ملخص مبارة الهلال 3-1 لمضيفة كابس يونايتد بهراري

مجهود مقدر يا أمين المنتدى

سلام الهلال السوداني

محمد الحسن سالم حميد

**********************

الليلة دا يوم السودان

البلد الليلة هلالابى

النيل الأزرق نشوان

والأبيض أبيض ياأحبابى

يامشرّف كل الأتيام

فى يوم السعد الافريقى

يا مفرّح كبدالأيتام

باللعب البعد الموسيقى

يا هلال فى جبيرةسودانك

فى جبين الشعب الحبّوب

أبشر لاباشر وأقوانك

ياعريس ا لسمر المحبوب

تعجبنى الرمية الزنجية

لى رأس الحربة النوبية

بى خفة لمسة بجاوية

تتسامى الهامة العربية

وتتناول نسمةصعيديّة

تسكن بى كلّ أريحيّة

ما بين الخصل البنيّة

وزغريدةتبقي سودانية

لى أروع دخلة على النية

لى أروع دخلةهلالية

البحر الليلة هلالابى

المطر..

الحجر..

الترّابى

الشدر الشايل متكابى

الساقى عروقو الحطّابى

الشوقو عنقريب هبّابى

الشاقّى مروقوهلالابى

الوسّار ذوقوهلالابى

القمر البيتو قصاد بابى

حبيتو لانو هلالابى

وين تمشى الراضى على المابى

بالشمش الفوقوهلالابى

يا ..تيم يا الكورة وكت تبقى

أخلاق موروثة مع الخلقة

الغالب حاضنو المغلوب بمودة

وحنية ورقة

وجمهور بيشجع مصحوب

بالنغم الطيب والصفقة

الله ياشعب ياحبوب

ما أحلى الدخلة على المرقة

يا فريق بيطلع كم فرقة

يامارق بينا من الزنقة

وحدتا شعبنا من الفرقة

جددنا عشان نبقى وتبقى

ياريت الطالقة المنطلقة

وعلى بعض طلقة

ياريت يا أبونا يا ابو الحرقة

لو تقرابياضك والزرقة

لم تكتبوا لنا عن مباراة المريخ يا فيصل

صباح الخير ابو د.نوال

لم اشاهد مباراة المريخ و لكن حسب ما عرفت من د.قونى انها اسوأ مباراة

فى تاريخ المريخ و اكد لى هذا بعض مريخاب امتداد ناصر فى الحله.

حتى مباراة الهلال لم اشاهدها و لكن سوف تبث المباراتان يوم الجمعة القادم

على القناة السودانيه فى برنامج عالم الرياضة.

شكرا

مبروك للاهله النصر الكبير

ول ابا نويه ما جا بجاى مالو الليلة يا احسان

مبروك للهلال والسودان عموما و ربنا يديم علينا الانتصارات فى الداخل والخارج وحننتقم للمريخز
((( واحد من بنى أحمر اشترى خروف وقال حيضبحو اول ما المريخ يجب بطولة خارجية واحد ازرق عاين للخروف وقال ليهو بختك عمرك طويل)))

الله ياشعب ياحبوب

ما أحلى الدخلة على المرقة

يا فريق بيطلع كم فرقة

يامارق بينا من الزنقة

هوييييييييا جماعة ..كدى قولو بسم الله
انتو يا دوب فى دورى التمانية مجموعات....حلك لامن تدخلو دورى الاربعة..وتصلو الفاينال....والله العظيم مشتهين ليكم أحتفالات ساكت لكن المشوار لسع طويل..
اهااااااااااا كان قلتو كدى ومرقتو من دور التمانية...القصيد والشعر الكتير دا تودوه وين يا فيصل؟؟؟
يا جماعة تارخيكم ما مشرف والكاس دا مرتين وصلوكم النهائى بتاعه ما شلتوه...أول مرة (أبزرد) وصل نهايته..كف قام بيه...
قايتو مصيبتكم انه اى نتيجه تصلو ليها..(ابزرد) وصل ليها
ولانه تاريخكم ما مشرف نحن حامدين الله وخاتين فى (دولابنا) بطيخة صيفى..ألى ان يحصل العكس وتجيبو الكاس

أهههههها.. آخر خبر الفيفا أمر باعادة انتخابات الاتحاد او التجميد خارجيا...والوزير دا شكلو ما بعيد الانتخابات...ويبقى(لامن عرس اليتيم قرب..القمرا قامت خنقت)
يا القمرا...يا القمرا
ما تخنقى لينا يا السمرا
هلالنا جارى كاسو ورا
ويا هلالاب ..
الكاس طفشنا...
طفشنا
وطفشنا.......آخر قصيدة للناطق الرسمى باسم الاتحاد العام

الله يكضب الشينه حاج ماجد انا بعرفو كويس زول عنيد وما اظنو ينصاع لتهديدات الفيفا ومعنى كده ان الشقلانه بتاعت الهلال دى بقت فى خبر كان