إن شاء الله القيامة تقوم!

إن شاء الله القيامة تقوم!

يقول الشاعرالراحل المقيم حسن الزبير كنت يوم في المكتب فجأة جاني زميل من زملانا وقال لي أنا عايز أوسطك تخطبلي زميلتنا دي قلت ليه انتو متفاهمين؟؟ قال لي متفاهمين قلت ليه خلاص ان شاء الله في اليوم التاني قالت لي انا برد ليك بكرة ولمن جات في الصباح قالت لي أنا ما بقدر أتزوج زميلنا ده وذكرت لي بعض الاسباب قلت ليها انا حا أقول ليه مخطوبة واتفقنا على كده بعد داك جاني هو في المكتب جا وقف قدام التربيزة ..
- قال لي اها
- قلت ليه اقعد
-قال لي ما قاعد نجيب ليك شاي؟
- قال لي ما دايرشاي قلت ليه طبعا زميلتنا دي امبارح اخدو الفرصة ومشو كلمو ود عمهاالكان خاطبا ورفض وقال ما بخلي بت عمو دي
مهما كانت الظروف وبنات حواء كتار وربنا يديك الابرك منها
- قال لي يعني ما حا تتزوجني؟؟؟
- قلت ليه طبعاً لانها مخطوبة وانت جيت متأخر
- يعني ما حا تعرسني؟؟
- قلت ليه طبعاً ما حا تعرسك
ضرب التربيزة وشتت لي الورق وقال لي
ان شاء الله القيامة تقوم
عشان الناس كلهم يتلخبطو في بعض
المهم قالا بطريقة فيها نوع من الالم والحسرة
: أنا داعبتهم الاثنين بالقصيدة

ان شاءالله القيامة تقوم
عشان ريدك معاي ما بدوم
ناس سهرانة طوالي
وناس طول الليالي تنوم
أشوف انا كيف حسابك يطول
على الوعدالدوام ممطول
وانا الشايف كتير أحباب
بعيشو الريدة عرض وطول
أنا الشايل دوام همك
وأريدك ريدة زي أمك
وأغير من غيرتي زاتا عليك
أخاف أنا يا الخفيف دمك
ان شاءالله القيامة تقوم
وكل زول يمشي في حالو
عشان ما قلبي يرجع يقول
حبيب الدنيا في بالو

كان ممكن الحكاية تنتهي عند هذا الحد
أبداً الحكاية دي ما حصلت لزميلك
دي حاصلة ليك انت
وقام عمل قصيدة هاجمني بيها
هجوم الشاعر شادول لحسن الزبير

ان شاء الله الحسادة تطير
وتمتد السعادة تدوم
والضاق العذاب في الريد
بكرة يعيش ويشبع نوم
وتقول القيامة تقوم؟؟
عشان حظك شقي ومشئوم
وفتحن ليك بنات حواء
وجافاك ليلة واحدة النوم
بتقول القيامة تقوم؟؟
أنحنا لا عرفنا الريد
ولا زيّك عشقنا الغيد
وحبينا القريب وبعيد
وراجعنا القديم وجديد
ولا ضمانا حضن الليل
مع الوجه البهي وغريد
ولا لليل شكينا حبيب
اذا حتى العشقنا عنيد
ولا نظمنا في الحلوات غنا وموال
درر وقصيد
ولالينا بن عوف غنا
لا الصابر ولا الباكي
خيالِك عندي يوماتي
صباح خيري ومساء أفراحي
أعد ميعادو باللحظات
وسهري معاه صباحي
عيونِك فوق عيوني تنوم
وفوق آلامي ترتاحي
وريدِك من عواتي الريح
المو وأضم عليو جناحي
وتقول القيامة تقوم؟؟
أنحنا مع السعادة نسير
مواكب فرحة هادرة هدير
نحيا نحب نعيش ونغير
ونعلن ثورة التغيير
نأكل حب
ونشرب حب
ونلبس حب
ونفرح بالمحبة نطير
نعيش الريدة عرض وطول
كبيرنا ملك صغيرنا أمير
وتسمع صوت هتافنا يجيك
إن شاء الله الحسادة تطير
وتكبر وتنسى يا زغبير

