت بكم إحداها ؟؟؟ ... منقووووول
ابو الشوش . . . .
بقيت بتلفها ولا شنو . . . ! !
بقيت بتلفها ولا شنو . . . ! !
moneertom- نشط مميز
أشياء تدعو للحيرة ؟؟؟ هل مرت بكم إحداها ؟؟؟ ... منقووووول
و الله يا منير سبقتنى بأقل من ثانية بالضبط كل هذه الاشياء بتحصل لى
تقريبا.
أشرف ........... كى حاحى لى الدباسية دى من نخرتى.
دى تسال منها د.حسن الحاج
تحياتى
تقريبا.
أشرف ........... كى حاحى لى الدباسية دى من نخرتى.
دى تسال منها د.حسن الحاج
تحياتى
فيصل خليل حتيلة- مشرف إجتماعيات أبوجبيهة
رد: أشياء تدعو للحيرة ؟؟؟ هل مرت بكم إحداها ؟؟؟ ... منقووووول
هووي يا فيصل والمنير ... أنا كتبت ليكم منقووووول فوق في العنوان عشان التخريمات دي ؟؟؟
سمعتها والله يا فيصل ومن الخال حسن الحاج تحديدا ؟؟؟ الله يعين الراجل هو الوداهو يهابش مع الجماعة ديل شنو ؟؟؟؟ً
سمعتها والله يا فيصل ومن الخال حسن الحاج تحديدا ؟؟؟ الله يعين الراجل هو الوداهو يهابش مع الجماعة ديل شنو ؟؟؟؟ً
اشرف بشرى إدريس- مبدع مميز
رد: أشياء تدعو للحيرة ؟؟؟ هل مرت بكم إحداها ؟؟؟ ... منقووووول
ابو الشوش
ديل كم (كرت)؟........أقصد كم قانون
ديل كم (كرت)؟........أقصد كم قانون
د.الجنيد احمد سليمان- نشط مميز
رد: أشياء تدعو للحيرة ؟؟؟ هل مرت بكم إحداها ؟؟؟ ... منقووووول
د.الجنيد احمد سليمان كتب:ابو الشوش
ديل كم (كرت)؟........أقصد كم قانون
دي قوية يادكتوررررررر
moneertom- نشط مميز
رد: أشياء تدعو للحيرة ؟؟؟ هل مرت بكم إحداها ؟؟؟ ... منقووووول
إبداع.... يا أشرف بس
قانون النعاس
ماتلبس و تتقيّف عشان ماشي المطار تلاقي عزيز , وتقول ناخد تكية
قانون النعاس
ماتلبس و تتقيّف عشان ماشي المطار تلاقي عزيز , وتقول ناخد تكية
الفاتح محمد التوم- مشرف المنتدى السياسى
رد: أشياء تدعو للحيرة ؟؟؟ هل مرت بكم إحداها ؟؟؟ ... منقووووول
قانون الامتحانات
تقول تعبته الجزء ده ما بجي في الامتحان ما حاقرأه تلقاه اول سؤال
تقول تعبته الجزء ده ما بجي في الامتحان ما حاقرأه تلقاه اول سؤال
nashi- مشرف المنتدى الرياضى
رد: أشياء تدعو للحيرة ؟؟؟ هل مرت بكم إحداها ؟؟؟ ... منقووووول
قانون العرس
تقول ماشى أخطب تقعد تتمحرق تمشى تلقاها عرسوها.
دى أنا قاصدها يا ابو الشوش يا اخوى لأنى أمبارح بالليل كنت بتونس مع فضل وأزهرى وعملنا (حبة) قطيعه ونميمه
تقول ماشى أخطب تقعد تتمحرق تمشى تلقاها عرسوها.
دى أنا قاصدها يا ابو الشوش يا اخوى لأنى أمبارح بالليل كنت بتونس مع فضل وأزهرى وعملنا (حبة) قطيعه ونميمه
عوض السيد ابراهيم- مشرف المنتدى العام
رد: أشياء تدعو للحيرة ؟؟؟ هل مرت بكم إحداها ؟؟؟ ... منقووووول
غايتو قانون التصليح ده عجيب
وهاك قانون بدال العجلة قدر ماتحرص وتعمل حسابك بدال العجلة يرجع ويضربك في ساقكك لمن بطنك تطم
وهاك قانون بدال العجلة قدر ماتحرص وتعمل حسابك بدال العجلة يرجع ويضربك في ساقكك لمن بطنك تطم
حيدر خليل- نشط مميز
رد: أشياء تدعو للحيرة ؟؟؟ هل مرت بكم إحداها ؟؟؟ ... منقووووول
حيدر لك الحب والتحايا التى تشبهك يا غالى.
عليك الله ساقك فيهو كم (عواره)....بضم العين
عليك الله ساقك فيهو كم (عواره)....بضم العين
عوض السيد ابراهيم- مشرف المنتدى العام
رد: أشياء تدعو للحيرة ؟؟؟ هل مرت بكم إحداها ؟؟؟ ... منقووووول
ابو ابراهيم لك التحية والمحبة وده والله من اصلك
لا يوجد مكان في ساقي مافيه ضربة سيف ولا طعنة رمح اقصد ضربة بدال غايتو العجلات دي زمان
لا يوجد مكان في ساقي مافيه ضربة سيف ولا طعنة رمح اقصد ضربة بدال غايتو العجلات دي زمان
حيدر خليل- نشط مميز
رد: أشياء تدعو للحيرة ؟؟؟ هل مرت بكم إحداها ؟؟؟ ... منقووووول
اخي واللة قانون التفتيش دا الايام دي تاعبني تعب شديد خلاص...يديك العافية
Suhad Abduelgfaar- مشرف حكاوي المهجر
مواضيع مماثلة
» حادث عجيب .... بالصين
» صور تدعو للدهشة (اجمل مارسم بالايد)
» أشياء لا يمكن استرجاعها
» أشياء لا تحلم بها
» أشياء مؤلمه
» صور تدعو للدهشة (اجمل مارسم بالايد)
» أشياء لا يمكن استرجاعها
» أشياء لا تحلم بها
» أشياء مؤلمه
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى