لغة الراندوك000000000000
+3
عوض السيد ابراهيم
Suhad Abduelgfaar
محمد قادم نوية
7 مشترك
صفحة 1 من اصل 1
لغة الراندوك000000000000
من طرف محمد قادم نوية 24th يوليو 2010, 15:32
لغة « الراندوك » حروف غير متراصة.. حروف عربية.. وأسماء مقلوبة.. رؤوس تهتز ولسان ينطلق.. وضحكات تدخل هنا فتجدها شغالة على الآخر.. من الصعب فهمها..
جاءت من الحواري والأزقة الضيقة ..!!
انتشرت هنا وهناك تم تداولها وسط قطاعات مختلفة وليس واحداً كما يعتقد البعض.
إذا لغة الراندوك هذه هي أيضا إشارات لغوية مختصرة ومعتصرة من ثقافة مجتمعاتنا تبيح المرح الجميل وتترك انطباع اللطف والتفرد .. ولكنها أيضا " لا تقال في كل مقام فلكل مقام مقال.
فهي لا تقال في الخطوبة الرسمية ولا في المآتم ولا في الاجتماعات الرسمية .. لذلك فهي لهجة تتسم بالحميمة وبظروف المرح واللطف السائدتين في مجتمعاتنا السودانية .
وبحكم خفة تداولها وسهولتها دخلت البيت السوداني وأصبحت لغة التداول بين أفراد العائلة ..
هذه حقيقة ظاهرة إجتماعية يجب الوقوف عليها ..
وهنالك فرق بين لغة الراندوك واللهجة العامية السودانية والتي يتداولها السواد الأعظم
الموضوع شيق ..ومجاله مفتوح..تعيشه شريحة كبيرة من مجتمعنا السودانى
المتميز..وفى تقديرى معرفته مهمة جدا ..حتى لا نكون ضحايا نتيجة جهلنا
بهذه اللغة التى نجدها فى الشارع ..واصبحت منتشرة فى كل مكان.
واقول معرفتنا بها مهمة..ولو من باب من عرف لغة قوم امن شرهم..
لأنو الظروف ما معروفة (لو في اتنين جنبك -بتكلمو بالراندوك - ) مثلاً بدأوا يتحاوروا
أهم شيء تعرف قصدهم شنو عشان ما تكون الضحية إنت ...
نبدأ في هذه المصطلحات:
غطي جالون: تمام التمام
والله مشت معاك بالكبرى الجديد : الاحوال ماشى معاك عال العال
زغبير : زوغة وهروب
الكشيف حسن : كشف الزواج والعزاء
مركبه صاجات : ماشه بتأني
كاسر كرونا == يعني قاعد ساااكت لا شغلة ولا مشغلة
براية او براي== تقال للبنت او الولد
الكلامهم كتير
شتات خالى محطات يعني فتح نضيف جداً
- نحل الحفلات يعني ناس لا معزومين ولا معروفين "جايين ساي"
بايركس = بت بايرة مقرم = زول متفتح
دقا جرس = يعني اعترض بشدة
فرده= صديق أو رفيق
قال ليك الكمساري شغال بطقطق في الفردة: الشرتيت يا فرد
واحد قال: طالب
رد: نشو يا ناس الفردة دي ما عملت فيتنام عديييييييل كدا، حافلة دي ولا فصل
التاني قال: فاااااااااام يا معلم
رد: فام فيك يا؟؟؟
التاني: كنت خاتي الشرتيت في الطلوس، واحد انترناشيونال عمل ليهو ياع
رد: دقست يا فارة، كان تخت الشرتيت في البعيد وتمشي فلطسين
بطقطق: اي يعمل صوت بي صباعينو ، ودا تنبيه للركاب بان يدفعو
الشرتيت : القروش
فرد: يا اخوان
نشو: مقلوب شنو بداية الحوار
الفردة : مشوار الحافلة
فيتنام: نامت، يعني المشوار دا ما جاب قروش ، نايم
فاااام: مقلوب ماف ، يعني بح يعني مافي قروش
فام فيك: مافي كيفن يعني؟؟
الطلوس: يعني البنطلون
انترناشونال : نشال
والمراد انو خاتي القروش في جيب البنطلون ، وفي نشال نشلو (عمل ليها ياع)
ياع: صوت النشلة
دقست: يعني اتغابيت وفارقت الذكاء
البعيد يعني ضع القروش في مكان يعصب علي النشال رؤيتها ونهبها
فلسطين: دلالة علي الفلس
والمراد ان لا تضع القروش في البنطلون ليسهل نشلها وتظهر كانك مفلس بالنسبة للنشال
## كرت كرتونة
يقصد بها الشئ الجديد
##غمران
يقصد بها الزول الماجايب خبر شئ
## شركة
ويقصد بها الشئ المميز
## ماشة معاك
ويقصد بها الدنيا مريحاك
##ايامك طحنية
ويقصد بها انك مرتاح شديد
##سايقها بالنية
ويقصد بها زول مرزق
##بقت او كحلت ليك
ويقصد بها عاينت ليك
##كسرت ليهو
يقصد بها قسمت ليهو
##حرقتو
يقصد بها بعتو
##مدور او خاشى
يقصد بها سكران
## تفتيحة
وتعنى الزول الفاهم كل شى وسريع الفهم ولاتخفى عليه خافية
##الجوكي
هو سائق الركشة
##الاربعة
هو الجوكي ذو المهارات التعبانة في السواقة
##كب الزوغة
اي اتجارخ وهي من اتخارج او ابتعد عن المكان
## جلدة
وتعني الرجل شديد البخل
## اتفكفكْ
(يعني اتخارج أو أمشي) مثال :-
نتفكفك يا فردة..
## جَكِّكْ
(بتشديد الكاف الأولى مع الكسر) أي أجلس وأقعد عكس كلمة اتفكفك.
مثلاً:- جكك هنا نفت الشمار ..
##نفتْ
نتحدث أو نتسامر..
## الشمار
كلمة معلومة لكل سوداني/ بمعنى الخبر أو الأخبار /
مثلاً: الحاجة دي جنها شمارات..
## الماسورة
يقصد بها الشرة ويقال فى اللغة مسكتو ماسورة اى شريتو
##الرابعه
وهى من ضمن المعنى الاول اى اديتو الرابعه اى شريتو
##مركب كرونة كلب
يقصد بها الزول الجراى
##جرار
ويقصد بها نشال
##سواق
ويقصد بها كلامو كتير
## راقد ستيتة
ويقصد بها زول منتهى
##بخرتك ضاربة
ويقصد بها رائحتك فايحة
##داسو
ويقصد بها اكل قريشاتو
##شراره
زول بيدفع ورق كبار وبخلى الباقى ويمشى نظام يوري الناس انو عندو قروش وكدة
##خمس لي
اي اعطني شئ بسيط،
##يفكوك عكس الهواء
اي يرفضوك.
## قالت الفنانة الهابطة:
دا كلو من جدو جدو الله يقدو
##والقدة هو مثل لشخص
كثير الكلام يقولوا فلان قدة ولصقة وصمغ،
## ويقولوا فلانة شرط
او شدة وغسيل عدة اى فتاة جميلة جداً..
## وفلان كج وعارض
اى رجل يجلب الحظ السيئ،
## وفلان بلفان ومقحط،
اي شخص بلا نقود.
## والفلوس هى
الشرتيت أو الفلة أو الكنجالات او الضحاكات او التشديرة، وكلها تعني القروش.
##ويقولو فلان دا حمام
اي زول ضعيف الشخصية،
## عكسها فلان دا اصلي ومعلم واسطا وكده.
##وفلان صبن الكيس
تعني خبأه ودساه،
## وفلان دقس واتلحس،
اى خدعوه واكلوا حقوا..
## وفلان عمل وهمة في شكل قلبة
اى فلان اخترع شيئاً جديداً غير مألوف.
. ## فلان مستنكح
اى زول يغش الناس.
# والقطع الناشف تعني الرفض والممانعة.
# وعصلج تعني رفض الامتثال.
وفلان عملوا ليه شرحبيل اى شروه،
أى لم يأتوه في المواعيد
وعملوا منه زغبير، اى زاغوا منو.
## والبلف
تعني الكمساري.
سلطة: تعني اللبس الملون الغير منسق
وفلان هرشناه وكحلناه عروض،
اى خوفناه وارهبناه.
جضم الشئ
اى اجاده واتقنه،
وسيرة العرس
هى سيراليون.
## والحفلة
هى طربانة او التربيزة.
## وجرَّ نور
أى نظر لمدة طويلة.
##زول ما ناقش
مسطح أي اهبل.
وفلان كسح وفتح وقد سلك رقد صوف،
تعني كلها الهروب
الزول الفراشة : تطلق على الولد الخفيف يعنى لو اتكلمت معاه اي بت بتكسر فيها
زول حقنة : بمعنى يتدخل فيما لا يعنيه ويذهب مع اشخاص لا يرغبونه
نتفكفك : بمعنى نمشي
طيارة : بمعنى الشخص الذي ليس لديه سكن
ولافى على رجلو..
زول هبوب.. يعنى فارغ
زول هوا غير مرغوب
## جلكسات
يقصد بها الزول الكذاب
##مركب مكنة
يقصد بها الزول الماعايش واقعو
##حتو قرض
يقصد بها وصلو الموضوع الحد
##رفاسة
ويقصد بها الكدارة او الحذاء الرياضى
##شطة
ويقصد بها حاجة شديده ولضيضة
##كلو ستيم
يقصد بها كلو فى محلو
ومنها كلو تمام
وكل ستة فى حتة
وكل جركانة فى مكانة
وكل تمنية عاملات تنية
وكل تلاته فى خلاطة
## سمعو ( بفتح السين وتشديد الميم )
يقصد بها وريهو
##مصنف ( بضم الميم وسكون الصاد وتشديد النون )
يقصد بها لابد لحاجة
## تجضيمة
ويقصد بها زول عارف شغلو كويس
##جميل راتب
اى المرتب ...او الماهية
مثلاً :
شنو يا حبه عملت سلفادور وزغبير، جميل راتب جا وماجيتونا ؟؟؟
كما يقال فكاه عكس الهواء
ويقال ايضا الزول د هواء والمرة دي هواء والناس ديل بجيبو الهواء الباااااااااارد
##ناقش
يقصد بها الزول العارف
ويقال فى اللغة الزول ده ماناقش ابو النوم يعنى ماعارف التكتح
##مكداكى ( بضم الميم وسكون الكاف وفتح الدال وكسر الكاف الاخرى )
ويقصد بها حرامى ومنها فقاع
##كبك
ويقصد بها زول اهبل ساى زول ماعارف حاجة شغلو كلو غلط
## سوق ام دفسو
ويقصد بها المكان الجايط
##ورقة
ويقصد بها الخفة ويقال فى اللغة فلانة ورقة يعنى خفيفة ولفيفة..
ومن الاستعمالات الاخرى
لو زول قاعد مع اصحابو وبتلفت يقال له خلى بالك فى ورقتك..
يعنى خليك مع جماعتك ماتقابض
##شهادة عربية
ويقصد بها زول مرتاح او زول ماناقش حاجة
## بعاتى
و يقصد بها الزول المفتح الزول الجضام الزول الناقش كل شئ
##ورينا جمال خطوتك
ويقصد بها اتخارج وهوينا انت مانافع معانا
شوف ليك ناس غيرنا ونحنا ماعندنا ليك شئ
## دقس
يقصد بها اتغشى او تاه عن الشئ
##اتلحس ....
.ضاع او مات ....
## نكسح يا فردة ...
يعني نمشي
نشتت ..... نفس الشئ للرواح او المشي
## كدراوية
وخ 11 كداري
يقصد بها السير كدارى..
## وامنقة شى
يعنى حلو جدا
ما تقرأ لي يا عمك = ما تحنكني
ما تحنكني = ما تحاول تقنعني
عكليت = لصقة غير معزوم
اتفكفك = أنبرم
انبرم = أقطع وشك
أقطع وشك = فرتك
الجومة = أكل
سراخات = كواريك
كدمبس = تقال لمن لا يهتم في الجامعة بغير المكتبة والمراجع والمحاضرات .
دسيسة = يعني حاجة سمحة سماحة شديدة
حار دمو ينقط = تستخدم للشى المسروق للتو..
مثلا واحد يقول ليك الموبايل دة حار دمو ينقط..
** كسير تلج.
تقال عادة للشخص الذي يدافع عن شخص لمصلحة منه غالباً ما يكون (المُدافع عنه)
متحسن مادياً أو صاحب مكانة مرموقة...
فيقال:
(ما تكسر التلج)
أي لا ينفعك دفاعك عن فلان.....
جاءت من الحواري والأزقة الضيقة ..!!