رد حسن الزبير
إن شاء الله القيامة تقوم
وعشمي في الله ما شويّة
أدخل جنة المأوى
وهناك يدوني حورية
أتكي في الأرائك أنووووووم
بكل حبور وحرية
وأرتاح من ده مافي وقوم
وأمش جيبلي وجيب ليّا
أفارق دنية المعدوم
والقي مطالبي بالنية
ولوحنيت للحم الطير
تجيني الطيرة مشويّة
عشانك كيّة يا دكتور
تكون حوريتي خمرية
تجرجر ديسا ده المردوم
ولهجتا خالصة عربية
أخلي ليك بنات حواء
تحاحي صباح وعصرية
وتبقى عواطلي يا دكتور
هناك لا مرض ولا شكيّة
هناك لا أذن سمعت
ولابعيونا مرئية
هناك حتى الرحيق مختوم
وولدان طائفة دوريّة
لا عشوائي في الخرطوم
ولا صفقات تجارية
صفي النية يا مهجوم
بلاش هجمات هبوبية
وان شاء الله القيامة تقوم
وتنجح مية في المية


منقوول

وبما أن الشاعـر الراحل ( حسن الزبير ) من أكثر شعـراء جيله إنتاجـاً وأغـلب قصائده فى الغـزل والوصف فتلك الأعـذار والحجج لم تقنع صديقه ( دكتور شادول ) لعلمه علم اليقين بأنه يهوى الجمال أينما كان ... ويهوى البنات كُـل مابقن شبه الغـزال ويهوى السبيب كُـل ماهو طـال ....حتى لو أجله حان فإعـتبر ذلك مجرد زوغان من ذلك الشاعر الفنان الذى أسعـد بنى الأنسان فى وطنه الغـالى السودان فـكَـتـب مـداعـبـاً إيـاه :


مـامـقـبــولـــه أعـــــذارَك ....
ومـا معــروف مصـيــرَك ويـن
ومـاهـى صـالــح أعـمـالـَـك ؟؟
عـشـــان يــدُّوكَ حـُوراً عـِـيـن
لـو إنـتَ عـلى الصِّـراط مـاشـى
وشَــرَّكــوا لـيـــك بـى بــِـنـَيــَّه
حـا تـِخـْـتـَـل كـُـلْ حـسـابـاتــَـك
وحـا تـَحـَـتـِـل حـَـتـْـلـه أبـَديـَّـه
أمــا لـــــو ضـَــــرب حـَـظــَّــك
وجـابـوا لـيــك بـنـــات الحُــور
تـمـوت واقــــف عـلى طــولـك
ويـشـيـلـك حـِـيـلـك الـمـشـلـول
وتـتـلـفـَّــت يـمـيـــن وشِـمـــال
مـشـدُوه بـالجَـمَــال مَـبـْهـــور
وتحـتــار بـاقـى عـقـلـك طـــار
فـى مـَـنْ يـهـــوَى أو يخـتـــار
ديــك قــوَامـا سَـمْهَـر وطـُـول
وديـك دعَـج الـعـيـون مكحول
وديـك جَـمَـالا يـَسْـبـى عُـقـُول
وديـك مـن فـيهـا حـلـو القـول
وديــك خـلـيـهــا لـى شـــادول
وديــك شَـعَـراً كـمـــان خـَـلـِّى
قــَـدُر مـايــزيــد ... نـعُـومـه وطــُـول
عـذابـنـــا ولـيـلـنــا فـيـهـــو يـطـــول
وديـك خـِشِـيـمــا بــِنـَـقــِّط كــلام مـعـسـول
تـقـيـف مـشـدوه وتـفـوت الـقـيـامه عـلـيـك
واقــف إنـتَ تـِتـلـفـَّـت طــــرَب وذهــــول
حَـسَـن ........ دنـيــــاكَ لـلــــزى ديـــــل
وديــــل يـاصــــــاحـبـى هـُــــم دنـيــــاك
يـَـودنـَّـــك ويـجـيـبـنــَّــك
ويخـتـنــَّـك ويـشـيـلـنــَّـك
يجـلـبـنــَّــك ويـبـيـعـنــَّـك
يغـسـلـنــَّـك ويـشـرنــَّــك
ويكـتـلـنــَّـك ويـدفـنـنــَّـك
يقـيــدو الـنـار يـشـدنــَّـك
ويـبـرن عـُودك الـمـسـلـوب يحــرقـنــَّـك
تـفــوح إنــتَ ويـزيــد دنــَّــك
وتـغـَـنـِّى الـدنـيــا بـى فـنــَّـك
ده حـال الـدنـيـــا مـابـتــــدوم
مــره تــُـلام ومــره تـَـلــُـــوم
ويـوم تـتـعـب مـره تحِــب وتـشْـبـَع حـُـب
ومــره تـحـِـب ومـاتـِنـْحـَـب
حـَسـَن خـلـيـهـم الـسـمـعـوك وأرجــع لـى حـلــو كـلامــك
معـقـــول الـقـيــامـه تـقــوم قــَبـُــل مـاتحـقــق أحــلامـــك ؟؟


