رنّات الموبايل تحيركم

الأخوات والأخوان الموضوع حيوي ونعايشه يومياً كل ساعة وكل دقيقة وكل ثانية .

رنات الموبايل نبالغ فيها ونبرمجها بمزاج معين وننسى أننا لسنا وحدنا من نسمعها فالمحيطون بنا كثُر .

اتصلت مرة لكي أعزي قريبة لي بالسودان في وفاة أمها وفتح الخط على نغمة موبايلها التي أشاعت البهجة لي ومن سمعها من حولي فقد كانت على أغنية طربية تجعلك تهتز فأحسست بأنني في عالم آخر غير عالم الحزن وكان هذا في اليوم الأول للعزاء وراودتني مخيلات ياربي أنا اتصلت وين وعلى منو ؟؟

المهم قطع الخط على سماع تلك الأغنية الراااااابة .

ترى كيف سيكون الوضع إذا ردت المكلومة حينها وأنا عشت في جو طربي عكس ما كان إحساسي قبله للمواساة ؟؟؟

ترى كم من موبايل مبرمج على الأغاني ولاضير في ذلك .

المهم إذا كان الموبايل الخاص بك نغمته أغنية هل تتذكر ( تتذكري ) بتغييرها عند الذهاب لبيت عزاء تخيلوا لو أنتم في بيت عزاء ورن الموبايل وتلك النغمة ؟؟؟

تخيلوا الحرج الذي سيقع فيه صاحب ( صاحبة) الموبايل .

تنبيه بسيط : عند الذهاب لعزاء إذا كان الموبايل نغمته أغنية تغييرها ولو وقتياً منعاً للإحراج لك ولأهل العزاء.
تقبلوا الملاحظة .
لكم ودي ودمتم ،،،

ابو ابراهيم لك التحية والمحبة والله حصلت معاي مرات كثيرة اتصل السودان للعزاء فاترنم بموزيكا جميلة واسرح شويه واقول ليهم البركة فيكم.
كلامك صح يعني هي حرية شخصية بس في المناسبات يجب ان نراعي مشاعر الناس ونكون منسجمين مع الحدث مش مشاترين.

مشكور اخوى عوضالسيد ...واللة زكرتنى يوم انا فى البص وواحد سودانى راكب فى نفس البص تلفونة رنا والنقمة كانت اغنية امى اللة يسلمك ... عينك ما تشوف الا النور ... من غير ما اشعر لقيت نفسى ببكى والولد يسكت فينى اخيرا بعد ما سكت غير النغمة ونزل وقال لى عمرى ما اعمل نغمة سودانية تانى ...وطبعا يومى كلة اتقلب بسبب النغمة .

شكرا اخوتى حيدر وسهاد البكّايه على مروركم الجميل

والله اخي عوض السيد موضوعك مهم بالحيل وخاصة النغمات في بيت البكا! مرات النغمة تكون زول بضحك ضحكة شبعااانة واغاني الحفلات التي ما انزل الله بموسيقاها من سلطان ونسأل الله اللطف والهدي
دم بخير

شكرا ابو ابراهيم على هذا التنبيه والله النقمات دى تدخل الزول فى حرج وبالاخص فى محلات البكا