الاستاذ عوض السيد وأم جنقر وملاح الكمبو

اعتزر يا اخوتي على الغياب الطويل ودي حال الدنيا . هذه قصة ليست من نسج الخيال بل هي قصة حقيقية مسرحها مدينة ام درمان الحارة 75 حيث زارنا الاخ عوض السيد ابرهيم القادم من دول الاغتراب كما يحلو للبعض وحضر معنا افطار رمضان وكنا قد قمنا باعداد اعظم وجبة من تراثيات اجدادنا الا وهي عصيدة (لتك) بملاح (كمبو) عايم في بحر زيت عصارة (ولد) وكورة أم قعركبيييييرة مليانة (ام جنقر)
والله عندما اعددنا هذه الوجبة كنت خايف يكون الولد جاي جديد (لنج) وبطنه لينه ما مولفة على الاكل الخشن دا. قلت كمان يمشي يقع لينا ساي ويمل لينا مصيبة وكمان الحمد لله كانت السيارة جاهزة للإسعاف وجهزنا حالنا للطوارئ . لكن جرت الأحداث عكس المتوقع حيث اجهش المغترب على ام جنقر كأنه (بقر واردات من المبيت) دي بفهموها الرواعية بس .وجلست انا اتابع الحكاية من على البعد لكن والله ماشاء الله على الاستاذ طلع لسه محافظ والبطن زي ما بقولوا بطرانة (مصفحة) يعني .
وبعد الانتهاء من الوجبة الهنية طالبني الاخ عوض السيد بان ادعو كل من لم يتمكن من الحضور معنا في تلك الامسية ودعوة خاصة كمان للأخت احسان.
وجبة هنية يا سادة (ام جنقر وعصيدة بملاح كمبو) والقادم أحلى

حاضر يا ول عمتي انشاء الله اكون مداوم معكم في المستقبل بس عوض السيد اليومين دي مشغول مع البناء وكدا الظاهر صاحبك خلاص قرر يرجع البلد . بس بقريكم السلام

وبعد الانتهاء من الوجبة الهنية طالبني الاخ عوض السيد بان ادعو كل من لم يتمكن من الحضور معنا في تلك الامسية ودعوة خاصة كمان للأخت احسان.
وجبة هنية يا سادة (ام جنقر وعصيدة بملاح كمبو) والقادم أحلى

اولاً حمداً لله علي السلامة
ورمضانك كريم اخوي
وان شاء الله كلكم طيبين
نجي للفطور المدنكل غايتو الساعة الآن9:22 صباحاً وكان المفتي قال في اعاده الاعاده عليك وعلي اخوي عوض السيد
سلامي ليكم الاثنين

الله يقبل حمدكم اخي الفاتح واختي احسان ورمضان كريم وتصوموا وتفطروا على خير شرط يكون (ملاح مرس) على قول الاخ الفاتح.
نرجع للاستاذ ، ما تخاف عليهو يا الفاتح صاحبك الظاهر عليهو عمل ليهو ترينق (تدريب ) قبل ينزل السودان يعني بصراحة كدا ما عليهو خوف.
الخوف على ول عمتي (ول نوية) داك لو ضوقتو حاجاتك دي الله يستر ساي.
ونقول للاخت احسان اقول ليك تحياتي ليك بقدر جمال الوجبة المدنكلة دي بس يا ستي كمان ما تحملينا الاعادة كمان هههههههههه
عموما عوض السيد ما فاضي اليومين دي لكن حينزل بالتقيل

والله تعرف الليله أنا جاى فاطر مع عبد العال أخوى لكن كان فيها ام جنقر بجيكم تب.
أمبارح بالليل جينا حلّتكم يا محمد وما غشيناكم انا وبدر الدين أخوى لأن الوقت كان متأخر.
أشكرك حبيبى على هذا البوست.

البيت بيتك يا استاذ بس عيب عليك تجي حينا وما تصلنا. بعدا الا نعمل لينا نقطة تفتيش برة عشان ترصدكم