الزواج الرباعى
+3
د.الجنيد احمد سليمان
nashi
غريق كمبال
7 مشترك
صفحة 1 من اصل 1
الزواج الرباعى
من طرف غريق كمبال 21st يونيو 2010, 14:54
--------------------------------------------------------------------------------
الزواج الرباعى
الفاتح جبرا
البداية :
أخذ المستشارون أماكنهم فى قاعه الإجتماعات الفسيحة فى إنتظار المسئول الكبير الذى دعا لذلك الإجتماع الهام ، لم تمض دقائق عده حتى وصل المسئول إلى القاعه فجلس على كرسيه الذى فى الصدارة وقام بفتح الملف الذى امامه ثم بسمل وأثنى على الله سبحانه وتعالى وخاطب الجمع قائلا وهو تبدو عليه آثار الإنفعال :
_ يا جماعه أنا الليلة جبتكم لأنو فى كارثه بتشهدها البلد ونحنا ما كنا جايبين ليها خبر
_ معقوله يا سعادتك تكون فى حاجة زى دى نحنا ما نكون عارفنها ؟ البلد دى نحنا (النملة) عارفنها بتمشى وين وبتعمل شنو؟
_ ما دى المشكلة ذاتا إنكم (مركزين) ليا فى النمل وخالين (البنى آدمين) !!
_ بتقصد شنو سعادتك؟
_ لإنو الحاجه دى حاجه كبيرة أكبر من النمل والحاجات دى
_ فى ناس تانى هربوا من (كوبر)؟ يا سعادتك؟
_ يا جماعه (كوبر) شنو ومساجين شنو كدى روقو شوية وأنا ح أقول ليكم
_ خلاص أنا عرفت يا سعادتك ؟ يكون ده موضوع (سوق المواسير) !!
_ يا جماعت الخير روقو شويه ده موضوع داخلى بحت أدونى بس فرصة أشرح ليكم ... وبدأ المسئول فى شرح أبعاد المشكلة مستعينا بوسائل إيضاح بصرية .. وهى على حد قوله مشكلة فى غاية الخطورة يمكنها أن تحدث شرخاً إجتماعيا لا يمكن ترميمه أو علاجه تمثلت حسب الإحصائيات التى قام بعرضها عن طريق (البروجيكتور) فى وجود أكثر من 5 ملايين عانس ممن تجاوزوا سن الثلاثين ولم يتزوجو ووجود 4 ملايين فى سن الزواج كما أن عدد الشباب من الفتيان الذين هم فى سن الزواج قد تجاوز 4 ملايين شاب بينما الذين تخطو الأربعين من العمر قد تجاوزو 3 ملايين .
_ شفتو المصيبة النحنا فيها دى ؟ نسبة الزواج 2% بس بين الشباب !! إنتو عارفين ده معناهو شنو؟ ده معناهو إرتفاع نسبة الجرائم الأخلاقية و...
_ والله يا سعادتك كلامك صاح شوف نسبة جرائم (الإغتصابات) الأيام دى كترت كيف ؟
_ أيوه يا سعادتك وكمان فى إحصائية بتقول إنو فى 200 طفل لقيط بيترمو فى الشوارع فى العاصمة بس !!
_ ما عشان كده يا جماعه أنا جمعتكم هنا الليلة عشان نشوف لينا مخرج من المشكلة دى؟
_ هن النسوان ديل يا سعادتك ما بيكملن نشيل ونعرس نشيل فيهن ... نشيل ونعرس فيهن ولسع هن قاعدات !!
_ والله يا سعادتك الظاهر (التدبيل) القاعدين ندبل فيهو ده ما فعال وما جايب نتيجه عشان كده حقو
نفكر لينا فى مشروع تانى
_ مشروع ذى شنو؟
_ والله أنا بفتكر إنو نطلع قرار نلزم بيهو أى مواطن إنو ينكح ما طاب له من النساء !!
_ كيفن يعنى ؟
_ يعنى يتزوج أربعه نسوان !!
_ حته واااحده كده ؟
_ أيوة ومالو .. بى كده ما تفضل فى البلد دى عانس
_ ومصاريف العرس؟
_ كل زوجه من الأربعه نعمل ليها نظام شيلة (إتنين إتنين إتنين)
_ لكن دى مش ح تكون (قروش) كتيره ؟
_ والله أنا شايف إنها ما خسارة فى الشعب ده وكمان دى فرصه عشان تانى لو سألونا (قروش
البترول بتمش وين؟) نقول ليهم إنتو عاوزين (تعرسو) وعاوزين قروش بترول !!
_ طيب يا سعادتك لو الحكومة إتكفلت بى قروش (العرس) بعدين (العيشة كيف؟) مع الحياة الصعبة
دى؟
_ ما فارقه كتير أصلو (الما) بقدر على (مرا) ما بقدر على (إتنين)هسع (الزواج الجماعى) القاعدين
نعملو ده كان الزول ختو ليهو مرا تانى بتفرق معاهو ؟ ما أصلو (عايرة وأدوها سوط) !
_ والله يا السيد المستشار كلامك عين العقل (ملتفتاً للحضور) وإلا شنو يا جماعة؟
_ والله يا سعادتك أنا بفتكر ده الحل الأمثل وكده يا دوووب ممكن نقول عليهو زواج (جماعى) إسم على مسمى !!
_ لكن بتفتكرو المواطن عندو (مروة) زينا كده للأربعه ديل
_ والله لو جيتو للجد الناس دى تعبانه لكن يشوفو ليهم طريقه (يبرمجو) بيها الأربعه ديل !!
صدور القرار :
تم الإعلان عن قرار الحكومة بتزويج كل مواطن باربع من النساء إن لم يكن متزوجاً أو بإكمالهن إلى أربعة أن كان متزوجا، وكعادتها فقد قامت (الحكومة) بدعم (المشروع) وذلك عن طريق تجهيز 4 شيلات (إتنين إتنين إتنين ) لكل موطن لم يسبق له الزواج أما المواطنين غير مكتملى (النصاب) فقد وفرت لهم أيضا (شيلات) بعدد فرص (الزواج التكميلى)!
تم تكوين لجنة سميت بـ(اللجنة العليا لمشروع الزواج الرباعى) مهمتها وضع الإستراتيجيات والضوابط والقوانين التى تخص المشروع وقد (إنبثقت) من هذه اللجنة لجان (فرعية) أخرى أهمه (لجنة الكمبيوتر والمعلومات) والتى تقوم برصد بيانات (المواطنين) المتقدمين (إلزاماً) لإكمال نصف دينهم (الرباعى) وبيانات (الزوجات) المرشحات .
ومن أجل ذلك فقد أوصت (اللجنة العليا لمشروع الزواج الرباعى) العاملين بـ(لجنة الكمبيوتر والمعلومات) أن يقوموا بتوزيع أرانيك تقديم يقوم المواطنين بتعبئتها وإعادتها إلى اللجنة وذلك لبرمجتها داخل (الكمبيوتر) حسب تواريخ التقديم وقد جاء فى ذلك الأورنيك علاوة على البيانات الشخصية للمتقدم أسماء وعناوين (زوجات المستقبل) الذى يود الزوج أن يدخلهن إلى (حظيرته) !!
صدى القرار :
قامت أجهزة الإعلام بإذاعة ونشر قرار (الزواج الرباعى) ً، فقطعت جميع قنوات الإذاعة و التلفزيون برامجها، لتزُفَّ إلى الجماهير هذا النبأ الهام، الذي سيكون له ما بعده، وستكون له آثاره الإجتماعية حفاظا على النسيج الإجتماعى من الفتق والتمزق وساء ذلك سبيلاً .
وقد أكد المسئول عن (الرعاية الإجتماعية) وهو يُذيع النبأ شخصياً بصوت فرايحى مُتهدّج، أن هذا القرار الذى إتخذته الحكومة قد أتى بعد دراسات متأنية شاركت فيها كل الهيئات الرسمية والشعبية ذات الصلة وإن هكذا قرار من شأنه حماية الجبهه الداخلية وتماسكها ً في ظل هذه الظروف التاريخية التي يمرّ بها الوطن وسيكون لهذا القرار آثارُه على المسيرة السلمية وعلى الوضع السياسي والتحول الديمقراطى لا سيما إذا ما تم إختيار الزيجات من ولايات وقبائل مختلفة حتى يتفرق (دم المواطن) بين القبائل !!
مسيره مليونية :
فور إعلان نبأ قرار (الزواج الرباعى) ، خرجت الجماهير(المعدة سلفا) إلى الشوارع في مسيرةٍ شـــعبية (عفوية!!!) ترحيبا بهذا القرار ،وهى تحمل اللافتات المؤيده للقرار بحسبانه يحل مشكلة ملايين الشباب والشابات اللائى يتهددهن شبح العنوسة وقد إنضم للمسيرة جموع من المواطنين المؤيدين للقرار وكان على رأس المسيرة (علماء السلطان) بزيهم المميز حيث وقف أحدهم وألقى كلمة في الجماهير التي اشرأبّت منها الأعناق، قال بعد أن حمـــد الله وأثنى عليه:
ـ يقول الله تعالى فى محكم تنزيله (وانكحو ما طاب لكم من النساء مثنى وثلاث ورباع ) صدق الله العظيم
هنا يخاطب أحد (المندسين) مولانا قائلاً :
_ يا مولانا ما تكمل الآية ...
ثم يخاطبه مندس آخر :
_ هسع مع الرغيف السعرو زاد ده ديل يأكلوهم شنو !!
إلا أن مولانا يمضى فى خطبته :
_ والله خير ما فعلت (حكومتنا الرشيده) أنها تحاول القضاء على الرذيلة والفساد الذى إنتشر بغياب (الزواج الشرعى) .. _ فى نبرة صوتية أعلى _ أنظرو للشوارع وأماكن المواصلات والتجمعات ثم إلى المدارس والمكاتب والجامعات .. أنظروا إلى الشباب الذى أصبح الزواج بالنسبة له حلما مستحيلا .. أنظرو للأطفال (حديثى الولاده) الذين يتم رميهم يومياً فى الشوارع ..نعم .. إن هذا القرار الصائب يوضح جلياً مدى إهتمام (الحكومة) الرشيده براحة مواطنيها والعمل على تبنى قضاياهم (الحيوية) لذلك فإننا نقف مع هذا القرار قلبا وقالبا .. كما إننا ننتهز هذه الفرصــة التاريخية لكي نعرب عن تأييدنا وتجديد (البيعة) ودمتم فى رعاية الله !!
هنا إعتلى المنصة الفنان (ودالعدنى) حاملاً (ربابته) ليغنى للمناسبة كعادتة أغنية صاغ كلماتها وقام بتلحينها فى ذات اليوم يقول مطلعها :
_ ترررم ترم . ترم نرم
يا مواااطن أنا عندى ليكا هديه
بدل المرا ... آآآيا المرا .. ممكن تعرس ميه
تررم ترم تترا
ده الزواج الرباعى آآآآيا الرباعى
فى ليهو ألف داعى
جابتو الحكومة آآآيا الحكومة
وقالو الراعى واعى
تررم ترم تترا
ما إنتهى الفنان (ود العدنى) من أغنيته حتى تعالت هتافات الجماهير وهم يشيرون بأصابعهم الأربعة :
ـ آآآ أى ده الشغل .. ده الشغل ثم يرفعونها من جديد) آآآ أى ده الشغل .. ده الشغل)!!
ثم طلب قائد المسيرة من إحدى الأخوات (البايركس) إلقاء كلمة بهذه المناسبة إلا إنها إمتنعت قائلة فى إستحياء :
_ المرة الجاية !!
_ المرة الجاية شنو هو قالو ليكى مقومنك (ترقصى) ؟
إلا أنها أصرت على موقفها ربما لأنها كانت فى نشوة وسرور من القرار لا تسمح لها بتجميع أفكارها ومخاطبة الحشد .
في اليوم التالي ، خرجت الصحف تحمل هذه المانشيتات بالخط العريض:
ـ الحكومة تصرح : لن نترك عانسا واحداً
ـ السودان سيصبح الدولة الوحيده فى العالم الخالية من العنوسة
_ منح السودان (شهادة الأيزو) فى محاربة العنوسة
ومن منطلق أن منسوبى الدولة هم القدوة (فى دى بس) ويجب أن يقومو بتنفيذ القرارات أولا فقد جاء بأحد الصحف المانشيت التالى :
الوزراء والمستشارون وكبار رجال الدولة يدشنون غداً (مشروع الزواج الرباعى) !! وقد جاء فى متن الخبر أن (الحكومة) قد قررت أن يكون منسوبيها (قدوة وكده) لذا فالواجب أن يكونو هم أول من يطبق قرار (الزواج الرباعى) – وقد جاء فى الخبر – أنه من أجل ذلك سوف يقام تقيم إحتفالاً ضخما لتدشين المشروع
.
الزواج الرباعى للمسئولين :
لم يضف قرار الزواج الرباعى شيئاً للمسئولين إذ أن معظمهم (مربع) من زمان ليس هذا فحسب بل أنهم بالإضافة لذلك يقومون بالتغيير من فترة لأخرى بنظام first in first out
أى من تدخل أولاً تخرج أولاً ولا يستثنى من هؤلاء (المربعون) إلا أولئك الذين كانو يخافون غضب زوجاتهم فأكتفو بواحدة أو إثنتين وهذه هى الفئة التى فرحت فرحا لهذا القرار الملزم من الدولة يجعل شوقهم للتربيع يتحقق بالقوة الجبرية
_ هسع يا سعادتك يعنى ح تعرس فينى ح تعرس فينى
_ إنتى يا (هنيه) عاوزانى أعمل شنو ؟ ده قرار حكومة ولازم نحنا المسئولين ديل أول ناس ننفذو
_ خلاااص مما بقى الموضوع عرس بقيتو أول ناس تنفذو القرارات !
_ ما قصة إنو عشان الموضوع موضوع عرس يا هنية .. بس لأنو قرار
_ طيب ممكن اعرف البنات العاوز تعرسهم ديل منو ؟
_ لسه ما فكرت لسه
_ لسه ما فكرت وإلا داسى منى؟ والله ووالله ألقى البت المطموسة سكرتيرتك (حنان) دى معاهم واطاتك
أصبحت
_ ومالا (حنان) ؟
_ والله أنا كلمتك وتشوف شغلك أنا البت (المعصعصة) دى قلبى من زمان ما بدورا وعارفاها (مشركة) ليك من زمان
وفى مكان آخر كانت زوجه مسئول آخر تهدد وتتوعد :
_ والله والله يا سعادتو تلحق لمن تعمل ليا فيها عاوز تطبق القرار ده إلا أفرج فيك خلق الله والعالمين
_ إنت يا وليه غبيانه ؟ أكان ما طبقت القرار ده ما بيشيلونى!
_ يشيلوك .. يختوك .. ما بهمنى لكن تلحق تعرس تشوف براااك
_ أسمعينى ما تنفعلى ساااكت .. أصحابى المسئولين ديل كلهم المعرس مثنى والمعرس تلات والمعرس رباع إلا أنا أبيت اعرس فيكى
_ طيب وهسع مالك يعنى
_ هسع ده قرااااار عارفه شنو قراااار
_ قرااار ما قرااار أنا كلمتك ... أنا صابرة عليك مما كان عندك (قدرة فول) لامن بقيت (مسئول) تجى آخرتا تقول ليا قرار !!!
جوائز ومسابقات :
وتماشياً معهذا القرار فقد قرر المسئولون الإعلان عن مســـابقة ، لأفضل دراســة وأفضل قصــة وأفضل رواية وأفضل أغنية وأجمل قصيدة عن تجربة (الزواج الرباعى) . كما سارعت إحدى شركات الإنتاج الفنى إلى توزيع ألبوم الفنانه (حنان مس كول) والتى تتغنى فيه برائعتها الشهيرة بعد التعديل (راجل الأربعه ده حلو حلا) ، وكعادتها لم تتأخر الشركات (إياها) عن إنتهاز الفرصة فى تخصيص الجوائز والمسابقات فبادرت إلى عمل مسابقة باسم (زواج 4) جائزتها 5 موبايلات و5 تذاكر سفر وإقامة بالإضافة إلى عربة موديل 2007 وفيلا فاخرة للفائزين الذين تتفق أحرف أسمائهم الاولى جميعاً (يعنى الزوج وزوجاته الأربع) مع شرط إحضار شهادات الميلاد الأصلية !!
_ هسع المرا الأولانية كانت (نعمات) والتانيه (ناهد) يعنى الواحد داير ليهو تانى (مرتين) (بالنون)
ويدخل المسابقه !!
_ والله يا (نصر الدين) يا خوى الأتنين التانيات ديل عاوزات ليهن تفتيش شديد !!
_ هسع كان أدينا مليون مليونين لى (عكاشة) ده ما بطلق لينا مرتو (نفيسة) دى نعرسا ؟
_ طيب قول ده حصل الرابعه تجيبا من وين؟
_ ما مشكلة (نصرة) ست الشاى دى من زمااان جارا فينى نور طويل !!
حاجه آمنة تعترض :
دق باب الشارع فقامت (آمنة) بوضع عيدان (الخدرة) التى كانت (تورق) فيها وإتجهت نحو الباب الذى ما أن فتحته حتى خاطبها شاب يحمل أوراقاً في يده :
_ ده بيت (عثمان فضل المولى)
_ آآآى ياهو بيتو
_ هو موجود
_ لا طلع قبيل عندو غرض فى السوق (ثم مواصلة) هن رسوم النفايات دى ما دفعناها أمبارح
_ لا يا حاجه دى ما رسوم نفايات
_ طيب تطلع شنو ؟
_ ده يا حاجه أورنيك (زواج رباعى)؟
_ رباعى شنو؟ وخماسى شنو كمان ؟ نحنا بناتنا عرسناهن زمااان .. ما عندنا زولن حق عرس هسع !!
وشرح لها الشاب قرار الحكومة وكيف أنها قررت أن يقوم أى مواطن (بما فى ذلك عم عثمان فضل الله) بإكمال زوجاته إلى أربعه !!
_ الحكومة دى خلااااس كملت زيادت الحاجات كلها وقبلت على زيادة (النسوان) كمان!!
_ والله يا حاجه طبعا أنحنا موظفين ساااكت طبعا
_ (تلتفت إليه متسائلة) : إنت ده هسع معرس وعندك أولاد؟
_ لا والله يا حاجه ؟ هو نعرس كيف وما قادرين ناكل
_ أها والقرار ده بمشى عليك؟
_ طبعا يا حاجه وانا هسع أخترت ليا (أربعه بنات) وكتبتهن فى الأورنيك ده
_(فى تهكم): هسع إنت بتقدر تمسك ليك 4 نسوان؟
_ والله يا حاجه الحكومة قالت بتساعدنا !!
_ (فى خبث ضاحكة) : واللاهى بتعملا !!
هنا حضر (حاج عثمان) وهو بيحمل فى يده كيساً صغيرا وما أن رأته آمنة حتى بادرته:
_ (وهى تشير نحو الموظف) : إنت عارف الوليد ده جا عشان شنو؟
_ عارف ... مش ديل أرانيك (الزواج الرباعى)؟
_ والعرفك شنو؟
_ السوق كلو قاعد يتكلم فى الموضوع ده وجابوهو فى الجرائد كمان
_ وهسه يعنى ناوى تعمل شنو؟
_ هى دى كمان عاوزة ليها نية؟ دى أوامر يا آمنة ... أواااامر .. المواطن لازم ينفذ الكلام البتقولو ليهو
حكومتو
_ (متهكمة) : يعنى بس فى دى عاوز يا حاج تعمل ليا فيها (مؤتمر وطنى) ؟
_ والله يا حاجه وطنى ... شعبى ... شيوعى ... بعثى .. نحنا البتقولو لينا الحكومة دى بنسويهو حتى
لو قالت لينا أمشو على العجين وما تلخبطوهو !!
_ والله وبالله تلحق لمن تسويهو إلا اسويك (محشى بالفرن) ثم تلتفت للشاب قائلة فى حزم :
أمشى يا ولد من هنا بلا ارانيك بلا كلام فاضى نخنا ما عندنا رجال بتعرس فى نسوانا ... قال رباعى قال !!
كمان فيها عزل :
_ عملت شنو يا فى قصة الزواج الرباعى دى؟
_ والله شوف أنا طبعا (تكميلى) يعنى عندى تلاته (خانات) فاضية
_ وح تسجلهم التلاته؟
_ طبعا مش الحكومة قالت بتلتزم بى تكاليف العرس
_ آى لكن بعدين تعيشهم كيف؟
_ وإنت قالو ليك ان ح أجيبهم ربات بيوت؟ ما كفاية (ربة المنزل) العندى دى !!
_ يعنى ح تجيبهم شنو؟
_ يازول كدى أوريك ليهم .. شفت أول حاجه (حنان الممرضه) الساكنة قدام الزلط ديك تعرف دى
(ضربت الحقنه) بتاعتا بالشئ الفلانى ... وشغاله فى المستشفى بالصباح وكمان شغالة ليها فى
مستوصف خاص بالليل .. يعنى الشغلانه واره معاها !!
_ والتانية؟
_ التانية ست (محاسن) أخت ناس (حسن سلك) تعرف دى غير المدرسة بالصباح عاملة ليها (درس
عصر) بالمساء أظن فيهو خمسين شافع .. شوف لو الشافع سااكت بى خمسين ألف فى الشهر يكون
دخلها كم ؟
_ لكن دى يا أستاذ عمرها فات الخمسين؟
_ هو أنا عاوز يعنى أشغلا (مذيعه) ؟ مالا ما كده كويسة معاى !!
_ أها والتالته ؟
_ لا... لا التالته دى ما ح أقولا ليك كمان تمشى تكتبا فى الأورنيك بتاعك وتمقلبنى
_ ياخى أنا أورنيكى سلمتو زماان عليك الله منو؟
_ دى دكتورة (هند)
_ (مندهشاً) قلت منو؟
_ شنو ما بتسمع ؟ بقول ليك دكتورة (هند)!
_ كمان جابت ليها دكاترة؟
_ وهى لاقيانى وين كمان؟ أخير ليها تعرس وإلا تقعد كده بس من البيت للعياده ومن العياده للبيت ؟
_ لكن بترضى بيك الزوله دى؟
_ يا زول الأمور (متكتكا تمام) وأنا رسلت ليها مرسال ووافقت بس إنت بارك ليا
مغتربين :
كثير من المغتربين الذين لديهم خلافات مع زوجاتهم والذين هم من فصيلة ( ر ب م ن ) – الرجال البخافو من نسوانهم_ وجدوها فرصة للعوده إلى أرض الوطن للإستفاده من صدور هذا القرار (الملزم جغرافيا)
_ شايل الجوازات دى يا راجل ماشى بيها وين؟
_ ماشى بيها السفارة
_ عشان شنو؟
_ كيف عشان شنو؟ أنا ما كلمتك ؟ مش نحنا ح نمشى السودان؟
_ سودان شنو؟؟ إنت مقعدنا هنا ليك عشرة سنين ما مشيت ليك إجازة ... جوازك صلاحيتو منتهية ... وناس الضرائب عاوزين منك متأخرات ... وناس الزكاة عاوزين منك متأخرات
_ لا أنا ح ادفع المتأخرات دى كلها .. إنتى مش مجننانى من زمان عاوزة تشوفى ناس أمك ؟
_ مش ناس أمى ديل (خليتهم) ما ماشة ليهم !!
_ ده كلام شنو يا (نعمات) من زماااان ما قاعده (تنقى) عاوزة تمشى عاوزة تمشى !!
_ مش النقه دى خلاااس بطلتها و(السودان) ده ما عاوزة أمشيهو !!
_ (فى صوت منخفض) : خلااس اسافر براى آخد ليا يوم يومين وأجى !!
_ شوف هووووى يا (فاروق) إنت قايلنى ما سمعت بالقرار ؟ والله قسماً عظما تشيل رجلك دى ترفعا من هنا أكلم ليك ناس (عرقله) أخوى هناك يكسروك حته حته !!
تماشياً مع المثل الذى يقول (عايرة وأدوها سوط) والآخر الذى يحرض بانو (كان غلبك سدها وسع قدها) قام المواطنون بتفيذ قرار (الزواج الرباعى) والذى ساعد كثيرا فى تخفيض نسبة العنوسة لدى الشباب كما هدفت (روح القرار) لذلك وعلى الرغم من الازمات التى واجهها المواطنون والمتمثلة فى عدم المقدرة على الإنفاق إلا أن نسبة حالات (الطلاق) التى شهدتها المحاكم الشرعية بسبب (الإعسار) لم تتجاوز نسبتها 99% وكغيرة من القرارات التى تصدرها (الحكومة) مستندة إلى (الهاشمية) والنظرة (الآنية) للحلول فإنها وكعادتها لم تضع حسبانا للكارثة المحتملة .. فبعد عشرة أشهر وفى وقت واحد إمتلأت المستشفيات بمئات الآلاف من النساء اللواتى جئن فى حالات وضع ... فى أحدى المستشفيات أخذ (خضر) يذرع صالة جيئة وذهابا فى عصبية بعد أن دخلن (زوجاته) الأربع إلى حجرة الولاده ثم وفى وقت واحد فتحت أبواب حجرات العملية الأربعه لتخرج من كل باب ممرضة ليهتفن بصوت واحد :
_ مبروك يا أستاذ جوووك تيمان !!!
كسرة :
بعد ثلاثة أيام قضاها (خضر) فى (العناية المكثفة) أفاق قليلا وأخذ يحدث نفسه فى ذهول ويؤشر بيده كمن يقوم بتضريب مسألة حسابية ... أربعه (نسوان) زائد (أنا) زائد تمانية (شفع) تلطاشر ... تلطاشر فى إتنين بى سته وعشرين .. تلاتة .فى ...ثم فجأة راح فى غيبوبة مرة أخرى
_ يا خضر ... يا خضر .. قوم
_ أقوم شنو؟ إنتو عارفين ديل عاوزين ليهم بعدين (بس رغيف) بى كم ؟ بى خمسين ألف فى اليوم
الزواج الرباعى
الفاتح جبرا
البداية :
أخذ المستشارون أماكنهم فى قاعه الإجتماعات الفسيحة فى إنتظار المسئول الكبير الذى دعا لذلك الإجتماع الهام ، لم تمض دقائق عده حتى وصل المسئول إلى القاعه فجلس على كرسيه الذى فى الصدارة وقام بفتح الملف الذى امامه ثم بسمل وأثنى على الله سبحانه وتعالى وخاطب الجمع قائلا وهو تبدو عليه آثار الإنفعال :
_ يا جماعه أنا الليلة جبتكم لأنو فى كارثه بتشهدها البلد ونحنا ما كنا جايبين ليها خبر
_ معقوله يا سعادتك تكون فى حاجة زى دى نحنا ما نكون عارفنها ؟ البلد دى نحنا (النملة) عارفنها بتمشى وين وبتعمل شنو؟
_ ما دى المشكلة ذاتا إنكم (مركزين) ليا فى النمل وخالين (البنى آدمين) !!
_ بتقصد شنو سعادتك؟
_ لإنو الحاجه دى حاجه كبيرة أكبر من النمل والحاجات دى
_ فى ناس تانى هربوا من (كوبر)؟ يا سعادتك؟
_ يا جماعه (كوبر) شنو ومساجين شنو كدى روقو شوية وأنا ح أقول ليكم
_ خلاص أنا عرفت يا سعادتك ؟ يكون ده موضوع (سوق المواسير) !!
_ يا جماعت الخير روقو شويه ده موضوع داخلى بحت أدونى بس فرصة أشرح ليكم ... وبدأ المسئول فى شرح أبعاد المشكلة مستعينا بوسائل إيضاح بصرية .. وهى على حد قوله مشكلة فى غاية الخطورة يمكنها أن تحدث شرخاً إجتماعيا لا يمكن ترميمه أو علاجه تمثلت حسب الإحصائيات التى قام بعرضها عن طريق (البروجيكتور) فى وجود أكثر من 5 ملايين عانس ممن تجاوزوا سن الثلاثين ولم يتزوجو ووجود 4 ملايين فى سن الزواج كما أن عدد الشباب من الفتيان الذين هم فى سن الزواج قد تجاوز 4 ملايين شاب بينما الذين تخطو الأربعين من العمر قد تجاوزو 3 ملايين .
_ شفتو المصيبة النحنا فيها دى ؟ نسبة الزواج 2% بس بين الشباب !! إنتو عارفين ده معناهو شنو؟ ده معناهو إرتفاع نسبة الجرائم الأخلاقية و...
_ والله يا سعادتك كلامك صاح شوف نسبة جرائم (الإغتصابات) الأيام دى كترت كيف ؟
_ أيوه يا سعادتك وكمان فى إحصائية بتقول إنو فى 200 طفل لقيط بيترمو فى الشوارع فى العاصمة بس !!
_ ما عشان كده يا جماعه أنا جمعتكم هنا الليلة عشان نشوف لينا مخرج من المشكلة دى؟
_ هن النسوان ديل يا سعادتك ما بيكملن نشيل ونعرس نشيل فيهن ... نشيل ونعرس فيهن ولسع هن قاعدات !!
_ والله يا سعادتك الظاهر (التدبيل) القاعدين ندبل فيهو ده ما فعال وما جايب نتيجه عشان كده حقو
نفكر لينا فى مشروع تانى
_ مشروع ذى شنو؟
_ والله أنا بفتكر إنو نطلع قرار نلزم بيهو أى مواطن إنو ينكح ما طاب له من النساء !!
_ كيفن يعنى ؟
_ يعنى يتزوج أربعه نسوان !!
_ حته واااحده كده ؟
_ أيوة ومالو .. بى كده ما تفضل فى البلد دى عانس
_ ومصاريف العرس؟
_ كل زوجه من الأربعه نعمل ليها نظام شيلة (إتنين إتنين إتنين)
_ لكن دى مش ح تكون (قروش) كتيره ؟
_ والله أنا شايف إنها ما خسارة فى الشعب ده وكمان دى فرصه عشان تانى لو سألونا (قروش
البترول بتمش وين؟) نقول ليهم إنتو عاوزين (تعرسو) وعاوزين قروش بترول !!
_ طيب يا سعادتك لو الحكومة إتكفلت بى قروش (العرس) بعدين (العيشة كيف؟) مع الحياة الصعبة
دى؟
_ ما فارقه كتير أصلو (الما) بقدر على (مرا) ما بقدر على (إتنين)هسع (الزواج الجماعى) القاعدين
نعملو ده كان الزول ختو ليهو مرا تانى بتفرق معاهو ؟ ما أصلو (عايرة وأدوها سوط) !
_ والله يا السيد المستشار كلامك عين العقل (ملتفتاً للحضور) وإلا شنو يا جماعة؟
_ والله يا سعادتك أنا بفتكر ده الحل الأمثل وكده يا دوووب ممكن نقول عليهو زواج (جماعى) إسم على مسمى !!
_ لكن بتفتكرو المواطن عندو (مروة) زينا كده للأربعه ديل
_ والله لو جيتو للجد الناس دى تعبانه لكن يشوفو ليهم طريقه (يبرمجو) بيها الأربعه ديل !!
صدور القرار :
تم الإعلان عن قرار الحكومة بتزويج كل مواطن باربع من النساء إن لم يكن متزوجاً أو بإكمالهن إلى أربعة أن كان متزوجا، وكعادتها فقد قامت (الحكومة) بدعم (المشروع) وذلك عن طريق تجهيز 4 شيلات (إتنين إتنين إتنين ) لكل موطن لم يسبق له الزواج أما المواطنين غير مكتملى (النصاب) فقد وفرت لهم أيضا (شيلات) بعدد فرص (الزواج التكميلى)!
تم تكوين لجنة سميت بـ(اللجنة العليا لمشروع الزواج الرباعى) مهمتها وضع الإستراتيجيات والضوابط والقوانين التى تخص المشروع وقد (إنبثقت) من هذه اللجنة لجان (فرعية) أخرى أهمه (لجنة الكمبيوتر والمعلومات) والتى تقوم برصد بيانات (المواطنين) المتقدمين (إلزاماً) لإكمال نصف دينهم (الرباعى) وبيانات (الزوجات) المرشحات .
ومن أجل ذلك فقد أوصت (اللجنة العليا لمشروع الزواج الرباعى) العاملين بـ(لجنة الكمبيوتر والمعلومات) أن يقوموا بتوزيع أرانيك تقديم يقوم المواطنين بتعبئتها وإعادتها إلى اللجنة وذلك لبرمجتها داخل (الكمبيوتر) حسب تواريخ التقديم وقد جاء فى ذلك الأورنيك علاوة على البيانات الشخصية للمتقدم أسماء وعناوين (زوجات المستقبل) الذى يود الزوج أن يدخلهن إلى (حظيرته) !!
صدى القرار :
قامت أجهزة الإعلام بإذاعة ونشر قرار (الزواج الرباعى) ً، فقطعت جميع قنوات الإذاعة و التلفزيون برامجها، لتزُفَّ إلى الجماهير هذا النبأ الهام، الذي سيكون له ما بعده، وستكون له آثاره الإجتماعية حفاظا على النسيج الإجتماعى من الفتق والتمزق وساء ذلك سبيلاً .
وقد أكد المسئول عن (الرعاية الإجتماعية) وهو يُذيع النبأ شخصياً بصوت فرايحى مُتهدّج، أن هذا القرار الذى إتخذته الحكومة قد أتى بعد دراسات متأنية شاركت فيها كل الهيئات الرسمية والشعبية ذات الصلة وإن هكذا قرار من شأنه حماية الجبهه الداخلية وتماسكها ً في ظل هذه الظروف التاريخية التي يمرّ بها الوطن وسيكون لهذا القرار آثارُه على المسيرة السلمية وعلى الوضع السياسي والتحول الديمقراطى لا سيما إذا ما تم إختيار الزيجات من ولايات وقبائل مختلفة حتى يتفرق (دم المواطن) بين القبائل !!
مسيره مليونية :
فور إعلان نبأ قرار (الزواج الرباعى) ، خرجت الجماهير(المعدة سلفا) إلى الشوارع في مسيرةٍ شـــعبية (عفوية!!!) ترحيبا بهذا القرار ،وهى تحمل اللافتات المؤيده للقرار بحسبانه يحل مشكلة ملايين الشباب والشابات اللائى يتهددهن شبح العنوسة وقد إنضم للمسيرة جموع من المواطنين المؤيدين للقرار وكان على رأس المسيرة (علماء السلطان) بزيهم المميز حيث وقف أحدهم وألقى كلمة في الجماهير التي اشرأبّت منها الأعناق، قال بعد أن حمـــد الله وأثنى عليه:
ـ يقول الله تعالى فى محكم تنزيله (وانكحو ما طاب لكم من النساء مثنى وثلاث ورباع ) صدق الله العظيم
هنا يخاطب أحد (المندسين) مولانا قائلاً :
_ يا مولانا ما تكمل الآية ...
ثم يخاطبه مندس آخر :
_ هسع مع الرغيف السعرو زاد ده ديل يأكلوهم شنو !!
إلا أن مولانا يمضى فى خطبته :
_ والله خير ما فعلت (حكومتنا الرشيده) أنها تحاول القضاء على الرذيلة والفساد الذى إنتشر بغياب (الزواج الشرعى) .. _ فى نبرة صوتية أعلى _ أنظرو للشوارع وأماكن المواصلات والتجمعات ثم إلى المدارس والمكاتب والجامعات .. أنظروا إلى الشباب الذى أصبح الزواج بالنسبة له حلما مستحيلا .. أنظرو للأطفال (حديثى الولاده) الذين يتم رميهم يومياً فى الشوارع ..نعم .. إن هذا القرار الصائب يوضح جلياً مدى إهتمام (الحكومة) الرشيده براحة مواطنيها والعمل على تبنى قضاياهم (الحيوية) لذلك فإننا نقف مع هذا القرار قلبا وقالبا .. كما إننا ننتهز هذه الفرصــة التاريخية لكي نعرب عن تأييدنا وتجديد (البيعة) ودمتم فى رعاية الله !!
هنا إعتلى المنصة الفنان (ودالعدنى) حاملاً (ربابته) ليغنى للمناسبة كعادتة أغنية صاغ كلماتها وقام بتلحينها فى ذات اليوم يقول مطلعها :
_ ترررم ترم . ترم نرم
يا مواااطن أنا عندى ليكا هديه
بدل المرا ... آآآيا المرا .. ممكن تعرس ميه
تررم ترم تترا
ده الزواج الرباعى آآآآيا الرباعى
فى ليهو ألف داعى
جابتو الحكومة آآآيا الحكومة
وقالو الراعى واعى
تررم ترم تترا
ما إنتهى الفنان (ود العدنى) من أغنيته حتى تعالت هتافات الجماهير وهم يشيرون بأصابعهم الأربعة :
ـ آآآ أى ده الشغل .. ده الشغل ثم يرفعونها من جديد) آآآ أى ده الشغل .. ده الشغل)!!
ثم طلب قائد المسيرة من إحدى الأخوات (البايركس) إلقاء كلمة بهذه المناسبة إلا إنها إمتنعت قائلة فى إستحياء :
_ المرة الجاية !!
_ المرة الجاية شنو هو قالو ليكى مقومنك (ترقصى) ؟
إلا أنها أصرت على موقفها ربما لأنها كانت فى نشوة وسرور من القرار لا تسمح لها بتجميع أفكارها ومخاطبة الحشد .
في اليوم التالي ، خرجت الصحف تحمل هذه المانشيتات بالخط العريض:
ـ الحكومة تصرح : لن نترك عانسا واحداً
ـ السودان سيصبح الدولة الوحيده فى العالم الخالية من العنوسة
_ منح السودان (شهادة الأيزو) فى محاربة العنوسة
ومن منطلق أن منسوبى الدولة هم القدوة (فى دى بس) ويجب أن يقومو بتنفيذ القرارات أولا فقد جاء بأحد الصحف المانشيت التالى :
الوزراء والمستشارون وكبار رجال الدولة يدشنون غداً (مشروع الزواج الرباعى) !! وقد جاء فى متن الخبر أن (الحكومة) قد قررت أن يكون منسوبيها (قدوة وكده) لذا فالواجب أن يكونو هم أول من يطبق قرار (الزواج الرباعى) – وقد جاء فى الخبر – أنه من أجل ذلك سوف يقام تقيم إحتفالاً ضخما لتدشين المشروع
.
الزواج الرباعى للمسئولين :
لم يضف قرار الزواج الرباعى شيئاً للمسئولين إذ أن معظمهم (مربع) من زمان ليس هذا فحسب بل أنهم بالإضافة لذلك يقومون بالتغيير من فترة لأخرى بنظام first in first out
أى من تدخل أولاً تخرج أولاً ولا يستثنى من هؤلاء (المربعون) إلا أولئك الذين كانو يخافون غضب زوجاتهم فأكتفو بواحدة أو إثنتين وهذه هى الفئة التى فرحت فرحا لهذا القرار الملزم من الدولة يجعل شوقهم للتربيع يتحقق بالقوة الجبرية
_ هسع يا سعادتك يعنى ح تعرس فينى ح تعرس فينى
_ إنتى يا (هنيه) عاوزانى أعمل شنو ؟ ده قرار حكومة ولازم نحنا المسئولين ديل أول ناس ننفذو
_ خلاااص مما بقى الموضوع عرس بقيتو أول ناس تنفذو القرارات !
_ ما قصة إنو عشان الموضوع موضوع عرس يا هنية .. بس لأنو قرار
_ طيب ممكن اعرف البنات العاوز تعرسهم ديل منو ؟
_ لسه ما فكرت لسه
_ لسه ما فكرت وإلا داسى منى؟ والله ووالله ألقى البت المطموسة سكرتيرتك (حنان) دى معاهم واطاتك
أصبحت
_ ومالا (حنان) ؟
_ والله أنا كلمتك وتشوف شغلك أنا البت (المعصعصة) دى قلبى من زمان ما بدورا وعارفاها (مشركة) ليك من زمان
وفى مكان آخر كانت زوجه مسئول آخر تهدد وتتوعد :
_ والله والله يا سعادتو تلحق لمن تعمل ليا فيها عاوز تطبق القرار ده إلا أفرج فيك خلق الله والعالمين
_ إنت يا وليه غبيانه ؟ أكان ما طبقت القرار ده ما بيشيلونى!
_ يشيلوك .. يختوك .. ما بهمنى لكن تلحق تعرس تشوف براااك
_ أسمعينى ما تنفعلى ساااكت .. أصحابى المسئولين ديل كلهم المعرس مثنى والمعرس تلات والمعرس رباع إلا أنا أبيت اعرس فيكى
_ طيب وهسع مالك يعنى
_ هسع ده قرااااار عارفه شنو قراااار
_ قرااار ما قرااار أنا كلمتك ... أنا صابرة عليك مما كان عندك (قدرة فول) لامن بقيت (مسئول) تجى آخرتا تقول ليا قرار !!!
جوائز ومسابقات :
وتماشياً معهذا القرار فقد قرر المسئولون الإعلان عن مســـابقة ، لأفضل دراســة وأفضل قصــة وأفضل رواية وأفضل أغنية وأجمل قصيدة عن تجربة (الزواج الرباعى) . كما سارعت إحدى شركات الإنتاج الفنى إلى توزيع ألبوم الفنانه (حنان مس كول) والتى تتغنى فيه برائعتها الشهيرة بعد التعديل (راجل الأربعه ده حلو حلا) ، وكعادتها لم تتأخر الشركات (إياها) عن إنتهاز الفرصة فى تخصيص الجوائز والمسابقات فبادرت إلى عمل مسابقة باسم (زواج 4) جائزتها 5 موبايلات و5 تذاكر سفر وإقامة بالإضافة إلى عربة موديل 2007 وفيلا فاخرة للفائزين الذين تتفق أحرف أسمائهم الاولى جميعاً (يعنى الزوج وزوجاته الأربع) مع شرط إحضار شهادات الميلاد الأصلية !!
_ هسع المرا الأولانية كانت (نعمات) والتانيه (ناهد) يعنى الواحد داير ليهو تانى (مرتين) (بالنون)
ويدخل المسابقه !!
_ والله يا (نصر الدين) يا خوى الأتنين التانيات ديل عاوزات ليهن تفتيش شديد !!
_ هسع كان أدينا مليون مليونين لى (عكاشة) ده ما بطلق لينا مرتو (نفيسة) دى نعرسا ؟
_ طيب قول ده حصل الرابعه تجيبا من وين؟
_ ما مشكلة (نصرة) ست الشاى دى من زمااان جارا فينى نور طويل !!
حاجه آمنة تعترض :
دق باب الشارع فقامت (آمنة) بوضع عيدان (الخدرة) التى كانت (تورق) فيها وإتجهت نحو الباب الذى ما أن فتحته حتى خاطبها شاب يحمل أوراقاً في يده :
_ ده بيت (عثمان فضل المولى)
_ آآآى ياهو بيتو
_ هو موجود
_ لا طلع قبيل عندو غرض فى السوق (ثم مواصلة) هن رسوم النفايات دى ما دفعناها أمبارح
_ لا يا حاجه دى ما رسوم نفايات
_ طيب تطلع شنو ؟
_ ده يا حاجه أورنيك (زواج رباعى)؟
_ رباعى شنو؟ وخماسى شنو كمان ؟ نحنا بناتنا عرسناهن زمااان .. ما عندنا زولن حق عرس هسع !!
وشرح لها الشاب قرار الحكومة وكيف أنها قررت أن يقوم أى مواطن (بما فى ذلك عم عثمان فضل الله) بإكمال زوجاته إلى أربعه !!
_ الحكومة دى خلااااس كملت زيادت الحاجات كلها وقبلت على زيادة (النسوان) كمان!!
_ والله يا حاجه طبعا أنحنا موظفين ساااكت طبعا
_ (تلتفت إليه متسائلة) : إنت ده هسع معرس وعندك أولاد؟
_ لا والله يا حاجه ؟ هو نعرس كيف وما قادرين ناكل
_ أها والقرار ده بمشى عليك؟
_ طبعا يا حاجه وانا هسع أخترت ليا (أربعه بنات) وكتبتهن فى الأورنيك ده
_(فى تهكم): هسع إنت بتقدر تمسك ليك 4 نسوان؟
_ والله يا حاجه الحكومة قالت بتساعدنا !!
_ (فى خبث ضاحكة) : واللاهى بتعملا !!
هنا حضر (حاج عثمان) وهو بيحمل فى يده كيساً صغيرا وما أن رأته آمنة حتى بادرته:
_ (وهى تشير نحو الموظف) : إنت عارف الوليد ده جا عشان شنو؟
_ عارف ... مش ديل أرانيك (الزواج الرباعى)؟
_ والعرفك شنو؟
_ السوق كلو قاعد يتكلم فى الموضوع ده وجابوهو فى الجرائد كمان
_ وهسه يعنى ناوى تعمل شنو؟
_ هى دى كمان عاوزة ليها نية؟ دى أوامر يا آمنة ... أواااامر .. المواطن لازم ينفذ الكلام البتقولو ليهو
حكومتو
_ (متهكمة) : يعنى بس فى دى عاوز يا حاج تعمل ليا فيها (مؤتمر وطنى) ؟
_ والله يا حاجه وطنى ... شعبى ... شيوعى ... بعثى .. نحنا البتقولو لينا الحكومة دى بنسويهو حتى
لو قالت لينا أمشو على العجين وما تلخبطوهو !!
_ والله وبالله تلحق لمن تسويهو إلا اسويك (محشى بالفرن) ثم تلتفت للشاب قائلة فى حزم :
أمشى يا ولد من هنا بلا ارانيك بلا كلام فاضى نخنا ما عندنا رجال بتعرس فى نسوانا ... قال رباعى قال !!
كمان فيها عزل :
_ عملت شنو يا فى قصة الزواج الرباعى دى؟
_ والله شوف أنا طبعا (تكميلى) يعنى عندى تلاته (خانات) فاضية
_ وح تسجلهم التلاته؟
_ طبعا مش الحكومة قالت بتلتزم بى تكاليف العرس
_ آى لكن بعدين تعيشهم كيف؟
_ وإنت قالو ليك ان ح أجيبهم ربات بيوت؟ ما كفاية (ربة المنزل) العندى دى !!
_ يعنى ح تجيبهم شنو؟
_ يازول كدى أوريك ليهم .. شفت أول حاجه (حنان الممرضه) الساكنة قدام الزلط ديك تعرف دى
(ضربت الحقنه) بتاعتا بالشئ الفلانى ... وشغاله فى المستشفى بالصباح وكمان شغالة ليها فى
مستوصف خاص بالليل .. يعنى الشغلانه واره معاها !!
_ والتانية؟
_ التانية ست (محاسن) أخت ناس (حسن سلك) تعرف دى غير المدرسة بالصباح عاملة ليها (درس
عصر) بالمساء أظن فيهو خمسين شافع .. شوف لو الشافع سااكت بى خمسين ألف فى الشهر يكون
دخلها كم ؟
_ لكن دى يا أستاذ عمرها فات الخمسين؟
_ هو أنا عاوز يعنى أشغلا (مذيعه) ؟ مالا ما كده كويسة معاى !!
_ أها والتالته ؟
_ لا... لا التالته دى ما ح أقولا ليك كمان تمشى تكتبا فى الأورنيك بتاعك وتمقلبنى
_ ياخى أنا أورنيكى سلمتو زماان عليك الله منو؟
_ دى دكتورة (هند)
_ (مندهشاً) قلت منو؟
_ شنو ما بتسمع ؟ بقول ليك دكتورة (هند)!
_ كمان جابت ليها دكاترة؟
_ وهى لاقيانى وين كمان؟ أخير ليها تعرس وإلا تقعد كده بس من البيت للعياده ومن العياده للبيت ؟
_ لكن بترضى بيك الزوله دى؟
_ يا زول الأمور (متكتكا تمام) وأنا رسلت ليها مرسال ووافقت بس إنت بارك ليا
مغتربين :
كثير من المغتربين الذين لديهم خلافات مع زوجاتهم والذين هم من فصيلة ( ر ب م ن ) – الرجال البخافو من نسوانهم_ وجدوها فرصة للعوده إلى أرض الوطن للإستفاده من صدور هذا القرار (الملزم جغرافيا)
_ شايل الجوازات دى يا راجل ماشى بيها وين؟
_ ماشى بيها السفارة
_ عشان شنو؟
_ كيف عشان شنو؟ أنا ما كلمتك ؟ مش نحنا ح نمشى السودان؟
_ سودان شنو؟؟ إنت مقعدنا هنا ليك عشرة سنين ما مشيت ليك إجازة ... جوازك صلاحيتو منتهية ... وناس الضرائب عاوزين منك متأخرات ... وناس الزكاة عاوزين منك متأخرات
_ لا أنا ح ادفع المتأخرات دى كلها .. إنتى مش مجننانى من زمان عاوزة تشوفى ناس أمك ؟
_ مش ناس أمى ديل (خليتهم) ما ماشة ليهم !!
_ ده كلام شنو يا (نعمات) من زماااان ما قاعده (تنقى) عاوزة تمشى عاوزة تمشى !!
_ مش النقه دى خلاااس بطلتها و(السودان) ده ما عاوزة أمشيهو !!
_ (فى صوت منخفض) : خلااس اسافر براى آخد ليا يوم يومين وأجى !!
_ شوف هووووى يا (فاروق) إنت قايلنى ما سمعت بالقرار ؟ والله قسماً عظما تشيل رجلك دى ترفعا من هنا أكلم ليك ناس (عرقله) أخوى هناك يكسروك حته حته !!
تماشياً مع المثل الذى يقول (عايرة وأدوها سوط) والآخر الذى يحرض بانو (كان غلبك سدها وسع قدها) قام المواطنون بتفيذ قرار (الزواج الرباعى) والذى ساعد كثيرا فى تخفيض نسبة العنوسة لدى الشباب كما هدفت (روح القرار) لذلك وعلى الرغم من الازمات التى واجهها المواطنون والمتمثلة فى عدم المقدرة على الإنفاق إلا أن نسبة حالات (الطلاق) التى شهدتها المحاكم الشرعية بسبب (الإعسار) لم تتجاوز نسبتها 99% وكغيرة من القرارات التى تصدرها (الحكومة) مستندة إلى (الهاشمية) والنظرة (الآنية) للحلول فإنها وكعادتها لم تضع حسبانا للكارثة المحتملة .. فبعد عشرة أشهر وفى وقت واحد إمتلأت المستشفيات بمئات الآلاف من النساء اللواتى جئن فى حالات وضع ... فى أحدى المستشفيات أخذ (خضر) يذرع صالة جيئة وذهابا فى عصبية بعد أن دخلن (زوجاته) الأربع إلى حجرة الولاده ثم وفى وقت واحد فتحت أبواب حجرات العملية الأربعه لتخرج من كل باب ممرضة ليهتفن بصوت واحد :
_ مبروك يا أستاذ جوووك تيمان !!!
كسرة :
بعد ثلاثة أيام قضاها (خضر) فى (العناية المكثفة) أفاق قليلا وأخذ يحدث نفسه فى ذهول ويؤشر بيده كمن يقوم بتضريب مسألة حسابية ... أربعه (نسوان) زائد (أنا) زائد تمانية (شفع) تلطاشر ... تلطاشر فى إتنين بى سته وعشرين .. تلاتة .فى ...ثم فجأة راح فى غيبوبة مرة أخرى
_ يا خضر ... يا خضر .. قوم
_ أقوم شنو؟ إنتو عارفين ديل عاوزين ليهم بعدين (بس رغيف) بى كم ؟ بى خمسين ألف فى اليوم
غريق كمبال- مشرف المنتدى الاقتصادى
رد: الزواج الرباعى
من طرف nashi 21st يونيو 2010, 15:17
لا سيما إذا ما تم إختيار الزيجات من ولايات وقبائل مختلفة حتى يتفرق (دم المواطن) بين القبائل !
--------------------------------------------------
الوضوع ظريف إلا بدور اسأل غريق اخوي القرار معاه كيف؟
--------------------------------------------------
الوضوع ظريف إلا بدور اسأل غريق اخوي القرار معاه كيف؟
nashi- مشرف المنتدى الرياضى
رد: الزواج الرباعى
من طرف غريق كمبال 21st يونيو 2010, 15:32
والله سؤالك ده يا دكتوره إلا نحولوا لى جبرا
غريق كمبال- مشرف المنتدى الاقتصادى
رد: الزواج الرباعى
من طرف د.الجنيد احمد سليمان 24th يونيو 2010, 11:18
غريق هوووووووووووووووووى:
أبعد من الشر وغنيلو...
خليك مع باقى الآية..تتابع لى ناس جبرا ديل السكرى برتفع...الدكتورة هوى غريق دا مع ناس غرفة الكمبيوتر البجهزو الطلبات....
يديكم العافية
أبعد من الشر وغنيلو...
خليك مع باقى الآية..تتابع لى ناس جبرا ديل السكرى برتفع...الدكتورة هوى غريق دا مع ناس غرفة الكمبيوتر البجهزو الطلبات....
يديكم العافية
د.الجنيد احمد سليمان- نشط مميز
رد: الزواج الرباعى
من طرف غريق كمبال 24th يونيو 2010, 11:37
شكرا يا دكتور طبعا انت عارف ابو ندلك قال شنو 00وانا موحد
غريق كمبال- مشرف المنتدى الاقتصادى
رد: الزواج الرباعى
من طرف فلس 24th يونيو 2010, 11:46
انت ياغريق بس جارلي لابوندلك زي ماقال البابا شنودة
فلس- نشط مميز
غريق كمبال- مشرف المنتدى الاقتصادى
رد: الزواج الرباعى
من طرف اشرف بشرى إدريس 24th يونيو 2010, 13:59
يا غريق مفروض كمان عشان يشجعوهم تكون هدية البوافق بالزواج دا سيارة من ذوات الدفع الرباعي ..الأربعة ديل وعيالهم يشيلوهم وين وخصوصاً إذا كانو من عينة الحجم العائلي(family size) ...مواصلات ساي بلحقو حدك
اشرف بشرى إدريس- مبدع مميز
رد: الزواج الرباعى
من طرف الفاتح محمد التوم 24th يونيو 2010, 16:23
أكان الحريم ديل شغالات ده حيكون زواج بالدفع الرباعي Four Wheel Drive ودي حتكون الــOptimum Solutions الحلول المثالية للأربعة أطراف مقابل الطرف الأوحد " الراجل "...
الفاتح محمد التوم- مشرف المنتدى السياسى
رد: الزواج الرباعى
من طرف حيدر خليل 27th يونيو 2010, 14:19
الغريق والله انت بتجيب حاجات عجيبة طبعا انحنا في سنة اولي تكميلي يعني الطريق قدامنا طويل عله قول لي يا الغريق ماسر اهتمامك بهكذا مواضيع؟
حيدر خليل- نشط مميز
رد: الزواج الرباعى
من طرف د.الجنيد احمد سليمان 27th يونيو 2010, 15:55
حيدر قال:
(عله قول لي يا الغريق ماسر اهتمامك بهكذا مواضيع؟)....
حيدر: لا تسأل عن اشياء ان تبدو لك تسؤك....
غريق أخوى عينه بصيره علا أيده قصيره...ما شايفو براك قال شعاره شنو
ابوندلك كان عنده دهن اليمسح سويقاته)... 
(عله قول لي يا الغريق ماسر اهتمامك بهكذا مواضيع؟)....
حيدر: لا تسأل عن اشياء ان تبدو لك تسؤك....
غريق أخوى عينه بصيره علا أيده قصيره...ما شايفو براك قال شعاره شنو
ابوندلك كان عنده دهن اليمسح سويقاته)...
د.الجنيد احمد سليمان- نشط مميز
مواضيع مماثلة» قصص واقعيه عن الزواج
» دعــــاء تيسير الزواج ...
» خاتم الزواج
» غرائب الشعوب في الزواج
» الزواج وفارق السن
» دعــــاء تيسير الزواج ...
» خاتم الزواج
» غرائب الشعوب في الزواج
» الزواج وفارق السن
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى