وصلت الاسرة الى جبرونا

الى كل الاهل والاصدقاء بمدينة ابوجبيهة وصلت اسرتي الى جبرونا بخير وعافية من سلطنة عمان وهم الان بين الاهل في جبرونا.
الشي الغريب انو درجة الحرارة في يوم 14/7/2010 كانت 44 في مسقط وصحار وعند وصولهم مطار الخرطوم نزلت امطار وعندما وصلو ابوجبيهة كانت مفاجاه بالنسبة لهم وجدوا الخضرة والجو الجميل ( سألوا جدهم النو حامد قالوا له الحديقة دي حقت منو يقصدوا الخضرة بشكل عام. وهم مرتاحين
طبعا دربتهم ان يكونوا صحراوين يتحملوا كل ظروف الحياة
اليكم اسماء الاولاد:
مأب محمد النو صف رابع
علي صف ثالث
مصطفى روضة
عمرو الاصغر
اتمنى من الاخوة يتعرفوا بهم ويعطوهم كلمات عن البلدونصائح.

الف حمد لله على سلامة وصول اسرتك الصغيرة اخي العزيز ود النو الى ربوع الحباك الغالية ونتمنى ان يقضوا اجازة سعيدة وسط الاهل ويستمتعوا بجمال وخضرة البلد وفي حضن الاسرة الكبيرة مع خالص تحياتي واشواقي لك ولكل الاخوان بالسلطنة

الله يحفظهم يا ود النو فى حلّهم وترحالهم ويا بختهم

نسأل الله لهم طيب الإقامة وأن يكلأهم بعين رعايتة آمين يا رب

اميييييييين يا ول نويه بس محتاجين دعواتكم للتسهيل والتيسير

حمدله على سلامتهم يا ود النو ومنورين الحباك واتمنى لهم اقامه سعيده وطبعا انا عندما ارجع ابوجبيهه بكلم عم النو خلى يوديهم دبة برمه ويسرحو بالغنم هناك كم يوم عشان يبقو صحراوين بحق تحياتى

الحمدلله بالسلامة محمد اخوي

حمدالله على سلامتهم وربنا يسعدهم وسط الاهل وعقبالنا انا والدكتوره اخيتى قولو امين

نتمني لهم اقامة طيبة بين الاهل ...
بس الجماعة اقرعوهم من الخور ...

ياغريق الاولاد فتحوا عينهم في القش والشدر والجناين خضراء قالوا الحديقة دي حقت منو
ياول نويةالخور مليان بجو ماشين دايرين ادخلوا متعلمين على البحر بوديهم اعوموفيهاالا الجماعة سارحين بيهم ديل عيال طرش ساكت ياغريق بسرحو ا بيهم .
ياغريق ديل بسرحوا ماعندهم شغلة بعتبروها رحلة واي حاجة ترفيهية .شافوا الحاجة تحلب في البقر الشاليهو كورة والشال حلة والشال جك وعنو البقر اي واحد داير يحلب شوف العيال المكرطشين ديل
هوياغريق دبة برمة فيها المرافعين ياخوي دايرة ليها زول كبير.