انتشرت هنا وهناك تم تداولها وسط قطاعات مختلفة وليس واحداً كما يعتقد البعض.
إذا لغة الراندوك هذه هي أيضا إشارات لغوية مختصرة ومعتصرة من ثقافة مجتمعاتنا تبيح المرح الجميل وتترك انطباع اللطف والتفرد .. ولكنها أيضا " لا تقال في كل مقام فلكل مقام مقال.
فهي لا تقال في الخطوبة الرسمية ولا في المآتم ولا في الاجتماعات الرسمية .. لذلك فهي لهجة تتسم بالحميمة وبظروف المرح واللطف السائدتين في مجتمعاتنا السودانية .
وبحكم خفة تداولها وسهولتها دخلت البيت السوداني وأصبحت لغة التداول بين أفراد العائلة ..
هذه حقيقة ظاهرة إجتماعية يجب الوقوف عليها ..
وهنالك فرق بين لغة الراندوك واللهجة العامية السودانية والتي يتداولها السواد الأعظم
الموضوع شيق ..ومجاله مفتوح..تعيشه شريحة كبيرة من مجتمعنا السودانى
المتميز..وفى تقديرى معرفته مهمة جدا ..حتى لا نكون ضحايا نتيجة جهلنا
بهذه اللغة التى نجدها فى الشارع ..واصبحت منتشرة فى كل مكان.
واقول معرفتنا بها مهمة..ولو من باب من عرف لغة قوم امن شرهم..
لأنو الظروف ما معروفة (لو في اتنين جنبك -بتكلمو بالراندوك - ) مثلاً بدأوا يتحاوروا
أهم شيء تعرف قصدهم شنو عشان ما تكون الضحية إنت ...
نبدأ في هذه المصطلحات:
غطي جالون: تمام التمام
والله مشت معاك بالكبرى الجديد : الاحوال ماشى معاك عال العال
زغبير : زوغة وهروب
الكشيف حسن : كشف الزواج والعزاء
مركبه صاجات : ماشه بتأني
كاسر كرونا == يعني قاعد ساااكت لا شغلة ولا مشغلة
براية او براي== تقال للبنت او الولد
الكلامهم كتير
شتات خالى محطات يعني فتح نضيف جداً
- نحل الحفلات يعني ناس لا معزومين ولا معروفين "جايين ساي"
بايركس = بت بايرة مقرم = زول متفتح
دقا جرس = يعني اعترض بشدة
فرده= صديق أو رفيق
قال ليك الكمساري شغال بطقطق في الفردة: الشرتيت يا فرد
واحد قال: طالب
رد: نشو يا ناس الفردة دي ما عملت فيتنام عديييييييل كدا، حافلة دي ولا فصل
التاني قال: فاااااااااام يا معلم
رد: فام فيك يا؟؟؟
التاني: كنت خاتي الشرتيت في الطلوس، واحد انترناشيونال عمل ليهو ياع
رد: دقست يا فارة، كان تخت الشرتيت في البعيد وتمشي فلطسين
بطقطق: اي يعمل صوت بي صباعينو ، ودا تنبيه للركاب بان يدفعو
الشرتيت : القروش
فرد: يا اخوان
نشو: مقلوب شنو بداية الحوار
الفردة : مشوار الحافلة
فيتنام: نامت، يعني المشوار دا ما جاب قروش ، نايم
فاااام: مقلوب ماف ، يعني بح يعني مافي قروش
فام فيك: مافي كيفن يعني؟؟
الطلوس: يعني البنطلون
انترناشونال : نشال
والمراد انو خاتي القروش في جيب البنطلون ، وفي نشال نشلو (عمل ليها ياع)
ياع: صوت النشلة
دقست: يعني اتغابيت وفارقت الذكاء
البعيد يعني ضع القروش في مكان يعصب علي النشال رؤيتها ونهبها
فلسطين: دلالة علي الفلس
والمراد ان لا تضع القروش في البنطلون ليسهل نشلها وتظهر كانك مفلس بالنسبة للنشال
## كرت كرتونة
يقصد بها الشئ الجديد
##غمران
يقصد بها الزول الماجايب خبر شئ
## شركة
ويقصد بها الشئ المميز
## ماشة معاك
ويقصد بها الدنيا مريحاك
##ايامك طحنية
ويقصد بها انك مرتاح شديد
##سايقها بالنية
ويقصد بها زول مرزق
##بقت او كحلت ليك
ويقصد بها عاينت ليك
##كسرت ليهو
يقصد بها قسمت ليهو
##حرقتو
يقصد بها بعتو
##مدور او خاشى
يقصد بها سكران
## تفتيحة
وتعنى الزول الفاهم كل شى وسريع الفهم ولاتخفى عليه خافية
##الجوكي
هو سائق الركشة
##الاربعة
هو الجوكي ذو المهارات التعبانة في السواقة
##كب الزوغة
اي اتجارخ وهي من اتخارج او ابتعد عن المكان
## جلدة
وتعني الرجل شديد البخل
## اتفكفكْ
(يعني اتخارج أو أمشي) مثال :-
نتفكفك يا فردة..
