ياكجو ماعزبتنا

ياكجو ماعزبتنا وبهدلتنا ومارست فينا القرصنة
لوري التراب يحمل شبابنا في هبيلة ينهي الحلم ويرسم مواجع من هنا
ياخي ما بهدلتنا وعزبتنا ومارست فينا القرصنا
كم فريق اصبح يعزي والدموع منه مسيلة
هناك اما بكت للوليد تحت لوري التراب انعجن
كمان هناك اخواتهم ملن الشعر بالتراب حلفن كمان مايسكتن
ديك حليمة بكت لبضراع الكان قبيل بودعن
ود النو هناك دمعوا على البلد الهمل واصبح فيه ناس كجو يتامروا
مالت البلد ياغريق اسندةالشباب واقفين معاك وراك تب ماقبلوا
ياخي ما بهدلتنا وعزبتنا ومارست فينا القرصنا
خلي ايدك في يد اخوك نمد ايدينا للضعيف عشان يقيف
نشيل كبيرنا والصغير نقيف في وجهة الظلم سوء
خلوا بالكم على البلد والامهات اتعزبن
شايلين حلم متوجهين لا لوري التراب خان وقطع العشم
ياخي ما بهدلتنا وعزبتنا ومارست فينا القرصنا
كنت ضالي الطريق ولا كنت تحمل للماسي في الزمن
شايل خبرا شين وله اصلن جياب محن
كان المحن ضيفات والله مرحب بالمحن وكمان نوزع ليك محن
سامعين صوت مخيف قالوا ول ديدان وصل القوم والحسب
كلام الجد حضر بالبصير بالرح نجضوا شوف حميدان قدل للرجال مع شكلة
الراي ربط بكلام منه ورى مابنقبلوا وبي قسم تنقلواالراي نعقدة
------------------------------------------------------------

عفوا كلام زعل خاص فيه كلام مورث واسماء محلية لبعض الفرسان مثل
ابراهيم القوم ولديدان
الحسب النصيبة المعلقة بالسبيبة
ويحيى شكلة
وتنقلو ولد دبي
وعلوة ابوكوس
حميدان ول حامد
هم رجال لهم كلمتهم في عهدهم ولا يشق لهم غبار[b][i]

شكرا يافاتح التوموالله اليوم الواحد في قمة التوتر

نعم خرجت من "البيت" وتركت النواح يملأ أرجاءه,,, لأنو معظم المعانا في الدوادمي من حول أبوجبيهه" كردفان الكبرى تحديداً" ويعرفون أهل أبوجبيهه جيداً لكن الحمد الله رب العالمين ,,, بس لابد من وقفة قوية ويكفي ان التمن دفع مقدماً وغالياً جداً أكثر من مرة.....

أحىّ فيك هذه الروح يا ود النو أخوى.....والله مافى زول ما تأثر للذى حدث خاصة انو نتيجة اهمال ولا نملك سوى ان نتتضرع لرب العرش ان يرحمهم ويحسن اليهم ويلهمنا ويلهم أهلهم الصبر والسلوان

ولد ابوى تب ما قصرت 00انحنا من ما فكينا درب ناس القوم والحسب النصييبه امورنا جاطت ووالله يا ود النو كبارنا قالو الجماعه ديل زى الحنكوك كما تفيتو ما بنفتل والشارع القبيل مصيرنا نرجع ليه والماده رقبتها إلا نواسيها وبنسدها ؟؟؟؟شكرا يا ود ابوى

الاخوة الاعزاء نقدر انفعال الجميع بهذه القضية ذات الاهمال الواضح وانا والله كل ما افتح المنتدى برجع لمداخلة الاخ تجانى الطيب الذين حقيقة تحس فيها انين والم وانا اتمنى انو الاخ تجانى اسمح لى بنقلها الى منتدى سودانيز اون لاين لان هناك بوست مفتوح لهذا الالم.

ثم ثانيا .شايف بعض الاخوة حدد من هو المسؤول عن هذا الحادث ووضعوه على المعتمد .اين المنسق العام للخدمة المسماة وطنية.
ماهو دور والى الولاية وهل الخدمة الالزامية مركزية ام ولائية ام محلية ؟
ماهى ميزانية الترحيل المرصودة لنقل هؤلاء اليفع الى كادقلى ؟ماهو دور المؤسسة؟ العسكرية فى ذلك مع العلم ان هؤلاء الطلاب ذاهبوب لنيل جرعة تدريبية عسكرية واخرى يعرفها كل من تدرب من قبل فى دورات عزة السودان

مع تقديرى.
سؤال اخر.
هل بمقدرة موسى كجو ان يتدخل فى عمل الخدمة المسماة وطنية

صدقت يااخوي ادم عيسي انت العاقل وربنا يخليك..صحيح هنالك فاجعة والم ولكن من المسؤول؟؟؟؟هل المعتمد لا اظن ذلك..فلا نستعجل الامور بالانفعال الزائد...يجب التريث ونعطى بعد ذلك كل ذى حق حقه..ولامش كدي يا اخوانا