ديه حركة بشارة وعلي يس ياعبدالله

بلغ الابن عبدالله من العمر سنة كاملة فقد ولد في يوم 3/7/2008م وهو في بدايات المشي احضرت له كورة عسي ولعل ان يصبح لاعب كورة ماهر زي رونالدينو او كاكا ويجيب لينا الدولارات طبعا زي مابيقولوايا كفر او وترالمهم عبدالله بيشوت الكورة كويس وبدات عليه علامات موهبة لاعب كورة كبير قولوا ماشاءالله وتطور وبدا يعمل حركات وقبل يومين حاول يقف علي الكورة فسقط علي الارض وقلت ليهو ياولدي هذه الحركة للاعبين في السودان هم بشلرة لاعب المريخ وعلي يس لاعب اهلي ابوجبيهه يعني كتيرة عليك
رحم الله علي يس فقد كان لاعب كورة ماهر وهو لاعب وسط ميدان لمن يشتد اللعب يقف علي يس علي الورة للحظات ويلتفت يمنة ويسرة ويباصي الكورة

أخوي حيدر خليل متعك الله بالصحة والعافية وبارك لك في عبدالله ونسأل الله أن يعطيه طول العمر وصلاح العمل وأن يجعله ممن يدعو لوالديه وكذلك نتمنى له مستقبل كروي مشرف ( بس ما يكون زي ابوه ) لان أبوهو حظوا كج في اي حاجة وبراك عارف بس إنت أبعد منو وأكيد بيكون كويس
وبالمناسبة أخونا الفاضل والمتميز فيصل خليل تطرق لشئ طريف جدا الا وهو القاسمو ليك الله بتلقاهو
يا جماعه مناسبة الكلام ده مرة مباراة مسخنة بين فريقي الأهلي والأمير بأبي جبيهة وكان أخونا الفاتح ناصر يلعب مدافع للأهلي وكان مشهور بالعنف غير القانوني والكدارة الله يحميك منها وكراعو ناشفة ففي هذه المباراة إحتك مع أخونا محجوب الطاهر منقة ( الشهير بتش ) ووقع أرضا وطبعا الناس برة كوركت فما كان من أخونا الفاتح الا أن قام وتنفض من التراب وما قال اي حاجة هنا أخونا محجوب شعر بخطورة الموقف فقام إعتذر خوفا من الراجيهو ولكن كان رد الأخ الفاتح( ألعب لعبك يازول والقاسموا ليك الله بتلقاهو )مما عجل بخروج الأخ تش من المباراة حوفا على قسمتو

أخوي حيدر خليل متعك الله بالصحة والعافية وبارك لك في عبدالله ونسأل الله أن يعطيه طول العمر وصلاح العمل وأن يجعله ممن يدعو لوالديه وكذلك نتمنى له مستقبل كروي مشرف ( بس ما يكون زي ابوه ) لان أبوهو حظوا كج في اي حاجة وبراك عارف بس إنت أبعد منو وأكيد بيكون كويس
وبالمناسبة أخونا الفاضل والمتميز فيصل خليل تطرق لشئ طريف جدا الا وهو القاسمو ليك الله بتلقاهو
يا جماعه مناسبة الكلام ده مرة مباراة مسخنة بين فريقي الأهلي والأمير بأبي جبيهة وكان أخونا الفاتح ناصر يلعب مدافع للأهلي وكان مشهور بالعنف غير القانوني والكدارة الله يحميك منها وكراعو ناشفة ففي هذه المباراة إحتك مع أخونا محجوب الطاهر منقة ( الشهير بتش ) ووقع أرضا وطبعا الناس برة كوركت فما كان من أخونا الفاتح الا أن قام وتنفض من التراب وما قال اي حاجة هنا أخونا محجوب شعر بخطورة الموقف فقام إعتذر خوفا من الراجيهو ولكن كان رد الأخ الفاتح( ألعب لعبك يازول والقاسموا ليك الله بتلقاهو )مما عجل بخروج الأخ تش من المباراة حوفا على قسمتو

اخي سيف لك التحيه كلها والله يسامحك يعني في داعي تذكرنا بحظنا الحلو واعترف لك بانك كنت من اميز اللاعبين بمدينة ابوجبيهه وطبعا انت واخونا حامد حظكم حلو لانكم لعبتم في هلال السودان
اللعب مع الفاتح ناصر والمرحوم عباس حماد البيتي فيه كثير من المخاطر لانو الواحد فيهم بيشوت الكورة ومعاها شلوت من النوع ابوكديس
اذكر انو كان عندنا تمرين في الساحة مابين المدرسة المتوسطة ومكتب الامن الحالي وقتها كانت استراحة وهو ميدان فيه حصي كتيرة والكورة كانت مع اخونا عباس حماد وهو تقريبا منفرد الحارس وما كان من الاخ الفاتح ناصر الي ان يعرقل عباس من الخلف فسقط عباس في ذلك الحصي وطبعا عباس كان صعب فقام وتوجه نحوالفاتح ناصر ونحن نترقب الموقف واذا بالاخ عباس يوجه لكمه قويه للاخ الفاتح ناصر انتهي التمرين علي اثرها وياحليل ايام زمان

صدقنى يا سيف بعد كل هذا الزمن العبيد ، وبعد الشقه والمسافة ، زيادة على أنى لم أتعامل مع الكرة لعبا أبدا، إلا أننى وجدت نفسى خائفا من قسمة الفاتح المرتقبة ، دى قسمه ولا كسر رجل .