## جَكِّكْ
(بتشديد الكاف الأولى مع الكسر) أي أجلس وأقعد عكس كلمة اتفكفك.
مثلاً:- جكك هنا نفت الشمار ..
##نفتْ
نتحدث أو نتسامر..
## الشمار
كلمة معلومة لكل سوداني/ بمعنى الخبر أو الأخبار /
مثلاً: الحاجة دي جنها شمارات..
## الماسورة
يقصد بها الشرة ويقال فى اللغة مسكتو ماسورة اى شريتو
##الرابعه
وهى من ضمن المعنى الاول اى اديتو الرابعه اى شريتو
##مركب كرونة كلب
يقصد بها الزول الجراى
##جرار
ويقصد بها نشال
##سواق
ويقصد بها كلامو كتير
## راقد ستيتة
ويقصد بها زول منتهى
##بخرتك ضاربة
ويقصد بها رائحتك فايحة
##داسو
ويقصد بها اكل قريشاتو
##شراره
زول بيدفع ورق كبار وبخلى الباقى ويمشى نظام يوري الناس انو عندو قروش وكدة
##خمس لي
اي اعطني شئ بسيط،
##يفكوك عكس الهواء
اي يرفضوك.
## قالت الفنانة الهابطة:
دا كلو من جدو جدو الله يقدو
##والقدة هو مثل لشخص
كثير الكلام يقولوا فلان قدة ولصقة وصمغ،
## ويقولوا فلانة شرط
او شدة وغسيل عدة اى فتاة جميلة جداً..
## وفلان كج وعارض
اى رجل يجلب الحظ السيئ،
## وفلان بلفان ومقحط،
اي شخص بلا نقود.
## والفلوس هى
الشرتيت أو الفلة أو الكنجالات او الضحاكات او التشديرة، وكلها تعني القروش.
##ويقولو فلان دا حمام
اي زول ضعيف الشخصية،
## عكسها فلان دا اصلي ومعلم واسطا وكده.
##وفلان صبن الكيس
تعني خبأه ودساه،
## وفلان دقس واتلحس،
اى خدعوه واكلوا حقوا..
## وفلان عمل وهمة في شكل قلبة
اى فلان اخترع شيئاً جديداً غير مألوف.
. ## فلان مستنكح
اى زول يغش الناس.
# والقطع الناشف تعني الرفض والممانعة.
# وعصلج تعني رفض الامتثال.
وفلان عملوا ليه شرحبيل اى شروه،
أى لم يأتوه في المواعيد
وعملوا منه زغبير، اى زاغوا منو.
## والبلف
تعني الكمساري.
سلطة: تعني اللبس الملون الغير منسق
وفلان هرشناه وكحلناه عروض،
اى خوفناه وارهبناه.
جضم الشئ
اى اجاده واتقنه،
وسيرة العرس
هى سيراليون.
## والحفلة
هى طربانة او التربيزة.
## وجرَّ نور
أى نظر لمدة طويلة.
##زول ما ناقش
مسطح أي اهبل.
وفلان كسح وفتح وقد سلك رقد صوف،
تعني كلها الهروب
الزول الفراشة : تطلق على الولد الخفيف يعنى لو اتكلمت معاه اي بت بتكسر فيها
زول حقنة : بمعنى يتدخل فيما لا يعنيه ويذهب مع اشخاص لا يرغبونه
نتفكفك : بمعنى نمشي
طيارة : بمعنى الشخص الذي ليس لديه سكن
ولافى على رجلو..
زول هبوب.. يعنى فارغ
زول هوا غير مرغوب
## جلكسات
يقصد بها الزول الكذاب
##مركب مكنة
يقصد بها الزول الماعايش واقعو
##حتو قرض
يقصد بها وصلو الموضوع الحد
##رفاسة
ويقصد بها الكدارة او الحذاء الرياضى
##شطة
ويقصد بها حاجة شديده ولضيضة
##كلو ستيم
يقصد بها كلو فى محلو
ومنها كلو تمام
وكل ستة فى حتة
وكل جركانة فى مكانة
وكل تمنية عاملات تنية
وكل تلاته فى خلاطة
## سمعو ( بفتح السين وتشديد الميم )
يقصد بها وريهو
##مصنف ( بضم الميم وسكون الصاد وتشديد النون )
يقصد بها لابد لحاجة
## تجضيمة
ويقصد بها زول عارف شغلو كويس
##جميل راتب
اى المرتب ...او الماهية
مثلاً :
شنو يا حبه عملت سلفادور وزغبير، جميل راتب جا وماجيتونا ؟؟؟
كما يقال فكاه عكس الهواء
ويقال ايضا الزول د هواء والمرة دي هواء والناس ديل بجيبو الهواء الباااااااااارد
##ناقش
يقصد بها الزول العارف
ويقال فى اللغة الزول ده ماناقش ابو النوم يعنى ماعارف التكتح
##مكداكى ( بضم الميم وسكون الكاف وفتح الدال وكسر الكاف الاخرى )
ويقصد بها حرامى ومنها فقاع
##كبك
ويقصد بها زول اهبل ساى زول ماعارف حاجة شغلو كلو غلط
## سوق ام دفسو
ويقصد بها المكان الجايط
##ورقة
ويقصد بها الخفة ويقال فى اللغة فلانة ورقة يعنى خفيفة ولفيفة..
ومن الاستعمالات الاخرى
لو زول قاعد مع اصحابو وبتلفت يقال له خلى بالك فى ورقتك..
يعنى خليك مع جماعتك ماتقابض
##شهادة عربية
ويقصد بها زول مرتاح او زول ماناقش حاجة
## بعاتى
و يقصد بها الزول المفتح الزول الجضام الزول الناقش كل شئ
##ورينا جمال خطوتك
ويقصد بها اتخارج وهوينا انت مانافع معانا
شوف ليك ناس غيرنا ونحنا ماعندنا ليك شئ
## دقس
يقصد بها اتغشى او تاه عن الشئ
##اتلحس ....
.ضاع او مات ....
## نكسح يا فردة ...
يعني نمشي
نشتت ..... نفس الشئ للرواح او المشي
## كدراوية
وخ 11 كداري
يقصد بها السير كدارى..
## وامنقة شى
يعنى حلو جدا
ما تقرأ لي يا عمك = ما تحنكني
ما تحنكني = ما تحاول تقنعني
عكليت = لصقة غير معزوم
اتفكفك = أنبرم
انبرم = أقطع وشك
أقطع وشك = فرتك
الجومة = أكل
سراخات = كواريك
كدمبس = تقال لمن لا يهتم في الجامعة بغير المكتبة والمراجع والمحاضرات .
دسيسة = يعني حاجة سمحة سماحة شديدة
حار دمو ينقط = تستخدم للشى المسروق للتو..
مثلا واحد يقول ليك الموبايل دة حار دمو ينقط..
** كسير تلج.
تقال عادة للشخص الذي يدافع عن شخص لمصلحة منه غالباً ما يكون (المُدافع عنه)
متحسن مادياً أو صاحب مكانة مرموقة...
فيقال:
(ما تكسر التلج)
أي لا ينفعك دفاعك عن فلان.....
محمد قادم نوية- مشرف منتدى الصوتيات
رد: لغة الراندوك000000000000
من طرف Suhad Abduelgfaar 24th يوليو 2010, 15:56
مشكور اخوى ود نويه على الرندوق العجيب ده ...ومالك رافع قزازقك كده؟ولا بتلم فى القنزف عشان مشتت ..اها شفت اختك رنداقة كيف يديك العافيه
Suhad Abduelgfaar- مشرف حكاوي المهجر
رد: لغة الراندوك000000000000
من طرف عوض السيد ابراهيم 25th يوليو 2010, 08:13
دا رندوق تجضيمه يا جوكى.
يا ود يا دسّيس رندوقك (محط) بضم الميم وكسر الحاء.
أمنقه استراحه قبل ما نشتت.
هانى شاكر يا فرده
يا ود يا دسّيس رندوقك (محط) بضم الميم وكسر الحاء.
أمنقه استراحه قبل ما نشتت.
هانى شاكر يا فرده
عوض السيد ابراهيم- مشرف المنتدى العام
رد: لغة الراندوك000000000000
من طرف amin_manga 25th يوليو 2010, 08:46
شغلك نضيف يا معلم كدي نقشنا معاك يافردة انت مغترب في السعودية ولا سوق كرور ؟؟؟؟
طلعت زول تفتيحة لامن غلط
طلعت زول تفتيحة لامن غلط
عدل سابقا من قبل amin_manga في 25th يوليو 2010, 09:02 عدل 1 مرات (السبب : املائي)
amin_manga- نشط مميز
رد: لغة الراندوك000000000000
من طرف محمد قادم نوية 25th يوليو 2010, 09:35
يا ابو ابراهيم ورينا زمن التشتيت بالظبط متين عشان نكون علي اهبت الاستعداد؟
جنابو +الاخت سهاد طبعاً القزاز بتاعنا دايماً منزلّنو لي النهاية بس كان في خلل في النت وكدة
تحياتي
جنابو +الاخت سهاد طبعاً القزاز بتاعنا دايماً منزلّنو لي النهاية بس كان في خلل في النت وكدة
تحياتي
محمد قادم نوية- مشرف منتدى الصوتيات
رد: لغة الراندوك000000000000
من طرف زهيرحسن السيد 25th يوليو 2010, 11:00
ول نوية يافرده...
كدي خليك واضح ذي الرقعة في الجلابيه ..؟
المابعرفك مولود في الكور...بقول كنت عايش تحت سينما كلوزيوم ...
انت في الجامعة كنت شغال كمساري ولا شنو ...؟
تحياتي ومودتي يامبدع ...؟
كدي خليك واضح ذي الرقعة في الجلابيه ..؟
المابعرفك مولود في الكور...بقول كنت عايش تحت سينما كلوزيوم ...
انت في الجامعة كنت شغال كمساري ولا شنو ...؟
تحياتي ومودتي يامبدع ...؟
زهيرحسن السيد- مبدع مميز
رد: لغة الراندوك000000000000
من طرف عوض السيد ابراهيم 25th يوليو 2010, 11:08
التشتيت الفاتح قريب الله ياحبه.
يعنى انشاء الله أقصى حاجه ربيع الدنيا ولا خميس مشيط.
بسمعك قبل ما أوريك خطواتى الحلوه
يعنى انشاء الله أقصى حاجه ربيع الدنيا ولا خميس مشيط.
بسمعك قبل ما أوريك خطواتى الحلوه
عوض السيد ابراهيم- مشرف المنتدى العام
رد: لغة الراندوك000000000000
من طرف محمد قادم نوية 25th يوليو 2010, 11:32
زهير سلامات واخبار الاهل شنو وكنت داير اديك حاجات وباقي رندوق كدة بس في مشكلة في النت الهوتميل والاسكيبي لم يفتحو معي بس خليك قريب مجرد مايفتحو بوريك
ابو السيد اكيد الفاتح امس اتصل بيك واداك شمار ؛بس ماتكلم بيهو صحبي الصغيبر (ابراهيم) عشان مايسألني زي السؤال اليومداك
تحياتي
ابو السيد اكيد الفاتح امس اتصل بيك واداك شمار ؛بس ماتكلم بيهو صحبي الصغيبر (ابراهيم) عشان مايسألني زي السؤال اليومداك
تحياتي
محمد قادم نوية- مشرف منتدى الصوتيات
رد: لغة الراندوك000000000000
من طرف عوض السيد ابراهيم 25th يوليو 2010, 15:47
والله لا اتصل ولا ادانى شمار وكان ما اتصل لما الاقيك فى السعوديه هات كل الشمارات.
لما أحدد االسفر بالضبط سأخطر الجميع عبر المنتدى
لما أحدد االسفر بالضبط سأخطر الجميع عبر المنتدى
عوض السيد ابراهيم- مشرف المنتدى العام
رد: لغة الراندوك000000000000
من طرف الفاتح محمد التوم 25th يوليو 2010, 19:17
إششششششششششش كلّو إستيم !!!!
تحياتي لك يالغالي محمد نويه .... ومعليش يا أبوابراهيم ,, أنا حأتصل عليك يا ابوابراهيم عشان مصارينك تتقطع من الضحك وأقصّر ليك المسافة في سكة السفر بس وصيتي ماتنسى دعاء السفر وتربط حزام الأمان للوليدات وأمهم كويس ؟ وادعوا لينا معاك لأنها دعوة مسافر ..... وعندما تصل لصحبك ول نوية أنا متأكد حتعضيهو في أضانو ,,,و بوصيك ما تمشيها ليهو كده ... !! ,,,
الفاتح محمد التوم- مشرف المنتدى السياسى
رد: لغة الراندوك000000000000
من طرف عوض السيد ابراهيم 26th يوليو 2010, 07:49
والله الشمار كتلنى عديل يا فاتح.
طبعا انت برضو فى البال بنديك غشوه مع الوليدات أصلو ابراهيم قال عايز يشوف سلمى قبل ما يتلاقو فى الجامعه.(دى أكيد ضحّكتك)
طبعا انت برضو فى البال بنديك غشوه مع الوليدات أصلو ابراهيم قال عايز يشوف سلمى قبل ما يتلاقو فى الجامعه.(دى أكيد ضحّكتك)
عوض السيد ابراهيم- مشرف المنتدى العام
رد: لغة الراندوك000000000000
من طرف محمد قادم نوية 26th يوليو 2010, 09:11
سلامات يا رايعين 000000000
ربنا يجيبك بالعافية يا ابوابراهيم 000000 بس ماتنسي تاني دعاء السفر وحفاظة الموية اهم شئ
ربنا يجيبك بالعافية يا ابوابراهيم 000000 بس ماتنسي تاني دعاء السفر وحفاظة الموية اهم شئ
محمد قادم نوية- مشرف منتدى الصوتيات
رد: لغة الراندوك000000000000
من طرف ابوهريرة عثمان عبدالسلام 26th يوليو 2010, 22:44
شكرا الاخ ود نوية والله ده معجم رندوك عديل وانت لوعملت تنسيق مع استاذى الجليل ابو ابراهيم سوف يرى هذا الكتاب النور
والكلام دا رجعنى لزمن المتوسطة حيث نلت علقة ساخنة عشرة سيطان فى اليد من الاستاذ ابو ابراهيم صباحا فى عز الشتاء بسبب لغة الرندوك واتذكر ذلك جيدا والحديث كان عن الورقة ابو خمسين جنية ابو حربة فى ذلك الزمن لانها حمرا كانت تسمى العاكس لان العاكس الذى يوضع خلف العربة كان احمر وانا قلت للاستاذ الخمسين اسمها عاكس ولم اجد سوى هذة الجلدة والسبب يرجع لان لغة الرندوك انذاك تحمل معانى كثيرة واستاذى خبير لغات لذلك اكلت الجلدة ساى
لكم كل الود والتحايا,,,,,,,,,,,,,,
والكلام دا رجعنى لزمن المتوسطة حيث نلت علقة ساخنة عشرة سيطان فى اليد من الاستاذ ابو ابراهيم صباحا فى عز الشتاء بسبب لغة الرندوك واتذكر ذلك جيدا والحديث كان عن الورقة ابو خمسين جنية ابو حربة فى ذلك الزمن لانها حمرا كانت تسمى العاكس لان العاكس الذى يوضع خلف العربة كان احمر وانا قلت للاستاذ الخمسين اسمها عاكس ولم اجد سوى هذة الجلدة والسبب يرجع لان لغة الرندوك انذاك تحمل معانى كثيرة واستاذى خبير لغات لذلك اكلت الجلدة ساى
لكم كل الود والتحايا,,,,,,,,,,,,,,
ابوهريرة عثمان عبدالسلام- مشرف المنتدى الاسلامى
رد: لغة الراندوك000000000000
من طرف الفاتح محمد التوم 26th يوليو 2010, 23:25
أبوابراهيم .... ((عجبك مش كده؟؟)) ... على الرحب والسعه ونحن في الإنتظار على الخط , والمره دي حأدفع حق الكوفير بس في الرجعه عليك إنتا....
الفاتح محمد التوم- مشرف المنتدى السياسى
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى