كلام بين الشمس والقمر

الشمس: تعالى ياخ نفسى اتونس معاك برانا واقول ليك كلام دقاقة ا
القمر : خلينى من مكناتك دى ، كلام دقاقة شنو الدايرو معاى ،انا اخش بى هنا انت تطلع بى هنا ، خليك اون لاين عشان الكلام الدقاقة
الشمس : اسوى ليك شنو ، جيتى كدة انت تختفى ومعاك كل النجوم البشبهو ناس فلانة ، مالى انا بتخافو منى ، تضايروا منى اصلو انا دورية
القمر : ياخ انا اقول اجر فيك نور
اتاوق ليك ، تجهرنى انوارك واقرب اعمى
الشمس : ليك حق تتقى على ، مرزززززقة زى ود الريح ، كل الشعراء يكتبو فيك ، وانت نورك دة مملحاهو منى
شوف السودانين ديل ، ما خلو قصيدة ما كتبوها فيك :
وحتى القمر غار من صفاك واصبح يلملم فى النجوم وجاك المساء
القمر : ياخ السودانيين كتابين وانا بستاهل
الشمس: تستاهلى مملحا ضوئى وقاشرة بيهو
القمر : ما شفت وردى لما قال : مسكين ضوء القمر فى اجمل ليالى
وشعاع النجوم يظهر كاللائى
وكيف تنسى الليالى وانا حبى المثالى
وليه قلبى النسيتو
مع انك سليتو
جورك يا ظلوم لله اشتكيتو
الشمس : انا يا كافى البلاء وردى ما غنى لى حاجة
القمر : يغنى ليك شنو ، ياخ السودانيين شدة ما حقاريين بقولو ليك الشمش بالشين

يا ود نويه:
أنت قمر...(حتى (الشمش) لو شافتك ..ترجع اسيره مقيده)...شكرا على الحوار ذو المعانى والدلايل

نويه يا ابداع والله حوار جميل للغاية و زى الكانو قاعدين فى حدائق

6 ابريل ( عفوا ) حداتق مايو ( Ops) حدائق الشهيد.

لك التحية.

ول نويه يا اخوى دا غزل صريح بين الشمس والقمر أصلو شعاع الشمس جارى وراء ضوّ القمر من زمان لكن ضوّ القمر عامل ليهو عبد الفتّاح لأنو شايفو شيش كباب

واكيد الشمس في البداية تعبت شديد لحدي مالقت القمــر حولو النجوم فاجأها وقال :
كل ما سألت عليك صدوني حراسك
ردوا الجواب كافين مع إني من ناسك

محمد نوية يامبدع أشكرك للإنديــاح وثنائية التناغم....

كلام بين الشمس والقمر

كلام بين الشمس والقمر

رد: كلام بين الشمس والقمر

كلام الشمس و القمر.

رد: كلام بين الشمس والقمر

رد: كلام بين الشمس والقمر