منقووووول

يا سلام يا دكتورة..أبداع والله ..ود الزبير وشادول..وحور.... وخمرية..... وبنيات فى الصراط: شرك للقلبو ليهن يميل...
أبو الزهور:
خوفى ان نرفع المنديل
الابيض فى الصراط
المرصع ببنات الحور..
ونرجع ياحبيب تانى لآخر الدور
وساقيتنا تانى تدور
صراط وبنات
صراط وبنات
حوريات..بيض
سمحاآآآآآآآآآآت
وقليبنا يا شيخى رهيف
وما بقدر يفارق الحور
ويا شادول
عليك الله
فى قلب الصراط
ومتوجهين على الله
تجيب لينا سيرة (البلى)
يا خى كلامك دا ما تخليى
نشوف جرد الحساب
وبعدين نرجع
يا قيامة ود الزبير قامت
يا مع الحور فى الجنة نتجلى............

يديكم العافية الدكتورة وابو الزهور....

وعليكم السلام محمد اخوي وحمداً لله علي السلامة


ومشكورين علي المرور

كلام جميل جداً, امد الله في عمركم اتحفونا بحلو الكلام.

.......وانشاء الله القيامة تقوم.........

له الرحمة والمغفرة (كان يعرف نفسه بانه طيش شعراء الحقيبة ) تغنى له خوجلى عثمان (ما بنختلف) ومحمد ميرغنى (لا بتواصلى لا بتفاصلى لا بتلومى)وفرفور(يا قلبى خلى الجوجوة) .

الله يديكم العافية يا جماعة ويسكنكم الصافية ..آمين يا رب العالمين

مشكورين سادتي للاضافة والمرور
والقصيدة رائعة اخي الفاتح ومعاك نقول اللهم اعطني واعطه سؤله..آمين

التحيه لكم يا رائعين متعتونا بهذه الروائع ؟؟لكن الجماعه ديل مستعجلين للقيامه كده مالهم وبعدين لو الواحد كان قافل غلط ووودوه على النار 00الراى شنو


أعينيني على ولهي
وجئت إليك
يحملني
جناح الشوق يا حلوة
يسابقني
إلى عينيك
شوق الروح والنجوى
أعينيني
على ولهي
فذلك فوق ما أقوى
حنانك
جسر أحلامي
إلى الآفاق والصفوة
على
قمم الهوي نلهو
ونحيا كيفما نهوى
نحلق
في عوالمنا
سكارى .. بالمنى نشوى
فلا
قلب الهوى يسلو
ولا وله الهوى هفوة
ولا عرفت
جفون الحب
طعم النوم والغفوة
إذا ضاقت بي الدنيا
يؤمن حضنك المأوى
وان عبست
لي الأيام
عندك تكمن السلوى
فهل لي
في مودتكم
بصيص النور والحظوة

وبعدين لو الواحد كان قافل غلط ووودوه على النار 00الراى شنو

جمعتك مباركة اخي غريق
ضحكتني اضحك الله سنك

الله يبارك لك يا دكتوره فى عمرك وصحتك واهلك وعلمك ويجمعك مع اهلك فى السودان وهم بخير وعافيه 00جمعه مباركه

جنيد وفاتح و غريق والدكتورة وكل الأحبة

يالله الفــــــــــوز
في الجنة أم موز


شكرا لهذة الإستراحة وهذا الشعر الجميلين
وتذكرت الراحل مصطفى يدندن

في الجنة أم قصر
يا عبدالرحيم
إلا ورا القبر

يالله الفــــــــــوز
في الجنة أم موز


اللهم آمين جمعاً إن شاء الله